ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଭୁଟାନରେ ରୂପେ କାର୍ଡର ଦ୍ଵିତୀୟ ପର୍ଯ୍ୟାୟ ଆରମ୍ଭ ପାଇଁ ଭର୍ଚୁଆଲ ସମାରୋହ
Posted On:
19 NOV 2020 7:41PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଓ ଭୁଟାନ ପ୍ରଧାନମନ୍ତ୍ରୀ ଲିଓନଚେନ ଡଃ ଲୋତେ ଶେରିଙ୍ଗଙ୍କ ଦ୍ଵାରା ଆସନ୍ତାକାଲି (20.11.2020) ଭୁଟାନରେ ରୂପେ କାର୍ଡର ଦ୍ଵିତୀୟ ପର୍ଯ୍ୟାୟ ପ୍ରଚଳନ ଭର୍ଚୁଆଲ ମୋଡରେ ଆରମ୍ଭ ହେବ । ଏହି ପ୍ରକଳ୍ପର ପ୍ରଥମ ପର୍ଯ୍ୟାୟ ଉଭୟ ଦେଶର ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ଭୁଟାନଠାରେ ଗତ ବର୍ଷ ଅଗଷ୍ଟରେ ଆରମ୍ଭ ହୋଇଥିଲା । ରୂପେ କାର୍ଡର ପ୍ରଥମ ପର୍ଯ୍ୟାୟ ତ୍ୱରାନ୍ୱିତ ହେବା ଫଳରେ ଭାରତରୁ ଭୁଟାନ ଯାଉଥିବା ପରିଦର୍ଶକମାନେ ସାରା ଭୁଟାନରେ ଏଟିଏମ ଓ ପିଓଏସ ଟର୍ମିନାଲର ବ୍ୟବହାର କରିପାରିବେ । ଦ୍ଵିତୀୟ ପର୍ଯ୍ୟାୟ ଆରମ୍ଭ ହେଲେ ଭୁଟାନର ପରିଦର୍ଶକମାନେ ଭାରତରେ ରୂପେ କାର୍ଡ ନେଟୱାର୍କର ସୁବିଧା ନେଇପାରିବେ । ଭାରତ ଏବଂ ଭୁଟାନ ବନ୍ଧୁତାର ଏକ ସ୍ଵତନ୍ତ୍ର ଦିଗ ରହିଛି । ଉଭୟ ଦେଶର ଜନସାଧାରଣଙ୍କ ମଧ୍ୟରେ ଭାତୃତ୍ୱଭାବ ଓ ସାଂସ୍କୃତିକ ଐତିହ୍ୟ ଯୋଗୁଁ ଏହା ଅଧିକ ସୁଦୃଢ ହୋଇଛି ।
**********
(Release ID: 1674221)
Visitor Counter : 286
Read this release in:
English
,
Urdu
,
Hindi
,
Marathi
,
Assamese
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam