সেন্ত্রেল বোর্দ ওফ ইন্দাইরেক্ত তেক্সেস অমসুং কস্তমস(সি.বি.আই.সি.)গী মখাদা মথৌ তৌরিবা এপেক্স এন্তি-স্মগ্লিং ইন্তিলিজেন্স অমসুং ইনভেস্তিগেসন এজেন্সী ওইরিবা দাইরেক্তোরেত ওফ রেভিন্যু ইন্তিলিজেন্স(দি.আর.আই.)গী ৬৩শুবা ফাউন্দেসন দেগী থৌরম ঙসি মফম অসিদা শেল-থুম অমসুং কোর্পোরেত এফিয়র্সকী কেন্দ্রগী মন্ত্রী শ্রীমতি নির্মলা সিথারমননা হৌদোকখ্রে৷

শেল-থুমগী সেক্রেতরী দা. অজে ভুশন পান্দে, সি.বি.আই.সি.গী চিয়রমেন শ্রী এম.আজিত কুমার অমসুং দি.জি.আর.আই.গী পি.আর. দাইরেক্তর জেনেরেল শ্রী বালেশ কুমারগা লোইননা কেন্দ্রগী শেল-থুমগী মন্ত্রীনা শরুক য়াদুনা শেল-থুম মন্ত্রালয়গী অৱাং থংবা ব্লোক্তা ইনোগুরেল ফঙ্কসন পাংথোক্তুনা থৌরম অদু হৌদোকখি৷ কোবিদ-১৯ লাইনা-লাইচৎ অসি য়েংলগা হন্দক চহীগী ওইনা থৌরম অসি দি.আর.আই., সি.বি.আই.সি. অমসুং মালেম শিনবা থুংনা লৈরিবা ভারত সরকার অসিগী অতোপ্পা ওফিসরশিংগা লোইননা পুন্না মীওই ৪৫০রোম্না শরুক য়াদুনা দিজিতেল প্লেতফোর্মগী খুৎথাংদা লাইব স্ত্রিমিং ওইনা পাংথোকখ্রে৷

গোল্দ অমসুং ফোরেন্দ করেন্সী, নার্কোতিক দ্রগস, সেক্যুরিতী এনভাইরোনমেন্ত, কম্মর্সিয়েল ফ্রোদশিংদা নৈনরিবা ওর্গনাইজ স্মগ্লিং ত্রেন্দশিং “স্মগ্লিং ইন ইন্দিয়া রিপোর্ত ২০১৯-২০” অদু শ্রীমতি সিথারমননা পুথোরকখ্রে৷ ইকাই খুম্নরবা মীওইশিং অদু দি.জি.আর.আই.গী পি.আর. শ্রী বালেশ কুমারনা তরাম্না ওকখ্রে অমসুং মমাংগী শেঞ্জা-থুমজাগী চহী অসিদা দি.আর.আই.গী পর্ফোমেন্স অদুগী মতাংদা রিপোর্ত অমা পীশিনখ্রে৷

মরু ওইনা হৌজিক হৌজিক থোক্লিবা লাইনা-লাইচৎ অসিগী মনুং অসিদা দি.আর.আই.গী পর্ফোমেন্স অমসুং মখোয়গী সর্ভিস অদুগীদমক দি.আর.আই. অমসুং মখোয়গী ওফিসরশিং অসিবু শেল-থুমগী মন্ত্রী অসিনা থাগৎখ্রে৷ দি.আর.আই.গী ওফিসর ৮০০না খুদোংথীবা কয়া অসি মাইয়োক্নরগা থৌনা লৈনা হোৎনখিবা অসিগীদমক্তসু শ্রীমতি সিথারমননা থাগৎখ্রে৷

ৱল্দ কস্তমস ওর্গনাইজেসনগী সেক্রেতরী জেনেরেল দা. কুনিয়ো মিকুরিয়া “কোবিদ-১৯ লাইনা-লাইচৎ অসিদা কম্তমশিংগী রেস্পোন্স” অসিগী মতাংদা ৱা ঙাংদুনা থৌরম অসিদা শরুক য়াখি”৷

কম্মর্সিয়েল ফ্রোদশিং অমসুং ক্রোস-বোর্দর স্মগ্লিংগী কেস খরাদা দি.আর.আই.না খঙহন্দুনা ভারতকী ফিজিকেল ইকোনোমী অমসুং ইকোনোমিক্তা কন্ত্রিব্যুত তৌখ্রে হায়না শেল-থুমগী সেক্রেতরী দা. অজে ভুশন পান্দেনা ফোংদোকখ্রে৷ লোশিং ইফেক্তিব ওইনা চৎননবগীদমক এজেন্সীশিংগী মরক্তা দাতা/ইনফোর্মেসন/ইন্তিলিজেন্স সেয়রিং তৌনবা, দাতা এনালাইসিস তৌবা অসিগী মতাংদা মহাক্না পনখি৷ দি.আর.আই.না অতোপ্পা লো এনফোর্সমেন্ত এজেন্সীশিং অসিগী মনুংদা মশক নাইবা মফম অমা কল্লে হায়না দা. পান্দেনা ফোংদোকখ্রে৷

থৌরম অসিদা দি.আর.আই. কোচিন জোনাল য়ুনিতকী তি.এস. শ্রী নাজিমুধিনদা অমসুং দি.আর.আই. জোইপুরনা বুক তৌরকখিবা কেস অমগী ইন্দিপেন্দেন্ত ৱিতনেস অমা ওইরিবা শ্রী সুমর সেনদা ব্রেভরী এৱার্দশিং পীখ্রে৷

২০২০গী দি.আর.আই. উতক্রিশ সেভা সম্মন অদু ইন্দিয়ন রেভিন্যু সর্ভিস(কস্তম অমসুং সেন্ত্রেল এক্সাইস)কী ১৯৬১ বেতচকী ওফিসর অমা ওইরিবা শ্রী বি. সনকরনদা মহাক্না চহী কয়া থৱাই য়াওনা সর্ভিস তৌরকপা অসিগীদমক মঙোন্দা এৱার্দ অসি পীখি৷ চত্থোক চশিনগী অথিংবা লৈবনা মরম ওইরগা হন্দক চহীগী ব্রেভরী এৱার্দ অমসুং উতক্রিশ সেভা সম্মন অসি শেল-থুম মন্ত্রীগী মহুৎ শিন্দুনা ঙসি অয়ুক অঙনবদা দি.আর.আই.গী জোনেল য়ুনিতকী প্রিন্সিপাল এদিস্নেল দাইরেক্তর জেনেরেলশিংনা রিসিপিয়েন্তশিং অসিদা মনা অসি খুৎশিন্নখি৷ ফঙ্কসন অসিগী মনুংদা হায়রিবা সেরিমোনিশিং অসিগী ভিদিও রেকোর্দিংশিং অদু শরুক য়ারিবা ওফিসিয়েলশিং অসিগী মমাংদা উৎখি৷

ইনোগুরেল সেসন অসি দি.আর.আই.না মোদিরেত তৌদুনা ইন্তরনেস্নেল পেনেল দিস্কর্সন অমনা মখা তাথখি৷ পেনেলিস্ত অসিদা শরুক য়ারিবশিং অদুদি ওস্ত্রেলিয়ন বোর্দর ফোর্সতগী, নেদরলেন্দকী কস্তম এদমিনিস্ত্রেসন্দগী, ঐচ.এম. রেভিন্যু অমসুং কস্তমস(য়ু.কে.) অমসুং ইন্তরপুলগী মীহুৎশিংনা শরুক য়াখি৷ পেনেল দিস্কর্সন অদুদা পুন্না মীওই ২০০হেন্না শরুক য়াখি৷

*****