পি.এম.না ঙসি উত্তর প্রদেশকী আগ্রাদা আগ্রা মেত্রো প্রোজেক্তকী শেমগৎ-শাগৎপগী থবক-থৌরম ভিদিও কনফরেন্সকী থোংদা হৌদোকখ্রে। থৌরম অদুদা হাউসিং অমসুং অর্বান এফিয়র্স মন্ত্রী, শ্রী হরদীপ সিংহ পুরী, উত্তর প্রদেশকী মুখ্য মন্ত্রী, শ্রী য়োগী অদিত্যনাথ অমসুং অতৈ শক্নাইরবশিংনা শরুক য়াখি।

থৌরম অদুদা ৱা ঙাংলদুনা, প্রধান মন্ত্রীনা পনখি মদুদি লৈবাক্কী ইনফ্রাস্ত্রকচরগী খ্বাইদগী চাউবা সমস্যাশিংগীদমক্তা অনৌবা প্রোজেক্তশিংদি অসি লাওথোক্লি, অদুবু মসিগী শেনফম কদাইদগী লাক্কনি হায়বদুদি কনানসু খন্নদে। মহাক্না হায়খি মদুদি মহাক্কী সরকারনা অনৌবা প্রোজেক্তশিং অসি হৌদ্রিঙৈগী মমাংদা মসিগী মথৌ তাবা ফন্দ থৌরাং তৌনবা হোৎনৈ।

প্রধান মন্ত্রীনা হায়খি মদুদি নেস্নেল ইনফ্রাস্ত্রকচর পাইপলাইন প্রোজেক্তকী মখাদা লুপা করোর লাখ ১০০দগী হেনবা শেনফম চাদিং তৌগনি। মসিদা নত্তনা, মল্তি-মোদেল কনেক্তিবিতী ইনফ্রাস্ত্রকচর মাস্তর প্লানদসু থৌবক পায়খৎলি। মহাক্না হায়খি মদুদি লৈবাক্কী ইনফ্রাস্ত্রকচরদা ফগৎলক্নবগীদমক্তা মালেম অপুনবদগী ইনভেস্তমেন্ততা পুক্নীং চিংশিন্নবা হোৎনরি।

প্রধান মন্ত্রীনা তুরিজম অসি, মসিদা পুম্নমক্কীদমক্তা ইনকম লাক্নবগী পাম্বৈ অমা ওইহন্নবা লম অমনি হায়না ফোংদোকখি। মহাক্না হায়খি মদুদি সরকারনা শুপ্নগী ই-বিজা স্কিমগী মখাদা য়াওবা লৈবাকশিংগী মশিং হেনগৎহনবতা নত্তনা হোতেলগী কাগী মমলদা লৌবা তেক্সতসু য়াম্না হন্থহল্লে। মহাক্না হায়খি মদুদি স্বদেশ দর্শন অমসুং প্রসাদকুম্বা স্কিমশিংগী থোংদা লমকোইবশিংগী পুক্নীং চিংশিন্নবসু হোৎনরি। সরকারনা হোৎনরিবশিং অসিগী মরমদগী ভারত হৌজিক ত্রাবেল অমসুং তুরিজম কম্পিতিতিবনেস ইন্দেক্সতা ৩৪শুবা মশিংদা লৈরে। কুমজা ২০১৩দা, ভারত ৬৫শুবা মশিংদা লৈখি। মহাক্না থাজবা ফোংদোকখি মদুদি কোরোনাগী ফিভম অসিদা লেপ্তনা ফগৎলকপদগী য়াম্না থুনা তুরিজমগী লমদা পুক্নীং চিংশিনবসু হৌরক্লগনি।

প্রধান মন্ত্রীনা হায়খি মদুদি হৌজিক রিফোর্মশিং অসি মচেৎ-মচেৎতা তৌবগী মহুত্তা মপুং ফানা পায়খৎলে। মহাক্না হায়খি মদুদি শহরশিংগী চাউখৎ-থৌরাং হৌজিক ৪ লেভেল-রিজোলুসন ওফ লোং স্তেন্দিং প্রোব্লেম্স, ইজ ওফ লিবিং, মেক্সিমম ইনভেস্তমেন্ত, মোদর্ন তেক্নোলোজী য়াম্না শিজিন্নবদা থবক পায়খৎলি।

প্রধান মন্ত্রীনা হায়খি মদুদি বিল্দরশিং অমসুং য়ুম লৈরিবশিংগী মরক্তা থাজবা য়াম্না ৱাৎনরম্মি। মহাক্না হায়খি মদুদি অরানবা ৱাখল খনবা মীওই খরনা রিএল ইস্তেৎ অপুনবা অসি মিংচৎ থিহল্লি অমসুং ঐখোয়গী ময়াই ওইবা থাক্কী কাংলুপশিংনা অৱাবা ওইরি। মহাক্না হায়খি মদুদি রেরাগী কাংলোন অসি সমস্যা অসিগী পাম্বৈ পুথোক্নবা হৌদোকখিবনি। মহাক্না হায়খি মদুদি অনৌবা রিপোর্ত খরদগী খঙবা ঙমলে মদুদি কাংলোন অসিগী মতুংদগী ময়াই ওইবা কাংলুপকী য়ুম শাবা য়াম্না থুনা লোইশিনবা হৌরে। মহাক্না হায়খি মদুদি অনৌবা পব্লিক ত্রান্সপোর্ত্তগী হৌরগা হাউসিং ফাওবা অপুনবা চাউখৎ-থৌরাং অসি শহরশিংদা লৈরিবা পুন্সিবু লাইথোকহন্নবগীদমক পায়খৎলি।

প্রধান মন্ত্রীনা হায়খি মদুদি প্রধান মন্ত্রী অৱাস য়োজনা অসি আগ্রাদগী হৌদোকখিবনি। স্কিম অসিগী মখাদা শহরগী লাইরবশিংগীদমক্তা করোর ১রোমদগী হেন্না য়ুম শাবগী অয়াবা পীখি। শাহরগী ময়াই ওইবা কাংলুপকীদমক্তা অহানবা ওইনা লৈননবগীদমক্তা মতেং পীরি। মহাকনা হায়খি মদুদি হৌজিক ফাওবদা শহরগী ময়াই ওইবা থাক্কী ইমুং লাখ ১২ হেনবদা লৈননবগীদমক চাউরাক্না লুপা করোর ২৮০০০গী শেনফমগী তেংবাং পীখ্রে। মহাক্না হায়খি মদুদি অমরুত/অমৃত মিশনগী মখাদা শহর কয়াদা ঈশিং অমসুং সীবরগুম্বা ইনফ্রাস্ত্রকচর অপগ্রেদ তৌরি অমসুং শহরশিংদা পব্লিক তোইলেৎশিং হেন্না ফহন্নবগীদমক্তা লোইননা ৱেস্ত মেনেজমেন্তকী মোদর্ন সিস্তেমগী থবক হৌননবা মতেং পীরি।

প্রধান মন্ত্রীনা হায়খি মদুদি ২০১৪গী মতুংদা মেত্রো লাইন কিলোমীতর ৪৫০ মথৌ তৌখ্রে, মদুগী মমাংদা শুপ্নগী কিলোমীতর ২২৫ খক্তমক মথৌ তৌরম্বনি। মহাক্না মসিসু হায়খি মদুদি কিলোমীতর ১০০০ শাংবা মেত্রো লাইনগী থবক খোংজেল য়াংনা পায়খৎলি। থবক অসি লৈবাক অসিগী শহর ২৭তা পায়খৎলি।

আগ্রা মেত্রো প্রোজেক্ততা কিলোমীতর ২৯.৪ শাংবা কোরিদোর ২ য়াওরি, মদুনা তাজমহল, আগ্রা ফোর্ত, সিকন্দরাগুম্বা মরুওইবা তুরিস্ত এত্রেক্সন মফমশিংগা রেলৱে স্তেসন অমসুং বস স্তেন্দশিংগা শম্নহল্লি। প্রোজেক্ত অসিদগী আগ্রা শহরগী মী মশিং লাখ ২৬তা কান্নবা ফংহল্লগনি অমসুং চহি খুদিংগী আগ্রাদা লাকপা লাখ ৬০দগী হেনবা লমকোইবশিংগী মথৌ তাবশিংসু মপুং ফাহল্লগনি। মসিদগী পুৱারী ওইরবা আগ্রাগী শহরদা ইনভাইরনমেন্ত-ফ্রেন্দলী মাস রেপিদ ত্রাঞ্জিৎ সিস্তেম ফংহল্লগনি। প্রোজেক্ত অসিগী চংগদবা শেনফম লুপা করোর ৮,৩৭৯.৬২নি, মসি চহি ৫গী মনুংদা লোইশিনগনি।

মমাংদা, মার্চ ৮, ২০১৯দা প্রধান মন্ত্রীনা ‘সি.সি.এস. এয়রপোর্ত্তগী মুনশিপুলিয়া ফাওবা’ কি.মি. ২৩ শাংবা নোর্থ-সাউথ কোরিদোরদা লখনৌ মেত্রোগী কমর্সিএল ওপরেসনশিং হৌদোকপগা লোইননা আগরা মেত্রো প্রোজেক্তসু শঙ্গাখি।

*****