ঙসি হকশেল অমসুং য়াইফ-য়ুম্বালগী কেন্দ্র মন্ত্রী অমসুং ইন্দিয়ান রেদ ক্রোস সোসাইতি(আই আর সি এস)কী চিয়রমেন দোক্তর হর্স ভর্ধন্না ওল্দ দিল্লি রেলৱেজ স্তেন্দা মাক্সশিং অমসুং সপোনশিং য়েন্থোকখ্রে।

মাক্স উপ্পা অমসুং খুৎ-শা য়াম্না তোইনা হাম্বগী মরুওইবা অমুক হন্না পল্লদুনা, দোক্তর হর্স ভর্ধন্না হায়খি ঐখোয়না কোবিদ লান্থেংনরকখিবা অথুবদা থা ১১ মপুংফারগনি। মতম অদুগী হৌনা, ঐখোয় ইশা অমসুং অতোপ্পশিং ঙাকথোক্নবা খ্বাইদগী মরুওইবা থবক্তি লু-নান্না লৈবা অমসুং মীয়ামগী থাপ্না লৈবা অসিনি। কোবিদ থেংন্নবা ঐখোয়গী খ্বাইদগী চাউবা খুৎলায়দি মাক্স অমসুং সেনিতাইজরনি

থৌরম অদুদা শরুক য়াখিবা মীওই খুদিংমক মাক্স শীজিন্নবগী থাগৎলদুনা দোক্তর হর্স ভর্ধন্না হায়খি মাক্স অমসুং সপোন য়েন্থোকপা অসিগী মতুংদা খ্বাইদগী মরুওইবা পাউজেল অমা লৈরি। মসিগী পান্দমদি পাউজেল শন্দোকপনি। তোঙান-তোঙানবা চেন্নেলশিং অমসুং থবকশিংগী খুৎথাংদা মীয়াম ৱাখল তাহন্নবা সরকারনা হোৎনরি। মসি থবক ওইনা পাংথোকপদা কুলিশিং, তেক্সি য়ুনিয়নশিং, থ্রি হুইল্লর য়ুনিয়নশিংনা মরুওইবা থৌদাং অমা লৌরি।

ভারতকী কোবিকী ফিবমগী মতাংদা দোক্তর হর্স ভর্ধন্না হায়খি, মালেম পুম্নমক্কী ওইনা অনাবা ফগৎলকপগী চাং খ্বাইদগী ৱাংবা লৈবাকশিংগী মনুংদা ভারত অমনি। ২০২০গী জনুৱারিদা লেব ১ খক লৈরম্বদগী হৌজিক ঐখোয়গী লেব ২১৫৬ লৈরে। নোংমদা মীওই মিল্লিয়ন ১ হেন্না তেস্ত তৌরে। ঙসি ফাওবদা ঐখোয়না অপুনবা ওইনা মীওই করোর ১৪ তেস্ত তৌখ্রে। মসিনা লাইচৎ অসি থেংন্নবা সরকারগী অচেৎপা ফিরেপ অমসুং ঐখোয়গী কোরোনা লান্মীশিংনা পোথাবা লৈতনা হোৎনরিবশিং অদু উৎলে।

মহাক্না মখা তানা হায়খি প্রধান মন্ত্রী শ্রী নরেন্দ্র মোদীগী লমজিং মখাদা, ভারতনা মশাগী ওক্নবা মাক্সশিং, পি.পি.ই কিৎশিং, ভেন্তিলেতরশিং পুথোকপা ঙম্লে। ভারত্তা নোংমদা পি.পি.ই কিৎ লাখ ১০ হেন্না শাবা ঙম্লে। হৌজিক ঐখোয়গী সাইন্তিস্তশিংনা তিকাগী লমদা থিজিল্লি অমসুং মসি মতম চানা ফংহনবা ঙম্লগনি।

গজ ২ থাপ্না লৈনবা মীয়ামদা তকশিল্লদুনা দোক্তর হর্স ভর্ধন্না হায়খি, ঐখোয়গী মাইকৈদগী থওইদবা নৎত্রগা চেকশিন্দবদগী অচৌবা খুদোংচাদবশিং মায়োক্নবা য়াই। মালেমদা ঐখোয়না মী শিবগী চাং খ্বাইদগী নেম্বা লৈবাক অমা ওইরবসু, করিগুম্বা লায়না অসিনা মীওই অমা শিরবদি, মদু মখোয়গী ইমুং-মনুং অমসুং মরুপ-মপাংশিংগী অচৌবা মাঙজবা অমনি। পাউজেল অসি মীওই মশিং য়াম্না শন্দোক্নবা ঐনা ময়াম পুম্নমক্তা হায়জরি।

থৌরম অদুদা আই.আর.সি.এসগী সেক্রেতরি জেনেরেল,শ্রী আর.কে জেন অমসুং দি.আর.এম,দিল্লি শ্রী এস.সি জেন শরুক য়াখি।

*****