কেন্দ্রগী রেলৱে, কমর্স অমসুং ইন্দস্ত্রী, কঞ্জ্যুমর এফিয়র্স, ফুদ এন্দ পব্লিক দিস্ত্রিব্যুসন মন্ত্রী, শ্রী পিয়ুশ গোয়লনা নোর্থ ৱেস্তর্ন রেলৱেগী নৌনা ইলেক্ত্রিফাইদ তৌরবা দিঘাৱারা-বান্দীকুই রেল সেক্সন শঙ্গাখ্রে অমসুং দিঘাবরা স্তেসন্দা পাংথোকপা থৌরমদা নৌনা ইলেক্ত্রিফাইদ তৌরবা রুৎ অসিদা অহানবা ত্রেন অশংবা ফিরাল উৎতুনা লমথাখ্রে। থৌরম অদুদা মীয়ামগী মীহুৎশিং অমসুং সেনিয়র ওইরবা রেলৱে ওফিসিএলশিংনা শরুক য়াখি।

কেন্দ্রগী রেলৱে, কমর্স অমসুং ইন্দস্ত্রী, কঞ্জ্যুমর এফিয়র্স, ফুদ এন্দ পব্লিক দিস্ত্রিব্যুসনগী মন্ত্রী, শ্রী পিয়ুশ গোয়লনা ঙসি থৌরম অসিদা ৱা ঙাংলদুনা হায়খি মদুদি গুরু নানক দেবজীগী মপোক কুমওন নোংমা ৱাৎলিঙৈদা থৌরম পাংথোক্লিবা অসি য়াম্না মরুওইবা অমনি। মহাক্না হায়খি মদুদি ইকাই খুম্নজরবা প্রধান মন্ত্রীগী মিৎয়েং মখাদা ভারতকী রেলৱেনা খোংজেল য়াংনা অমদি মগুন লৈনা ফেজ নাইনা মাংদা চংশিল্লি লোইননা পুম্নমক্কী মতেং, তীমৱর্ক অমসুং ইথিলদগী মায় পাকপা ময়াম অমা ফংলি।

রেলৱেগী থবকশিংদা শাফু পীরদুনা শ্রী গোয়লনা হায়খি মদুদি রাজস্থান্দা কোতা-মুম্বৈ লাইনগী ইলেক্ত্রিফিকেসনগী থবক চহি ৩৫গী মমাংদা তৌখি অমসুং মদুগী মতুংদগী কনানসু লমদম অসোমদা মিৎয়েং চংখিদে। রেলৱেনা মসিদা থবক পায়খৎলদুনা লৈবাক শিনবা থুংনা রেল লাইনশিং ইলেক্ত্রিফিকেসন তৌবগী পান্দম থমখি। রাজস্থানগী মতাংদা পল্লদুনা মহাক্না হায়খি মদুদি ২০০৯-২০১৪ ফাওবা লমদম অসিদা ইলেক্ত্রিফিকেসনগী থবক অমত্তা তৌখিদে অদুগা হৌখিবা চহি মঙা মখাই (সেপ্তেম্বর ২০২০ ফাওবগী মনুংদা) অসিদা রেল রুৎ কি.মি. ১৪৩৩গী ইলেক্ত্রিফিকেসন তৌবা মপুং ফাখি হায়বদি চহি খুদিংগী রেল রুৎ কি.মি. ২৪০ ইলেক্ত্রিফিকেসন তৌখি। শ্রী গোয়লনা হায়খি মদুদি চহিশিং অদুগী মনুংদা ৱাখল্লোন্দা অহোংবা পুরকখি অমসুং ঐখোয়গী থবক তৌবগী মওংদসু অহোংবা পুরকখি। ঙসি রেল রুৎ অসিগী ইলেক্ত্রিফিকেসন তৌখ্রবা মতুংদা রেৱারীদগী অজমেরগী রুৎ ফাওবা ইলেক্ত্রিফিকেসনগী থবক মপুং ফাখ্রে অমসুং হৌজিক দিল্লীদগী অজমেরগীদমক্তা ইলেক্ত্রিফাইদ তৌরবা ত্রেনসু অথুবা মতমদা হৌরগনি। ত্রেনশিং অসি চলাইরবা মতুংদা দিজলগী ত্রেনশিং চেনবা লেপ্লগনি মসিদগী পোলুসন কন্ত্রোল তৌরগনি অমসুং মপান্দগী পুশিল্লকপা থাওগী মপান তাংলরোই লোইননা আত্মনির্ভর ভারত্তা ফংবা ইলেক্ত্রিক্না ত্রেনশিং চলাইরগনি, মসিদগী মরুওইবা রেভিন্যু কনবা ঙম্লগনি। মসিদা নত্তনা ত্রেনশিংগী খোংজেলসু য়াংখৎলগনি লোইননা ইন্দস্ত্রী, লৌউ-শিংউদা য়ুম্ফম ওইবা বিজিনেস চাউখৎলগনি অমসুং খুঙ্গং অমসুং লৌমীশিংসু চাউখৎলগনি। লৌমীশিংদা খুদোংচাবা ফংহন্নবগীদমক্তা রেলৱেনা মখোয়গী লৌউ-শিংউগী পোৎথোক পুথোক-পুশিন তৌনবা কিসান রেল চলাইরি। সরকারনা লৌমীশিংগী চাউখৎনবগীদমক লেপ্লি।

শ্রী গোয়লনা পুম্নমক্তা কোবিদকা মরী লৈনবা লমজিং-লমতাকশিং ঙাক্নবা, মাস্ক উপ্নবা, সোসিএল দিস্তেন্সিং থম্নবা অমসুং লুবা নানবদা পুক্নীং চংনবা অপীল তৌখি।

ইলেক্ত্রিফিকেসনগী থবক অসি সেন্ত্রেল ওর্গনাইজেসন ফোর রেলৱে ইলেক্ত্রিফিকেসন (সি.ও.আর.ই.), প্রয়াগরাজনা পাংথোকপনি। দিল্লী সরাই রোহিল্লা-মদার (অজমের)গী ইলেক্রিফিকেসনগী থবক সি.ও.আর.ই.না অয়াবা পীখি অমসুং রেল ইলেক্ত্রিফিকেসন প্রোজেক্ত, জয়পুরদা শিন্নখি। দিল্লী সরাই রোহিল্লা-মদার (অজমের)গী ইলেক্রিফিকেসনগীদমক পুন্না ফাউন্দেসন ২৩৪১৮, স্বিচিং স্তেসন ২৬, ত্রেক্সন সব-স্তেসন ৬ অমসুং ও.ঐচ.ই. দিপোৎ ৭ শেমগৎখ্রে।

*****