লাইচৎ অসিনা চৈথেং পীরিঙৈ মতমদা লিগেল সর্ভিসেস ওথোরিতীশিংনা ন্যু নোর্মেল অসি হৈশিংনা চৎনহন্দুনা ভর্চ্যুএল প্লেৎফোর্মদা লোক অদালৎ লৈহনখি। ২০২০গী জুনদগী ওক্তোবর ফাওবদা রাজ্য ১৫দা ই-লোক অদালৎ ২৭ লৈহন্দুনা কেস লাখ ৪.৮৩ পাইখৎখি অমসুং লুপা করোর ১৪০৯গী সেত্তলমেন্ত তৌবা ঙমদুনা কেস লাখ ২.৫১ লোইশিনবা ঙমখ্রে। মখা তানা নবেম্বর ২০২০গী মনুংদা উত্তর প্রদেশ, উত্তরাখন্দ অমসুং তেলঙ্গনা রাজ্যশিং অসিদা হৌজিক ফাওবদা কেস ১৬,৬৫১ পাইখৎখি অমদি লুপা করোর ১০৭.৪গী সেত্তলমেন্ত তৌদুনা কেস ১২,৬৮৬ লোইশিনবা ঙমখি।

মালেমগী ওইবা লাইচৎ অসিনা লিগেল সর্ভিসেস ইন্সতিত্যুসনশিংনা মথৌ তৌবগী মওং-মতৌদা মরু ওইনা অহোংবা পুরকখি। কোবিদ-১৯না মরম ওইদুনা থোকহনবা অপনবশিং অমসুং তোঙান তোঙনবা হকশেলগী ওইবা গাইদলাইনশিংগী মরক্তা ৱায়েল পীনবা লিগেল সর্ভিসেস ওথোরিতীশিংনা ইন্দিজিনস ওইনা মখোয়গী ৱায়েল পীবগী চৎনবী ওইনা লৈরিবা পাম্বৈশিংদা তেক্নোলোজী হাপচিনখি। ই-লোক অদালৎ হায়নসু মীয়াম্না খঙনরিবা ওনলাইন লোক অদালৎ অসি তেক্নোলোজীগী কান্নবশিং অদু শীজিন্নরিবা লিগেল সর্ভিসেস ইন্সতিত্যুসনশিংগী অদুগুম্বা ইন্নোবেসন অমনি অমসুং মীয়ামগী য়ুমদা অদুমক ৱায়েল পীনবা ফমপাক অমা ওইরক্লি। ই-লোক অদালৎ অসিনা শেল চংবসু মপুং ফানা হন্থহল্লি মরমদি মসিদা শিল-লাংবগী চাদিং তৌবগী মথৌ তাবা অদু লৈহন্দে।

লিগেল সর্ভিসেস ওথোরিতীশিংনা শিনবা লোক অদালৎ (রাজ্য ওইননা নেস্নেলগী) অসি অলতর্নেতিব দিসপ্যুৎ রিজোলুসন (এ.দি.আর.) মোদ অমনি মসিদা লিতিগেন্তশিংনা শেল অমদা চাদিং তৌদনা য়ান্নদুনা সেত্তলমেন্ত তৌবদা য়ুম্ফম ওইরগা প্রি-লিতিগেসন অমসুং পন্দুনা লৈরিবা কেসশিং ৱায়েলশঙদা ৱারোইশিন পুরকখি। মসি লেম্না অমসুং ৱায়েল পাম্লিবা পার্তিশিং অদু য়ান্নবা পুরক্তুনা থুনা পাঙথোকপা পাম্বৈনি অমসুং মসিনা মখোয়বু মতম চংঙি, লুই অমসুং শেল চংঙি হায়না মীয়াম্না লৌনরিবা এদজুদিকেসনগী এদভর্সিএল সিস্তেমগী মখাদা ৱানা ত্রাইএল তৌবগী কনবী। লোক অদালৎশিংনা ৱায়েলশঙদা মতম শাংনা পার্তইশিংগী মরক্তা ৱায়েল মতম শাংনা পন্দুনা লৈরিবা অসিগী এরিয়রশিং অসিগী পোৎলুমশিং হন্থহনবদসু মতেং ওই।

*****