প্রধান মন্ত্রী শ্রী নরেন্দ্র মোদীনা নই দিল্লীগী সন্সদ মার্গতা দিসেম্বর ১০, ২০২০দা অনৌবা পার্লিয়ামেন্ত বিল্দিংগী উরেপ উয়ুং তমগনি। অনৌবা বিল্দিং অসি ‘আত্মানির্ভর ভারত’কী মঙলানগী মরু ওইবা শরুক অমনি অমদি নীংখা তম্লবা মতুংদা অহানবা ওইনা মীয়ামগী পার্লিয়ামেন্ত শাবগী খুদোংচাবা ফংবগী মরু ওইবা তানফম অমা ওইরগনি, মসিনা ২০২২দা নীংখা তম্বগী ৭৫শুবা চহিগী ‘অনৌবা ভারত’কী তঙাই ফদবশিং অমসুং অনীংবশিং অদু থুংহল্লগনি।

অনৌবা পার্লিয়ামেন্ত বিল্দিং অসি মতমগা চুনবা, খ্বাইদগী নৌবা অমসুং ইনর্জী চাদবা ওইগনি লোইননা হৌজিক লৈরিবা পার্লিয়ামেন্ত অসিগা থংননা ত্রাইএঙ্গুলরগী মওং ওইবা বিল্দিং ওইনা য়াম্না নন-ওবত্রুসিব সেক্যুরিতী ফেসিলিতীশিং ওইনা শাগনি। লোক সভা অসি হৌজিক লৈরিবা অসিগী শরুক ৩ হেন্না চাউরগনি অমসুং লোক সভানা হেন্না চাউখৎলগনি। বিল্দিং অসিগী ইন্তেরিয়রশিং অসিনা ঐখোয়গী রিজনেল আর্তশিং, ক্রাফশিং, তেক্সতাইলশিং অমসুং আর্কিতেকচরগী অপুনবা ভারতকী কলচর অমসুং দাইভর্সিতী অসি উৎকনি। দিজাইন প্লান অসিদা অচৌবা সেন্ত্রেল কন্সতিত্যুস্নেল গেলরীগী মফম অমা য়াওগনি হায়রিবা অসি মীয়াম্না চংবা য়াগনি।

অনৌবা পার্লিয়ামেন্ত বিল্দিং শাবা অসিদা রিসোর্স চংদবা গ্রীন তেক্নোলোজী শীজিন্নগনি, অকোইবদা শোক্তবা থবকশিং তৌবা থৌগৎকনি, থবক্কী খুদোংচাবশিং পীগনি অমসুং ইকনোমিক রিভাইতেলাইজেসন্দা মতেং পাংগনি। মসিদা ক্বালিতী লৈবা একোস্তিক অমসুং ওদিও-বিজ্যুএল ফেসিলিতীশিং, হেন্না নুংঙাইবা ফমফমশিং, অফবা অমসুং ইনক্লুসিব ওইবা ইমর্জেন্সী ইভাক্যু্এসন প্রোবিজনশিং য়াওগনি। বিল্দিং অসিদা খ্বাইদগী অফবা স্ত্রকচরেল সেফতী স্তেন্দর্দশিং ঙাক্না চৎকনি লোইননা সীস্মিক জোন ৫কী মথৌ তাবশিং ঙাক্না চৎকনি অমসুং মসি লায়না মেন্তেনেন্স অমসুং ওপরেসন তৌনবা দিজাইন তৌগনি।

থৌরম অসি শ্রী ওম বির্লা, লোক সভাগী ইকাই খুম্নরবা স্পীকর, শ্রী প্রাহলাদ বেঙ্কাতেশ জোশি, পার্লিয়ামেন্ত এফিয়র্সকী মন্ত্রী, শ্রী হর্দীপ এস. পুরি, হাউসিং অমসুং অর্বান এফিয়র্সকী রাজ্য মন্ত্রী (ইন্দিপেন্দেন্ত চার্জ), শ্রী হরিবন্স নরায়ন সিংহ, রাজ্য সভাগী দিপুতী চিয়রমেন য়াওগনি। কেন্দ্রগী কেবিনেৎ মন্ত্রীশিং, রাজ্য মন্ত্রীশিং, পার্লিয়ামেন্তগী মেম্বরশিং, সেক্রেতরী এম্বেসেদতশিং/হায় কম্মিসনরশিং য়াওনা দিগ্নিতরী ২০০রোমনা থৌরম অসিদা শরুক য়াগনি, হায়রিবা অসি লাইফ ওইনা ৱেবকাস্তসু তৌগনি।

****