এগ্রীকলচর অমসুং ফার্মরস ৱেলফিয়রগী মিনিস্তর শ্রী নরেন্দ্র সিংহ তোমার, রেলৱে অমসুং কম্মর্স মিনিস্তর শ্রী পিয়ুশ গোয়াল অমসুং মিনিস্ত্রী ওফ স্তেত, কম্মর্স অমসুং ইন্দস্ত্রীগী মিনিস্ত্রীগা পঞ্জাবকী লৌমী ওর্গানাইজেসনগী মীহুৎশিংগা লোয়ননা ২০২০গী দিসেম্বর, ১দা নই দিল্লীগী, বিগ্যান ভবন্দা উন্নখ্রে। মিনিস্তরনা অমুক হন্না লৌমী য়ুনিয়নগী মীহুৎশিংদা ফার্ম রিফোর্ম এক্তকী কান্নবশিং শন্দোক্না তাকখি। ফার্ম রিফোর্ম এক্তকী মরী লৈনবা ইশু কয়া অমা য়াম্না শুগাইনা খন্নখি অমসুং শান্নরিবা ৱারি অসি মরপ-মপাং ওইবা মওংদা শান্নখি।    

এগ্রীকলচর মিনিস্তরনা পঞ্জাবকী লৌমী ওর্গানাইজেসনগী মীহুৎশিংবু তরাম্না ওকখি অমসুং সরকার অসিনা লৌমীগী য়াইফনবা অমসুং লৌউ-শিংউব অসি চাওখৎনবা মতম লৈবা খিবক্তা ভারত সরকারনা অহানবা ওইনা খল্লি হায়দুনা মরুওইনা হায়খি। ৱা খন্নবা মনুং অসিদা এগ্রীকলচর অমসুং ফার্মরস ৱেলফিয়রগী মিনিস্তরনা লৌমীশিংগী অৱাবা অসি কোক্নবা এক্সপার্ত কম্মিতি অমা শেম্নবা পনখি অদুবু লৌমী ওর্গানাইজেসনগী মীহুৎশিংনা মখা তানা সরকারগা ৱা খন্নবা অসিদা শরুক য়ানবগী অপাম্বা ফোংদোকখি।  

ৱারি শান্নবা অসিদা সরকারনা লৌমী ওর্গানাইজেসনগী মীহুৎশিংবু ফার্ম রিফোর্ম এক্তকী মরী লৈননা থেংনরিবা অৱাবা অসি খংদোকপা অমসুং শেমদোক্নবা ০২.১২.২০২০দা সরকারগা তান্নবা অসিনি। হায়রিবা ইশুশিং অসি ০৩.১২.২০২০দা পাংথোক্কদৌরিবা মরিশুবা রাউন্দদা খন্নগনি।

মসিনা তাক্লি মদুদি ভারত সরকার অসিনা মতম লৈবা খিবিক্তা লৌমী ফনবতা খন্দুনা লৈ অমসুং মতম পুম্বদা লৌমীগী য়াইফনবগীদমক খন্ননবা থোং হাংদুনা লৈরি।

****