(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ইন্দিয়াগী অপুনবা এক্তিব কেস্তগী এক্তিব কেসলোদনা ৫%গী মখাদা লৈরি
• অনাবা ফবগী চাং অসি ৯৩%দা লেঙদনা লৈরি
• নুমিৎ ১৬নি অসিদা নুমিৎ খুদিংগী অনৌবা কেস মশিং ৫০,০০০গী মখাদা লৈরি
• হৌখিবা পুং ২৪ অসিদা, লৈবাক অসিদা অনৌবা ফগৎলকপগী রেজিস্তর তৌবা অসি ৪১,০২৪ তৌদুনা অমদি মীওই ৪৪,০৫৯ কোবিদনা নাবা থেংনখি
• কেন্দ্রনা কোবিদ মায়োক্নবা অমসুং শিল্লাংবদা রাজ্যশিংগী মতেং পাংনবগীদমক হিমাচল প্রদেশ, পঞ্জাব অমসুং উত্তর প্রদেশতা অৱাংবা থাক্কী তীমশিং থাখ্রে
   

ইন্দিয়াগী অপুনবা এক্তিব কেস্তগী এক্তিব কেসলোদনা ৫%গী মখাদা লৈরি, অনাবা ফবগী চাং অসি ৯৩%দা লেঙদনা লৈরি, নুমিৎ ১৬নি অসিদা নুমিৎ খুদিংগী অনৌবা কেস মশিং ৫০,০০০গী মখাদা লৈরি

ইন্দিয়াগী হৌজিক ওইরিবা এক্তিব কেস অসি অপুনবা পোজিতিব কেসশিংদগী (৪,৪৩,৪৮৬) ৪.৮৫%নি অমসুং ৫%গী মখাদা লেঙদনা লৈরি। অনাবা ফগৎলকপাগী চাং অসিনা ৯৩% ওইদুনা হৌজিক ফাওবদা ফগৎলকপগী অপুনবা কেস ৯৩.৬৮% অসিদগী ওইরি। হৌখিবা পুং ২৪ অসিদা, লৈবাক অসিদা অনৌবা ফগৎলকপগী রেজিস্তর তৌবা অসি ৪১,০২৪ তৌদুনা অপুনবা ফগৎপা অসি ৮৫,৬২,৬৪১ ওইরি। ফগৎলকপগী কেস অমসুং এক্তিব কেসশিং অসি তপ্না-তপ্না হেনগৎলক্লি অমসুং হৌজিক্কী ওইনা ৮১,১৯,১৫৫দা লৈরি। পুং ২৪ অসিগী মনুং অসিদা মীওই ৪৪,০৫৯ কোবিদনা নাবা থেংনখি। নবেম্বর ৮দগী নুমিৎ ১৬নি অসিদা কেস ৫০,০০০ খক রেজিস্তর তৌরি। হায়রিবা অসিনা নোংচুপ থংবা হেমিসফিয়র অসিদা লৈবাক কয়া অমদি নিংথমথা লাকপদা অনৌবা কেস হেনগৎলকপা উরি। অনৌবা অনাবা ফগৎলকপা ৭৭.৪৪% অমদি স্তেতশিং/য়ু.তি.শিং ১০দা ওইরি। পুং ২৪ অসিগী মনুংদা কেরলাদা মীওই ৬,২২৭ কোবিদতগী নাবা ফবা উরি, দিল্লীদা ৬,১৫৪ অমসুং মহারাস্ত্রাদা অনৌবা ৪,০৬০ অসি উরি। স্তেতশিং/য়ু.তি.শিং ১০দা অনৌবা কেস ৭৮.৭৪% লৈরি। পুং ২৪গী মনুংদা দিল্লীদা ৬,৭৪৬ রিপোর্ত তৌরি। ঙরাং মহারাস্ত্রাদা অনৌবা কেস ৫,৭৫৩ অমা কেরলাদা ৫,২৫৪ রেকোর্দ তৌরি। স্তেতশিং/য়ু.তি.শিং ১৫দা লৈবাক্কী ওইবা চাং অসিদগী নেম্না মিলিয়ন পোপুলেসন্দা (৬,৬২৩) দা ওইরি। স্তেতশিং/য়ু.তি.শিং ১০দা পুং ২৪ অসিগী মনুং অসিদা মীওই ৫১১ শিদুনা ৭৪.৯৫% লৈরি। দিল্লীদা মীওই ১২১ শিদুনা নৌনা শিবা অসি ২৩.৬৮% ওইরি। মহারাস্ত্রাদা অশিবা মশিং ৫০ অমসুং ৱেস্ত বেঙ্গালদা ৪৯ শিদুনা নক্না চৎলি। স্তেতশিং/য়ু.তি.শিং ২১দা লৈবাক্কী ওইবা চাং অসিদগী নেম্দুনা মিলিয়ন্দা (৯৭) লৈবগী রিপোর্ত লৈরি।

অকুপ্পা ৱারোলগীদমক :

কেন্দ্রনা কোবিদ মায়োক্নবা অমসুং শিল্লাংবদা রাজ্যশিংগী মতেং পাংনবগীদমক হিমাচল প্রদেশ, পঞ্জাব অমসুং উত্তর প্রদেশতা অৱাংবা থাক্কী তীমশিং থাখ্রে

কেন্দ্র সরকারনা কোবিদকা ময়োক্নবা অমসুং শিল্লাংবদা রাজ্যশিংগী মতেং পাংনবা উত্তর প্রদেশ, পঞ্জাব অমসুং হিমাচল প্রদেশতা অৱাংবা থাক্কী সেন্ত্রেল তীমশিং থানবগী ৱারেপ লৌখ্রে। রাজ্যশিং অসিদা এক্তিব কেসকী মশিং হেনগৎলক্লি হায়বদি হোস্পিতালাইজ তৌবা নত্ত্রগা মেদিকেল সুপর্ভিজনগী মখাদা হোম আইসোলেসন তৌবা নত্ত্রগা নুংতিগী অনৌবা কেসতা মশিং হেনগৎলক্লি। মসিগী মেম্বর অহুম্না শাবা তীমশিং অসি কোবিদকী এক্তিব কেস য়াম্না লৈবা মফমদা চৎকনি অমসুং থিংবা, য়েংশিনবা, থিজিনবা, লাইনা শন্দোরকপা থিংবা অমসুং লাকশিন্নবা পাম্বৈশিং, অমসুং কোবিদ শন্দোরকপগী মতাংদা মতিক চাবা ক্লিনিকেল মেনেজমেন্তকী মতাংদা রাজ্যশিংনা হোৎনরিবশিং অদুদা মতেং পাংগনি। কেন্দ্রগী তীম্না রাজ্যশিংদা, মতম চানা অনাবা খঙদোকপা অমসুং মদুগী মতুংদা লায়েংবগা মরী লৈনবা শিংনবশিংবু নীংথিজনা পাংথোকপদসু লমজিংগনি। মসিগী মমাংদা কেন্দ্র সরকারনা হরিয়ানা, রাজস্থান, গুজরাত, মনিপুর, অমসুং ছত্তিসগরদা অৱাংবা থাক্কী তীম থাখ্রে।

অকুপ্পা ৱারোলগীদমক:

দা. হর্শ বর্ধন্না হেল্থ অমসুং হ্যুমেন দিবেলপমেন্তগী মতাংদা বোস্তন সেন্তর ফোর এক্সিলেন্সতা ৱা ঙাংখ্রে

হকশেল অমসুং য়াইফ-য়ুম্বালগী কেন্দ্রগী মন্ত্রী দা. হর্শ বর্ধন্না ভিদিও কনফরেন্সকী খুত্থাংদা ঙসি হেল্থ অমসুং হ্যুমেন দিবেলপমেন্তগী মতাংদা বোস্তন সেন্তর ফোর এক্সিলেন্সতা দিজিতেল ওইনা ৱা ঙাংখ্রে। হেল্থ অমসুং হ্যুমেন দিবেলপমেন্তগী বোস্তন সেন্তর ফোর এক্সিলেন্স (বি.ও.সি.ই.)না অপুনবগী অফবা লাইয়েং অমসুং অফবা হেল্থকিয়রগীদমক্তা রিসর্চ তৌনবা এক্সপর্তশিং পুনশিন্নবা অসিগীদমক থাগৎলদুনা দা. হর্শ বর্ধন্না ঐখোয়গী সিবিলাইজেসনগী অহৌবা তাঙ্কক্কা হৌজিক শন্দোরক্লিবা লাইচৎ অসিগা চাংদম্নখি। মহাক্না হায়খি, “ঐখোয়না স্পেনিশ ফ্লু, মালেমগী অহানবা লাঞ্জাও অমসুং মালেমগী অনিশুবা লাঞ্জাও থেংনহৌদে অদুবু ঐখোয়না মখোল থোক্তবা লানগী তাঙ্কক অমদা হিংলি। মীওই মিলিয়ন ১০০গী মথক্তা শীখ্রে। অমসুং ফীভম কয়াদা মখোয়না মখোয়গী নুংশিজরবশিংগী অরোইবা মীকুপশিংদা উন্নবা ফংজখিদে। মখোয়গী অরোইবা মথৌ মঙম অদুসু মমিংগী ওইনা পাঙথোকখি। অমসুং হিংহৌরিবা মিলিয়ন কয়ানা মখোয়গী মথক্তা শেলগী পোৎলুম পুবতা নত্তনা অৱাবা কয়া অমসু মায়োক্নহৌরি।” হিরম অসিদা দা. হর্শ বর্ধন্না হায়খি, “মসিনা অহানবা নত্তে অমসুং অরোইবসু ওইরোই। অদুবু কোবিদ-১৯ অসি ২১শুবা চহিচাগী হৌখ্রবা তাঙ্কক অমা অথুবদা ওইরগনি। কোবিদ নাবা মীওইশিংগী ঐখোয়গী লায়েংবগী প্রোতোকল অসি হৌজিক্তি ময়েক শেংলে। অনাবা মীওই খরা খক্তা শীরি। অথুবদা বেক্সিনশিং ফংলগনি অমসুং লাক্কদৌরিবা থা খরা অসিদা কেসশিংগী মশিং শীংথানিংঙাই ওইনা হন্থরগনি।” অমরোমদা কোবিদ-১৯না মীওই, বিজিনেস অমসুং লালোন-ইতিক মিলিয়ন কয়াদা চাউনা অৱাবা পীরি হায়না ফোঙদোক্লদুনা দা. হর্শ বর্ধন্না তাঙ্কক অসিদা ভারতনা খুদোংথিবা অসি খুদোংচাবদা ওন্থোক্নবা থৌনগা লোইননা তাঙ্কক অসিগী কান্নবা অদু থমখি।

অকুপ্পা ৱারোলগীদমক :

পি.এম.না এম.পি.শিংগীদমক্তা মথোল লোংবা ফ্লেৎশিং শঙ্গাখ্রে

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা এম.পি.শিংগী মথোল লোংবা ফ্লেৎশিং শঙ্গাখ্রে। ফ্লেৎশিং অসি নই দিল্লীগী দা. বি. দি. মার্গতা লৈবনি। চহি ৮০দগী হেন্না লিরবা অমনবা বঙ্গলো নিপান ফ্লেৎ ৭৬ শানবা নৌনা শেমজিন শাজিনখিবনি। থৌরম অদুদা ৱা ঙাংলদুনা, প্রধান মন্ত্রীনা হায়খি মদুদি পার্লিয়ামেন্তকী মেম্বরশিংগীদমক্তা মথোল লোংবা ফ্লেৎশিংদা গ্রীন বিল্দিং নোর্মশিং য়াওহনখি। মহাক্না থজবা ফোংদোকখি মদুদি অনৌবা ফ্লেৎশিং অসিনা লৈগদৌরিবা অমদি এম.পি. পুম্নমকপু শোইদ-ঙামদনা অমদি মশা-মউ ফনা থমগনি। মহাক্না হায়খি মদুদি এম.পি.শিংগী লৈফম অসি মতম কুইনদগী লৈরক্লবা সমস্যা অমনি, অদুবু হৌজিক্তি মসি লোইশিল্লে। মহাক্না হায়খি মদুদি চহি তরাগী খুজিং কয়া লিরবা সমস্যাশিং য়ৈথোক্তুনা থম্বগী মহুত্তা, মদুগী পাম্বৈ থিদোক্লবতদা লোইশিনবা ঙম্মি। মহাক্না দিল্লীদা অসিগুম্বা চহি কয়াদগী লোইশিন্দনা লৈরক্লবা, সরকার অসিনা তৌদুনা অমসুং অপীবা মতমগী মমাংদা লোইশিনখিবা কয়া পনখি। মহাক্না হায়খি মদুদি প্রধান মন্ত্রী অতল বিহারী ভাজপেয়ীগী মতমদা, অম্বেদকর নেস্নেল মেমোরিয়েলগী মতাংদা ঙাংনবা হৌখি, মদু চহি ২৩ শাংনা ঙাইরক্লবা মতুংদা সরকার অসিনা শাখ্রে। মহাক্না হায়খি মদুদি সেন্ত্রেল ইনফোর্মেসন কমিশনগী অনৌবা বিল্দিং, ইন্দিয়া গেৎকী মনাক্তা ৱার মেমোরিয়েল অমসুং নেস্নেল পুলিস মেমোরিয়েল সরকার অসিনা শাখিবা অদু মতম কুইনা পন্দুনা লৈরকখিবনি।

অকুপ্পা ৱারোলগীদমক :

পি.এম.না এম.পি.শিংগী মথোল লোংবা ফ্লেৎশিং শঙ্গাবগী থৌরমদা ভিদিও কনফরেন্সকী থোংদা পীখিবা ৱারোল

অকুপ্পা ৱারোলগীদমক :

পি.এম.না উত্তর প্রদেশকী বিন্ধ্যাঞ্চল রিজন্দা রুরেল দ্রিঙ্কিং ৱাতর সপ্লাই প্রোজেক্তশিংগী উরেপ-উয়ুং তমখ্রে

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা উত্তর প্রদেশকী বিন্ধ্যাঞ্চল রিজনগী মির্জাপুর অমসুং সোনভদ্র জিলাশিংদা রুরেল ৱাতর সপ্লাই প্রোজেক্তশিংগী উরেপ-উয়ুম তমখ্রে। থৌরম অদুদা প্রধান মন্ত্রীনা ভিলেজ ৱাতর এন্দ সেনিতেসন কমিতী/পানী সমিতীগী মেম্বরশিংগা ৱারীশু শানখি। থৌরম অদুদা কেন্দ্রগী জল শক্তি মন্ত্রী, শ্রী গজেন্দ্র সিংহ শেখাৱৎ, উত্তর প্রদেশকী গভর্নর, শ্রীমতী আনন্দীবেন পতেল অমসুং উত্তর প্রদেশকী মুখ্যমন্ত্রী শ্রী য়োগী আদিত্যনাথ শরুক য়াখি। প্রধান মন্ত্রীনা ঙসি উরেপ-উয়ুং তমখিবা প্রোজেক্তশিং অসিনা খুঙ্গং ২৯৯৫গী য়ুমথোং খুদিংদা তেপ ৱাতর কনেক্সন ফংহল্লগনি অমসুং মসিদগী জিলাশিং অসিগী চাউরাক্না মীওই লাখ ৪২ রোমনা কান্নবা ফংলগনি। খুঙ্গং পুম্নমক অসিদা ভিলেজ ৱাতর এন্দ সেনিতেসন কমিতী/পানী সমিতী শেমখি, মসিনা হায়রিবা অসি চলাইবা অমদি শেমজিন-শাজিনবগী থবক য়েংশিনগনি। প্রোজেক্তশিং অসিগী চংগদবা অপুনবা শেনফম লুপা করোর ৫,৫৫৫.৩৮নি। প্রোজেক্তশিং অসি থা ২৪গী মনুংদা লোইশিন্নবা পান্দম থম্লি। থৌরম অদুদা ৱা ঙাংবদা প্রধান মন্ত্রীনা হায়খি মদুদি জল জীবন মিশন হৌদোক্লবা মতুংদা হৌখিবা চহি অম-মখাইরোমসিদা ইমুং করোর অনি লাখ ৬০ হেনবদা পাইপ দ্রিঙ্কিং ৱাতর কনেক্সন ফংহনখ্রে, মদুগী মনুংদা উত্তর প্রদেশকী ইমুং লাখ কয়ামরুমসু য়াওরি। মহাক্না হায়খি মদুদি জল জীবন মিশন্না মরম ওইদুনা ঐখোয়গী ইমাশিং অমসুং ইচল-ইচেশিংগী পুন্সি হিংবদা লাইহল্লে মরমদি মখোয়না মখোয়গী য়ুমদা ইরাই লাইনা ঈশিং ফংলে।

অকুপ্পা ৱারোলগীদমক:

১৫শুবা জি. ২০ সমিৎ

প্রধান মন্ত্রী শ্রী নরেন্দ্র মোদীনা নবেম্বর ২১-২২, ২০২০দা সাউদী অরবনা শিল্লাংবা ১৫শুবা জি. ২০ সমিৎতা শরুক য়াখ্রে। সমিৎ অসিদা মেম্বর লৈবাক ১৯গী লৈবাক্কী/সরকারগী মকোকশিং, ই.য়ু., অতৈ চেবাউ পীখিবা লৈবাকশিং অমসুং মালেমগী ওর্গনাইজেসনশিংনা শরুক য়াদুনা কোবিদ-১৯গী য়েংদুনা ভর্চুএল ফোর্মেৎতা পাংথোকখি। প্রধান মন্ত্রীনা সাউদী অরবকী নিংথৌ লৈবাক অমসুং মহাক্কী লীদরশিপ অদুবু হন্দক চহিগী জি. ২০গী মায় পাক্লবা প্রসিদেন্সীগীদমক্তা থাগৎপা ফোংদোকখি লোইননা ২০২০দা কোবিদ-১৯ লাইচৎনা ওইহল্লিবা শিংনবশিং অমসুং অপনবশিং লৈজদুনসু ভর্চুএলগী থোংদা অনিশুবা জি. ২০ সমিৎ মায় পাক্না শিনবী-লাংবীবগীদমক্তা থাগৎপা ফোংদোকখি। সাউদী অরবকী প্রসিদেন্সী মখাদা পাংথোকপা সমিৎ অসিগী মরু ওইবা হিরমদি – পুম্নমকপু ২১শুবা চহি চাদা তাঞ্জা ফংহনবনি। সমিৎ অসিদা মরুওইনা কোবিদ-১৯ লাইচৎকা মায়োক্নবদা হেন্না মিৎয়েং চংবনি। নুমিৎ নিনিগী সমিৎকী মরুওইবা এজেন্দাগী মতুং ইন্না সেসন অনি লৈখি। মসিদা কোবিদকী লাইচৎপু লাকশিনবা, শেনমিৎলোন ফগৎহনবা অমসুং থবক পীবা হেনগৎহনবা লোইননা অপুনবা, তুং কোইবা অমসুং অনোপ-অতিং লৈবা তুংলমচৎ অমা শেমবদা মিৎয়েং থমখি। মসিদা নত্তনা নুমিৎ নিনি অসিদা লাইচৎ অসিদগী ঙাকথোক্নবা শেম শাবশিং অমসুং মালেমগী ঙাক-শেলদা ৱারী-ৱাতাই শান্নবগী থৌরাংসু মসিগী শরুক অমা ওইখি। প্রধান মন্ত্রী নরেন্দ্র মোদীনা হায়খি মদুদি কোরোনা লাইচৎ অসি মীওইবগী পুৱারীদা য়াম্না মরু ওইবা তাঙ্কক অমনি অমসুং কোবিদকী লাইচৎ অসি অনিশুবা মালেমগী লাঞ্জাও মতুংগী খ্বাইদগী চাউবা শিংনবা অমনি। মহাক্না হায়খি মদুদি জি. ২০ লৈবাকশিংনা মখোয়গী ৱারী-ৱাতাইশিং অদু শুপ্নগী শেনমিৎলোনগী লম্বেলদা পুরকপা, থবক পীবা অমসুং ললোন-ইতিক তৌবা খক্তদা থম্বা নত্তনা মালেম অসিবু ঙাক-শেনবগী মতাংদসু খন্নবা তঙাইফদে। মহাক্না মসিগীদমক্তা চপ চাবা থৌওং পাইখৎনবা খঙহনখি অমসুং হায়খি মদুদি ঐখোয় পুম্নমক মীওই লোনচৎকী তুংলমচৎকী ত্রস্তীনি।

অকুপ্পা ৱারোলগীদমক:

পি.এম.না জি-২০ সমিৎকী নাকলগী থৌরমঃ মালেম অসিবু ঙাক-শেনবাঃ সি.সি.ই.গী এপ্রোচতা পীখিবা ৱারোল

অকুপ্পা ৱারোলগীদমক:

পি.এম.না পন্দিৎ দীন্দয়াল পেত্রোলিয়ম য়ুনিভর্সিতী, গান্ধীনগর, গুজরাতকী ৮শুবা কনভোকেসন্দা শরুক য়াখ্রে

প্রধান মন্ত্রী শ্রী নরেন্দ্র মোদীনা থাংজ নুমিৎতা পন্দিৎ দীন্দয়াল পেত্রোলিয়ম য়ুনিভর্সিতী, গান্ধীনগর, গুজরাতকী ৮শুবা কনভোকেসন্দা শরুক য়াখ্রে। মহাক্না ‘মোনোক্রিস্তেলাইন সোলর ফোতো ভোলতেক পেনেলগী ৪৫ মেগা ৱাত প্রদক্সন প্লান্ত’ অমসুং সেন্তর ওফ একসিলেন্স ওন ৱাতর তেক্নোলোজী’গী উরেপ উয়ুং তমখ্রে। মহাক্না য়ুনিভর্সিতী অসিদা ‘ইন্নোবেসন এন্দ ইক্যুবেসন সেন্তর – এক্নোলোজী বিজিনেস ইনক্যূবেসন’, ‘ত্রানস্লেস্নেল রিসর্চ সেন্তর’ অমসুং ‘স্পোর্তস কম্প্লেক্স’সু শঙ্গাখ্রে। মহৈরোয়শিংদা ৱা ঙাংলদুনা প্রধান মন্ত্রীনা মালেম অসিনা অচৌবা অৱাবা অমা মায়োক্নরিঙৈ মতম অসিদা গ্রেজ্যুৎ লোইশিনবা অসি অরায়বা থবক অমা নত্তে অদুবু নখোয়না তৌবা ঙম্বশিং অদুনা খুদোংচাদবশিং অসিদগী হেন্না চাউই হায়না ফোঙদোকখি। মহাক্না মখা তারদুনা হায় লাইচৎ অসিনা মরম ওইদুনা মালেমগী ইনর্জী সেক্তরদা অচৌবা অহোংবশিং লাজপা মতম অসিদা মহৈরোয়শিংদা ইন্দস্ত্রীদা চংগদৌরি।

অকুপ্পা ৱারোলগীদমক:

পন্দিৎ দীনদয়াল পেত্রোলিয়ম য়ুনিভর্সিতীগী ৮শুবা কনভোকেসনগী থৌরমদা পি.এম.না পীখিবা ৱারোল

অকুপ্পা ৱারোলগীদমক:

রাজ্য ১৫দা ই-লোক অদালৎ ২৭ লৈহন্দুনা জুনদগী ওক্তোবর ২০২০ ফাওবদা কেস লাখ ২.৫১ লোইশিনবা ঙমহনখ্রে

লাইচৎ অসিনা চৈথেং পীরিঙৈ মতমদা লিগেল সর্ভিসেস ওথোরিতীশিংনা ন্যু নোর্মেল অসি হৈশিংনা চৎনহন্দুনা ভর্চ্যুএল প্লেৎফোর্মদা লোক অদালৎ লৈহনখি। ২০২০গী জুনদগী ওক্তোবর ফাওবদা রাজ্য ১৫দা ই-লোক অদালৎ ২৭ লৈহন্দুনা কেস লাখ ৪.৮৩ পাইখৎখি অমসুং লুপা করোর ১৪০৯গী সেত্তলমেন্ত তৌবা ঙমদুনা কেস লাখ ২.৫১ লোইশিনবা ঙমখ্রে। মখা তানা নবেম্বর ২০২০গী মনুংদা উত্তর প্রদেশ, উত্তরাখন্দ অমসুং তেলঙ্গনা রাজ্যশিং অসিদা হৌজিক ফাওবদা কেস ১৬,৬৫১ পাইখৎখি অমদি লুপা করোর ১০৭.৪গী সেত্তলমেন্ত তৌদুনা কেস ১২,৬৮৬ লোইশিনবা ঙমখি। মালেমগী ওইবা লাইচৎ অসিনা লিগেল সর্ভিসেস ইন্সতিত্যুসনশিংনা মথৌ তৌবগী মওং-মতৌদা মরু ওইনা অহোংবা পুরকখি। কোবিদ-১৯না মরম ওইদুনা থোকহনবা অপনবশিং অমসুং তোঙান তোঙনবা হকশেলগী ওইবা গাইদলাইনশিংগী মরক্তা ৱায়েল পীনবা লিগেল সর্ভিসেস ওথোরিতীশিংনা ইন্দিজিনস ওইনা মখোয়গী ৱায়েল পীবগী চৎনবী ওইনা লৈরিবা পাম্বৈশিংদা তেক্নোলোজী হাপচিনখি। ই-লোক অদালৎ হায়নসু মীয়াম্না খঙনরিবা ওনলাইন লোক অদালৎ অসি তেক্নোলোজীগী কান্নবশিং অদু শীজিন্নরিবা লিগেল সর্ভিসেস ইন্সতিত্যুসনশিংগী অদুগুম্বা ইন্নোবেসন অমনি অমসুং মীয়ামগী য়ুমদা অদুমক ৱায়েল পীনবা ফমপাক অমা ওইরক্লি। ই-লোক অদালৎ অসিনা শেল চংবসু মপুং ফানা হন্থহল্লি মরমদি মসিদা শিল-লাংবগী চাদিং তৌবগী মথৌ তাবা অদু লৈহন্দে।

অকুপ্পা ৱারোলগীদমক :

কোবিদ-১৯ শন্দোকপা লাকশিন্নবা লাল বহাদুর শাস্ত্রি নেস্নেল একাদেমী ওফ এদমিনিস্ত্রেসন্না গাইদলাইন পুম্নমক ঙাক্না চৎখি

লাল বহাদুর শাস্ত্রি নেস্নেল একাদেমী ওফ এদমিনিস্ত্রেসন্দা ২০/১১/২০২০দগী ওফিসর ত্রেনী ৫৭ কোবিদ পোজিতিব ওইখি। সিবিল সর্ভিসেস্তা নৌনা চংলকখিবশিংগী পাঙথোকখিবা ৯৫শুবা ফাউন্দেসন কোর্সকীদমক কেম্পস্তা পুন্না ওফিসর ত্রেনী ৪২৮ লৈখি। একাদেমী অসিনা গৃহ মন্ত্রালয় অমসুং দিস্ত্রিক্ত এদমিনিস্ত্রেসন, দেহরাদুনগী গাইদলাইনশিং ঙাক্না চৎতুনা কোবিদ-১৯ শন্দোকপা থিংনবা খোঙথাং খুদিংমক লৌখৎখি। পোজিতিব ওইখিবা ওফিসর ত্রেনী পুম্নমক দেদিকেতেদ কোবিদ কিয়র সেন্তর অমদা ক্বারন্তাইন তৌখি। ২০.১১.২০২০দগী একাদেমী অসিনা দিস্ত্রিক্ত ওথোরিতীশিংগা লোইননা খুৎশম্নদুনা আর.তি.-পি.সি.আর. তেস্ত ১৬২গী মথক্তা তৌখি। একাদেমী অসিনা ত্রেনিং য়াওনা থবক থৌরম পুম্নমক ০৩.১২.২০২০গী অহিং নোংয়াই ফাওবা ওনলাইন্দা পাঙথোক্নবা ৱারেপ লৌখি।

অকুপ্পা ৱারোলগীদমক:

ইন্দিয়ন এগ্রি প্রদক্তশিংগী প্রদক্ত প্রোমোসনগীদমক এ.পি.ই.দি.এ.না পোতেন্সিয়েল ইমপোর্তিং লাইবাকশিংগা লোইননা ভর্চুয়েল বাইয়র সেল্লর মীতশিং পাংথোকখ্রে

এগ্রিকল্চরেল অমসুং প্রোসেস ফুদ প্রদক্তস এক্সপোর্ত দিভেলপমেন্ত ওথোরিতী(এ.পি.ই.দি.এ.)না কম্মর্স অমসুং ইন্দস্ত্রী মন্ত্রালয়গী মখাদা তোঙান তোঙানবা এক্সপোর্ত প্রোমোস্নেল এক্তিবিতীশিং খুদম ওইনা ইন্তরনেস্নেল বাইয়র সেল্লের মীফম পাংথোকপা, পোতেন্সিয়েল ইমপোর্তিং লৈবাকশিংদা মাংজিন থারিবা ত্রেদ ইভেন্তশিংদা এক্সপোর্তরশিং শরুক য়াহনবা অমসুং অখন্নবা মার্কেৎশিংদা প্রদক্ত প্রোমোসন প্রোগ্রামশিং পাংথোক্তুনা মখোয়গী প্রদক্তশিং অদু একপোর্ত তৌবদা লাইহল্লগনি৷ হায়রিবা ইনিসিয়েতিবশিং অসিনা ইন্দিয়ন এগ্রি প্রদক্তশিং অসি মালেম শিনবা থুংনা মমিং চৎহনখ্রে অমসুং প্রদক্তশিং অসি মালেমগী কৈথেল য়ৌহনবদা এক্সপোর্তরশিং অসিবু হেন্না লাইহনখ্রে৷ কোবিদ-১৯ লাইনা-লাইচৎ অসিগী মনুংদা হকথেংননা উন্নবা অমসুং মার্কেৎ প্রোমোত তৌবা অসি ওইথোক্লোই৷ মসিনা মরম ওইরগা এগ্রি প্রদক্তশিং অসি হেন্না হেন্না য়োকখৎনবা এ.পি.ই.দি.এ.না ভর্চুয়েল মেদিয়ম অমা পাংথোকখ্রে অমসুং ইন্দিয়ন মিসনশিংগা খুৎশম্নরগা তোঙান তোঙানবা ভর্চুয়েল বাইয়র সেল্লর মীতশিং(ভি.বি.এস.এম.) পাংথোক্তুনা এক্সপোর্ত মার্কেৎ প্রোমোসনগী মহাক্কী ইনিসিয়েতিব অদু মখা চৎথখ্রে৷ ২০২০গী এপ্রীলদগী ওক্তোবর ফাওবগী মনুংদা এ.পি.ই.দি.এ.না এ.পি.ই.দি.এ. প্রদক্ত পুম্নমক হেন্না য়োকখৎন্ননবগীদমক তোঙান তোঙানবা পোতেন্সিয়েল ইমপোর্তিং লৈবাকশিং খুদম ওইনা য়ু.এ.ই., সাউথ কোরিয়া, জপান, ইন্দোনেসিয়া, কুৱেত অমসুং ইরানগা লোইননা ভর্চুয়েল বাইয়র সেল্লর মীতশিং(ভি.বি.এস.এম.) পাংথোকখ্রে৷

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           অরুনাচল: হৌখিবা পুং ২৪দা অরুনাচল প্রদেশতা অনৌবা পোজিতিব কেস ২৪ থেংনখি। রাজ্য অসিদা লৈরিবা এক্তিব পোজিতিব কেসকী অপুনবা মশিং ১,০৪০ ওইখি।

•          অসাম: অসামদা পোজিতিব ওইবগী চাং চাদা ০.৮৬% ওইখিবগা লোইননা ঙসি পাংথোকখিবা তেস্ত ৯,৯৯৪গী মনুংদা কেস ৮৬ থেংনখি অদুগা পেসেন্ত ২,০৭,৩৯৪ দিসচার্জ তৌখ্রে। অপুনবা কেসশিংগী মশিং ২,১১,৫১৩নি হায়না রাজ্যগী হকশেল মন্ত্রীনা ত্বীত তৌরকখি।

•          নাগালেন্দ: অনৌবা কেস ১০৩ থেংনখিবগা লোইননা, নাগালেন্দগী কোবিদ-১৯গী অপুনবা মশিং অদু ১০,৭৭৭ য়ৌখ্রে। এক্তিব কেসশিংনা ১,৪০৬ ওইখি।

•          সিক্কিম: সিক্কিমদা কোবিদ-১৯গী কনফর্ম কেসশিংগী অপুনবা মশিং অদু নোভেল কোরোনাভাইরসকী অনৌবা কেস ৩১ থেংনখিবগা লোইনননা ৪,৭২২ য়ৌখ্রে।

•          মহারাস্ত্র: কোবিদ-১৯গী অনীশুবা ৱেব অদু সুনামিগা চাংদম্নরদুনা, মহারাস্ত্রগী মুখ্য মন্ত্রী, শ্রী উধব থাকরেনা মালেমগী ওইবা লাইচৎ অসিগী মায়োক্তা লান্থেংনবা মতমদা কোমথোক্তনবা রাজ্য অসিগী মীয়ামদা চেকশিন্নবা হায়রদুনা আপীল তৌরকখ্রে।

•          গুজরাত: গুজরাত্তা এহমদাবাদ সিতীদা হৌখিবা পুং ২৪দা কোবিদকা মরী লৈননা ৮ শিখিবা থেংনখি, হায়রিবা অসি হৌখিবা থা মঙাগী মনুংদা খ্বাইদগী হেন্না য়াম্বা ওইখি। রাজ্য অসিদা নোংমাইজিং নুমিত্তা ১৩ শিখিবা থেংনখি হায়রিবা অসি হৌখিবা থা অনিগী মনুংদা নোংমদা খ্বাইদগী হেন্না ৱাংবা ওইখি। এহমদাবাদ সিতীদা কোবিদ-১৯গী অনৌবা কেস হেনগৎলক্লবা মতুংদা, শিবগী মশিং হেনগৎলকপা অসিসু রাজ্যগী হেল্থ ওথোরিতীশিংগীদমক্তা খন্নীংঙাই ওইবা মচাক অমা ওই।

•          রাজস্থান: মুখ্য মন্ত্রী, শ্রী অশোক গেহলোতনা রাজ্য অসিদা লৈরিবা কোরোনাভাইরসকী ফিভম অদুগী মতাংদা রিভ্যু মীতিং অমা পাংথোকখ্রে অমসুং ভাইরস অসি শন্দোরকপা থিংনবা গাইদলাইনশিং অমসুং ওর্দরশিং অদু নীংথিনা ঙাক্না চৎনবা ওফিসিয়েলশিংদা খঙহল্লকখ্রে। মহাক্না লুহোংবগুম্বা থৌরমশিংদা মী ১০০দগী হেন্না তিনবা তারবদি পেনল্তীগী শেনফম অদু লুপা ১০,০০০দগী লুপা ২৫,০০০ ফাওবদা হেনগৎনবা ওফিসিয়েলশিংদা খঙহনখ্রে।

•          মধ্য প্রদেশ: রাজ্য অসিদা লৈরিবা অনৌবা কোরোনা কেসশিংগী চাদা ৮৫দি অর্বান এরিয়াশিংদগীনি অমসুং চাদা ১৫দি রুরল এএরিয়াশিংদগীনি। মসিগী মরমদি অর্বান এরিয়াশিংদা পোপুলেশনগী দেন্সিতী ৱাংবগীনি। মরক অসিদা, রাজ্য অসিদা কোবিদ-১৯গী কেসশিংগী মশিং অদু হৌখিবা পুং ২৪দা অনৌবা কেস ১,৭৯৮ থেংনরবা মতুংংদা লাখ ১.৯৩গী ময়া নক্না হেনগৎলকখি। হৌজিক মধ্য প্রদেশতা এক্তিব কেস ১১,৭৬৫ লৈরি।

•          ছত্তিসগর: ছত্তিসগরদা কোরোনা ভাইরস ইনফেক্সনগী শন্দোরকপা অদু লাকশিন্নবা হোৎনবগী শরুক অমা ওইনা রাজ্যগী কোনুং রায়পুরদা হোতেলশিংগী এমপ্লোয়ীশিং অমসুং কস্তমরশিংগী রেন্দম ওইনা কোবিদ তেস্ত পাংথোক্লগনি। মসিগী মথক্তা হৈরাশিং অমসুং মনা-মশিং য়োনবা ভেন্দরশিংগী কোবিদ তেস্তসু পাংথোক্লগনি। মরক অসিদা মপান লমদগী চংলকপা মীশিংগী কোবিদ তেস্ত তৌনবগীদমক্তা রায়পুরগী এন্ত্রী পোইন্তশিংদা সেন্তরশিং হাংদোক্নবা হায়রদুনা থাংগৎলকখিবা চীফ মেদিকেল অমসুং হেল্থ ওফিসরগী প্রোপোজল অদুবু কলেক্তরনা য়াখিদ্রে। কোলেক্তরনা মসিগী প্রোপোজল অসি ত্রফিক জাম ওইহনবা য়াবগী ওইথোকপা লৈবা মরম্না য়াখিদবনি।

•          গোৱা: গোৱাগী কোরোনাভাইরস কেসলোদ অদু অহেনবা কেস ৭৮ লৈখিবগা লোইননা নোংমাইজিং নুমিত্তা ৪৬,৮২৬ য়ৌখ্রে। শিবগী মশিং অদু নুমিৎ অদুমক্তদা ইনফেক্সন্না মরম ওইরগা পেসেন্ত অনী লৈখিদবগা লোইননা ৬৭৭ য়ৌখ্রে। রাজ্য অসিদা ফগৎখিবা পেসেন্তশিংগী মশিং অদু নোংমাইজিং নুমিত্তা ১৬৭ দিসচার্জ তৌখ্রবা মতুংদা ৪৪,৯৭৯ য়ৌখ্রে। কোস্তেল স্তেত অসিদা লৈরিবা এক্তিব কেসশিংগী মশিং অদু হৌজিক ১,১৭০ য়ৌখ্রে। নোংমাইজিং নুমিত্তা পুন্না সেমপল ১,১৩৯ তেস্ত তৌখি।

•          কেরলা: রাজ্য সরকারনা ভেক্সিন মেন্যুফেকচরিং য়ুনিৎশিং লিংখৎনবগী মতাংদা ওইথোকপা য়াবশিং অদু য়েংশিন্নবা মেম্বর মঙাগী কমিতী অমা শেমখ্রে। মসিগী য়ুনিৎশিং অসি ফার্মিস্যুতিকেলশিংগী দ্রগ মেন্যুফেকচরিং লাইসেন্সকা লোইননা থবক তৌগনি। মরক অসিদা কোবিদতগী ফগৎলকখিবশিংগী মশিং অদু হৌজিক-হৌজিক ৪,৯৪,৬৬৪ য়ৌবগা লোইননা রাজ্য অসিদা লাখ ৫গী তাঙ্কক অদু য়ৌগদৌরে। রাজ্য অসিদা নোংমাইজিং নুমিত্তা অনৌবা কেস ৫,২৫৪ লৈখি। কোবিদনা মরম ওইরগা শিখিবশিংগী মশিং অদু ২,০৪৯ য়ৌখ্রে।

•          তামিল নাদু: সাইক্লোন নিভার অসি ২০১৮দা নোর্থ ইস্ত মোনসুনগী মনুংদা তামিল নাদুদা থেংনখিবা সাইক্লোন গাজাগুম্না শাথিরোই হায়না পল্লদুনা, রেভেন্যুগী মন্ত্রী, আর.বি. উধয়াকুমারনা হায়খি মদুদি সাইক্লোন নিভার অসি মায়োক্ননবা এরেঞ্জমেন্ত পুম্নমক শেম-শাদুনা লৈরে অদুগা কোরোনভাইরস অসি শন্দোরকপদগী থিংনবা রিলীফ কেমপশিংদা লৈহনগদবাশিং অদুগীদমক্তা অখন্নবা মীৎয়েং থম্লগনি। তি.এন.দা ঙরাং অনৌবা কেস ১৬৫৫ থেংনখি, ২০১০ দিসচার্জ তৌখি অমসুং ১৯ শিখি। রাজ্য অসিদা এক্তিব কেস ১২,৫৪২  অমসুং ১১,৬০৫ শিখিবগা লোইননা হৌজিক ফাওবদা লৈখিবা অপুনবা কেসশিংগী মশিং অদু ৭,৬৯,৯৯৫ শুখ্রে।

•          কর্নাতকা: রাজ্য সরকারনা স্কুলশিং অমসুং প্রি-য়ুনিভর্সিতী কোলেজশিং ২০২০গী দিসেম্বর ৩১ ফাওবা হাংদনবা ৱারেপ লৌখ্রে; মসিগী ৱারেপ অসি ঙসি মুখ্য মন্ত্রীনা লুচিংদুনা পাংথোকখিবা মীফম অমদা লৌখিবনি। মীফম অসিদা কোবিদকী লৈরিবা ফিভম অসি য়েংশিন্নবা অমসুং হন্দক্কী একাদেমিক য়িয়র অসিগীদমক্তা স্কুল অমুক হন্না হাংদোকপগী মতাংদা অরোইবা ৱারেপ লৌনবা দিসেম্বরগী অরোইবা চয়োলদা মীফম অমা পাংথোক্নবসু ৱারেপ লৌখি।

•          অন্ধ্র প্রদেশ: দবল্যু.ঐচ.ও.দা চীফ সাইন্তিস্ত ওইবা, সৌম্যা স্বামিনাথন্না ভারত অসি অথুবা মতমদা কোরোনাগীদমক্তা ভেক্সিন পুথোকপা ঙম্বগী শক্তি লৈ হায়না মহাকনা থাজৈ। অন্ধ্র প্রদেশতা ক্লাস ৯ অমসুং ১০গী মহৈরোইশিংগীদমক্তা নবেম্বর ২দগী অমুক হন্না হাংদোকখ্রবা স্কুলশিংনা ঙসিদগী ৮শুবা স্তেন্দার্দকী মহৈরোইশিংগীদমক্তা ক্লাসশিং হৌখ্রে। হায়রিবা ক্লাসশিং অসি ক্লাস ৮ অমসুং ৯গীদমক্তা তোঙান-তোঙানবা নুমিত্তা নোংমা কাল্লগা পাংথোক্লগনি অদুগা ক্লাস ১০গী মহৈরোইশিংগীদমক্তা কোবিদ প্রোতোকোলশিং ইন্দুনা নুমিৎ খুদিংগী পাংথোক্লগনি।

•          তেলঙ্গনা: তেলঙ্গনাদা হৌখিবা পুং ২৪ অসিগী মনুংদা অনৌবা কেস ৬০২ লৈখি, ১০১৫ ফগৎখি অমসুং ৩ শিখি। অপুনবা কেসশিং: ২,৬৪,১২৮; এক্তিব কেসশিং: ১১,২২৭; শিখিবশিং: ১৪৩৩; দিসচার্জ তৌখিবশিং: ফগৎলকপগী চাং চাদা ৯৫.২০ ওইখিবগা লোইননা ২,৫১,৪৬৮ দিসচার্জ তৌখ্রে, অদুগা লৈবাক পুম্বগী ওইবা ফগৎলকপগী চাংনা চাদা ৯৩.৭ ওইখি।

ফেক্ত চেক

*****