হকশেল অমসুং য়াইফ-য়ুম্বাল মন্ত্রালয়
ভারতকী হৌজিক নারিবা মীশিং লাখ ৪.৮দা মখাতানা হন্থরে
নুংতিগী থেংনবা অনৌবা কেসতগী নুংতিগী ফগৎলকপা মশিংনা হেন্দুনা চৎপনা ফগৎলকপগী চাং চাদা ৯৩গী মথক্তা লৈহল্লে
Posted On:
14 NOV 2020 11:32AM by PIB Imphal
হৌজিক নারিবা মীশিং লাখ ৫দগী তাথনা লৈবা নুমিৎ মরিনি শুরকপগা লোয়ননা ভারতকী হৌজিক নারিবা মীশিং ঙসি ফাওবগী লৈরিবা ফীভমদা ৪,৮০,৭১৯ হন্থরে। অপুনবা নাখিবা মীশিংদা হৌজিক নারিবা মীশিংগী শরুক মখা তানা চাদা ৫.৪৮তা হন্থরে।
নুংতিগী নৌনা থেংনবা অনাবা মীশিংদগী নুংতিগী ফগৎলকপা মীশিংনা হেন্দুনা চৎপগী ফীভম লৈপ্তনা লৈদুনা হৌখিবা পুং ২৪দা নৌনা নারকপা মীশিং ৪৪,৬৮৪ অমদি নৌনা ফগৎলকপা মীশিং ৪৭,৯৯২ ওইখি।
নৌনা নারকপা মীশিং অসুম অসুম হন্থরকপগী ফীভমসিনা মীয়াম্না কোবিদকা চুনবা হৌন-লোনচৎ ইন্দুনা চৎলি অমদি কেন্দ্র লৈঙাক্কী চৎন-পথাক ইন্দুনা স্তেত/য়ু.তি. লৈঙাকশিংনা পায়খৎলিবা মতিং লৈবা লাকশিন্নবগী থৌওংশিং অসি তাক্লি। নুংতিগী নৌনা নারকপা মীশিং অসি হৌখিবা চয়োল মঙাসিদা অসুম অসুম হন্থরকপগী ফীভম অমা উরি।
ফীভম অসিনা ফগৎলকপগী চাং ঙসি চাদা ৯৩ লান্থোকহন্বদসু মতেং ওইরি। লৈবাক্কী অপুনবা ফগৎলকপগী চাং চাদা ৯৩.০৫ ওইরি। অপুনবা ফগৎলকপা মীশিং ৮১,৬৩,৫৭২ ওইরি। ফগৎলকপা মীশিং অমদি হৌজিক নারিবা মীশিংগী মরক্তা লৈরিবা খেন্নবা তপ্না তপ্না হেনগৎলক্তুনা হৌজিক ৭৬,৮২,৮৫৩ ওইরি।
নৌনা ফগৎলকপা মীশিংগী চাদা ৭৫.৩৮তি স্তেত/য়ু.তি. তরাদগী ওইরি।
মীশিং ৬,৪৯৮ কোবিদতগী ফগৎলক্তুনা দিল্লীনা হৌখিবা পুং ২৪সিদা খ্বাইদগী মীশিং য়াম্না ফগৎলকপা ওইরি। কেরলাদা নোংমদা মীশিং ৬,২০১ ফগৎলকখি অমদি মহরাস্ত্রদনা মীশিং ৪,৫৪৩ নৌনা ফগৎলকখি।
নৌনা নারকপা মীশিংগী চাদা ৭৬.৩৮তি স্তেত/য়ু.তি. তরাদগী ওইরি।
দিল্লীনা হৌখিবা পুং ২৪দা নৌনা নারকপী মীশিং ৭,৮০২ থেংনদুনা নৌনা হাপচিল্লকপগী তেল্লিগী মকোক্তা লৈরি। কেরলানা নৌনা নারকপা মীশিং ৫,৮০৪ থেংনখি অদুগা মহারাস্ত্রনা ঙরাং মীশিং ৪,১৩২ নৌনা নারক্তুনা অহুমসুবা মফমদা লৈরি।
হৌখিবা পুং ২৪সিদা মীশিং ৫২০ শিখি। হায়রিবা অসিগী চাদা ৭৯.২৩দি স্তেত/য়ু.তি. তরাদগীনি।
নৌনা শিখিবা মীশিংগী চাদা ২৪.৪দি মীশিং ১২৭ শিখিবা মহারাস্ত্রদগীনি। দিল্লী অমদি ৱেস্ত বেঙ্গলনা মথংশিৎনা মীশিং ৯১ অমদি ৫১ শিদুনা মতুং ইল্লি।
****
(Release ID: 1672879)
Visitor Counter : 132