শেলথুমগী মচাকশিং শীজিন্নবদা কোবিদ-১৯ লাইচৎনা পীরিবা শিংনবা অসিগী য়েংলগা ভারত লৈঙাক্না তোঙান তোঙানবা থৌরাংশিংগী খুত্থাঙদা স্তেতশিংগী মপাঙ্গল কনখৎহল্লে‍। মসিদা ইং ২০২০-২১দা গ্রোস স্তেত দোমেস্তিক প্রদক্ত (জি.এস.দি.পি.)গী চাদা ২গী অহেনবা শেন্ফম পুবা য়াবগী অয়াবা পীবা য়াওরি‍। মসিনা স্তেতশিংদা লাইচৎ অসি থেংননবা অমদি মীয়ামদা সর্ভিস পীবগী মতিং চাং কায়দনা থম্নবা অহেনবা শেলথুমগী মচাকশিং শীজিন্নবা ঙমহল্লি‍। অদুম ওইনমক অশাংবা মতমগী দেব্ত সস্তেনেবিলিতী লৈনবা অমদি তুংদা খুদোং চাদবা ফীভম থোরক্তনবা অহেনবা শেন্ফম পুবগী শরুক অমদি মীয়ামদা সর্ভিস য়ৌহন্নবগী মরুওইবা সেক্তরশিংদা অওনবা পুরক্লিবা স্তেতশিংদা মরী লৈনহল্লি‍।

অওনবা পুরক্নবা শকখঙলবা সেক্তরশিংগী মরক্তা অমদি পব্লিক দিস্ত্রিব্যুসন সিস্তেম্নি‍। জি.এস.দি.পি.গী চাদা ২গী অহেনবা শেন্ফম পুবগী অয়াবগী মনুংদা চাদা ০.২৫তি “ৱন নেসন ৱন রেসন কার্দ সিস্তেম” চৎনহনবগী মরী লৈনহল্লি‍। মসি নেসনেল ফুদ সিক্যুরিতী এক্ত (নফসা) অমদি অতৈ য়াইফ-থৌরাংগী স্কিমশিংগী বিনিফিসিয়রীশিং, মরুওইনা লংফৈদা লৈবা শিন্মীশিং অমদি মখোয়গী ইমুং মনুংশিংদা লৈবাক শিনবা থুংবদা লৈরিবা ফেয়র প্রাইস সোপশিংদগী চেং-হৱাই লৈবা য়াহন্নবনি‍। পুরক্নিংলিবা অওনবা অসিগী অতৈ পান্দমশিংদি হেন্না ফবা মওংদা বিনিফিসিয়রীশিং তার্গেত তৌদুনা, শাজিন্নবা/অনি থোকপা/ চৎনবা য়ারোইদবা রেসন কার্দশিং লৌথোক্তুনা য়াইফ থৌরাং হেনগৎহন্নবা অমদি পোৎ মাঙবা হন্থহন্নবনি‍। মসিগীদমক্তা অওনবা অসিগী মখাদা রেসন কার্দ খুদিংমক্কী আধার সীদিং, বিনিফিসিয়রীশিংগী বাইওমেত্রিক ওথেন্তিফিকেসন অমদি স্তেতশিংদা লৈরিবা ফেয়র প্রাইস সোপশিং ওতোমেসন তৌগদবনি‍।

হৌজিক ফাওবদা স্তেত মাপন্না পি.দি.এস.তা মায় পাক্না অওনবা পুরক্তুনা ৱন নেসন ৱন রেসন কার্দ সিস্তেম চৎনহনখ্রে‍। হায়রিবা স্তেতশিং অদুদি: অন্ধ্র প্রদেশ, গোৱা, হরিয়ানা, কর্নাতকা, কেরলা, তেলঙ্গনা, ত্রিপুরা অমসুং উত্তর প্রদেশনি‍। অওনবা অসি পুরক্লবা মতুংদা মখোয়দা অহেনবা শেন্ফম লুপা করোর ২৩,৫২৩ পুবগী অয়াবা পীখ্রে‍। ৱন নেসন ৱন রেসন কার্দ সিস্তেম চৎনহনবগীদমক অহেনবা শেন্ফম পুবগী অয়াবা পীখিবা স্তেত স্তেতশিংগী ওইবা শেন্ফম মখাদা পীরি:

কঞ্জুমর এফ্যার্স, ফুদ অমসুং পব্লিক দিস্ত্রিব্যুসনগী দিপার্তমেন্ত ওফ ফুদ এন্দ পব্লিক দিস্ত্রিব্যুসননা অওনবা অসিগী থম্লিবা কন্দিসনশিং স্তেত অমনা মপুং ফানা পায়খৎলে হায়বা তাক্নবা নোদেল দিপার্তমেন্তনি‍। অহেনবা শেন্ফম পুবা য়াননবগীদমক, স্তেতশিংনা অওনবা অসি দিসেম্বর ৩১, ২০২০ ফাওবগী মনুংদা পুরক্কদবনি‍। স্তেত অতৈ কয়াসু হায়রিবা অপীবা মতম অসিগী মনুংদা অওনবা অসি মপুং ফানা পুরকখিগনি হায়না থাজরি‍।

ৱন নেসন ৱন রেসন কার্দকী মথক্তা অহেনবা শেন্ফম পুবা য়ানবগী লৈফম থোকপা ফীভমদা পল্লিবা পুরক্কদবা অওনবশিংদি: লল্লোন ইতিক তৌবদা লায়থোকহনবগী অওনবা, অর্বান লোকেল বোদী/য়ুতিলিতীগী অওনবা অমসুং পৱার সেক্তরগী অওনবা অসিনি‍।

*****