ସୂଚନା ଓ ପ୍ରସାରଣ ମନ୍ତ୍ରଣାଳୟ
ସମ୍ବିଧାନ ଦିବସ ଅବସରରେ ଇ-ବିବରଣୀ ପୁସ୍ତିକା ପ୍ରକାଶ ଜାଭଡେକରଙ୍କ ଦ୍ଵାରା ଉନ୍ମୋଚିତ
Posted On:
26 NOV 2020 6:28PM by PIB Bhubaneshwar
କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଶ୍ରୀ ପ୍ରକାଶ ଜାଭଡେକର ଭାରତୀୟ ସମ୍ବିଧାନ, ମୌଳିକ ଅଧିକାର ଓ କର୍ତ୍ତବ୍ୟ ଉପରେ ପର୍ଯ୍ୟବେସିତ ଇ-ବିବରଣୀ ପୁସ୍ତିକା ଉନ୍ମୋଚନ କରିଛନ୍ତି ।
![](https://static.pib.gov.in/WriteReadData/userfiles/image/image001LY6C.jpg)
ଏହି ଅବସରରେ ଉଦବୋଧନ ଦେଇ ଜାଭଡେକର କହିଛନ୍ତି ଯେ, ଏହି ଇ-ବିବରଣୀ ପୁସ୍ତିକା ଏକ ଗୁରୁତ୍ୱପୂର୍ଣ୍ଣ ସନନ୍ଦ । ମୁଁ ଏଥିପାଇଁ ସୂଚନା ଓ ପ୍ରସାରଣ ମନ୍ତ୍ରଣାଳୟ ଅଧିନସ୍ଥ ପତ୍ର ସୂଚନା କାର୍ଯ୍ୟାଳୟ (ପିଆଇବି)ର ପଦକ୍ଷେପକୁ ଅଭିନନ୍ଦନ ଜଣାଉଛି । ପତ୍ର ସୂଚନା କାର୍ଯ୍ୟାଳୟ ପକ୍ଷରୁ ପ୍ରକାଶିତ ଏହି ରଚନାଗୁଡିକ ବହୁ ଲବ୍ଧ ପ୍ରତିଷ୍ଠିତ ବ୍ୟକ୍ତିଙ୍କ ଦ୍ଵାରା ଲେଖା ଯାଇଛି । ଏହି ଅବସରରେ ଶ୍ରୀ ଜାଭଡେକର ଆମ ସମ୍ବିଧାନକୁ ଦେଶର ବୃହତମ ଧାର୍ମିକ ପୁସ୍ତକ ବୋଲି କହିଥିବା ପ୍ରଧାନମନ୍ତ୍ରୀଙ୍କ ଉକ୍ତିକୁ ସ୍ମରଣ କରିଥିଲେ । ସମ୍ବିଧାନ ଦିବସକୁ ପାଳନ କରିବା ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟିର ପରିଣାମ ବୋଲି ସେ କହିଥିଲେ । ସମ୍ବିଧାନର ଗୁରୁତ୍ଵ ସମ୍ପର୍କରେ ସୂଚନା ଦେଇ ଶ୍ରୀ ଜାଭଡେକର କହିଥିଲେ ଯେ, ଭାରତର ସମ୍ବିଧାନ ସବୁଠାରୁ ଅସାଧାରଣ । ଏଥିରେ ସମସ୍ତ ବ୍ୟକ୍ତିଙ୍କୁ ଅଧିକାର ଓ ସମାଜର ସବୁ ବର୍ଗର ଲୋକଙ୍କୁ ସମାନ ନ୍ୟାୟ ଦେବାର ବିଷୟରେ ପୁଙ୍ଖାନୁପୁଙ୍ଖ ଉଲ୍ଲେଖ ରହିଛି । ଏହି ପୁସ୍ତକ https://static.pib.gov.in/WriteReadData/ebooklat/Flip-Book/ constfiles/index.htmlରେ ୱେବସାଇଟରେ ପାଇପାରିବେ ।
ଇ-ବିବରଣୀ ପୁସ୍ତିକା ବିଷୟରେ ପଦେ-
ଏହି ଇ-ପୁସ୍ତିକା 32ଟି ରଚନା ଦ୍ଵାରା ସମୃଦ୍ଧ । ବିଚାରପତିଙ୍କ ଠାରୁ ଆରମ୍ଭ କରି ଶିଳ୍ପପତି ଏବଂ କଳାକାରଙ୍କ ରଚନା ଏଥିରେ ସ୍ଥାନିତ ହୋଇଛି । ଲେଖକମାନଙ୍କ ମଧ୍ୟରେ ଆନନ୍ଦ ମହିନ୍ଦ୍ରା, ଆଟର୍ଣ୍ଣୀ ଜେନେରାଲ କେ କେ ଭେନୁଗୋପାଳ ଏବଂ ସୋନାଲ ମାନସିଂ ଅନ୍ତର୍ଭୁକ୍ତ । ପ୍ରଥମେ କଫି ଟେବୁଲ ପୁସ୍ତକ ଭାବେ ଯୋଜନା ହୋଇଥିବା ଏହି ପୁସ୍ତିକା ଇ-କମ୍ପେଡିୟମ ବା ବିସ୍ତୃତ ବିବରଣୀ ସହ ଅଧିକରୁ ଅଧିକ ଲୋକଙ୍କ ପାଖରେ ପହଞ୍ଚିବା ପାଇଁ ପ୍ରସ୍ତୁତ ହୋଇଛି । ଭାରତୀୟ ସମ୍ବିଧାନରେ ସନ୍ନିବେଶିତ ମୌଳିକ ଅଧିକାର ଓ କର୍ତ୍ତବ୍ୟ ଉପରେ ଏହି ପୁସ୍ତକରେ ଆଲୋକପାତ କରାଯାଇଥିବା ବେଳେ ଦେଶର ଏକତା, ଅଖଣ୍ଡତା ଓ ଜନସାଧାରଙ୍କ ଜୀବନ ମାନରେ ଉନ୍ନତି ସମ୍ପର୍କରେ ସମ୍ବିଧାନର ଭୂମିକା ନେଇ ବର୍ଣ୍ଣନାମାନ ରହିଛି ।
**********
(Release ID: 1676209)
Visitor Counter : 183