য়ুথ এফিয়র্স অমসুং স্পোর্তসকী য়ুনিয়ন মিনিস্তর শ্রী কিরেন রিজিজুনা লৈপাকপোকপা নুমিৎতা ভর্চুএল প্রোগ্রাম অমগী থোংদা ৬শুবা বি.আর.আই.সি.এস. য়ুথ সম্মিত অমসুং বি.আর.আই.সি.এস. মিনিস্তরগী মীফমদা শরুক য়াখ্রে। থৌরম অসিদা ৱা ঙাংলদুনা শ্রী রিজিজুনা মালেম অসিদা নহাশিংনা হৌজিক ওইরিবা কোরোনাভাইরস লায়চৎ অসি লান্থেংনবদা লৌরিবা থৌদাং অসিগী মরুওইবা অদু পন্দুনা হায়খি।

মালেমগী ফোরুমদা ইন্দিয়াগী খুদম পীরদুনা, শ্রী রিজিজুনা হায়খি মদুদি, “ঙসি মাংদা তশেংনা উরিবা মোংফমশিং অসিদা, মালেম পুম্বনা অমত্তা ওইনা লেপ্তুনা, নহা ওইরিবা নুপা অমসুং নুপীনা মকোয়গী মীওইশিংবু তেক্ত-কাইদনবা, ঙাকথোকপা অমসুং খ্বাইদগী মরু ওইনা খুদোংথিবা কয়া অসিগী মরক্তা মাংলোমদা চংশিনবা অমসুং আসা লৈবা অসিনি। ইন্দিয়া খক্তদা ভোলুন্তিয়র মিলিয়নগী মথক্তা কোবিদ-১৯ অসিবু হকথেংননা থেংনরি অমসুং মতুং তাবদা লায়চৎ অসিনা শোকহল্লবশিং অসিবু মতেং পাংলি। 

নেহরু য়ুবা কেন্দ্র সংঙাথান (এন.ৱাই.কে.এস.)গী নহা ওইরিবা ভোলুন্তিয়র, নেস্নেল সর্বিস স্কীম (এন.এস.এস.), ভারত স্কাউত অমসুং গাইদশিং অসি ইন্দিয়া পুম্বদা কোবিদ-১৯ অসি থেংনবদা মমাং থানা লৈরি, সিবিল এদমিনিস্ত্রেসন্না নাক্কন্দা হোৎনমিন্নদুনা, অহল ওইরবা অমসুং লায়রবশিং অসিবু মতেং পাংদুনা লায়চৎ অসিবু লাকশিন্নবা হোৎনরি অমসুং অনাবশিংদা ঈ অমসুং প্লাজমা দান তৌরি। ইন্দিয়াগী ভোলুন্তিয়রশিংনা লৌরিবা খোঙথাং অসি মীপুম খুদিংনা য়াম্না ৱাংনা থাগৎনরি।  

থৌনা অসিবু পুক্নিং থৌগৎপা অমসুং বি.আর.আই.সি.এস. লৈবাকশিং অসি চৈঙাক পীদুনা মখা তানা পান্দম অসি ফংনবা অসিদা ৱা ঙাংলদুনা শ্রী রিজিজুনা হায় মদুদি, “বি.আর.আই.সি.এস.লৈবাকশিংগা পুন্না মতিক চাবা চেৎনা ৱারেপ লৌমিন্নরি। ঐখোয়গী শক্তি অসি অমুক হেনগৎলক্লি, মান্নবা মুক্নবা অমগা অমসুং মান্নবা ৱারেপ অমদা ঐখোয়না মালেমগী অমসুং মফম-মফমগী ওইবা  হেলথ এজুকেসন, কলচর, আর্ত, অমসুং ত্রেদ অমদি মদুগী মথক্তা ৱারেপ লৌবা ঙমগনি”। মহাক্না অমুকশু হায় মদুদি ভোলুন্তিয়রগীদমক অচেৎপা ইনফ্রাস্ত্রকচর অমা মথৌ তারি, মসিদা মহাক্না হায় মদুদি, “বি.আর.আই.সি.এস. লৈবাক অমা ওইনা ঐখোয়না য়াম্না লুবা হোৎনবা অসি মাংলোমদা চৎকনি”।

মহাক্কী ৱা ঙাংবা লোইশিল্লকপদা শ্রী রিজিজুনা হায় মদুদি, “ইন্দিয়া অসি হায়খিবা ৱা অসি ঙাক্নবা মাংলোমদা চংশিল্লি অমসুং ঐখোয়গী প্রধান মন্ত্রীনা থমখিবা  বি.আর.আই.সি.এস.কী ৱাখল্লোন অসি বি.আর.আই.সি.এস. সম্মিত মনুংদা মতম মতমগী ওইনা পীরি। ঐনা অমুক হন্না ঐখোয়গী ঙাক্কদবশিং অসি হায়রি মদুদি মীওইবা জাতিদা মালেমগী ওইবা শান্তী অমসুং অপুনবা অমসুং নহাগী ওইবা থৌদাংশিং অসি পীবা অসিনি”। 

*****