প্রধান মন্ত্রীনা লৈবাক অসিগী ওইনা ২০২০গী নবেম্বরগী ১৩দা পাংথোক্কদবা ৫শুবা অয়ুরবেদ নুমিৎতা তুংগীদমক শেম শাদুনা লৈরবা অয়ুরবেদ ইন্সতিত্যুৎ অনি কৎকদৌরি। হায়রিবা অসি ইন্সতিত্যুৎ ওফ তিচিং অমসুং রিসর্স ইন অয়ুরবেদ (আই.তি.আর.এ.), জামনাগর অমসুং নেস্নেল ইন্সতিত্যুৎ ওফ অয়ুরবেদ (এন.আই.এ.), জাইপুর অসিনি। ইন্সতিত্যুৎ অনিমক লৈবাক অসিগী অহানবা অয়ুরবেদ ইন্সতিত্যুৎনি। অহানবা অসি পার্লিয়ামেন্তনা এক্ত তৌবা থাক্তা ইন্সতিত্যুসন ওফ নেস্নেল ইম্পোর্তেন্স (আই.এন.আই.)দা অমসুং অনিশুবা অসিনা য়ুনিভর্সিতি গ্রান্তস কম্মিসনগী য়ুনিভর্সিতি ওইনা লৈনবনি।    

২০১৬দগী আয়ুশ মিনিস্ত্রীনা ‘অয়ুরবেদ নুমিৎ’অসি চহি খুদিংগী ধানৱানতরি জায়েন্তি (ধানতেরাস) থৌরমদা পাংথোকপনি. হন্দক্কী চহি অসিদি নবেম্বরগী ১৩ অসিদা পাংথোক্লগনি।

হৌজিক ওইরিবা কোবিদ-১৯গী ফীবম অসি য়েংলগা ৫শুবা অয়ুরবেদ ২০২০ অসি লৈবাক অসিগী অমদি মালেমগী ওইনা ভর্চুএলগী ফম্বাক্তা চাওনা পাংথোক্লগনি। প্রধান মন্ত্রীনা ইন্সতিত্যুসন অনি কৎপগী থৌরম অসি মাইগোবকী ফম্বাক https://pmevents.ncog.gov.in অসিদা নবেম্বরগী অয়ুক্কী পুং ১০.৩০দা থাদোক্কনি। আয়ুশ মিনিস্ত্রীনা মীপুম খুদিংমক মাইগোবকী ফম্বাক অসিদা মিং চনদুনা শরুক য়াননবা বার্তোন তৌরক্লি।

আই.তি.আর.এ., জামনাগর: পার্লিয়ামেন্ত এক্তকী মকাদা হন্দক্তা পুথোকখিবা, ইন্সতিত্যুৎ ওফ তিচিং অমসুং রিসর্স ইন অয়ুরবেদ (আই.তি.আর.এ.), অসি মালেমগী ওইনা হকশেলগী ইন্সতিত্যুৎ ওইবা থাক্তা লৈরি। আই.তি.আর.এ. অসি দিপার্তমেন্ত ১২, ক্লিনিকেল লেবোরেতোরি অহুম অমসু্ং রিসর্স লেবোরেতোরি অহুম লৈরি। হৌজিক্কী ওইনা মসি মহৌশাগী লৈজরক্লবা হিদাকশিংদা থিজিনবা অমসুং প্রোজেক্ত ৩৩দা রিসর্স চৎথরি। আই.তি.আর.এ. অসি গুজরাত অয়ুরবেদ য়ুনিভর্সিতি কেম্পস, জামনগরদা লৈবা অয়ুরবেদ ইন্সতিত্যুৎ মরিনা পুন্সিন্দুনা শেম্বনি। মসিগী ইন্সতিত্যুৎ অসিনা আয়ুশ সেক্তরদা ইন্সতিত্যুসন ওফ নেস্নেল ইম্পোর্তেন্সগী (আই.এন.আই.) থাক্তা লৈবা অসি অহানবনি।   

 (এন.আই.এ.), জাইপুর:  লৈবাক অসিগী পাক শন্না মমিং লৈরবা অয়ুরভেদা ইন্সতিত্যুসন অমা ওইনা, এন.আই.এ. অসি য়ুনিভর্সিতি অমা ওইনা (দি নোবো কেতগোরী)গী থাক্তা লৈরে। চহি ১৭৫ শুরবা পারি-পুরিগী ওইরবা এন.আই.এ. অসি অশেংবা অয়ুরবেদ অমা ওইনা য়োক্তনা থম্বা, পুক্নিং থৌগৎপা মাংজিল থাবা ওইনা লাক্লি। হৌজিক্কী ওইনা এন.আই.এ. অসি দিপার্তমেন্ত ১৪ লৈরি। ইন্সতিত্যুৎ অসি অফবা মহৈরোয় ৯৫৫ অমসুং ওজা ৭৫,  ২০১৯-২০ অসিগী মনুংদা লৈরি। হায়রিবা অসিদা সর্তিফিকেৎ কোর্চতগীনা দোক্তোরেল থাক ফাওবা লৈরি। হৌজিক্কী ওইনা রিসর্স প্রোজেক্ত মখল ৫৪ চৎথরি। এন.আই.এ. অসি য়ুনিভর্সিতি অমা ওইনা (দি নোবো কেতগোরী)দা নেস্নেল ইন্সতিত্যুৎ অসিনা অনৌবা খ্বাইদগী ৱাংবা মওংদা হকশেলগী চেকশিনবা, মহৈ তম্বা অমসুং রিসর্স অসিদা য়ৌবা ঙম্লি।

***