আর্ম ফোর্সেস ফ্লেগ দে অসি লৈবাক অসিদা চহি খুদিংগী মতৌগুম্না হন্দকসু দিসেম্বর ০৭, ২০২০দা পাংথোক্লগনি। ১৯৪৯গী মতুংদগী, নুমিৎ অসি অথৌবশিংগা লোইননা য়ুনিফোর্ম শেৎতুনা সেবা তৌরিবা নুপা অমসুং নুপীশিংবু ইকাই খুম্নবা উৎননবা পাংথোক্তুনা লাক্লি। মসি লৈবাক্কী ঙমখৈশিং ঙাকপদা থৌনা ফনা লান্থেংনরিবা মখোয়শিংদুদা ইকাই খুম্নবা উৎপনি। দিসেম্বর ০২, ২০২০দা নই দিল্লীদা পাংথোকখিবা থৌরম অমদা ৱা ঙাংলদুনা ঙাকশেল-মন্ত্রী শ্রী রাজনাথ সিংহনা লৈবাক মীয়ামদা ইশানা য়ানা এ.এফ.এফ.দি. ফন্দদা তেংবাং পীনবা হায়খি। মহাক্না হায়খি মদুদি ঐখোয়গী লান্মীশিংনা মতম পুম্নমক্তা লৈবাক্কী মনীং তম্বা ঙাক্নবগীদমক্তা থৌনা ফনা লান্থেংনদুনা লাক্লি। থৌওং অসিদা কয়ারক হন্না মখোয়না মখোয়গী থৱাই খুবাক্তা হাপ্তুনা হোৎনখি অমসুং মখোয়গী ইমুং-মনুংবু থাদোক্লমখি। ঙাক-শেল মন্ত্রীনা হায়খি, “মরম অসিনা ঐখোয়গী এক্স-সর্বিসমেনশিংগী রিহেবিলিতেসন অমসুং য়াইফ-থৌরাংগীদমক্তা, ঐখোয়গী অথৌবশিং অমসুং ঐখোয়গী শোইনাইরবা লান্মীশিংগী ইমুং-মনুংবু শেন্নবগী থৌদাং ঐখোয় ইরৈবাকচা পুম্নমক্কীনি।” মহাক্না মসিসু হায়খি মদুদি ফ্লেগ দে অসিদা ঐখোয়না ফন্দদা তেংবাং পীদুনা থৌদাং অসিবু মপুং ফাহনবগী তাঞ্জা অমা পীরি। মীয়াম্না মশানা য়ানা থৌদাং য়াদুনা ২০১৯-২০গী মনুংদা লুপা করোর ৪৭ খোমজিনখিবা অসিদা মিৎয়েং থমদুনা, শ্রী রাজনাথ সিংহনা থাজবা ফোংদোকখি মদুদি “ভারতকী মীয়াম্না চহি অসিদসু ইশানা য়ানা তেংবাং পীরক্কনি।”

 এ.এফ.এফ.দি. ফন্দ অসি মখোয়গী পুন্সিবু ঙমখৈ পরিংদা কৎথোক্লিবা লান্মীশিংগী ইমুং-মনুংগী রিহেবিলিতেসন অমসুং য়াইফ-থৌরাংগীদমক শিজিন্নৈ। লোইননা শোইনাইরবা লান্মীশিং, অহল ওইরবা, পেন্সন ফংদবা, লান্মীশিংগী লুখ্রাবীশিং অমসুং কনা লৈজদ্রবা অঙাংশিংগী য়োকপী-থাকপীবদা শিজিন্নৈ। মহাক্না তোঙান তোঙানবা স্কিমশিং খুদম ওইনা পেন্যুঅরী গ্রান্ত, এজুকেসন গ্রান্ত, ৱিদো/দোতর মেরিএজ গ্রান্ত, দিসএবল চিলদ্রেল গ্রান্ত, মেদিকেল গ্রান্ত, হাউস রিপ্যার গ্রান্ত, ফ্যুনরেল গ্রান্ত, ওর্ফান গ্রান্ত অমসুং অতৈ গ্রান্তশিংগী থোংদা শেলগী তেংবাংসু পী।

এক্স-সর্বিসমেন (ই.এস.এম.) কম্যুনিতীগী য়াইফ-থৌরাং অমসুং রিহেবিলিতেসনগীদমক্তা ভারত সরকারনা ‘আর্ম ফোর্সেস ফ্লেগ দে ফন্দ’ (এ.এফ.এফ.দি.এফ.) অসি শেমখি। এক্স-সর্বিসমেন লাখ ৩২ লৈরি অমসুং চহি খুদিংগী ই.এস.এম. ৬০,০০০ য়াওরি।

আর্ম ফোর্সেস ফ্লেগ দে ফন্দদা তেংবাং পীবা অসি বেঙ্ক একাউন্তকী থোংদা থারকপা য়াগনি। মদুগী ৱারোল মখাদা পীরিঃ

i) পঞ্জাব নেস্নেল বেঙ্ক (একাউন্ত নং. ২০৮৩০০০১০০১৭৯৮৭৫, আই.এফ.এস.সি. কোদ পি.য়ু.এন.বি.৩০৮৩০০, ব্রাঞ্চ, সেবা ভবন, আর.কে. পুরম); ii) স্তেৎ বেঙ্ক ওফ ইন্দিয়া (একাউন্ত নং. ৩৪৪২০৪০০৬২৩, আই.এফ.এস.সি. কোদ এস.বি.আই.এন.০০০১০৭৬, ব্রাঞ্চ, আর.কে. পুরম) অমসুং iii) আই.সি.আই.সি.আই. বেঙ্ক, একাউন্ত নং. ১৮২৪০১০০১৩৮০, আই.এফ.এস.সি. কোদ আই.সি.আই.সি.০০০১৮২৪, ব্রাঞ্চ, আর.কে. পুরম)

ফন্দ অসিদা তেংবাং পীবনা ভারত সরকারগী ইনকম তেক্সকী নোতিফিকেসন নং. ৭৮/২০০৭ তাং মার্চ ২৬, ০৭ অমসুং ইনকম তেক্স এক্ত ১৯৬১গী সেক্সন ৮০ জি. (৫) (vi)গী মখাদা ইনকম তেক্স দাইরেক্তর (ই) লেত্তর নং. এন.ক্যু.দি.আই.তি.(ই)|২০১০-১১/দি.ই.এল.-এ.ই.২২২৮০-০৪০১২০১১/২১৮৬ তাং জনুৱারী ০৪, ১১গী মতুং ইন্না ইনকম তেক্স কোকপীরি।     

কেন্দ্রীয় সাইনিক বোর্দকী সেক্রেতরী, এয়র কমান্দর বি. অহলুৱালিয়ানা হায়খি মদুদি চহি অসিগী দিসেম্বর থাদা আর্ম ফোর্সশিং অমসুং মসিগী সেনিয়র আর্মীশিংগী থৌদাং অদুবু ইকাই খুম্নবা উৎননবা ‘গৌরব মাহ’ হায়না পাংথোক্কদৌরি। বোর্দ অসি ভারত সরকারগী খ্বাইদগী ৱাংবা লুপ অমনি, মসিনা এক্স-সর্বিসমেন অমসুং মখোয়গী মখা থাবশিংগী রিহেবিলিতেসন অমসুং য়াইফ-থৌরাংগীদমক্তা পোলিসীশিং শেম্মি। আর্ম ফোর্সেস ফ্লেগ দে ফন্দ অসি কে.এস.বি.না এদমিনিস্ত্রেতিব ওইনা শেন্নৈ।

*****