প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী থোংদা ঙসি ৫শুবা আয়ুর্বেদগী নুমিৎ পাল্লন তৌবা ওইনা ফ্যুচর-রেদী আয়ুর্বেদ ইন্সতিত্যুসন অনি জাতিদা কত্থোকখ্রে। প্রধান মন্ত্রীনা ইন্সতিত্যুত ওফ তীচিং এন্দ রিসর্চ ইন আয়ুর্বেদ (আই.তি.আর.এ.), জামনগর অসি নেস্নেল ইন্সতিত্যুত ওফ আয়ুর্বেদ (এন.আই.এ.) ওইনা,অমসুং নেস্নেল ইন্সতিত্যুসন ওফ আয়ুর্বেদ (এন.আই.এ), জাইপুর অসি য়ুনিভর্সিতী গ্রান্তস কম্মিসনগী দীম তু বি য়ুনিভর্সিতী ওইনা জাতিদা কত্থোকখ্রে।

থৌরম অসিদা কেন্দ্রগী রাজ্য মন্ত্রী (আই.সি.) শ্রী শ্রিপাদ নাইক, রাজস্থানগী গভর্নর শ্রী কলরাজ মিশ্রা, রাজস্থানগী মুখ্য মন্ত্রী অশোক গেহলোৎ, গুজরাতকী গভর্নর অচার্য়া দেবব্রৎ, রাজস্থানগী মুখ্য মন্ত্রী বিজে ভাই রুপানীনা ভর্চ্যুএল ওইনা শরুক য়াখি।

প্রধান মন্ত্রীনা ভারতকী ভারতকী মমল য়াম্লবা ত্রেদিস্নেল মেদিসিনগী লেগেসী লৈজৈ হায়না ফোঙদোকখি। মসি মালেম শিনবা থুংনা মশক খঙনরি অমসুং মালেমগী কোবিদ-১৯ লাইচৎ মনুং অসিদা মসিগী কান্নবা অমসুং হকশেল অমদি হকচাংদা পীরিবা কান্নবশিং অসি হেন্না খঙনরি। প্রধান মন্ত্রীনা হায়খি হৌজিক্তি লাইনা ঙাকথোকা অমসুং হকচাং ফবদা মীৎয়েং চংলি। ভারতকী হিদাক-লাংথক্কী ত্রেদিস্নেল সিস্তেমশিং অসিনা মালেমদা আয়ুর্বেদকী শক্তি অসি তাকখি।  ২১শুবা চহিচা অসিদা সাইনন্তিফিক ইবিদেন্স-বেজ রিসর্চ স্ত্রকচর অসি অনৌবা লৌশিংগী রিপোজিতরীশিংগা লোইননা ইন্তিগ্রেদ তৌদুনা দিবেলপ তৌবা হৌজিক্তি মরু ওই। ইন্তিগ্রেতিব মেদিসিন অসি হৌজিক তঙাই ফদবা ওইরে হায়না মহাক্না ফোঙদোকখি। অমরোমদা ভারত অসি মালেমগী ফার্মাসী হায়নসু খঙনরি লোইননা ইবিদেন্স-বেজ রিসর্চ অসিগা লোইননা ঐখোয়না ত্রেদিস্নেল মেদিসিন সিস্তেমশিং অমসুং আয়ুর্বেদ অসি অনৌবা মায়োলদা পুখৎপা ঙমগনি হায়না ফোঙদোকখি।

প্রধান মন্ত্রীনা হায়খি কোরোনাগী মতম অসিগী মনুংদা আয়ুর্বেদিক প্রদক্তশিং অসি মালেম শিনবা থুংনা পাম্নবা হেনগৎলকখি। মহাক্না হায়খি হৌখিবা চহিগা চাংদম্নবদা চহি অসিগী সেপ্তেম্বরদা আয়ুর্বেদিক প্রদক্তশিং এক্সপোর্ত তৌবা অসি চাদা ৪৫রোম হেনগৎখি। মহাক্না মখা তারদুনা হায়খি ইম্ম্যুনিতী কনখৎহল্লি হায়না লৌনরিবা য়াইঙং, শিং অসিগুম্বা স্পাইস মখল অসি এক্সপোর্ত তৌবদা শীংথানীংঙাই ওইনা হেনগৎখি মসিনা আয়ুর্বেদিক সোলুসনশিং অমসুং ভারতকী স্পাইসশিং অসিদা মালেমনা থাজবা খঙহেন হেনগৎলে হায়বা উৎখি। মহাক্না হায়খি হৌজিক লৈবাক কয়াদা য়াইঙংগা মরী লৈনবা অখন্নবা দ্রিঙ্কশিং হেনগৎলক্লি অমসুং মালেমগী মমিং লৈরবা মেদিকেল জর্নেলশিং অসিনা আয়ুর্বেদতা অনৌবা আশা থম্বাসু উবা ফংলি। মহাক্না হায়খি কোরোনাগী মতম অসিদা মীৎয়েং চংলিবা অসি আয়ুর্বেদ খক্তা শীজিন্নবা খক নত্তনা লৈবাক অসিদা অমদি মালেমদা আয়ুশকা মরী লৈনবা এদভান্স রিসর্চতসু মীৎয়েং চংখি।

প্রধান মন্ত্রীনা হায়খি আয়ুর্বেদ অসি অতোপ্পা পাম্বৈ ওইনা লৌন্দ্রে অদুবু মসি লৈবাক অসিগী নেস্নেল হেল্থ পোলিসী অমসুং হকশেলগী খোঙথাংশিংগী মরু ওইবা য়ুম্বী অমা ওইনা লৌনরি।

অনৌবা করিকুলম পুথোক্নবা অমসুং মোর্দন মেদিসিনগী লমদা অনৌবা খুদোংচাদবশিং অমসুং খুদোংচাদবশিং অসিগা চান্ননবা থবক তৌনবা থৌগৎখি। হ্যুমেন রিসর্চ এন্দ দিবেলপমেন্ত (এম.ও.ঐচ.আর.দি.) অমসুং য়ুনিভর্সিতী গ্রান্তস কম্মিসন (য়ু.জি.সি.)না মসিদা থবক পাইখৎতুনা মসিনা দোক্তরেল অমসুং পোস্ত-দোক্তরেল স্তদীশিং তৌবদা থৌনা হাপনবা মহাক্না ফোঙদোকখি।

প্রধান মন্ত্রীনা লনাই সেক্তর অমসুং স্তার্তঅপ ইন্দস্ত্রীনা মালেম শিনবা আয়ুর্বেদকী গ্লোবেল দিমান্দ অসি স্তদী তৌনবা অমসুং মালেম শিনবা থুংনা লম অসিদা অনৌবা দিবেলপমেন্তশিং অসিগা লোইননা ‘ভোকেল ফোর লোকেল’ গী মকোক থোংবা ওইনবা হোৎন্নবা ফোঙদোকখি। ঐখোয়না হকশেল অমসুং হকচাং ফনা থম্নবগী সেক্তরদা মালেম শিনবা থুংনা অচৌবা অহোংবা পুরকপা ওইবা ঙমগনি হায়না মহাক্না ফোঙদোকখি।

. হকচাং ফনা থম্বগী মরু ওইবা অসিগী মতাংদা প্রধান মন্ত্রীনা হায়খি আয়ুশমান ভারত য়োজনাগী শরুক ওইনা লৈবাক শিনবা থুংনা হেল্থ এন্দ ৱেলনেস সেন্তর লাখ ১.৫ লিংখৎখি। মসিগী মনুংদা সেন্তর ১২,৫০০দি ইন্তিগ্রেতিব মেদিসিন সিস্তেমশিংদা মীৎয়েং থম্বা আয়ুশ ৱেলনেস সেন্তর ওইগনি।

থৌরম অসিদা ৱর্ল্দ হেল্থকী দিরেক্তর জেনরেল দা. তেদ্রোস অধানোম ঘেব্রেয়সসনা ভিদিও মেসেস অমা পীদুনা প্রধান মন্ত্রীনা আয়ুশমান ভারতকী মখাদা মীপুম খুদিং কোনশিন্নবা হোৎনরিবা অমসুং হকশেলগা মরী লৈনবা পান্দমশিং ফংনবা ইবিদেন্স-বেজ ত্রেসিস্নেল মেদিসিনশিং থৌগৎনবা হোৎনরিবা অসিবু থাগৎখি। প্রধান মন্ত্রীনা দবল্যু.ঐচ.ও. অমসুং দি.জি.না ভারতপু ত্রেদিস্নেল মেদিসিনগী গ্লোবেল সেন্তর ওইনা খল্লকপা অসিগীদমক থাগৎপা ফোঙদোকখি। দা. তেদ্রোসনা হায়খি আয়ুর্বেদ অসি ভারতকী হেরিতেজ অমনি অমসুং ভারতকী ত্রেদিস্নেলগী ওইবা লৌশিংনা অতোপ্পা লৈবাকশিংবুসু মঙাল পীবা হায়বা অসি হরাওনবগী হিরম অমনি।

আয়ুশ মন্ত্রালয়না ২০১৬দগী হৌনা ধনৱন্তরি জয়েন্তী (ধন্তেরাস)গী থৌরমদা চহি খুদিংগী ‘আয়ুর্বেদগী নুমিৎ’ পাল্লন তৌদুনা লাকখি।

আই.তি.আর.এ., জামনগর: হন্দক্তা পার্লিয়ামেন্তগী এক্ত অমগী খুত্থাংদা লিংখৎখিবা, ইন্সতিত্যুত ওফ তীচিং এন্দ রিসর্চ ইন আয়ুর্বেদ (আই.তি.আর.এ.) অসি মালেমগী থাককী হেল্থকিয়র ইন্সতিত্যুসন অমা ওইনা ওইন্নবা হোৎনরি। আই.তি.আর.এ.দা বিভাগ১২, ক্লিনিকেল লেবোরেতরী অহুম অমসুং রিসর্চ লেবোরেতরী অহুম লৈ। মসি ত্রেদিস্নেল মেদিসিনদা রিসর্চ তৌবদা মাংজিল থারিবা অমনি অমসুং হৌজিক্কী ওইনা রিসর্চ প্রোজেক্ত ৩৩ পাঙথোক্লি। আই.তি.আর.এ. অসি গুজরাত আয়ুর্বেদ য়ুনিচর্সিতী কেম্পস, জামনগরসা আয়ুর্বেদ ইন্সতিত্যুত মরী পুনশিল্লগা শেমখিবনি। মসি ইন্সতিত্যুসন ওফ নেস্নেল ইম্পোর্তেন্স (আই.এন.আই.) স্তেতস ফংবা আয়ুশ সেক্তগী অহানবা ইন্সতিত্যুত অমনি। অপগ্রেদ তৌরবাস্তেসন অসিগা লোইননা আই.তি.আর.এ.না আয়ুর্বেদ এজুকেসনগী থাক অসি অপগ্রেদ তৌবগী ওতোমোমী লৈরগনি মরমদি মসিনা মতমগা চুনবা অমদি মালেমগী থাকশিংগী মতুং ইন্না কোর্সশিং ফংহল্লগনি। মখা তানা মসিনা আয়ুর্বেদতা মতম অসিগা চান্নবা ইথিল পীনবা ইন্তরদিস্সিপ্লিনরী চুংশিন্নরগনি।

এন,আই.এ. জাইপুর: লৈবাক শিনবা থুংনা মমিং লৈরবা আয়ুর্বেদ ইন্সতিত্যুত অমা ওইরিবা, এন.আই.এ. অসি দীম তু বি য়ুনিভর্সিতী (দি নোভো কেতগোরী) স্তেতস ফংলে। চহি ১৭৫ শুরবা এন.আই.এ. অসিনা হৌখিবা দিকেস খরা অসিদা ওথেন্তিক আয়ুর্বে য়োকখৎপা, খুমাং চাউশিনহনবা অমসুং চাউখৎহনবা শীংথানীংঙাই ওইনা তৌখি। হৌজিক্কী ওইনা এন.আই.এ.দা তোঙান তোঙানবা দিপার্মেন্ত ১৪ লৈ। ইন্সতিত্যুত অসিগী ২০১৯-২০গী মনুংদা মহৈরোয় লৌবগী মশিং অসি ৯৫৫ ওইবা অমসুং ফেকল্তী ৭৫ ওইদুনা মহৈরোয়গা ওজাগী রেসিয়ো অসি য়াম্না ফৈ। সর্তিফিকেৎতগী দোক্তরেৎকী থাক ফাওবগী মখল কয়াগী আয়ুর্বেদগী কোর্স কয়া হাংলি। হৌজিক্কী ওইনা এন.আই.এ.দা খ্বাইদগী নৌবা লেবকী খুদোংচাবশিং লৈরি, এন.আই.এ. অসি রিসর্চকী থবক থৌরমশিংদা মাংজিল থারি। হোজিক্কী ওইনা তোঙান তোঙানবা রিসর্চ প্রোজেক্ত ৫৪ পাঙথোক্লি। দীম তু বি য়ুনিভর্সিতী (দি নোভো কেতগোরী) ফংবগা লোইনননা নেস্নেল ইন্সতিত্যুত অসিনা তর্সরী হেল্থ কিয়র, এজুকেসন অমসুং রিসর্চতা অৱাংবা থাকশিং য়ৌবা ঙম্নবা পান্দম থম্লি।

 ***