نئی لّی ، 22 نومبر  / لال بہادر شاستری نیشنل اکیڈمی آف ایڈ منسٹریشن میں 20 نومبر ، 2020 ء سے 57 زیرِ تربیت افسران  کووڈ  سے متاثر پائے گئے ہیں ۔ کیمپس میں 95 فاؤنڈیشن کورس کے لئے کل 428 زیرِ تربیت افسران ہیں ، جو  سول سروس  کے نئے عہدیداروں کے لئے  چلایا جاتا ہے ۔

          اکیڈمی ،  امورِ داخلہ کی وزارت اور  دہرہ دون کی ضلع انتظامیہ   کے جاری کردہ رہنما خطوط کے مطابق  کووڈ – 19 کے پھیلنے کو روکنے کے لئے تمام اقدامات کر رہی ہے ۔ تمام زیر تربیت افسران  کو ، جو وائرس سے متاثر پائے گئے ہیں ، ایک علیحدہ  کووڈ کیئر سینٹر میں الگ تھلگ کر دیا گیا ہے ۔  20 نومبر ، 2020 ء سے اکیڈمی  نے ضلع حکام  کے تال میل کے ساتھ  162 سے زیادہ آر ٹی  پی سی آر ٹسٹ کرائے ہیں ۔

          اکیڈمی نے  تربیت سمیت  تمام سرگرمیاں  3 دسمبر ، 2020 ء تک آن لائن کرانے  کا فیصلہ کیا ہے ۔  ایک دوسرے سے فاصلہ بر قرار رکھنے  ، بار بار ہاتھ دھونے اور ماسک لگانے   سے متعلق  پروٹوکول  پر زیر تربیت افسران   عملے کے ارکان   کے ذریعے  سختی سے عمل کیا جا رہا ہے ۔

          زیر تربیت افسران کو  خوراک اور دیگر ضروریات کی اشیاء ، اُن کے ہاسٹل میں ایسے  عملے کے  ذریعے فراہم کرائی جا رہی ہیں ، جو پوری طرح  احتیاطی ملبوسات پہنے ہوئے ہیں ۔

۔۔۔۔۔۔۔۔۔۔۔ ۔۔۔۔۔۔۔۔۔۔ ۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ ۔۔۔ ۔۔۔۔۔۔۔۔۔۔

( م ن ۔ و ا ۔ ع ا ) 

U. No. 7343