মুম্বাইদা লৈবা অস্ত্রেলিয়া কন্সুলেতকী এক্তিং কন্সুলেত জেনেরেল সারাহ রোবার্তস অমসুং মীওই অহুমগী মীহুৎ কাংবু অমা য়াওনা অস্ত্রেলিয়াগী হায় কম্মিসন্নর বেরি ও ফাররেল এ.ওনা নবেম্বর ২৩, ২০২০দা ৱেস্তর্ন নেভেল কমান্দগী ফ্লেগ ওফিসার কমান্দিং-ইন-চীফ ভাইস এদমিরেল অজিৎ কুমারগা উনখ্রে। হায় কম্মিসন্নরনা এদমিরেলগা ৱারি শানখি অমসুং ঙাক-শেন, মরুওইবা মরুপ-মপাংগী মরী অমসুং ইন্দিয়ান ওসিন লিত্তোরেল স্তেৎশিং য়াওনা সমুদ্রগী শরুক্তা দরকার ওইবশিং শরুক য়ামিন্নবগী মতাং য়াওনা তোঙান-তোঙানবা ৱাফমশিং ফোঙদোক্নখি। হায় কম্মিসন্নরনা ৱেস্তর্ন নেভেল কমান্দগী এয়রক্রাফ কেরিয়র দোকসু য়েংখি।

ভারত, অস্ত্রেলিয়া, জপান অমসুং য়ু.এসনা শরুক য়াদুনা হন্দক পাংথোকখিবা লৈবাক মরিগী লান তম্বা মালাবার ২০২০গা মপা চান্না হায় কম্মিসন্নরগী খোঙচৎ অসি শিংথানিংঙাই ওইখি। রোয়েল অস্ত্রেলিয়া নেভিগী ব্রিগেদ অমা, ঐচ.এম.এ.এস বাল্লারাত মালাবার ২০২০গী তাঙ্কক অনিমক্তা অস্ত্রেলিয়াগী মহুৎশীন্দুনা শরুক য়াখি অমসুং ২০২০গী নবেম্বর ১০দগী ১৩ ফাওবা গৱা হিথাংফমদা মতম খর লৈখি।

হায় কম্মিসন্নরগী খোঙচৎ অসি কম্মনৱেল্থ লৈবাক অনিগী মরক্তা অফবা মরীশিং থম্নরিবা তাঞ্জানি অমসুং মসিনা লৈবাক অনিগী নেভিশিংগী মরক্তা হৌজিক লৈনরিবা মরীশিং মখা তানা কনখৎহল্লগনি।

*****