সাইন্স অমসুং তেক্নোলোজী মন্ত্রালয়

মীতর কুনথ্রাগী তেলিস্কেপ প্রোজেক্ততা নোবেল লোরেৎকা লোইননা ভারতকী এস্ত্রোনোমরশিংনা পুন্না থবক তৌমিন্নবা

মীতর কুনথ্রাগী তেলিস্কেপ (তি.এম.তি.) প্রোজেক্ততা কেলতেক, কেলিফোর্নিয়া য়ুনিভর্সিতী, কনাদা, জাপান, চাইনা অমসুং ভারত পুন্না থবক তৌমিন্নবা

Posted On: 10 NOV 2020 2:22PM by PIB Imphal

তাইবঙপানবা অসিগী অরোনবশিংবু খঙদোক্নবগীদমক্তা শুন্দ্রংগী অশুকপা মফমশিং থিজিন্নবগী পান্দমদা হৱাইগী মোনাকিয়াদা মীতর কুনথ্রাগী তেলিস্কোপ (তি.এম.তি.) প্রোজেক্ত খিনবগী থবক পায়খৎলি।  মসিগী মালেমগী ওইবা প্রোজেক্ত অসিদা তেলিস্কোপকা মরী লৈনবা ইন্সত্রুমেন্তশিংগী মতাংদা ফিজিক্সতা ২০২০গী নোবেলগী মনা ফংখ্রবা প্রোফ. এন্দ্রিয়া ঘেজনা ভারতকী এস্ত্রোনোমরশিংগা লোইননা য়াম্না নকশিন্না থবক তৌরি।

http://static.pib.gov.in/WriteReadData/userfiles/image/image0021XGO.jpg

ঐখোয়গী গেলেক্সীগী অকোইবদা লৈরিবা সুপর মেসিব কম্পেক্ত অসি খঙদোক্নবা শিংথানীংঙাই ওইরবা থিজিনবা অসিগীদমক প্রোফেসর ঘেজদা প্রোফেসর পেনরোস অমসুং প্রোফেসর রিনহার্দ গেঞ্জেলগা লোইননা পুন্না ফিজিক্সতা নোবেলগী মনা অসি পীখিবনি। প্রোফেসর ঘেজনা তি.এম.তি.দা শিজিন্নবা ইন্সত্রুমেন্তশিং অমসুং প্রোজেক্ত অসিগী সাইন্তিফিক ওইবা মওংদা ওইথোকপা য়াবশিংগী মরী লৈনবা তেক্নোলোজীগী ওইবা মশকশিং শেমগৎ-শাগৎপদা মরুওইবা থৌদাং লৌখি।

মীতর কুনথ্রাগী তেলিস্কোপ (তি.এম.তি.) প্রোজেক্ত অসিদা কেলতেক, কেলিফোর্নিয়া য়ুনিভর্সিতী, কনাদা, জাপান, চাইনা অমসুং সাইন্স অমসুং তেক্নোলোজী (জি.এস.তি.) দিপার্তমেন্ত অমসুং এতোমিক ইনর্জী (দি.এ.ই.) দিপার্তমেন্তকী খুৎথাংদা ভারতনা মতেং পীরি। ইন্দিয়ন ইন্সতিত্যুৎ ওফ এস্ত্রোফিজিক্স (আই.আই.এ.)কী দাইরেক্তর দা. অন্নপুর্নী সুব্রমনিয়ম অমসুং আর্য়ভত্ত রিসর্স ইন্সতিত্যুৎ ওফ ওবজর্বেসন সাইন্সেস (এ.আর.আই.ই.এস.)কী সাইন্তিস্ত দা. শশী ভুশন পান্দেগুম্বা ভারতকী এস্ত্রোনোমর খরনা প্রোফেসর ঘেজগা লোইননা প্রোজেক্ত অসিগী রিসর্স অমসুং দিবেলপমেন্ত এক্তিবিতীশিংদা মতেং পাংলি।

মদুদা রিসর্স রিপোর্ত কয়ামরুম শেম-শাখি মদুগী মনুংদা তেলিস্কোপকী সাইন্তিফিক প্রোস্পেক্তকা লোইননা মরুওইবা হিরম কয়াদসু পাক চাউনা খঙবা ঙমখি। মসিদা সোলর সিস্তেমগা মরী লৈনবা দেতা সিম্যুলেতর, গেলেক্তিক সেন্তর, ইর্জেতিক ত্রান্সিএন্ত ওবজেক্তশিং, এক্তিব গেলেক্তিক ন্যুক্লি, অমসুং অরাপ্পা গ্রেবিতেস্নেল ওইবা মওংগী লেন্স গেলেক্সী শিজিন্নখি। 

জর্নেল রিসর্স ইন এস্ত্রোনোমী এন্দ এস্ত্রোফিজিক্সকী ২০১৫দা ফোংখিবা আর্তিকল অমদা তাইবংবান অসি থিজিন্নবা তুংলমচৎকী তি.এম.তি. শিজিন্নবগী মতাংদা পনখি।

মীতর কুনথ্রাগী তেলিস্কোপ অসিগা মরী লৈনবা শরুক য়ামিন্নরিবা লৈবাকশিং অমসুং মীয়াম্বু নকশিন্না পুরকপগা লোইননা এস্ত্রোনোমী অমসুং ফিজিক্সকী লমদা থোরকপা ৱাহং কয়াগী পাউখুম পীবদা মায় পাক্লগনি মসিগীদমক্তা প্রোফেসর এন্দ্রিয়া ঘেজ অমসুং ভারতকী এস্ত্রোনোমরশিংনা পুন্না থবক তৌমিন্নরি।

 [অহেনবা ৱারোলগীদমক, দা. শশি ভুশন পান্দে (shashi@aries.res.in), মোবাইলঃ ৯৫৫৭৪৭০৮৮৮দা পাউ ফাওনবা য়াগনি ]

***



(Release ID: 1671962) Visitor Counter : 39