এম.এস.এম.ই.গী কেন্দ্রগী মন্ত্রালয়না কোবিদ-১৯গী অৱাবা অসি লাকশিন্নবা তেক্নোলোজীদা য়ুম্ফম ওইবা থৌরাং অমসুং খোঙথাং মশিং কয়া লৌখৎখ্রে। মসিনা প্রধান মন্ত্রীগী আত্মানির্ভর ভারত অমসুং মেক ইন ইন্দিয়াগী অপাম্বদা কনাবা ফংহনবা ঙমখ্রে। থৌরাংশিং অমসুং খোঙথাংশিং অসিগী মতেংনা লৈবাক অসিনা হৌজিক খঙহেন হেনগৎলক্লিবা দিমান্দ পুম্নমক থুংহন্নবা হেন্দ সেনিতাইজর বোত্তল দিস্পেন্সরশিং (পম্প/ফ্লিপ) শাবা খক্তা নত্তনা হায়রিবা অসি এক্সপোর্ত তৌনবা থৌরাং তৌহনখ্রে। মখোয়না ভারতপু হেন্দ-সেনিতাইজিং মেতরিএলশিং (লিক্বিদ/জেল)দা মীপাল তাংদবা ঙমহল্লি অমসুং মাস্কশিং, ফেস-শিল্দশিং, পি.পি.ই. কিৎশিং, সেনিতাইজর বোক্স, তেস্তিং ফেসিলিতীশিং অসিনচিংবা ওজিলরীগী পোৎমশিং দিবেলপ তৌবা/পুথোপা চাউনা ঙমখ্রে।

থৌরাংশিং অমসুং মাই পাকপা ঙমখিবশিং অসিদা এম.এস.এম.ই.গী মন্ত্রী শ্রী নিতিন গদকরীনা এম.এস.এম.ই.গী তিমবু থাগৎখ্রে।

হেন্দ সেনিতাইজর বোত্তল দিস্পেন্সরশিং (পম্প/ফ্লিপ):

কোবিদ-১৯গী মনুংদা, হেন্দ সেনিতাইজর অমসুং মসিগী বোত্তলশিং অসিগী দিমান্দ অসি চাউনা হেনগৎখ্রে। মসিগী মতুং তারকপা ওইনা, বোত্তল দিস্পেন্সর (পম্পশিং)গী দিমান্দ অসি শরুক কয়া হেনগৎখ্রে (নোংমদা লাখ ৫০)। লৈবাক অসিদা কোবিদ লাক্ত্রিঙৈ মমাংদা বোত্তল দিস্পেন্সরশিং/পম্পশিং শাবগী চাং অসি নোংমদা লাখ ৫রোম ওইরমখি। দিমান্দ অসি থুংহনবা ঙম্নবা চিনাদগী মশিং য়াম্লবা দিস্পেন্সরশিং ইম্পোর্ত তৌনবা হোৎনখি। অদুম ওইনমক মপাল লৈবাক্তগী সপ্লাই তৌবগী চেন অসিদা চাউনা অকাইবা থোকখি, মসিনা অসিগুম্বা দিস্পেন্সরশিংগী মমল অসি লৈবাক অসিদা খঙহেন হেনগৎলকখি (দিস্পেন্সর অমদা লুপা ৩০)। মসিনা মরম ওইরগা ভারতকী কৈথেলদা সেনিতাইজরশিংগী মমল ৱাংখৎলকখি।

• সেনিতাইজর বোত্তল দিস্পেন্সর অসি সেনিতাইজরগী মেতরিএল লৌথোক্নবা অমসুং সেনিতাইজরগী বোত্তলগী মখুম খুম্বদা শীজিন্নবা প্লাস্তিক কেপ য়াওবা প্লাস্তিক এপ্পারেতস অমনি।

• দিস্পেন্সর অসি মখল ৩ ওইবা য়াই মদুদি স্প্রেগী পম্পশিং, জেলগী ফ্লিপ কেপ, লিক্বিদকী ফ্লিপ কেপ।

• দিস্পেন্সরদা অপীকপা মচাক ১১ রোম এসেম্বল তৌদুনা য়াওরি। বোল, স্প্রিং আমসুং তুবিংগী মচাক খরা অসি নত্তনা লেমহৌরিবা কম্পোনেন্তশিং অসি ইঞ্জেক্সন মোল্দিং মেছিনশিংদা শাই।

• মপুং ফানা মথৌ তৌনবা পম্পগী পার্ত পুম্নমক এসেম্বল তৌবা অসি অৱাবা অমনি। অমরোমদা, ওতোমেতিক এসেম্বব্লী লাইন অসিদি মমল ৱাংঙি।

• অসিগুম্বা দিস্পেন্সরশিং অসি এফ.এম.সি.জি. সেক্তরদসু চাউনা শীজিন্নরি দিস্পেন্সরশিং অসিগী সপ্লাইয়রশিংনা এফ.এম.সি.জি. কম্পনীশিংগা লোইননা মতম চাংনা সপ্লাই তৌনবা য়ানখি। মরম অসিনা কোবিদ লাইচৎ হৌরকপদা মালেম পুম্বগী ওইনসু সেনিতাইজর সেগমেন্তদা চাং য়ামদনা খরা খক্তা থাদোকপা নত্ত্রগা সপ্লাই তৌবা ঙমখি। 

এম.এস.এম.ই. মন্ত্রালয়গী খোংথাং:

সমস্যা অসি খঙলদুনা ২০২০গী মেগী অহৌবা শরুক্তা এম.এস.এম.ই.গী সেক্রেতরীনা মন্ত্রালয় অসিগী ওফিসিএলশিং অমসুং তুল রুমশিং (তি.আর.শিং) অমসুং তেক্নোলোজী সেন্তরশিং (তি.সি.শিং) য়াওনা স্তেকহোল্দরশিংগা লোইননা মীফম কয়া পাঙথোকখ্রে। দিস্পেন্সরশিংগী লোকেল মেন্যুফেকচরিং করম্না হেনগৎহনগদবগে হায়বা খঙনবা ওল প্লাস্তিক মেন্যুফেকচর্রস এসোসিএসন (এ.আই.পি.এম.এ.), ওল ইন্দিয়া মেদিকেল দিভাইসেস মেন্যুফেকচরিং এসোসিএসন অসিনচিংবা য়াওনা ইন্দস্ত্রীগা লোইননা মীফমশিং পাঙথোকখ্রে। কেপাসিতীশিং হেনগৎহন্নবা লনাই সেক্তরদা থৌনা হাপখি। অদুম ওইনমক মেন্যুফেকচরিংদা খঙহেন হেনগৎহনবা হায়বা অসি ওইথোক্তে হায়বা খঙখি। মসিগী ফীভম অসিগী মরমদি লৈবাক অসিদা মোল্দশিং লৈতে। হৌজিক ফাওবদা ইন্দস্ত্রীনা মোল্দশিংসু ইম্পোর্ত তৌদুনা লাক্লি।

এম.এস.এম.ই. মন্ত্রালয়না তেক্নোলোজী সেন্তরশিং থৌনা হাপখি (তি.সি.শিং):

• তি.সি.শিংনা অৱাবা কোকহন্নবা অমসুং থবক পাইখৎনবা থৌনা হাপখি। দিস্পেন্সরগী মচাকশিং শানবা মোল্দ তরেৎ মথৌ তাখি।

• মন্ত্রালয়নসু তি.সি.শিং তোঙান তোঙানবা প্রদক্তশিংগী লুপা করোর ২৬ ওইগদবা অনৌবা মেছিনরী লৈনবা শেন্থং অয়াবা পীখি।

• তি.সি.শিংনা লৈবাক অসিদা মল্তি-কেবিতী (কেবিতী ১৬ নত্ত্রগা ২৪) মোল্দশিং শাদবা অসিনা দিস্পেন্সরশিংগী মোল্দশিং শানবা থবক হৌখি।

• তি.সি.মশিং কয়াদা চপ মান্না মোল্দ তরেৎ অসি য়েন্থোকখি।

ফল:

• খোয়গী তি.সি.শিং ইন্দস্ত্রীদা মেন্যুফেকচর তৌনবা সেনিতাইজর পম্পশিংগী মোল্দগী সেৎ অনি পীখি।

• তি.সি. লুধিয়ানানা ৩০ এম.এম অমসুং ২৪ এম.এম.গী ফ্লিপ কেপ মোল্দশিংসু দেবেলপ তৌখি।

• মসিনা ইথিল পীদুনা, লনাইগী তুল রুম খরনা মোল্দশিং মেন্যুফেকচর তৌরি।

লৈবাক অসিদা হোংলকখিবা:

• মথক্তা পনখ্রিবা অসিনা মরম ওইরগা ঙসি ঐখোয়না দিস্পেন্সর মেন্যুফেকচর তৌবদা মীপাল তাংদবা ঙম্লক্লে।

• হৌজিক চাউরাক্না মেন্যুফেকচর তৌবা (দাইনামিক্কী খুত্থাংদা) অসি নোংমদা লাখ ৪০ য়ৌরে।

• এপ্রিল-মে ২০২০দা মমল অসি লুপা ৩০ ওইরম্বদগী লুপা ৫.৫০ হন্থখ্রে।

• ভারতকী কম্পনী কয়ানা মেন্যুফেকচরিং তৌবা হৌখ্রে অমসুং স্তোক চাউনা লৈরবা য়াই।

• এ.আই.পি.এম.এ.গা লোইননা খন্ন-নৈনখিবশিংগী মতুং ইন্না হৌজিক নোংমদা দিস্পেন্সর লাখ ৫০গী মথক্তা শীজিন্নরি (হৌজিক্তি মীয়াম্না রিফিলশিংসু লৈনরে)।

হৌজিক্তি এক্সপোর্ত তৌনবা শেম-শারে:

• মমাংদা স্প্রে পম্প য়াওবা সেনিতাইজরশিংদা অথিংবা থম্লম্বা অদু হৌজিক্তি লৌথোকখ্রে মসিনা হায়বদি হৌজিক ঐখোয়না এক্সপোর্ত তৌবা য়ারগনি হায়বনি।

হেন্দ-সেনিতাইজিংগী মেতরিএলশিংদা মীপাল তাংদবা ঙম্বা:

অতোপ্পা অচৌবা থৌরাংশিংগী শরুক ওইনা, এম.এস.এম.ই. মন্ত্রালয়না লৈবাক অসিদা হেন্দ সেনিতাইজিং মেতরিএল (লিক্বিদ/জেল) উথোকপদা মীপাল তাংদবা ঙম্লে। মসিনা মহৌশাগী ওইবা এরোমা শীজিন্নদুনা আয়ুর্বেদিক/কোস্মেতিক সেনিতাইজরশিং দিবেলপ ঔবগী মথক্তা সেনিতাইজর তেস্তিং ফেসিলিতীসু শেমখ্রে। হিরম অসিগী মতাংদা অকুপ্পা মরোল মখাদা পীরি:

• কোবিদ-১৯ শেন্দোরকপগা লোইননা হেন্দ সেনিতাইজরগী দিমান্দ অসি চাউনা হেনগৎলকখি। সেনিতাইজরগী রিতেল মার্কেৎকী রেৎশিং অসি খ্বাইদগী ৱাংবা ওইখি। চাউনা অৱাৎপা লৈখি। ভারত সরকারনা সেনিতাইজরশিং মেন্যুফেকচর তৌবগী লাইসেন্স অসি লিবরেলাইজ তৌখি। চিনিগী মিলশিং, দিস্তিলরীশিং, এফ.এম.সি.জি.দা সেনিতাইজরশিং মেন্যুফেকচরিং তৌবা হৌনবা ইনোৎ হাপখি।

• এম.এস.এম.ই. মন্ত্রালয়গী তেক্নোলোজী সেন্তর অমা ওইরিবা মমিং ওইনা পল্লবদা কন্নোজকী ফ্রেগ্রেন্স এন্দ ফ্লেবর দিবেলপমেন্ত সেন্তর (এফ.এফ.দি.সি.) অসিদা সেনিতাইজর অমসুং অলকোহোলগী লাইসেন্স লৌদুনা সেনিতাইজর মেন্যুফেকচর তৌনবা হায়খি। মসিনা দবল্যু.ঐচ.ও.গী স্তেন্দর্দশিংগী মতুং ইন্না হেন্দ সেনিতাইজরশিং দিবেলপ অমসুং মেন্যুফেকচর তৌখি অমসুং কন্নোজকী অমসুং অকোইবদা লৈরিবা হেল্থকিয়র সিস্তেমদা সপ্লাই তৌখি।

• এম.এস.এম.ই. মন্ত্রালয়না পেকেজ তৌনবা অমসুং অতোপ্পা ইক্বিপমেন্ত লৈনবা এফ,এফ,দি.সি.দা শেন্থং পীথখি। এফ.এফ.দি.সি.না সেনিতাইজর শাবগী এন.পি.পি.এ.গী মমলগী গাইদলাইনশিং ঙাক্না চৎখি।

• এফ.এফ.দি.সি.না হেন্দ সেনিতাইজরগী বত্তল ৯০,০০০ অমসুং কেন ৪০০গী মথক্তা য়োনখি অমসুং নোর্থন রেলৱেশিং, বেঙ্ক অসিনচিংবদা সরকারগী তোঙান তোঙানবা ওর্গনাইজেসনশিংদা সপ্লাই তৌখি।

• সেনিতাইজর তেস্তিং ফেসিলিতীসু লিংখৎখি অমদি তেস্ত তৌবা হৌখি। মখা তানা আয়ুর্বেদিক/কোস্মেতিক সেনিতাইজরগী সেম্পল অসি মহৌশাগী ওইবা এরোমা শীজিন্নদুনা দিবেলপ তৌখি অমদি মসি তেস্তিং তৌরি (সি.এস.আই.আর- নেস্নেল বোতানিকেল রিসর্চ ইন্সতিত্যূত, লক্ষনৌ)। সেনিতাইজরগী মনম চেন্নবসু দিবেলপ তৌখি।

• হৌজিক্কী ওইনা লৈবাক অসিদা সেনিতাইজরগী মেতরিএলশিং মরাং কাইনা ফংলে।

৩. অতোপ্পা প্রদক্তশিং:

I. রামনগরদা লৈবা ঐখোয়গী তি.সি.না য়ু.ভি. সেনিতাইজর বোক্সশিং দিজাইন তৌখি অমসুং মেন্যুফেকচর তৌখি অমসুং দিজাইন অসি ইন্দস্ত্রীদা পীখি;

II. এম.এস.এম.ই.গী মন্ত্রালয়গী তেক্নোলোজী সেন্তরশিংনসু ফেস-শিল্দশিং অমসুং মাস্কশিং অসিগী অৱাৎপা চাউনা মায়োক্নরিঙৈ মতমগী মনুংদা মসি শাবা হৌখি (কে.ভি.আই.সি.নসু শাখি)। ঙসিদি লৈবাক অসি মাস্কতা মীপাল তাংদ্রে।

III. মসিগা মান্ননা তি.সি. চেন্নাইনা হোৎ তেপ সীলিং মেছিন শীজিন্নদুনা ক্লোস-ওল পি.পি.ই. শাখি।

IV. তি.সি. মীরুৎনা পি.পি.ই. কিৎ তেস্ত তৌনবা ব্লদ পেনিত্রেসন তেস্তিং ইক্বিপমেন্ত ইন্সতোল তৌখি। মসিগা মান্নবা/মরী লৈনবা তেস্তিং ফেসিলিতীশিংসু মন্ত্রালয় অসিগী ওখলা তি.সি.দা গ্লোবশিং অমসুং ক্লোস-ওল পি.পি.ই. কিৎশিংগীদমক্তা লিংখৎখি।

*****