চীফ লেবর কম্মিশনার(সেন্ত্রেল)ওফিস, এমপ্লোইয়ী প্রোবিদেন্ত ফন্দ ওর্গনাইজেসন অমসুং এমপ্লোইয়ী স্তেত ইন্সুরেন্স কোর্পোরেসনগী কোবিদ-১৯ লান্থেংনরিবা ৱারিয়রশিংনা মখোয়না হোৎনরিবা থবকশিং অদু অপেনবা অমসুং ইকাই খুম্নবা ওইনা ঙসি লেবর অমসুং এমপ্লোইমেন্ত মন্ত্রালয়না মনা-মথুম পীবগী থৌরম অমা শিনখ্র৷

হায়রিবা ওর্গনাইজেসনশিং অসিগী ওফিসিয়েলশিং অমসুং রিজনেল ওফিসশিংনা কৎথোক্লিবা অদু খঙবিবা ওইনা রাজ্যগী মন্ত্রী(আই.সি.) শ্রী সন্তোশ কুমার গঙ্গৱরনা সর্তিফিকেৎ পীদুনা ইকাই খুম্নবা উৎখ্রে৷ ৱর্করশিং অমসুং ইন্দস্ত্রী অসিগী য়াইফন্নবগীদমক মন্ত্রালয় অসিনা ইতিহাসিক ওইরবা খোংথাং কয়ামরোম লৌখৎখ্রে হায়না মন্ত্রী অদুনা ফোংদোকখ্রে৷ কন্সত্রক্সন ৱর্কর মীওই কোতি ২গী বেঙ্ক একাউন্তশিংদা লুপা কোতি লিশিং ৫গী শেনফম দিপোজিৎ তৌখ্রে হায়না মহাক্না মখাতানা ফোংদোকখি৷ হায়রিবা থবক অসি নিংথীজনা চৎন্নবা সি.এল.সি.(সি)না ওফিসর ৮০ খনখ্রে হায়না শন্দোক্না তাকখ্রে৷ ৱর্করশিং অসিনা থেংনরিবা প্রোব্লেমশিং অসি হন্থনবা ই.এস.আই.সি. অমসুং ই.পি.এফ.ও.গী নোদেল ওফিসরশিংগা মখোয়গী রিজনেল ওফিসশিং অসিগা খুৎশম্নরগা অয়ুক নুমিদাং খাইদনা য়াম্না কন্না হোন্নরি৷ কন্ত্রোল রুম ২০দা লাকখিবা কমপ্লেন্ত লিশিং ১৬ অদুগী চাদা ৯৬তি মতম চানা সি.এল.সি.(সি), ই.পি.এফ.ও. অমসুং ই.এস.আই.সি.না ৱারোইশিন পুরকখ্রে হায়না মন্ত্রী অদুনা ফোংদোকখ্রে৷ হায়রিবা ওর্গনাইজেসন অহুম অসিগী ওফিসরশিং, ওফিসিয়েলশিং অমসুং রিজনেল ওফিসশিং মখোয় মখোয়গী কৎথোক্তুনা হোৎনখিবশিং অদুগীদমক মহাক্না নুংঙাইবা ফোংদোকখ্রে৷ আইসোলেসন ফমুং ২৬০০, আই.সি.য়ু. ফমুং ৫৫৫ হেন্না লৈবা অমসুং ভেন্তিলেতর মশিং ২১৩ হেন্না লৈবা ই.এস.আই.সি.গী হোস্পিতাল ২৩ হৌজিক্তি কোবিদ-১৯ হোস্পিতালশিং ওন্থোক্লে হায়না লাওথোকখ্রে হায়না শ্রী গঙ্গৱরনা ফোংদোকখ্রে৷ কোবিদ লাইনা-লাইচৎ অসিগী মনুং অসিদা সবস্ত্রাইবরশিংনা মীওই লাখ ৪৭ হেন্না কোবিদ ক্লেম তৌরকখিবা অদুগীদমক লুপা কোতি ১২,০০০ হেন্না কাইথদুনা অখন্নবা কোবিদ-১৯ ক্বেমগী ই.পি.এফ.ও.গী ইন্নিসিয়েতিব অদু মন্ত্রী অদুনা পুথোকখ্রে৷

ওর্গনাইজেসন অহুম অসিগী ওফিসরশিং অমসুং ওফিসিয়েলশিং পুম্নমক্না হোৎনরিবশিং অদু লেবর অমসুম এমপ্লোইমেন্ত মন্ত্রালয়গী সেক্রেতরী শ্রী অপুর্ভ চন্দ্রনা থাগৎখ্রে৷ কন্সত্রক্সন ৱর্কর মীওই কোতি ২গী বেঙ্ক একাউন্তশিংদা লুপা কোতি লিশিং ৫গী শেনফম দিপোজিৎ তৌখ্রে হায়না মহাক্না নিংথীজনা খঙলে৷ থবক অসি নিংথীজনা চৎন্নবা সি.এল.সি.(সি)না ওফিসর ৮০ খনখ্রে৷ ৱর্করশিং অসিনা থেংনরিবা প্রোব্লেমশিং অসি হন্থনবা ই.এস.আই.সি. অমসুং ই.পি.এফ.ও.গী নোদেল ওফিসরশিংগা মখোয়গী রিজনেল ওফিসশিং অসিগা খুৎশম্নরগা অয়ুক নুমিদাং খাইদনা য়াম্না কন্না হোন্নরি৷

ইন্নোভেতিব মিজরশিং খুদম ওইনা ওতো-সেতলমেন্ত মোদ অমসুং মল্তি-লোকেসন ক্লেম শিজিন্নদুনা অমসুং স্তাপ চাদা ৫০দগী হেন্না তানা শিজিন্নদুনা পুং ৭২গী মনুং অসিদা কোবিদ-১৯গী ক্লেম অদু য়াম্না থুনা পাই পাক্না মাইয়োক্নবা অসিগীমক লৈবাক অসিদা ই.পি.এপ.ও. ওফিসশিং ওইনা লৈরিবা সেন্ত্রেল প্রোভিদেন্ত ফন্দ কম্মিশনার(সি.পি.এফ.সি.)বু মহাক্না থাগৎখ্রে৷ ই.এস.আই.সি. ওফিসরশিং পুম্নমক্না য়াম্না কন্না থৱাই হকচাং য়াওনা হোৎনখিবা অদু শ্রী চন্দ্রনা ফোংদোকখ্রে অমসুং ই.এস.আই.সি. হোস্পিতাল পুম্নমক কোবিদ কেয়র ফমুংশিং, আই.সি.য়ু. ফমুংশিং অমসুং কোবিদ-১৯, প্লাস্মা ত্রান্সফ্যুজন, আর.তি.পি.সি.আর. তেস্তশিংগী তেস্তশিং পাংথোকখ্রে হায়না মহাক্না ফোংদোকখ্রে৷ ইন্স্যোর পর্সনশিং/বেনিফিসিয়রিশিং/স্তেকহোলদরশিংগী গ্রিভেন্স অদু চুমথোক্নবা ই.এস.আই.সি. রিজনেল ওফিসশিংনা য়াম্না কন্না হোন্নখ্রে৷

সি.এল.সি.(সি) শ্রীমতি দি.পি.এস. নেগি, সি.পি.এফ.সি.গী শ্রী সুনিল বার্থৱাল অমসুং ই.এস.আই.সি.গী দি.জি. শ্রীমতি অনুরধা প্রসাদনা মখোয় মখোয়গী ওর্গনাইজেসনশিংগী ইন্নিসিয়েতিবশিং অমসুং এচিবমেন্তশিংগী অকুপ্পা মরোল অদু পুথোরকখ্রে৷ লোকদাউন অসি য়েংলগা সি.এল.সি.(সি)গী দাইরেক্ত সুপর্ভিজনগী মখাদা মন্ত্রী অসিনা হায়রকপা অসিগী মতুং ইন্না সি.এল.সি.(সি) ওর্গনাইজেসনগী রিজনেল ওফিস ২০দা কন্ত্রোল রুম ২০ হাংদোকখ্রে হায়না সি.এল.সি.(সি) গী শ্রীমতি দি.পি.এস. নেগিনা ফোংদোকখ্রে৷ কন্ত্রোল রুমশিং অসি ২৪ X৭ বেসিস্তা মথৌ তৌই হায়না মহাক্না মখাতানা ফোংদোকখি৷ লাক্লিবা কমপ্লেন্ত অদু পুং ৭২গী মনুংদা সোল্ব তৌনবা ফিল্দ ওফিসরশিংদা হায়খ্রে৷ গ্রিভেন্সশিং অসি রিসোল্ব তৌনবা তেলিফোন/ইমেল অমসুং ভিদিও কনফরেন্সিংগী খুৎথাংদা এমপ্লোইয়রশিং অদু পাও ফাওনখ্রে৷ কন্ত্রোল রুমশিংগী ইন্তরভেন্সন অসিগা লোইননা সরকার অসিনা সেন্ত্রেল স্ফেয়রগী ৱর্কর ১,৮৬,৩৬৫দা খুৎশুমল ওইনা লুপা ২,৯৫,৩৩,৪৩,৮৮০ কাইথবা অসি থক্তা নত্তনা স্তেত স্ফেয়রদা লৈরিবা ৱর্কর ৩,৮৬৩দা খুৎশুমল ওইনা লুপা ২,৬৩,৭৩,৪৫৮গী শেনফম পীখ্রে হায়না শ্রীমতি নেগিনা ফোংদোকখ্রে৷

মাইরিয়েদ প্রোব্লেমশিং থেংনখ্রবা সি.পি.এফ.সি.গী স্তেকহোল্দরশিংগী তঙাই ফদবশিং অদু মেনশিন্নবা ই.পি.এফ.ও. মশামক্না হোন্নখ্রে হায়না সেন্ত্রেল প্রোভিদেন্দ ফন্দ কম্মিশনার(সি.পি.এফ.সি.)গী শ্রী সুনিল বার্থৱালনা ফোংদোকখ্রে৷ ন পেরা ৬৮এল প্রোভিজনগী মখাদা পি.এম.জি.কে.ৱাই.গী শরুক অমা ওইনা স্পিসিয়েল কোবিদ-১৯ এদভান্স অসি ই.পি.এফ. একাউন্তদগী ই.পি.এফ. মেম্বরশিংদা, ফেক্তরী অমা হেক্তদা থবক তৌরিবা মীওইশিং নত্রগা মশা মশাগী সরকারনা লাইনা-লাইচৎ অসিনা শোকহল্লগনি হায়না লাওথোকখিবা মফমশিংদা শেম শাগৎলিবশিংগী নন-রিফন্দেবল এদভান্স অদুগীদমক শেমখিবনি হায়না মহাক্না শন্দোক্না তাকখ্রে৷ লৈবাক অসিদা লৈরিবা ই.পি.এফ.ও. ওফিসশিংনা লুপা কোতি ১২,২২০.২৬কী শেনফম কাইথদুনা কোবিদ-১৯ এদভান্স ক্লেম লাখ ৪৭.৫৮ সেত্তল তৌখ্রে৷ স্তাপ চাদা ৫০দগী হেন্না তানা শিজিন্নদুনা লাক্লিবা কোবিদ ক্লেমশিং অদু পুং ৭২গী মনুংদা সেত্তল তৌন্নবা ইন্নোভেতিব মিজরশিং খুদম ওইনা ওতো-সেত্তলমেন্ত মোদ অমসুং মল্তি-লোকেসন ক্লেম সেত্তলমেন্ত নুমিদাংদা মথৌ তৌখি৷ লাইনা-লাইচৎ অসিগী মনুং ২০২০গী এপ্রীলদগী সেপ্তেম্বর ফাওবদা অপুনবা ক্লেম লাখ ১৯.২০ য়ু.এম.এ.এন.জি.(য়ুনিফাইদ মোবাইল এপ্রিকেসন ফোর ন্যু-এজ গভর্নেন্স)গী খুৎথাংদা ওনলাইনদা ফাইল্দ তৌখ্রে হায়না মহাক্না ফোংদোকখি৷ মসি প্রি-কোবিদ-১৯গী মতম ২০১৯গী ওক্তোবর থাদগী ২০২০গী মার্চ থা ফাওবগা য়েংনবা মতমদা ২৭৪% মম্মোত হেঙ্গৎলকখ্রে৷ লাইনা-লাইচৎ অসিগী মনুং অসিদা তঙাই ফদনা দরকার ওইরকপা মতমদা রেস্পোন্স পিনবা ওতো ক্লেম সেত্তলমেন্ত শেম্বা অসিগীদমক ই.পি.এফ.ও.না দিজিতেল তেক্নোলোজী সভা এৱার্দ ফংখ্রে হায়না শ্রী বার্থৱালনা ফোংদোকখ্রে৷ মসিগী প্রোজেক্ত অসি ইন হাউস্তা শেম্বনি অমসুং মসিনা পুং ৭২গী মনুংদা কোবিদ-১৯ ক্লেম সেত্তলমেন্ত পুরকপদা মতেং পাংখ্রে৷

ই.এস.আই.সি.গী দাইরেক্তর জেনেরেল শ্রীমতি অনুরধা প্রসাদনা ই.এস.আই.সি.গী ইন্নিসিয়েতিবশিং অদু শন্দোক্না তাকখ্রে৷  হোস্পিতাল পুম্নমক কোবিদ কেয়র ফমুংশিং, আই.সি.য়ু. ফমুংশিং অমসুং কোবিদ-১৯, প্লাস্মা ত্রান্সফ্যুজন, আর.তি.পি.সি.আর. তেস্তশিং পাংথোকপা য়াখ্রে হায়না শ্রীমতি প্রসাদনা ফোংদোকখ্রে৷ ইন্স্যোর পর্সনশিং/বেনিফিসিয়রিশিং/স্তেকহোলদরশিংগী গ্রিভেন্স অদু চুমথোক্নবা ই.এস.আই.সি. রিজনেল ওফিসশিংনা য়াম্না কন্না হোন্নখ্রে৷ মখাতানা স্তেত স্ফেয়রদা লৈরিবা ইসুশিং অসি থেংনবদা স্তেত ওথোরিতীশিং অসিগা লোইননা লেপ্পা লৈতনা চৎমিন্নবা অসিনা তীম স্পিরিৎ হেঙ্গৎহল্লি অমসুং পোজিতিব রিজল্তশিং ফংহল্লে হায়না শ্রীমতি প্রসাদনা ফোংদোকখ্রে৷

ওর্গনাইজেসন অহুম অসিদা লৈরিবা ওফিসরশিং অমসুং স্তাফশিং অসিনা পুন্না হোন্নমিন্নরবা মতমদা হায়রিবা ইন্নিসিয়েতিবশিং অসি মাই পাক্না চৎনবা য়াই হায়বা অসি খঙহনখ্রে৷

সি.এল.সি.(সি) সেন্ত্রেল লেবর কম্মিশনার(সেন্ত্রেল)গী ওফিস্কী এৱার্দীগী লিস্ত:

১. সি.এল.সি.(সি)(ঐত.ক্বু.)গী এল.ই.ও.(সি) শ্রী সন্তোশ মহুর

২. চেন্নাইগী সি.এল.সি.(সি)রিজনেল ওফিস

৩. কোলকতাগী সি.এল.সি.(সি)রিজনেল ওফিস

৪. কোচিনগী সি.এল.সি.(সি) রিজনেল ওফিস

এমপ্লোইয়ী প্রোভিদেন্ত ফন্দ ওর্গনাইজেসন(ই.পি.এফ.ও.)দগী এৱার্দীগী লিস্ত:

১.ই.পি.এফ.ও.(ঐচ.ক্বু.)গী আর.পি.এফ.সি.-১ শ্রী রুপরশ্বর সিংহ

২. দিল্লী(সেন্ত্রেল)গী ই.পি.এফ.ও.রিজনেল ওফিস

৩. দিল্লী(নোংপোক) ই.পি.এফ.ও.রিজনেল ওফিস

৪. বেঙ্গলুরুগী ই.পি.এফ.ও.রিজনেল ওফিস  কে.আর. পুরম

এমপ্লোইয়ী স্তেত ইন্সুরেন্স কোরপোরেসন(ই.এস.আই.সি.)দগী এৱার্দীগী লিস্ত:

১. ই.এস.আই.সি.(ঐচ.ক্বু.)গী দি.দি. শ্রী এস.এল. মীনা

২. ওদিশাগী ই.এস.আই.সি. রিজনেল ওফিস

৩. মহারাস্ত্রগী ই.এস.আই.সি. রিজনেল ওফিস

৪. দিল্লীগী ই.এস.আই.সি. রিজনেল ওফিস

৫. ফরিদবাদকী ই.এস.আই.সি. মেদিকেল কোলেজ অমসুং হোস্পিতাল

৬. সনাথনগরগী ই.এস.আই.সি. মেদিকেল কোলেজ অমসুং হোস্পিতাল

৭. রজাজমগরগী ই.এস.আই.সি. মেদিকেল কোলেজ অমসুং পি.জি.আই.এম.এস.আর. অমসুং মোদেল হোস্পিতাল

****