(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতনা নুংতিগী থেংনবা অনৌবা কেসশিং লীশিং ৪০দগী তানা রিপোর্ত তৌরকখি
• হৌখিবা পুং ২৪দা নুংতিগী থেংনবা অনৌবা কেসশিংগী মশিং অসি ৩৮,০৭৩ ওইখি
• ঙসি নুমিৎ ৩৮শুবা ওইনা হৌখিবা পুং ২৪ অসিদা কেস ৪২,০৩৩ নাবা ফগৎখিবগা লোইননা নাবা ফগৎখিবশিংনা নুংতিগী থেংনবা অনৌবা কেসশিংদগী হেনখ্রে
• ভারতকী অপুনবা পোজিতিব কেস অসি ৫.৮৮% ওইরি
• নাবা ফগৎলকপগী চাংসু ৯২.৬৪%দা হেনগৎখ্রে
• ঙসিগী ওইনা পুন্না নাবা ফগৎলকখিবা অসি ৭৯,৫৯,৪০৬ ওইখি
   

ভারতনা নুংতিগী থেংনবা অনৌবা কেসশিং লীশিং ৪০দগী তানা রিপোর্ত তৌরকখি, এক্তিব কেসলোদ অমসুং নুংতিগী শীখিবশিং মখা তানা হন্থরক্লি

নুমিৎ তরুকনিগী মতুংদা ভারতনা নুংতিগী থেংনবা কেস ৪০,০০০দগী তানা রেজিস্তর তৌরকখি। হৌখিবা পুং ২৪দা নুংতিগী থেংনবা অনৌবা কেসশিংগী মশিং অসি ৩৮,০৭৩ ওইখি। থংনা-থংননা নুমিৎ হুমনি শুবা ওইনা নুংতিগী থেংনবা অনৌবা কেসশিং অসি ৫০,০০০দগী তানা লৈখি। মশিং য়াম্না হায়বদি হৌখিবা নুমিৎ ৩-৪ অসিদা নোংমদা কেস লাখ অমরোম রিপোর্ত তৌরক্লিবা লৈবাক খরগা য়েংনবদা মসি শীংথানীংঙাই ওই। হৌখিবা চয়োল খরা অসিদা এক্তিব কেসশিংগী মশিং অসি লেপ্তনা হন্থরকখি। ঙসি নুমিৎ ৩৮শুবা ওইনা হৌখিবা পুং ২৪ অসিদা কেস ৪২,০৩৩ নাবা ফগৎখিবগা লোইননা নাবা ফগৎখিবশিংনা নুংতিগী থেংনবা অনৌবা কেসশিংদগী হেনখ্রে। এক্তিব কেসলোদ অসি ৫,০৫,২৬৫দা হন্থখ্রে। ভারতকী অপুনবা পোজিতিব কেসশিংদা হৌজিক লৈরিবা এক্তিব কেসলোদ অসি ৫.৮৮% ওইদুনা লেপ্তনা হন্থরক্লি। মরম অসিনা নাবা ফগৎলকপগী চাংসু ৯২.৬৪%দা হেনগৎখ্রে। ঙসিগী ওইনা পুন্না নাবা ফগৎলকখিবা অসি ৭৯,৫৯,৪০৬ ওইখি। নাবা ফগৎখ্রবা কেসশিং অমসুং এক্তিব কেসশিংগী মরক্তা লৈরিবা খেৎনবা অসি হেনগৎতুনা ৭৪,৫৪,১৪১ ওইখ্রে। নৌনা নাবা ফগৎখ্রবা কেসশিংগী ৭৮%দি রাজ্য/য়ু.তি. ১০দগী ওইখি। নৌনা নাবা ফগৎখিবা কেস ৭,০১৪ ওইখিবগা লোইননা দিল্লীনা নোংমা খক্তদা নাবা ফগৎলকপগী মশিং খ্বাইদগী য়াম্বগী রিপোর্ত তৌরকখি। কেরেলাদা মীওই ৫,৯৮৩ নাবা ফগৎখি মতুংদা ৱেস্ত বেঙ্গলনা ৪,৩৯৬ ওইদুনা মতুং ইনখি। অনৌবা কেসশিংগী ৭২%দি রাজ্য অমসুং য়ু.তি. ১০ফগী ওইখি। দিল্লীনা মখা তানা নুংতিগী থেংনবা অনৌবা কেস ৫,৯৮৩ ওইদুনা মশিং খ্বাইদগী য়াম্না রিপোর্ত তৌরকখি; মসি মমাংগী নুমিৎতা অনৌবা কেস ৭,৭৪৫ থেংনখিবা অদুদগীদি তাখি। অনৌবা কেস ৩,৯০৭ ওইদুনা ৱেস্ত বেঙ্গলনা দিল্লীগী মতুং ইনখি। কেরেলাগী নুংতিগী থেংনবা কেস অসি ৩,৫৯৩দা হন্থরক্লে অমরোমদা মহারাস্ত্রনা নুংতিগী থেংনবা অনৌবা কেসশিং রিপোর্ত তৌরকপদা অহুমশুবা অমসুং মরিশুবা মফমদা লৈজরবসু কেস ৩,২৭৭ ওইদুনা হন্থরকখ্রে। হৌখিবা পুং ২৪দা কেস ৪৪৮ শীখিবগী রিপোর্ত তৌরকখি। নুমিৎ নিনিশুবা ওইনা শীখিবা ৫০০তগী তানা রিপোর্ত তৌরকপগা লোইননা মখা তানা হন্থরক্লি। ৭৮%রোমদি রাজ্য/য়ু.তি. তরাদগী ওইখি।

অকুপ্পা ৱারোলগীদমক:

শংঘাই কোওপরেসন ওর্গনাইজেসন (এ.সি.ও.) সমিৎ ২০২০দা পীখিবা প্রধান মন্ত্রীগী ৱারোল

অকুপ্পা ৱারোলগীদমক:

পি.এম.না নবেম্বর ১২, ২০২০দা জে.এন.য়ু. কেম্পস্তা স্বামী বিবেকানন্দগী মীতম মায়খুম হাংদোক্লগনি

প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা নবেম্বর ১২গী নুমিদাং ৱাইরম পুং ৬.৩০ তাবা মতমদা জৱাহর্লাল নেহরু য়ুনিবর্সিতীগী কেম্পস্তা স্বামী বিবেকানন্দগী মপুং ফাবা মীতম মায়খুম হাংদোক্লগনি। থৌরম অসিদা কেন্দ্রগী এজুকেসন মন্ত্রীসু শরুক য়াগনি। প্রধান মন্ত্রীনা অদুমক হায়দুনা লাকখি মদুদি স্বামী বিবেকানন্দগী ৱাখল্লোনশিং অসি স্বামীগী পুন্সিদা চান্নখিবা অদুগুম্না ঙসিসু চান্নরি। প্রধান মন্ত্রী মশামক্না তোইনা হায়খি মীয়ামগী শেবা তৌবা অমসুং লৈবাক অসিগী হৌগৎলক্লিবা নহাশিং থৌনা হাপ্পনা লৈবাক অসিগী মপাঙ্গল, ৱাখল্লোন অমসুং পুক্নীং-ইহুল হেনগৎহল্লি লোইননা লৈবাক মিংচৎ অসি মালেমগী মমাংদা হেনগৎহল্লি। ভারতনা য়াইফবা ওইবা অমসুং শক্তি লৈবা অসি মীয়ামগী খুৎতা লৈ অমসুং মসিনা মরম ওইরগা লৈবাক অসিগী মীপুম খুদিংমক থৌনা হাপ্পনা ভারতকী মরোমদোম লেপচবা ঙম্বগী অমত্তা ঙাইরবা পান্দম অদু ফংবা ঙম্নবা মায়কৈদা পুগনি।

অকুপ্পা ৱারোলগীদমক:

শেল-থুম মন্ত্রী শ্রীমতী নির্মলা সীতারমন ১বা ব্রিক্স ফাইনান্স মিনিস্তরশিং অমসুং সেন্ত্রেল বেঙ্ক গভর্নরশিংগী মীফমদা শরুক য়াখ্রে

কেন্দ্রগী শেল-থুম অমদি কোর্পোরেৎ এফিয়র্স মন্ত্রী শ্রীমতী নির্মলা সীতারমন্না ঙসি ব্রিক্স রসিয়ন চিয়র্মেনশিপকী মখাদা পাংথোকপা ১বা ব্রিক্স ফাইনান্স মিনিস্তরশিং অমসুং সেন্ত্রেল বেঙ্ক গভর্নরশিং (এফ.এম.সি.বি.জি.)গী মীফমদা শরুক য়াখ্রে। মীফম অসিগী এজেন্দাদা ২০২০দা জি ২০ সাউদী প্রসিদেন্সীগী ফলগী মতাংদা খন্ন-নৈনবা, ইনফ্রাস্ত্রকচর ইনভেস্তমেন্ত অমসুং ন্যু দিবেলপমেন্ত বেঙ্ককী মেম্বরশিপ চাউথোকহনবগী মতাংদা পুক্নীং থৌগৎপা য়াওরি। শেল-থুম মন্ত্রীনা হায়খি মদুদি ব্রিক্স লৈবাক পুম্নমক্না মেম্বর ওইরিবা, জি ২০না চহি অসিদা য়াম্না মরু ওইবা খোংথাং খরা লৌখৎখি, মদুগী মনুংদা কোবিদ-১৯ মায়োক্ননবা জি ২০ এক্সন প্লান য়াওরি, মসিনা অৱাবগী মতম অসিদা অপুনবা গ্লোবেল রেস্পোন্স অমা নেবিগেৎ তৌনবা লমজিং-লমতাকখি। মসিগা লোইননা, জি ২০ দেব্ত সর্বিস সস্পেন্সন ইনিসিএতিবনা শেন্থোক নেম্বা লৈবাকশিংগী মথৌ তাবশিং ফংহন্নবা খুদক্কী ওইবা তেংবাং ফংহনখি। মহাক্না মখা তানা হায়খি মদুদি শাহৌরক্লিবা শেন্মিৎলোনগী খন্ন-নৈনবশিংবু অনৌবা খোংথাংশিং অসিদা মতিক চানা মমি তাই হায়বদু খঙহন্দুনা ব্রিক্স মেম্বরশিংনা মরুওইবা থৌদাং লৌখি। দিজিতেল ইকোনোমীগী তেক্সেসনগী ইসু অসিগী পাম্বৈ পুথোক্নবা মালেম্না হোৎনরিবা অসিদা, শ্রীমতী সীতারমন্না হায়খি মদুদি ৱাখল্লোন অমত্তা ওইবা পাম্বৈনা মীচং-মীখাই নাইদবা, তুং কোইবা তেক্সেসন সিস্তেম পুরকপদা মরুওইবা থৌদাং য়াগনি।

অকুপ্পা ৱারোলগীদমক:

কেন্দ্রগী কলচর মন্ত্রী (আই/সি) শ্রী প্রহলাদ সিংহ পতেলনা ম্যুজিয়মশিং, আর্ত গেলরীশিং অমসুং একজিবিসনশিং হয়েংদগী হাংগদবা অসিগী মতাংদা শেম-শারিবশিং অসি য়েংশিন্নবা নেস্নেল ম্যুজিয়ম চৎতুনা য়েংশিনখ্রে

কেন্দ্রগী কলচরগী রাজ্য মন্ত্রী (ইন্দিপেন্দেন্ত চার্জ) শ্রী প্রহলাদ সিংহ পতেলনা ম্যুজিয়মশিং, আর্ত গেলরীশিং অমসুং একজিবিসনশিং মন্ত্রালয়না থোকপা এস.ও.পি.শিংগী মতুং ইন্না হয়েং নবেম্বর ১০দগী অমুক হন্না হাংগদবা অসিগী মতাংদা শেম-শারিবশিং অসি য়েংশিন্নবা ঙসি নেস্নেল ম্যুজিয়ম চৎতুনা য়েংশিনখ্রে। খোঙচৎ অসিদা মন্ত্রীনা হায়খি হয়েংদগী ম্যুজিয়মশিং, আর্ত গেলরীশিং অমসুং একজিবিসনশিং অমুক হন্না হাংদোক্নবা অকুপ্পা ৱারোল য়াওবা চৎন-পথাপশিং থোকখ্রে। হিরম অসিদা নেস্নেল ম্যুজিয়মনা শেম-শারিবশিং অসি য়েংশিন্নবা ৱারেপ লৌখি। শেম-শারিবশিং অসিদা অপেনবা পোক্লদুনা মহাক্না তিম পুম্নমকপু মসিগীদমক থাগৎপা ফোঙদোকখি। ওনলাইন্দা তিকেৎশিং থাবা, অতোপ্পা মীওইশিংগী চংফমদা তেম্পরেচর স্ক্রীনিং তৌবা অসিগুম্বা চেকশিল থৌরাংগী খোংথাং কয়া নেস্নেল ম্যুজিয়মনা লৌখৎখি হায়না মহাক্না ফোঙদোকখি। শেম-শারিবশিং অসি মখা তানা ফগৎহন্নবা মীয়াম্না পাউতাকশিং পীনবা মহাক্না হায়খি অমসুং মসিদা মীয়াম্না মতেং পাংনবসু মহাক্না হায়খি। নেস্নেল ম্যুজিয়ম, নই দিল্লী অসি ভারত সরকারগী তোঙান তোঙানবা মন্ত্রালয়শিংনা পীবা গাইদলাইন পুম্নমক ঙাক্তুনা হয়েং হায়বদি নবেম্বর ১০, ২০২০দগী মীয়ামগীদমক্তা অমুক হন্না হাংলগনি। কলচর মন্ত্রালয়গী মখাদা লৈবা অতোপ্পা ম্যুজিয়মশিংসু হায়রিবা অসি ঙাক্না চৎকনি।

অকুপ্পা ৱারোলগীদমক:

মুখতার অবাস নাখভিনা পিতমপুরাগী দিলিহততা “হুনার হাত” হৌদোক্কদৌরি

কোরোনা লাইনা-লাইচৎ অসিনা মরম ওইরগা থা ৭মু্ক্কী চাংদা লেপলুরবা মতুং অসিদা অমুক হন্না হয়েংদগী হুনার হাত হৌরগনি৷ “ভোকেল ফোর লোকেল” থীমগা লোইননা পিতমপুরাগী দিলিহততা মাইনোরিতী এফিয়র্সকী কেন্দ্রগী মন্ত্রী শ্রী মুখতার অবাসনা “হুনার হাত” হৌদোক্লগনি৷ মসিদা “মাতি (ক্লে), মেতল অমসুং মচিয়া(উ অমসুং জ্যুত পোত্থোকশিং)”দগী শেম্বা ইন্দিজিনিয়র্স এক্সক্বুইসাইত প্রদক্তশিং অসিনা মপুং ওইবা পুক্নিং চিংশিনফম ওইরগনি৷ ২০২০গী নবেম্বরগী তাং ১১দগী ২২ ফাওবা পিতমপুরাগী দিল্লী হাততা পাংথোক্কদৌরিবা “হুনার হাত” অসিদা ক্লে, তোঙান তোঙানবা উগী অমসুং মেতলগী পোত্থোকশিং, চু-ৱাদগী শেম্বা পোত্থোকশিং, ফজরবা পোতরী ৱর্ক অদু ময়ামদা উৎনবা অমসুং য়োন্নবা ফংহল্লগনি হায়না শ্রী মুখতার অবাস নাখভিনা ঙসি ফোংদোকখ্রে৷ লৈবাক অসিগী মফম পুম্নমক ইন্দিজিনিয়র্স পোত্থোকশিং অসিগী ত্রেদিস্নেল অমসুং এঞ্চেস্ত্রেল লিগেসী লৈ হায়না শ্রী নাখভিনা ফোংদোকখ্রে৷ মুৎখিদৌরবা অসিগুম্বা লিগেসী অসি প্রধান মন্ত্রী শ্রী নরেন্দ্র মোদীনা “স্বাদেশি” পাংথোকখিবদগী অসু্ক্কী মতিক ফগৎলকখ্রে৷ “ভোকেল ফোর লোকেল” ফংনবা প্রধান মন্ত্রী সপোর্ত তৌখ্রবা মতুং অসিদা ইন্দিয়ন ইন্দিজিনিয়র্স ইন্দিস্ত্রী অসি অসুক্কী মতিক চাওখৎলকখ্রে৷ অসিগুম্বা ইন্দিজিনিয়র্স পোত্থোকশিং অসি শেম্বদা য়াওরিবা আর্তিসনশিং “স্বাদেশি প্রদক্তশিং”গী পুক্নিং চিংশিন্নিংঙাই ওইরবা পেকেজিং তৌন্নবগীদমক তোঙান তোঙানবা ইন্সতিত্যুসনশিংগী খুৎথাংদা মতেং পীরি৷ মসিনা “অত্ম নির্ভার ভারত”কী মিসন অসি মাই পাকহল্লগনি৷ মসিগী “হুনার হাত” অসিদা স্কেল ১০০ হেন্না শেমখ্রে হায়না শ্রী নাখভিনা ফোংদোকখ্রে৷

অকুপ্পা ৱারোলগীদমক:

শ্রী নরেন্দ্র সিংহ তোমারগী লুচিং মখাদা প্রোজেক্ত ২৯গী অয়াবা পীখ্রে

কেন্দ্রগী ফুদ প্রোসেসিং ইন্দস্ত্রীগী মন্ত্রী শ্রী নরেন্দ্র সিংহ তোমারগী লুচিং মখাদা ইন্তর-মিনিস্ত্রিয়েল এপ্রুবেল কমিতী (আই.এম.এ.সি.)গী মীফম্না ঙসি লুপা করোর ৪৪৩ চংগদবা প্রোজেক্ত ২১গী অয়াবা পীখ্রে, মখোয়শিং অসি ইন্তিগ্রেতেদ কোল্দ চেন অমসুং ভেল্যু এদিসন স্কিমগী মখাদা লুপা করোর ১৮৯গী ইনভেস্তমেন্ততা কান্নবা ফংগনি। শ্রী তোমারগী লুচিং মখাদা পাংথোকখিবা মীফম অমদা প্রোজেক্ত নিপাল অমগী অয়াবা পীখি। প্রোজেক্তশিং অসিদা লুপা করোর ৬২গী ইনভেস্তমেন্তকী কান্নবা ফংগনি অমসুং মসিগীদমক্তা বি.এফ.এল. স্কিমগী মখাদা লুপা করোর ১৫গী গ্রান্তকী অয়াবা পীখ্রে। মীফম অদুদা এফ.পি.আই.গী রাজ্য মন্ত্রী শ্রী রামেশ্বর তেলীসু শরুক য়াখি। শ্রী তোমারনা হায়খি মদুদি প্রোজেক্তশিং অসিদগী লৌমীশিং অমসুং কঞ্জুমরশিংনা কান্নবা ফংলগনি। মখোয়না ওফিসরশিংদা প্রোজেক্তশিং অসি থবক পাংথোকপদা খোংজেল য়াংশিন্নবা খঙহনখি। প্রোজেক্ত ২১ অসিদগী চাউরাক্না মীওই ১২,৬০০ থবক ফংবা অমসুং লৌমী ২,০০,৫৯২দা কান্নবা ফংবগী ওইথোকপা লৈ। প্রোজেক্তশিং অসি রাজ্য ১০ – আন্ধ্র প্রদেশ, গুজরাত, হিমাচল প্রদেশ, জম্মু-কশ্মীর, কেরলা, নাগালেন্দ, পঞ্জাব, তেলঙ্গনা, উত্তরাখন্দ, উত্তর প্রদেশতা শন্দোক্লি। ইন্তিগ্রেতেদ কোল্দ চেন অমসুং ভেল্যু এদেদ ইনফ্রাস্ত্রকচরগী স্কিমগী পান্দম অসি হোর্তিকলচর অমসুং নন-হোর্তিকলচরগী পোৎথোকশিংগী লৌ খাওরবা মতুংদা ওইরক্কদবা অমাং-অতাশিং থিংবা অমসুং লৌমীশিংদা কান্নবা মমল ফংহনবনি। অতোপ্পা মীফম অমদা অয়াবা পীখ্রবা প্রোজেক্ত ৮ অসিনা চাউরাক্না মীওই ২,৫০০দা থবক পীবগী ওইথোকপা লৈ।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           মহারাস্ত্র: নিংথৌকাবা নুমিত্তা মহারাস্ত্রদা কোবিদ-১৯গী কেসশিং হন্থরকপগী ত্রেন্দ অসি অদুমক লেপ্তনা চত্থরক্লি। রাজ্য অসিদা কোবিদ-১৯গী অনৌবা কেস ৩,২৭৭ থেংনখি, হায়রিবা অসি জুন ২৩গী মতুং তারকপদা খ্বাইদগী হেন্না নেম্বা ওইখি। মুম্বাইদা অনৌবা কেস ৫৯৯ থেংনখি। পুনেসু নিংথৌকাবা নুমিত্তা অনৌবা কেস ৬৩১ থেংনখিবগা লোইননা মশিং য়াম্না হন্থরকখিবা লৈখি। 

•          গুজরাত: রাজ্যগী হকশেল দিপার্তমেন্তকী দেতাগী মতুং ইন্না গুজরাত্তা অনৌবা কেস ৯৭১ থেংনখিবগা লোইননা নিংথৌকাবা নুমিত্তা কোরোনাভাইরসকী অপুনবা মশিং অদু চাউরাক্না লাখ ১.৮২ য়ৌখ্রে। নুমিৎ অসিমক্তদা মেহসানাদগী অমা য়াওনা মীওই মঙা ভাইরল উইনফেক্সন অসিনা মরম ওইরগা লৈখিদ্রে, মসিনা শিখিবশিংগী মশিং অদু পুন্না ৩,৭৬৮ য়ৌখ্রে। গুজরাত্তা নিংথৌকাবা নুমিত্তা য়ামদ্রবদা পেসেন্ত ১,০০০ দিসচার্জ তৌখ্রে। হৌজিক ফাওবদা রাজ্য অসিদা কোবিদ-১৯গী পেসেন্ত লাখ ১.৬৫ ফগৎখ্রে।

•          রাজস্থান: দিৱালিগী মমাংদা, এক্তিব কোবিদ-১৯ কেসশিং অমসুং নোংমদা লৈখিবা ইনফেক্সনশিংগী মশিং অদু ওক্তোবরগী সেকন্দ হাফতা য়াম্না য়াংনা হন্থখ্রবা মতুংদা অমুক হন্না হেনগৎলকপা হৌখ্রে। এক্তিব কেসশিংগী মশিং অদু ১৬,৫৪২দা হেনগৎলকখিবগা লোইননা রাজ্য অসিনা নিংথৌকাবা নুমিত্তা অনৌবা কেস ১,৮৫৮ থেংনখ্রে।

•          মধ্য প্রদেশ: মধ্য প্রদেশতা নিংথৌকাবা নুমিত্তা কোবিদ-১৯গী অনৌবা কেস ৮০৯ থেংনখি, মসিনা ইনফেক্সন তৌখিবশিংগী মশিং অদু ১,৭৮,১৬৮ য়ৌহনখিবগা লোইননা শিখিবশিংগী মশিং অদু ৩,০৩৪ য়ৌহনখ্রে। হৌকিবা পুং ২৪ অসিদা হোসপিতালশিংদগী পুন্না পেসেন্ত ৬৮১ দিসচার্জ তৌখ্রে, মসিনা ফগৎখিবশিংগী মশিং অদু ১,৬৭,০৮৪ য়ৌহনখ্রে। রাজ্য অসিদা লৈরিবা এক্তিব কেসশিংগী মশিং অসি ৮,০৫০।

•          ছত্তিসগর: ছত্তিসগর সরকারনা নিংথৌকাবা নুমিত্তা ওফিসিয়েলশিংদা পোৎ-চৈ য়োনবা মতমদা নেস্নেল গ্রীন ত্রাইব্যুনল (এন.জি.তি.)গী ওর্দর অদু য়াম্না চাকশিন্না চৎনহন্নবা খঙহল্লকখ্রে অমসুং ফায়রক্রেকরশং শিজিন্নবগী মতাংদা, মসি হেন্না শিজিন্নবনা এয়র পোল্যুশন থোকহনগনি, মসিনা কোবিদ-১৯ শন্দোরকপদা হেনগৎল্লকনি। ছত্তিসগরদা হৌজিক ফাওবদা এক্তিব কোবিদ কেস ২১,২২১ লৈরি।

•          অসাম: অসামদা পোজিতিব ওইবগী চাং ১.১৫% ওইখিবগা লোইননা ঙসি পাংথোকখিবা তেস্ত ২৮,৫২৬গী মনুংদা কেস ৩২৮ থেংনখি। পেসেন্ত ৫০৮ দিসচার্জ তৌখ্রে অমসুং অপুনবা কেসশিং অদু ২,০৯,১১৭  য়ৌখ্রে হায়না রাজ্যগী হকশেল মন্ত্রীনা ত্বীত তৌরকখি।

•          মনিোউর: মনিপুরদা, চুর্চান্দপুর দোক্তরশিংনা পেসেন্তশিংগী মশিং অদু হেনগৎলকপনা মরম ওইরগা মখোয়গী শেনগাওদগী কোবিদ-১৯ ও.তি. লিংখৎখ্রে।

•          মঘালয়া: মেঘালয়াদা, এক্তিব কোবিদ-১৯ কেসশিংগী মশিং অদু ১,০২৪ য়ৌখ্রে, ফগৎখিবা কেসশিংগী মশিং অদু ৯,১১২ ওইখি অমসুং অনৌবা কেসশিংগী মশিংনা ২৮ ওইখি।

•          মিজোরাম: নেস্নেল হাইৱে ৩০৬তা নুমিৎ ১১নি ব্লোকেদ থম্লুরবা মতুংদা, অসাম পুলিসনা মিজোরামদা ত্রক ২০ হেন্না এসকোর্ত তৌখি।

•          নাগালেন্দ: নিংথৌকাবা নুমিত্তা অনৌবা কেস ২৯ থেংনখিবগা লোইননা, নাগালেন্দগী কোবিদ-১৯ পোজিতিব কেসশিংগী মশিং অদু ৯,৫০৩ য়ৌখ্রে। এক্তিব কেসশিংগী মশিংনা ৯৪১ ওইখি অদুগা ফগৎখিবশিংগী মশিংনা ৮,৪২৩ ওইখি।

•          সিক্কিম: সিক্কিমগী কোবিদ-১৯ ফিভম অসি ৩,৮৩৯ ফখ্রে অমসুং দিসচার্জ তৌখ্রে, এক্তিব কেসশিং-৩০৫, অনৌবা কেসশিং- ৫১; হৌজিক ফাওবদা লৈরিবা অপুনবা কেসশিং অসি ৪,৩০৮নি।

•          কেরলা: লোকল বোদী ইলেক্সন্না য়াম্না নক্না লৈরবদা, দেমোক্রেতিক এক্সরসাইজ অসিনা কেরলাদা অতোপ্পা কোবিদ-১৯ ৱেব অমা লাকহল্লগদ্রা হায়বগী মতাংদা রাজ্যগী হেল্থ দিপার্তমেন্তনা পাখৎপা ফাওখি। পোল অসি য়ৈথোক্নবা সুপ্রীম কোর্ত্তা ইন্দিপেন্দেন্ত এম .এল.এ. অমনা ফাইল তৌরকখিবা প্লী অদুগী ফল অদুদা মিৎয়েং থম্লি , হায়রিবা অসি মথংগী নিংথৌকাবা নুমিত্তা হিযরিং তৌবা য়ানা লৈ। রাজ্যগী কোবিদ-১৯ এক্সপার্ত কমিতীনা ‘ওনম ক্লস্তরশিং’ অদুগুম্না ‘ইলেক্সন ক্লস্তরশিং’ শেম্লোই হায়বা লৈতে হায়বদুসু উবা ফংখি।

•          তামিল নাদু: তামিল নাদুগী স্কুলশিং অমুক হন্না হাংদোকপা: পেরেন্তশিংগা উন্নবগী মতাংদা অকক্নবা ৱাফম অমা পুরকপা ঙমখিদে; তি.এন.দা নিংথৌকাবা নুমিত্তা স্কুল ১২,০০০গী মথক্না ক্লাস ৯ দগী ১২ ফাওবগী মহৈরোইশিংগীদমক্তা স্কুলশিং অমুক হন্না হাংদোক্নবগী মতাংদা স্তেকহোল্দরশিংগী ৱাখল্লোনশিং অসদু খংদোক্নববা রাজ্য শিনবা থুংনা কন্সল্তেশন অমা পাংথোকখ্রে। তামিল নাদুদা ঙরাং কোবিদ-১৯না ওইরগা ১৮ শিখিবা লৈখি হায়রিবা অসি থা মঙা অসিদা খ্বাইদগী হেন্না নেম্বা ওইখি।

•          কর্নাতকা: হায়র এজুকেশনগী দিপার্তমেন্তনা রাজ্য অসিদা নবেম্বর ১৭তগী দীগ্রীশিং , ইঞ্জিনীয়রিং অমসুং দিপ্লোমা কোলেজশিং হাংদোকপগী মতাংদা য়েংলগা য়ু.জি.সি.গী গাইদলাইনশিং অদুগী মতুং ইন্না এস.ও.পি.শিং শেমখ্রে। কে.এস.আর.তি.সি.না হন্দক্কী কুম্হৈগী পন্থা অসিদা অহেনবা বস ১০০০ অমা চেল্লগনি; কর্নাতকা অমসুং অতোপ্পা রাজ্যশিংগীদমক্তা কাউন্তস ৭০৬কী খুত্থাংদা কে.এস.আর.তি.সি.গী বসশিংগী অকন্নবা অমসুং সেদ্যুল তৌরবা বসশিংগীদমক্তা  মাংজৌননা রিজার্ভেশন তৌহনখ্রে। কুম্হৈগী পন্থা অসিনা মরম ওইরগা য়াম্না  খোংথাং য়াম্না য়াংশিল্লবা ফাওবদা, বেঙ্গলুরু সিতী না ঙরাং অনৌবা কেস ৯৭৮ থেংনখি, হাবরিবা অসি হৌখিবা থা মরিদা খ্বাইদগী হেন্না নেম্বা ওইখি।

•          অন্ধ্র প্রদেশ: সরকার অসিনা কোবিদ ভেক্সিন য়েন্থোক্নবা রাজ্যগী থাক্তা লৈবা স্তীয়রিং কমিতী অমা শেমখ্রে। পুন্না মেম্বর ১৮ লৈবা স্তীয়রিং কমিতী অমা শেম্নবগী দমক্তা ওর্দর থোকখ্রে। অন্ধ্র প্রদেশকী জিলা নিপান্দা ঙরাং কোবিদ-১৯গী কেস ১০০গী মখাদা লৈখি, মরক অসিদা মতম অসিমক্তদা পেসেন্ত ১৫৪৯দি ইনফেক্সনদগী ফগৎখ্রে অদুগা এক্তিব কেসশিংগী মশিং অদু ২১,২৩৫তা হন্থহনখ্রে। রাজ্য অসিদা পুন্না মীওই লাখ ৮.১৬ কোবিদ-১৯গীদমক্তা পোজিতিব ওইখরবা মতুং ফগৎখ্রে।

•          তেলঙ্গনা: হৌখিবা পুং ২৪দা অনৌবা কেস ১২৬৭ থেংনখি, ১৮৩১ ফগৎখি অমসুং ৪ শিখি, কেস ১২৬৭গী মনুংদা জি.ঐচ.এম.সি.দগী কেস ২০১ থেংনখি। অপুনবা কেসশিং: ২,৫২,৪৫৫; এক্তিব কেসশিং: ১৮,৫৮১; শিখিবশিং: ১৩৮৫; দিসচার্জ তৌখিবশিং: ফগৎলকপগী চাং চাদা ৯২.০৯ ওইখিবগা লোইননা ২,৩২,৪৮৯ দিসচার্জ তৌখ্রে, অদুগা লৈবাক পুমবগী ওইবা ফগৎলকপগী চাং অসি ৯২.৬০ ওইখি।

ফেক্ত চেক

*****