লাল বহাদুর শাস্ত্রি নেস্নেল একাদেমী ওফ এদমিনিস্ত্রেসন্দা ২০/১১/২০২০দগী ওফিসর ত্রেনী ৫৭ কোবিদ পোজিতিব ওইখি। সিবিল সর্ভিসেস্তা নৌনা চংলকখিবশিংগী পাঙথোকখিবা ৯৫শুবা ফাউন্দেসন কোর্সকীদমক কেম্পস্তা পুন্না ওফিসর ত্রেনী ৪২৮ লৈখি।

একাদেমী অসিনা গৃহ মন্ত্রালয় অমসুং দিস্ত্রিক্ত এদমিনিস্ত্রেসন, দেহরাদুনগী গাইদলাইনশিং ঙাক্না চৎতুনা কোবিদ-১৯ শন্দোকপা থিংনবা খোঙথাং খুদিংমক লৌখৎখি। পোজিতিব ওইখিবা ওফিসর ত্রেনী পুম্নমক দেদিকেতেদ কোবিদ কিয়র সেন্তর অমদা ক্বারন্তাইন তৌখি। ২০.১১.২০২০দগী একাদেমী অসিনা দিস্ত্রিক্ত ওথোরিতীশিংগা লোইননা খুৎশম্নদুনা আর.তি.-পি.সি.আর. তেস্ত ১৬২গী মথক্তা তৌখি।ঙ দেনমক

একাদেমী অসিনা ত্রেনিং য়াওনা থবক থৌরম পুম্নমক ০৩.১২.২০২০গী অহিং নোংয়াই ফাওবা ওনলাইন্দা পাঙথোক্নবা ৱারেপ লৌখি। সোসিএল দিস্তেন্সিং থম্বা, তোইনা খুৎশা হাম্বা অমসুং মাস্ক উপ্পগা মরী লৈনবা প্রোতোকলশিং অসি ওফিসর ত্রেনীশিং অমসুং স্তাফ মেম্বরশিংনা চেকশিন্না ঙাক্না চৎখি।

প্রোতেক্তিব গিয়র মপুং ফানা শেৎনবা স্তাফনা ওফিসর ত্রেনীশিংগী মখোয়গী হোস্তেলশিংদা চান্নবা চীঞ্জাক অমসুং অতোপ্পা তঙাই ফদবশিং অদু পীরি।

<><><><><>