ন্যু এন্দ রিন্যুএবল ইনর্জী মন্ত্রালয়গী মখাদা পি.এস.য়ু. অমা ওইরিবা, ভারতকী রিন্যুএবল ইনর্জী দিবেলপমেন্ত এজেন্সী লিমিতেদ (আই.আর.ই.দি.এ.)গী ৩৩শুবা চহিগী জেনরেল মীতিং (এ.জি.এম.), ঙরাং নই দিল্লীগী ইন্দিয়া ইন্তর্নেস্নেল সেন্তরদা পাংথোকখ্রে। শেনবা চহি ২০১৯-২০গী চহিগী একাউন্তশিং অদু এ.জি.এম.দা পুথোকখি। 

দাইরেক্তর অমসুং স্তেকহোল্দরশিংদা ৱা ঙাংলদুনা, আই.আই.দি.এ.গী সি.এম.দি. শ্রী প্রদিপ কুমার দাসনা শেনবা চহি ২০১৯-২০গী থবক-থৌরমশিংগী মতাংদা ফোংদোকখি অমসুং খঙহনখি মদুদি কম্পনীগী ইনকম অসি হেনগৎতুনা লুপা করোর ২,৩৭২.৩৮ য়ৌখ্রে অমসুং ১৭.৩২%গী শাহৌ রেজিস্তার তৌখ্রে। আই.আই.দি.এ.না লুপা করোর ১২,৬৯৬কী লোন কাইখ্রে অমসুং লুপা করোর ৮,৭৮৫ য়েন্থোকখ্রে। চহি অসিদা কো-ফাইনান্স প্রজেক্তশিং/তেক ওভর লোনশিং য়াওনা সেঙ্কসন তৌখ্রবা লোনশিং অদু হৌখিবা চহিগী মেগাৱাৎ ৩২৬৬কা য়েংনরুবদা মেগাৱাৎ ৫৬৭৩গী অহোনবা কেপাসিতী ফংবদা মতেং ওইনরগনি।

তুংলমচৎকী লাল্লোংশিংগী মতাংদা ঙাংলদুনা, সি.এম.দি.না ৱাফম অসিদা শাফু পীখি মদুদি লৈবাক্কী গ্রীন ইনর্জী পোর্তফোলিও অসি মগুন অমসুং চাং অনিমক্কী মতাংদা লেপ্তনা মাংদা চখৎলি। মসিদা সরকারগী তোঙান তোঙানবা পোলিসী ইনিসিএতিবশিং খুদম ওইনা পি.এম.-কুসুম স্কিম, সোলর অমসুং ৱিন্দ হাইব্রিদ তেক্নোলোজীশিং, ইথানোল অমসুং কম্প্রেস বাইও গ্যাস (সি.বি.জি.)গুম্বা বাইওফুএলশিং, ই-মোবিলিতী অমসুং মরী লৈনবা ইনফ্রাস্ত্রকচর, ওফ-শোর ৱিন্দ ইনর্জী, সোলর প্রুফ-তোপ প্রোগ্রাম অসিনচিংবা থৌরমশিংনা মরম ওইদুনা মসিদা হেন্না খুমাং চাউশিল্লকপগী থাজবা থম্লি। মহাক্না মখা তানা হায়খি মদুদি আই.আর.ই.দি.এ.না রিন্যুএবল ইনর্জী সেক্তরগী রিসোর্সকী মথৌ তাবশিং মপুং ফাহন্নবগীদমক্তা ক্রেদিৎকী অনৌবা লাইনশিংগীদমক্তা তোঙান তোঙানবা ইন্তর্নেস্নেল অমসুং মল্তিলেতরেল লেন্দরশিংগা লোইননা মখা তানা হোৎনখিগনি। আই.আর.ই.দি.এ.না অতৈ সোর্সশিংদগী ফন্দ খোমজিনবা অমসুং তোঙান তোঙানবা অতোপ্পা ফাইনান্সিএল ইন্সত্রুমেন্তশিং শেমগৎনবগী মায়কৈদসু মখা তানা হোৎনখিগনি।

***