মন্ত্রীমন্দল

করিগুম্বা মখল অমত্তগী লাইসেন্স ফী লৌবা তৌদনা পব্লিক দেতা ওফিসশিংগী থোংদা পব্লিক ৱাই-ফাই সর্বিস ফংহন্নবগীদমক পুখৎলকপা ৱাফমদা মন্ত্রীমন্দলনা অয়াবা পীখ্রে

Posted On: 09 DEC 2020 3:47PM by PIB Imphal

প্রধান মন্ত্রীনা ময়াই তাংবল কেন্দ্রগী মন্ত্রীমন্দলনা তেলিকোম দিপার্তমেন্তপু লৈবাক শিনবা থুংনা পব্লিক দেতা ওফিস (পি.দি.ও.)শিংগী থোংদা পব্লিক ৱাই-ফাই সর্বিস ফংহন্নবগীদমক্তা নেতৱর্ক শেম-শানবগীদমক পুখৎলকপা ৱাফমদা অয়াবা পীখ্রে। অসিগুম্বা ৱাই-ফাই অমসুং ব্রোদবেন্দ সর্বিসশিংগীদমক্তা মখল অমত্তগী লাইসেন্স ফী লোরোই।
মসিদগী লৈবাক শিনবা থুংনা পব্লিক ৱাই-ফাইগী নেৎৱর্ক শেম-শাবদা মতেং ফংলগনি অমসুং মসিনা মীয়ামগীদমক থবক অমসুং ইনকম ফংনবগী পাম্বৈ ওইরগনি।
মরুওইবশিং:
পব্লিক ৱাই-ফাই নেৎৱর্ক ইন্তর্ফেস অসি পি.এম. ৱানী হায়না খঙনগনি। পি.এম. ৱানী ইকোসিস্তেম অসি মখাদা পীরিবা তোঙান তোঙানবা প্লেয়রশিংনা চলাইগনিঃ
•    পব্লিক দেতা ওফিস (পি.দি.ও.): মসিনা শুপ্নগী ৱানীগী মখাদা লাক্কদবা ৱাই-ফাই সর্বিসকী মফমশিং লিংখৎপা, শেমজিন-শাজিনবা অমসুং চলাইবা থবক তৌগনি অমসুং সব্স্ক্রাইবরশিংদা ব্রোদবেন্দ ফংহনগনি।
•    পব্লিক দেতা ওফিস এগ্রিগেতর (পি.দি.ও.এ.): মসি পি.দি.ও.শিংগী এগ্রিগেতর অমা ওইগনি অমসুং ওথোরাইজেসন অমসুং একাউন্তিংগা মরী লৈনবা থবক-থৌরমশিং পাংথোক্কনি।
•    এপ প্রোভাইদরঃ মসিনা রেজিস্তর য়ুজরশিংগীদমক্তা মোবাইল এপ শেমগনি অমসুং মনাক নকপা মফমশিংদা ৱাই-ফাই হোৎস্পোৎশিং ওইবা মফম খঙদোক্কনি অমসুং ইন্তর্নেৎ সর্বিস শিজিন্নবা য়ানবা মদু এপতা উৎকনি।
•    সেন্ত্রেল রেজিস্ত্রীঃ মসিনা এপ প্রোভাইদরশিং, পি.দি.ও.এ.শিং অমসুং পি.দি.ও.শিংগী ৱারোলশিং থমগনি। হৌরকপদা সেন্ত্রেল রেজিস্ত্রীগী অসি তেলিকোম দিপার্তমেন্তনা শেন্নগনি।
Objectives
পান্দম
পি.দি.ও., পি.দি.ও.এ. অমসুং এপ প্রোভাইদরশিংনা মসিগীদমক্তা রেজিস্ত্রেসন তৌবগী মথৌ তাদে মখোয় মশানা রেজিস্ত্রেসন ফী অমত্তা থিদনা তিলিকোম দিপার্তমেন্তকী ওনলাই রেজিস্ত্রেসন পোর্তেল (সরলসংচার;https://saralsanchar.gov.in)গী থোংদা রেজিস্তার তৌজগনি। রেজিস্ত্রেসন অদু এপ্লিকেসন পীশিল্লবা নুমিৎ ৭নিগী মনুংদা তৌগনি।
মসি বিজিনেসকীদমক্তা য়াম্না খুদোংচাবা ওইগনি মরুওইনা কোবিদকী লাইচৎনা মরম ওইদুনা লৈবাক অপুনবা অসিদা মশিং য়াম্না হেনগৎলক্লিবা সব্স্ক্রাইবরশিংগীদমক্তা লোইননা ৪জি মোবাইল কভরেজ ফংদবা মফমদা খোংজেল য়াংবা ব্রোদবেন্দ ইন্তর্নেৎ (দেতা)গী তঙাইফদবা লৈরিবা মতম অসিদা হেন্না খুদোংচাহল্লগনি। মসি পব্লিক ৱাই-ফাই থম্লবতদা ওইথোকপা ঙমগনি।
মসিদা নত্তনা, পব্লিক ৱাই-ফাই শন্দোকপা অসিনা শুপ্নগী থবক পীবতা নত্তনা অপীকপা অমসুং ময়াই ওইবা ওন্ত্রপ্রিনরশিংগী মখুত্তা চাদিং তৌনবগীদমক শেল য়াম্না তুংশিনবসু ঙম্লগনি অমসুং লৈবাক্কী জি.দি.পি.সু হেনগৎহল্লগনি।
পব্লিক ৱাই-ফাইগী থোংদা ব্রোদবেন্দ সর্বিস শন্দোকপা অসি দিজিতেল ইন্দিয়াগী মায়কৈদা থাংজিনবা অতোপ্পা খোংথাং অমনি।
পব্লিক ৱাই-ফাই হোৎপোৎস শিজিন্নবদা ব্রোদবেন্দ ইন্তর্নেৎ সর্বিসশিং ফংহনবগীদমক লাইসেন্স ফী লৌদবা অসিনা লৈবাক অপুনবদা থৌনা হাপ্লগনি। ব্রোদবেন্দ শিজিন্নবা ফংহনবা অসিনা ইনকম, থবক ফংবা, পুন্সিগী মগুন, ইজ ওফ দোইং বিজিনেস অসিনচিংবা হেনগৎহল্লগনি।


*****



(Release ID: 1679878) Visitor Counter : 235