তেক্সতাইল মন্ত্রালয়না দিসেম্বর ০১, ২০২০দা পব্লিক নোতিসকী থোংদা তেক্নিকেল তেক্সতাইলগীদমক কৎথোক্লবা এক্সপোর্ত প্রমোসন কাউন্সিল (ই.পি.সি.) অমা লিংখৎনবা প্রপোজেলশিং কৌখ্রে। কম্পনীজ এক্ত নত্ত্রগা সোসাইতী রেজিস্ত্রেসন এক্তকী মখাদা রেজিস্তার তৌরবা এক্সপোর্তর এসোসিএসন অমসুং ত্রেদ বোদীশিংদা দিসেম্বর তাং ১৫, ২০২০ ফাওবগী মনুংদা তেক্নিকেল তেক্সতাইলগীদমক্তা কৎথোক্লবা ই.পি.সি. অসিগীদমক প্রপোজেলশিং পীশিল্লক্নবা খঙহনখি।
কাউন্সিলনা ইন্তর্নেস্নেল ত্রেদগী প্রমোসন অমসুং দিবেলপমেন্তগী মতাংদা কেন্দ্র সরকারগী দাইরেক্সন পুম্নমক ইনগনি অমসুং মতম মতমগী মতুং ইন্না ফোরেন ত্রেদকী দাইরেক্তর জেনরেলনা মশক খঙবা অমসুং নোতিফাইদ তৌরবা আই.তি.সি. (ঐচ.এস.) লাইনশিং য়োকখৎনবগী থৌদাং পুগনি।
তেক্নিকেল তেক্সতাইলদা মালেমগী লুচিংবা ওইনা লিংখৎনবগী মিৎয়েংদা, ইকোনোমিক এফিয়র্সকী কেবিনেৎ কমিতীনা ফেব্রুৱারী ২৬, ২০২০দা পাংথোকখিবা মীফমদা লুপা করোর ১৪৮০ চংনা নেস্নেল তেক্নিকেল তেক্সতাইল মিশন লিংখৎনবা অয়াবা পীখি। মিশনগী মতম শেনবা চহি ২০২০-২১দগী ২০২৩-২৪ ফাওবা চহি মরিগী ওইগনি। তেক্নিকেল তেক্সতাইলগীদমক্তা এক্সপোর্ত প্রমোসন কাউন্সিল অমা শেম্বা অসি নেস্নেল তেক্নিকেল তেক্সতাইল মিশনগী শরুক অমনি।
তেক্নিকেল তেক্সতাইলশিং অসি স্পেক্ত্রমগী নাকল অমদা লৌউ-শিংউ, লম্বী, রেলৱে ত্রেক, স্পোর্তৱেয়র, হকশেলদগী তোঙান তোঙানবা এপ্লিকেসনশিংদা শিজিন্নবা, অতোপ্পা নাকল অমদা বুলেৎ প্রুফ জেকেৎ, ফায়রপ্রুফ জেকেৎ, হাই ওল্তিচুদ কোম্বেৎ গিয়র অমসুং স্পেস এপ্লিকেসনগা লোইননা চুংলমচৎকী ওইবা অমসুং তেক্সতাইলগী ফজবা সেগমেন্ত লৈরি।
তেক্নিকেল তেক্সতাইলগী য়ুম্ফমঃ
•    তেক্নিকেল তেক্সতাইল অসি তেক্সতাইল মেতরিএল্স অমসুং পোৎথোকশিংনি মদু মরুওই ওইনা ফজবা মগুনগী মহুত্তা তেক্নিকেল পার্ফোরমেন্স অমসুং ফঙ্কস্নেল প্রোপর্তীশিংগীদমক শেম্মি। তেক্নিকেল তেক্সতাইল প্রদক্তশিংবু মখোয়গী শিজিন্নফম (এগ্রোতেক, বিল্দতেক, ক্লোথতেক, জিওতেক, হোমতেক, ইন্দুতেক, মোবিলতেক, মেদিতেক, প্রোতেক, স্পোর্ততেক, ওকোতেক, পেক্তেক)গী মতুং ইন্না পাক চাউরবা কাংলুপ ১২দা খায়দোক্লে।
•    ভারতকী মালেমগী কৈথেল মিলিয়ন ২৫০দা চাউরাক্না শরুক ৬% লৈ। অদুমওইনমক, সেগমেন্ত অসিদা ৪%গী মালেমগী এভরেজ গ্রোথকা য়েংনরুবদা ১২%গী চহিগী এভরেজ গ্রোথ ওইরি।
•    তেক্নিকেল তেক্সতাইলদা, ভারতকী পেনিত্রেসনগী লেবেল শুপ্নগী ৫-১০%নি, মসি চাউখৎলবা লৈবাকশিংদা ৩০-৭০%নি। মিশনগী পান্দম অসি লৈবাক অসিদা তেক্নিকেল তেক্সতাইলগী পেনিত্রেসনগী লেবেল অসি হেনগৎহনবনি।

*****