জল শক্তি মন্ত্ৰালয়
দেশৰ ১২৮টা জল-ভাণ্ডাৰৰ সক্ৰিয় বহণ সামৰ্থ্যৰ শেহতীয়া স্থিতি
Posted On:
04 DEC 2020 5:03PM by PIB Guwahati
‘কেন্দ্ৰীয় জল আয়োগ’য়ে প্ৰতি সপ্তাহত দেশৰ বিভিন্ন প্ৰান্তত থকা ১২৮টা জল-ভাণ্ডাৰৰ ‘সক্ৰিয় বহণ সামৰ্থ্য’ৰ শেহতীয়া স্থিতি পৰ্যবেক্ষণ কৰি প্ৰতিবেদন যুগুতাই আহিছে। ইয়াৰে ৪৪টা জল-ভাণ্ডাৰৰ সৈতে ৬০ মেগাৱাটৰো অধিক পৰিমাণৰ জল-বিদ্যুত উত্পাদনৰ সুবিধা জড়িত হৈ আছে। ১২৮টা জল-ভাণ্ডাৰৰ মুঠ বহণ সামৰ্থ্য হৈছে ১৭২.১৩২ ‘বিলিয়ন কিউবিক মিটাৰ’(বিচিএম)। এই পৰিমাণ দেশত সৃষ্টি কৰিব খোজা জল-ভাণ্ডাৰৰ মুঠ ‘সক্ৰিয় বহণ সামৰ্থ্য’ ২৫৭.৮১২বিচিএম-ৰ প্ৰায় ৬৬.৭৭%। ৩ ডিচেম্বৰ ২০২০ত প্ৰকাশ কৰা প্ৰতিবেদনৰ তথ্য অনুসৰি এইসমূহ জলভণ্ডাৰত এই মুহূৰ্তত উপলব্ধ থকা ‘সক্ৰিয় বহণ সামৰ্থ্য’ৰ পৰিমাণ হ’ল ১৩৬.৮৬৬বিচিএম। অৰ্থাত্ এয়া হৈছে সামগ্ৰিক ‘সক্ৰিয় বহণ সামৰ্থ্য’ৰ ৮০%ৰ সমান। যিকি নহওক, যোৱাটো বছৰত এই একোছোৱা সময়ত এই পৰিমাণ ১৪৬.০২৪বিচিএম হোৱাৰ বিপৰীতে বিগত দহোটা বছৰত এইসমূহ জলভাণ্ডাৰৰ গড় ‘সক্ৰিয় বহণ সামৰ্থ্য’ আছিল ১১৪.৪৩৯বিচিএম। এতেকে, ৩-১২-২০২০ত প্ৰকাশিত প্ৰতিবেদনৰ তথ্যৰ আধাৰত ক’বলৈ গ’লে যোৱাটো বছৰৰ এইছোৱা সময়ত উপলব্ধ ‘সক্ৰিয় বহণ সামৰ্থ্য’ৰ তুলনাত এইবেলিৰ পৰিমাণ ৯৪% হোৱাৰ বিপৰীতে বিগত ১০টা বছৰৰ তুলনাত এই পৰমাণ হ’ল ১২০%।
তলত আঞ্চলিক জল-ভাণ্ডাৰ ভিত্তিক তথ্যাৱলী দাঙি ধৰা হ’ল :
উত্তৰাঞ্চল-হিমাচল প্ৰদেশ, পাঞ্জাৱ আৰু ৰাজস্থানক সামৰি হোৱা অঞ্চলটোত থকা ৮টা জল-ভাণ্ডাৰৰ ‘সক্ৰিয় বহণ সামৰ্থ্য’ৰ পৰিমাণ হ’ল ১৯.১৭বিচিএম। ৩ ডিচেম্বৰ ২০২০ত প্ৰকাশিত তথ্য মতে, এই মুহূৰ্তত উপলব্ধ সক্ৰিয় বহণ সামৰ্থ্যৰ পৰিমাণ হ’ল ১০.৬৬বিচিএম। এই পৰিমাণ জল ভাণ্ডাৰসমূহৰ মুঠ সামৰ্থ্যৰ ৫৬%। ইফালে বিগত বৰ্ষৰ এই একেছোৱা সময়ত আৰু বিগত দহবছৰত উপলব্ধ গড় ‘সক্ৰিয় বহণ সামৰ্থ্য’ৰ পৰিমাণ আছিল ক্ৰমে ৭৮% আৰু ৬৯%।
পূৰ্বাঞ্চল-ঝাৰখণ্ড আৰু ওড়িশা, পশ্চিম বংগ, ত্ৰিপুৰা আৰু নাগালেণ্ডক সামৰি গঠিত অঞ্চলটোত থকা ১৯টা জল-ভাণ্ডাৰৰ ‘সক্ৰিয় বহণ সামৰ্থ্য’ৰ পৰিমাণ হ’ল ১৯.৬৫বিচিএম। ৩ ডিচেম্বৰ ২০২০ত প্ৰকাশিত তথ্য মতে, এই মুহূৰ্তত উপলব্ধ ‘সক্ৰিয় বহণ সামৰ্থ্য’ৰ পৰিমাণ হ’ল ১৩.৯০বিচিএম। এই পৰিমাণ জল ভাণ্ডাৰসমূহৰ মুঠ সামৰ্থ্যৰ ৭১%। ইফালে বিগত বৰ্ষৰ এই একেছোৱা সময়ত আৰু বিগত দহবছৰত উপলব্ধ গড় সক্ৰিয় বহণ সামৰ্থ্যৰ পৰিমাণ আছিল ক্ৰমে ৭৮% আৰু ৭২%।
পশ্চিমাঞ্চল-গুজৰাট আৰু মহাৰাষ্ট্ৰৰে গঠিত অঞ্চলটোত থকা ৪২টা জল-ভাণ্ডাৰৰ ‘সক্ৰিয় বহণ সামৰ্থ্য’ৰ পৰিমাণ হ’ল ৩৫.২৪বিচিএম। ৩ ডিচেম্বৰ ২০২০ত প্ৰকাশিত তথ্য মতে, এই মুহূৰ্তত উপলব্ধ ‘সক্ৰিয় বহণ সামৰ্থ্য’ৰ পৰিমাণ হ’ল ৩১.৩৯বিচিএম। এই পৰিমাণ জল ভাণ্ডাৰসমূহৰ মুঠ সামৰ্থ্যৰ ৮৯%। ইফালে বিগত বৰ্ষৰ এই একেছোৱা সময়ত আৰু বিগত দহবছৰত উপলব্ধ গড় ‘সক্ৰিয় বহণ সামৰ্থ্য’ৰ পৰিমাণ আছিল ক্ৰমে ৯৪% আৰু ৬৬%।
মধ্যাঞ্চল-উত্তৰ প্ৰদেশ, উত্তৰাখণ্ড, মধ্য প্ৰদেশ আৰু চত্তিশগড়ৰে গঠিত অঞ্চলটোত থকা ২৩টা জল-ভাণ্ডাৰৰ ‘সক্ৰিয় বহণ সামৰ্থ্য’ৰ পৰিমাণ হ’ল ৪৫.২৭বিচিএম। ৩ ডিচেম্বৰ ২০২০ত প্ৰকাশিত তথ্য মতে এই মুহূৰ্তত উপলব্ধ ‘সক্ৰিয় বহণ সামৰ্থ্য’ৰ পৰিমাণ হ’ল ৩৭.৬৪বিচিএম। এই পৰিমাণ জল ভাণ্ডাৰসমূহৰ মুঠ সামৰ্থ্যৰ ৮৯%। ইফালে বিগত বৰ্ষৰ এই একেছোৱা সময়ত আৰু বিগত দহবছৰত উপলব্ধ গড় ‘সক্ৰিয় বহণ সামৰ্থ্য’ৰ পৰিমাণ আছিল ক্ৰমে ৮৬% আৰু ৭০%।
দক্ষিণাঞ্চল-অন্ধ্ৰ প্ৰদেশ, তেলেংগাণা, ‘এপি এণ্ড টিজি’(দুটাকৈ যুৰীয়া প্ৰকল্প), কৰ্ণাটক, কেৰালা আৰু তামিল নাডুৰে গঠিত অঞ্চলটোত থকা ৩৬টা জল-ভাণ্ডাৰৰ ‘সক্ৰিয় বহণ সামৰ্থ্য’ৰ পৰিমাণ হ’ল ৫২.৮১বিচিএম। ৩ ডিচেম্বৰ ২০২০ত প্ৰকাশিত তথ্য মতে এই মুহূৰ্তত উপলব্ধ ‘সক্ৰিয় বহণ সামৰ্থ্য’ৰ পৰিমাণ হ’ল ৪৩.২৮বিচিএম। এই পৰিমাণ জল ভাণ্ডাৰসমূহৰ মুঠ সামৰ্থ্যৰ ৮২%। ইফালে বিগত বৰ্ষৰ এই একেছোৱা সময়ত আৰু বিগত দহবছৰত উপলব্ধ গড় ‘সক্ৰিয় বহণ সামৰ্থ্য’ৰ পৰিমাণ আছিল ক্ৰমে ৮৩% আৰু ৬১%।
******
BY/MG/AS/KB
(Release ID: 1678458)
Visitor Counter : 111