ইনকম তেক্স দিপার্তমেম্তনা চেনাইদা আই.তি. এস.ই.জেৎ দিবলপ্পর, মসিগী এক্স-দাইরেক্তর অমসুং মমিং লৈরবা স্তেনলেস-স্তীল সপ্লাই তৌবা মীওই অমগী মথক্তা লৈবা কেস অমদা থি-হুম্বা চৎথখ্রে। থি-হুম্বগী থবক অসি চেনাই, মুম্বাই, হায়দ্রবাদ অমসুং কৎদালোরদা লৈবা মফম ১৬তা চৎথখি।

খুদম ওইবা য়াবা লুপা করোর ১০০ রোমগী ওইবা থাবা য়াদবা লল কয়া অমা এক্স-দাইরেক্তর অমসুং মহাক্কী ইমুংনা হৌখিবা চহি ৩ অসিদা শিজিন্নবা থেংনরকখি। মখা তানা থি-হুম্বা অসিদা  আই.তি. এস.ই.জেৎ দিবলপ্পর অসিনা শাশিন্নবা চাদিং তৌদুনা লুপা করোর ১৬০গী প্রোজেক্ত তৌরম্বা থেংনরকখি। হায়রিবা কাঙবু অসিনা লুপা করোর ৩০গী শাশিন্নবা কন্সলতেন্সি ফী অসি প্রোজেক্তকী কেপিতেল ওইবা চাদিং তৌবা অমসুং পীফম থোক্তবা চাদিং ওইনা লুপা করোর ২০ হেন্না শিজিন্নবগী থেংনরি।

থি-হুম্বা অসিনা মখা তানা আই.তি. এস.ই.জেৎ দিবলপ্পরগা পোৎ-চৈ লৈবগী মরী লৈন্নবা খংলক্লি। কাংবু অসি অরীবা সেয়রহোল্দরগা লৈবগী সেয়র তৌবা, মফম অদুগী মীওই অমা অমসুং অতোপ্পা কাংবু অমা, হায়রিবা অসি মোরিসিয়সগী ইন্তরমেদিএরি অমদা শেন্থং তৌদুনা ২০১৭-১৮দা লুপা করোর ২৩০০ অসি ফংখি। 

থি-হুম্বগী থবক অসি সেয়রহোল্দর অনিগী খুত্তা লৈরিবা খংহন্দনা লৈরিবা কেপিতেল গেন অসি খংদোক্নবনি। অতোপ্পা লম লৈবা-য়োনবদা চেন্নবা পৈশা পীবা অমসুং কনভর্তিবল দেবেনচরগা মরী লৈনবা অসিসু য়েংশিল্লি।

স্তেনলেস-স্তীল সপ্লাই তৌবা মীওই অমগী মফম অমদগী ফংবা খুদম অমনা খংহল্লি মদুদি সপ্লাই তৌবা মীওইশিং অসিনা পোৎ য়োনবা মখল অহুম চৎথরি মদুদি: একাউন্তেৎ, অনএকাউন্তেৎ অমসুং পার্তলি-একাউন্তেৎ অসিনি। অনএকাউন্তেৎ অমসুং পার্তলি-একাউন্তেৎ পোৎ য়োনবা অসিনা অপুনবা য়োনবদা চহি খুদিংগী ২৫% নি। মখা তানা, এসেসি কাংবু অসিনা য়োনখিবশিং অসিগী বিল অসি মখল কয়াগী কস্তম্মরশিংগী ১০% ফংলি। হায়রিবা পোৎশিং অসি য়োনবগী হৌজিক পুথোকপদা পাবদা লুপা করোর ১০০ রোম ওইরি। মরী লৈনবা এসেসি অসিগী কাংবু অসি ফাইনান্সকী ওইবা, পৈশা শান্দোকপা অমসুং রিএল ইস্তেত চাওখৎহনবা অসিনি। কাংবু অসিনা চৎথরিবা মশিং থাদবা পোৎ লৈবা, কেপিতেল/লোন অসি চাওরাক্না লুপা করোর ৫০ রোম্নি।

থি-হুম্বা অসিদা হৌজিক ফাওবদা লোৎতুনা লৈরম্বা ইনকম লুপা করোর ৪৫০ থিদোকপা ঙমখি।

মখা তানা থি-হুন্বা চৎথরি।

****