কেন্দ্রগী সাইন্স অমসুং তেক্নোলোজী, হকশেল অমসুং য়াইফ-য়ুম্বাল অমসুং আর্থ সাইন্সকী মন্ত্রীনা ঙসি ইন্তর্নেস্নেল সাইন্স ফেস্তিবেল ২০২০ (আই.আই.এস.এফ.-২০২০)গীদমক্তা সি.এস.আই.আর.-আই.এম.এম.তি., ভুবনেশ্বরগী কর্তেন রাইজরগী ই-ইনোগ্রেৎ তৌখ্রে। কেন্দ্রগী পেত্রোলিয়ম অমসুং নেচরেল গ্যাসকী মন্ত্রী, স্তীল মন্ত্রী শ্রী ধর্মেন্দ্র প্রধান্না থৌরম অদুগী অথোইবা লেংবীরকপা ওইখি। থৌরম অদুদা দা. শেখর সি. মন্দে, দি.জি, সি.এস.আই.আর. & সেক্রেতরী, দি.এস.আই.আর. অমসুং প্রোফেসর সুদ্ধাসৎৱা বসু, দাইরেক্তর, সি.এস.আই.আর.-আই.এম.এম.তি., ভুবনেশ্বরনা শরুক য়াখি। আই.আই.এস.এফ.-২০২০গী থিম “আত্মনির্ভর ভারত অমসুং মালেমগী য়াইফ-থৌরাংগীদমক সাইন্স” হায়বসিনি।

হৌদোকপগী ৱারোল পীরদুনা দা. হর্শবর্ধন্না হায়খি, “আই.আই.এস.এফ.-২০২০গী পুখৎলক্লিবা থিম – ‘আত্মনির্ভর ভারত অমসুং মালেমগী য়াইফ-থৌরাংগীদমক সাইন্স’ অসি হৌজিক্কী লৈবাক অসিনা চাউখৎ-থৌরাংগীদমক খোংজেল য়াংনা মাংদা চংশিল্লিবা অমসুং ঐখোয়গী প্রধান মন্ত্রী, শ্রী নরেন্দ্র মোদীজীগী ‘আত্মনির্ভর ভারত’না মালেমগী শেন্মিৎলোন্দা মরুওইবা থৌদাং য়াগদবা মিৎয়েং অদু চৎনহন্নবা সাইন্স অমসুং তেক্নোলোজীগী মায়কৈদা য়েংলকপা মতম অসিগা য়াম্না মরী লৈনরি। তোঙান তোঙানবা লমশিংদা অচৌবা সাইন্তিফিক দিস্কোবরীশিং অমসুং তেক্নোলোজীকেল এদভান্সমেন্তনা মালেমদা সাইন্স অমসুং তেক্নোলোজীদা ঐখোয়গী অচৌবা হোৎনবশিং অদু উৎলি।”

মহাক্কী ৱারোল ফোংদোক্লদুনা মহাক্না মখা তানা হায়খি মদুদি, মিনরেল অমসুং মেতরিএল রিসোর্সেস অসি ইকোনোমিক ইন্দিয়াগী মচাকশিংগী মরুওইবা শরুক অমনি। সি.এস.আই.আর.-আই.এম.এম.তি অসি সি.এস.আই.আর.গী ইমুং অমনি অমসুং লেপ্তনা মিনরেল & মেতরিএল রিসোর্সশিংগী মাইকৈদা চাউৎপা পুরক্লি অমসুং মাইনিং, মিনরেল অমসুং মেতাল ইন্দস্ত্রীশিংগী আর.&দি.গী সম্যাশিং লোইশিন্নবগীদমক হোৎনরি অমসুং লৈবাক্কীদমক্তা অচেৎপা চাউখৎ-থৌরাং পুরক্নবা হোৎনরি।

দা. হর্শবর্ধন্না মহাক্কী নুংঙাইবা ফোংদোকখি মদুদি আই.আই.এস.এফ. অসি সাইন্স অমসুং তেক্নোলোজীগী থৌরম অমনি মসিনা খুন্নাইগী তোঙান তোঙানবা কাংলুপকী মীয়ামসু য়াওরি অমসুং উৎলি মদুদি সাইন্স, তেক্নোলোজী, ইঞ্জিনীয়রিং অমসুং অঙ্কদা ঐখোয়না ঐখোয়গী পুন্সিবু হেন্না ফহন্নবগীদমক্তা পাম্বৈ পুথোক্লি। মসিনা ঐখোয়গী হৌজিক্কী মীরোলদা মসিসু তাকপীরি মদুদি মতৌ করম্না ভারতনা তোঙান তোঙানবা লৈবাকশিংগীদমক্তা অনৌবা ৱাখল্লোনশিং, ইনোভেসনশিংগা লোইননা থোরক্নবগীদমক ইথিল পীরি। সাইন্স অমসুং তেক্নোলোজীগী মন্ত্রীনা হায়খি, “অসি ২০১৫দা লোঞ্চ তৌখিবা আই.আই.এস.এফ. অসিনা হৌখিবা চহি কয়া অসিদা অনীংবা অপাম্বা কয়া হেনগৎহন্নবা অমসুং তম্ননবা হেন্না মতিক চাবা ওইহন্নবা তোপ তোপ্পা ফম্বাক অমা ফংহল্লি।”

মহাক্কী ৱারোল পীরদুনা, ধর্মেন্দ্র প্রধান্না সাইন্তিফিক কম্যুনিতীদা ভারতকীদমক্তা ইনোভেসন পুর্কনবা অমসুং আত্মনির্ভর ভারত ওইহন্নবগীদক অমসুং মালেমদা খ্বাইদগী হেন্না অথোই-অহেন তান্নবা ঙম্ননবা কম্পিতিতিব এদভান্তেজ অমা শেম্নবা অপীল তৌখি। খুন্নাইগী চাউখৎ-থৌরাংদা সাইন্স অমসুং ইনোভেসনগী থৌদাংগী মতাংদা শাফু পীরদুনা শ্রী প্রধান্না হায়খি মদুদি কোবিদ-১৯গী লাইচৎনা অমুক হন্না উৎখ্রে মদুদি ঐখোয়না লম পুম্নমক্তা ঐখোয়গী ইন্সতিত্যুস্নেল অমসুং ইন্দস্ত্রিএল কেপাসিতী অসি সাইন্তিফিক অমলুং ইনোভেসন ওইবা মওংদা শেমগৎকনি অমসুং মপাঙ্গল কলহনগদবনি।

শ্রী প্রধান্না হায়খি মদুদি ইকোনোমিক দিবেলপমেন্ত অমসুং খুন্নাইগী কান্নবগীদমক্তা সাইন্স অমসুং তেক্নোলোজী য়াওদনা ভারতনা চংশিল্লিবা আত্মনির্ভরগী খোংজং অসি মায় পাকপা ওইথোক্তবনি। অচেৎপা আর.&দি. ইকোসিস্তেম অমগী থোংদা, ঐখোয়না খ্বাইদগী নৌবা পোৎথোক অমসুং সর্বিসশিং শেমগৎপা য়াই, লৈরিবা সিস্তেম অমসুং থৌওংশিং অসি হেন্না মতিক চাহনবা য়াই। মহাক্না সাইন্তিফিক কম্যুনিতীদা ভারতকী ইনাক খুল্লবা মমাংঙৈদগী লৈজরক্লবা লন অসিবু এদভান্স সাইন্তিফিক কন্সেপ্তা অমসুং অঙ্কবু ইনভেস্তিগেসনগী মোদর্ন সাইন্তিফিক মেথোদশিংগা পুনশিন্নবা অপীল তৌখি।

মহাক্কী ৱারোল পীরদুনা দা. শেখর সি. মন্দেনা হায়খি মদুদি আই.আই.এফ.-২০২০ অসি বিজ্ঞান ভারতীগী থোংদা পাংথোকপা ইন্তর্নেস্নেল সাইন্স ফেস্তিবেলগী ৬শুবা এদিসন্নি, মসিনা সাইন্সপু মীয়ামদা য়ৌহন্নবগী পান্দম থম্লি। মহাক্না খঙহনখি মদুদি সি.এস.আই.আর. অসি সাইন্তিফিক অমসুং ফার্মাস্যুতিকেলগী পোৎথোকশিং পুথোক্নবগীদমক ভারতকী অচৌবা কম্পনীশিংগা পার্তনর ওইরি।

****