এম.এস.এম.ই.শিংদা পেমেন্ত থীবগী ফিভম অদু শেল-থুমগী কেন্দ্রগী মন্ত্রী শ্রীমতি নির্মলা সিথারমননা য়েংশিনখ্রে অমসুং এম.এস.এম.ই. মন্ত্রালয় অসিনা পাংথোক্লিবা অফবা থবক অসিদা অপেনবা নুংঙাইবা ফোংদোকখ্রে৷ ভারতকী প্রধান মন্ত্রীগী ভিজনগী শরুক অমা ওইনা ২০২০গী মে থাদা শেল-থুমগী মন্ত্রী অসিনা অত্ম নির্ভর ভারত পেকেজ লাওথোকখ্রে অমসুং এম.এস.এম.ই. দ্যুশিং অদু নুমিৎ ৪৫নিগী মনুং অসিদা পীথোক্কদবনি হায়না ফোংদোকখ্রে৷

২০২০গী মে থাদগী হৌদুনা হায়রিবা দ্যুশিং অসি পীখৎলক্নবা ভারত সরকারনা মরু ওইনা এম.এস.এম.ই. মন্ত্রালয়না চাং নাইনা ইনগদবা অমসুং কন্সর্তেদ ইফর্তশিং শেমখ্রে৷ এম.এস.এম.ই.শিংদা দ্যুশিং পীখৎলক্নবগীদমক সেন্ত্রেল পব্লিক সেক্তর এন্তরপ্রাইজেস(সি.পি.এস.ই.শিং) অমসুং কেন্দ্র সরকারগী এজেন্সীশিং অসিদা অখন্নবা মীয়েং থমখ্রে৷ মসিনা মরম ওইরগা এম.এস.এম.ই. দ্যুগী লুপা কোতি ২১০০০ হেনবা শেনফম ২০২০গী মে থাদগী হৌদুনা থা ৭ অসিদা কেন্দ্র সরকারগী এজেন্সীশিং অমসুং সি.পি.এস.ই.শিং অসিনা থীরকখ্রে৷ ওক্তোবর থাদা লুপা কোতি ৪১০০ হেন্না পেমেন্ত তৌদুনা অমসুং লুপা কোতি ৫১০০ হেন্না প্রোক্যোর্মেন্ত তৌদুনা প্রোক্যোর্মেন্তগী খ্বাইদগী ৱাংবা লেভেল অদু য়ৌবা ঙমখি৷ ২০২০গী নবেম্বর থাগী অহানবা নুমিৎ ১০নি অসিদা লুপা কোতি ৪০০০রোমগী পেমেন্ত তৌরকখিবা অমসুং লুপা কোতি ৪৭০০রোমগী শেনফম প্রোক্যোর্মেন্ত তৌরকখি হায়না ফংলিবা রিপোর্তকী মতুং ইন্না মসিগী পর্ফোমেন্স অসি হেল্লগনি হায়না থাজনরি৷  মখাগী তেবল অসিনা হিরম অসিগী মতাংদা অকুপ্পা মরোল পীরি:

এম.এস.এম.ই. দ্যুশিং শেংদোকপগা মরী লৈননা শিজিন্নরিবা ইফর্তশিং অসিগী মনুং চনখিবশিং অদুদি সরকারগী মন্ত্রালয়শিংদা অমসুং সি.পি.এস.ই.শিং অসিদা এম.এস.এম.ই.গী সেক্রেতরী অসিনা ইখিবা চিথী কয়ামরোম অমসুং পর্সোনেল ৱারি শান্নখিবশিং অসিনি৷ এম.এস.এম.ই. মন্ত্রালয়গী ইফর্ত অসিদা সি.পি.এস.ই.শিং অমসুং সরকারগী এজেন্সীশিং অসিদা চিথীশিং ইখিবা কেবিনেত সেক্রেতরী অমসুং পি.এম.ও.দগী য়াম্না কনবা সপোর্ত ফংখি৷ থা খুদিংগী অরোইবা শরুক্তা অপুনবা ত্রান্সেক্সনশিং, অপুনবা পেমেন্ত অমসুং পেন্দিং লৈরিবা দ্যুশিং অদুগী অকুপ্পা মরোলশিং অদু পীখৎলক্নবা সি.পি.এস.ই.শিং অমসুং ভারত সরকারগী মন্ত্রালয়শিং অসিগীদমক মন্ত্রালয় অসিনা ওনলাইন রিপোর্তিং সিস্তেম অমা শেমখ্রে৷

থা তরেৎকী রিপোর্ত(২০২০গী মে-নবেম্বর) অসিনা উৎলে মদুদি:-

● কেন্দ্র সরকারগী এজেন্সীশিং অমসুং সি.পি.এস.ই.শিংনা এম.এস.এম.ই.শিং অসিদগী লৌখৎলিবা প্রোক্যোর্মেন্ত অদু হেঙ্গৎলক্লে অমসুং ২০২০গী মে থাদগী হৌদুনা শরুক ২.৫ য়ৌনা ৱাংখৎখ্রে;

● এম.এস.এম.ই.শিং অসিদা থীরিবা পেমেন্তশিং অসিসু চান্নবা মওং অমদা ৱাংখৎলে;

● প্রোক্যোর্মেন্ত ভেল্যুগী পর্সেন্তেজ অসিগা য়েংনবদা পেমেন্তগী পেন্দেন্সী অসি হাইথরকখ্রে;

● ওক্তোবর থাগী রিপোর্ত অসিনা মে থাদগী হৌদুনা খ্বাইদগী য়াম্বা ত্রান্সেক্সনশিং উৎখ্রে;

● অদুমওইনমক দিসেম্বরদা লাকপা রিপোর্তশিং অসিগী মতুং ইন্না নুমিৎ ১০নিগী রিপোর্ত অসিগী মতুং ইন্না নবেম্বর থাদা হেন্না ফবা ত্রেন্দ উৎলি৷

ভারত সরকারগী মন্ত্রালয়শিং, দিপার্তমেন্তশিং অমসুং সি.পি.এস.ই.শিং অসিনা এম.এস.এম.ই.শিং অসিদা সপোর্ত পীবিরিবা অসিগীদমক এম.এস.এম.ই. মন্ত্রালয় অসিনা থাগৎখ্রে৷ মসিগী সপোর্ত অসি মরু ওইনা সেপ্তেম্বর অমসুং ওক্তোবর থাদনা হেন্না মরু ওইখি৷ অসিগুম্বা কেস ফ্লো অসিনা মরম ওইরগা এম.এস.এম.ই.শিং অসিনা ফেস্তিবেলগী মতমদা গুদস অমসুং সর্ভিসশিং পুথোকপা ঙম্লিবনি৷ ফেস্তিবেল সিজনগী মতমদা এম.এস.এম.ই.শিং অসিবু মতেং পাংবিনবা এম.এস.এম.ই. মন্ত্রালয় অসিনা কোর্পোরেত সেক্তর অসিদা হায়জখ্রে৷ অসিগুম্বা ফেস্তিবেলগী মতম অসিদা তালহৌবা শেল অদুনা এম.এস.এম.ই. কয়ামরোম চহী অসি শিনবা থুংনা চলাইগদৌরিবনি৷ মসিগী সপোর্ত অসিনা মমাংগী হৌখিবা চহীশিং অসিদগী হেন্না ফবা করবার তৌবা ঙম্নবা এম.এস.এম.ই. কয়ামরোম অমসুং ভিলেজ ইন্দস্ত্রীশিংদসু মতেং পাংখ্রে৷  

*****