জম্মু-কশ্মীর অমসুং লেহ-কার্গিলদা অথুবা মতমদা ৱাকফ বোর্দশিং শেম্লগনি  অমসুং ৱাকফ বোর্দশিং শেমগৎপগী থৌওংশিং হৌখ্রে হায়না মাইনোরিতী এফিয়র্সকী কেন্দ্রগী মন্ত্রী শ্রী মুখতার অবাস নকবীনা ঙসি ফোংদোকখ্রে৷

ঙসি ন্যু দিল্লীদা পাংথোকখিবা সেন্ত্রেল ৱাকফ কাউন্সিলদা থৌরম মপু ওইনা শরুক য়ারবা মতুংদা ভারতনা মমিং মখা তম্লবা মতুংদা ইহান হানবা ওইনা জম্মু-কশ্মীর অমসুং লেহ-কার্গিল ৱাকফ বোর্দশিং শেমগৎলগনি অমসুং হায়রিবা অসি আর্তিকল ৩৭০ অসি মুথৎলবা মতম খক্তদা ওইথোক্কনি হায়না শ্রী নকবীনা ফোংদোকখ্রে৷

সমাজ অসিগী য়াইফন্নবগীদমক জম্মু-কশ্মীর অমসুং লেহ-কার্গিলদা লৈরিবা ৱাকফ প্রোপর্তীশিং অসি ৱাকফ বোর্দশিং অসিনা নিংথীজনা শিজিন্নবা য়ারগনি হায়না কেন্দ্রগী মন্ত্রী অদুনা ফোংদোকখ্রে৷ কেন্দ্র সরকার অসিনা “প্রধান মন্ত্রী জন ভিকাস করিক্রম”(পি.এম.জে.ভি.কে.)গী মখাদা জম্মু-কশ্মীর অমসুং লেহ-কার্গিলদা লৈরিবা ৱাকফ প্রোপর্তীশিং অসিদা সোসিয়ো-ইকোনোমিক অমসুং এদজুকেস্নেল এক্তিবিতীশিং অসিগীদমক ইনফ্রাস্ত্রকচর শেমগৎপদা দরকার লৈরিবা শেল-থুমগী ওইবা মতেং মদু পীরগনি৷  

জম্মু-কশ্মীর অমসুং লেহ-কার্গিলদা  ৱাকফ প্রোপর্তী লিশিং কয়ামরোম লৈ অমসুং হায়রিবা ৱাকফ প্রোপর্তীশিং অসি রেজিস্তর তৌননবা থৌওং অদু হৌখ্রে হায়না শ্রী নকবীনা মখাতানা ফোংদোকখ্রে৷ হায়রিবা ৱাকফ প্রোপর্তীশিং অসিগী দিজিতাইজেসন, জিও তেগিঙ্গ/জি.পি.এস. মেপিং অদুসু হৌখ্রে অমসুং থবক অদু অথুবা মতমদা লোইশিল্লগনি৷

তোঙান তোঙানবা রাজ্যশিংদা ৱাকফ প্রোপর্তীশিং অসি ৱাকফ মাফিয়াশিং অসিনা লৌশিন্নবা হোন্নরিবা অসিদা অসিগুম্বা ৱাকফ মাফিয়াশিং অসিগী মাইয়োক্তা স্ত্রিক ওইবা এক্সন লৌখৎনবা রাজ্য সরকারশিংদা খঙহনখ্রে হায়না ঙসিগী মীফম অদুদা শ্রী নকবীনা ফোংদোকখ্রে৷ হিরম অসিদা সেন্ত্রেল ৱাকফ কাউন্সিলগী তীম অমা  হায়রিবা রাজ্যশিং অসিদা চৎলগনি৷

লৈবাক অসিগী অতোপ্পা মফমদা তৌবা অদুগুম্না জম্মু-কশ্মীর অমসুং লেহ-কার্গিলগী  ৱাকফ লেন্দদা কেন্দ্র সরকার অসিনা “প্রধান মন্ত্রী জন ভিকাস করিক্রম”(পি.এম.জে.ভি.কে.)গী মখাদা স্কুলশিং, কোলেজশিং, আই.তি.আই.শিং, পোলীতেক্নিকশিং, নুপীগী হোস্তেলশিং, হোস্পিতালশিং, মল্তি-পর্পোস কম্ম্যুনিতী হোল “সদভাব মন্দপ”, “হুনর হব”, কম্মন সর্ভিস সেন্তরশিং, এমপ্লোইমেন্ত ওরিয়েন্তেদ স্কিল দিভেলপমেন্ত সেন্তরশিং অমসুং অতোপ্পা তঙাই ফদবা ইনফ্রাস্ত্রকচরশিং শেম্লগনি হায়না মাইনোরিতী এফিয়র্সকী মন্ত্রী অদুনা ফোংদোকখ্রে৷ অসিগুম্বা তঙাই ফদবা ইনফ্রাস্ত্রকচর অসিনা তঙাই ফদনা দরকার ওইরিবা মরু ওইনা নুপীশিংদা ক্বলিতী এদজুকেসন ফংহনবা ঙম্লগনি অমসুং নহাশিংদা থবক্কী খুদোংচাবশিং ফংহল্লগনি৷

লৈবাক অসিনা মনিং-মখা তম্লবা মতুংদা ইহান হানবা ওইনা তঙাই ফদনা মরু ওইবা খুদোংচাবশিং ফংদ্রিবা লৈবাক অসিদা লৈরিবা কা হেন্না শোত্থরবা মফমশিংদা স্কুলশিং, কোলেজশিং, আই.তি.আই.শিং, পোলীতেক্নিকশিং, নুপীগী হোস্তেলশিং, হোস্পিতালশিং, মল্তি-পর্পোস কম্ম্যুনিতী হোল “সদভাব মন্দপ”, “হুনার হব”, কম্মন সর্ভিস সেন্তরশিং. এমপ্লোইমেন্ত ওরিয়েন্তেদ স্কিল দিভেলপমেন্ত সেন্তরশিং অমসুং অতোপ্পা তঙাই ফদবা ইনফ্রাস্ত্রকচরশিং ৱাকফ লেন্দ মফমশিং অসিদা শেম্ননবা প্রধান মন্ত্রী শ্রী নরেন্দ্র মোদীনা লুচিংবা সরকার অসিনা “প্রধান মন্ত্রী জন ভিকাস করিক্রম”গী মখাদা শেম চাদা ১০০ থাদরগনি হায়না শ্রী নকবীনা ফোংদোকখ্রে৷

মমাংগী মতমদা চাওখৎ থৌরাংগীদমক লৈবাক অসিদা লৈরিবা জিলা ৯০ খক্তমক মাইনোরিতী কম্ম্যুনিতীশিংনি হায়না খন্দোকখি অদুবু প্রাধান মন্ত্রী শ্রী নরেন্দ্র মোদীনা লুচিংবা সরকার অসিনদি মাইনোরিতীশিংগীদমক লৈরিবা দিভেলপমেন্ত প্রোগ্রামশিং অসি জিলা ৩০৮, ব্লোক ৮৭০, শহর ৩৩১ অমসুং লৈবাক অসিগী খুঙ্গং লিশিং কয়ামরোমদা য়ৌহনখ্রে হায়না শ্রী নকবীনা ফোংদোকখ্রে৷

লৈবাক অসিদা রেজিস্তর তৌরবা ৱাকফ প্রোপর্তী লাখ ৬ ৬৪,০০০রোম লৈ হায়না শ্রী নকবীনা ফোংদোকখ্রে৷  রাজ্যগী ৱাকফ বোর্দ পুম্নমক্কী দিজিতাইজেসন মপুং ফানা লোইশিনখ্রে৷ ৱার ফুতিং অমদা ৱাকফ প্রোপর্তীশিংগী জিও তেগিং/জি.পি.এস  মেপিং তৌরি৷ রাজ্যগী ৱাকফ বোর্দ ৩২দা ভিদিও কনফরেন্সিংগী খুদোংচাবশিং ফংহনখ্রে৷

মমাংগী চহী ৬ অসিদা মোদী সরকার অসিনা লৈবাক অসিগী মাইনোরিতীনা খরা হেন্না কুংনা খুন্দাবা মফমশিংদা সোসিও-ইকোনোমিক-এদজুকেস্নেল অমসুং এমপ্লোইমেন্ত ওরিয়েন্তেদ ইনফ্রাস্ত্রকচর শেমখ্রে হায়না মন্ত্রী অদুনা ফোংদোকখ্রে৷ হায়রিবা প্রোজেক্তশিং অসিগী মনুং চল্লিবশিং অদুদি: অনৌবা স্কুল বিল্দিং ১৫২৭; অহেনবা ক্লাসরুম ২২৮৭৭; হোস্তেল ৬৪৬; রিসাইদেন্সিয়েল স্কুল ১৬৩, স্মার্ত ক্লাসরুম ৯২১৭(কেন্দ্রিয় ভিদ্যলোয়শিং য়াওনা); কোলেজ ৩২; আই.তি.আই. ৯৫; পোলীতেক্নিক ১৩; নবোদয়া ভিদ্যলয় ৬; মল্তি-পর্পোস কম্ম্যুনিতী সেন্তর “সদভাব মন্দপ” ৪০৩; মার্কেৎ সেত ৫৭৪; তোইলেত অমসুং ইশিংগী ফেসিলিতী ২৮৪২; কম্মন সর্ভিস সেন্তর ১৪০; ৱর্কিং ৱুমেন হোস্তেল ২২; হেল্থ প্রোজেক্ত ১৯২৬; হোস্পিতাল ৫; হুনার হব ৮;  তোঙান তোঙানবা স্পোর্ত ফেসিলিতী ১৪, অঙ্গনৱাদি সেন্তর ৬০১৪ য়াওরি৷

*****