দি.এস.তিগী ‘ইন্নোবেসন ইন সাইন্স পরসুইত ফোর ইন্সপাইয়র রিছর্স (ইন্সপাইয়র)গী মখাদা স্কোলারসিপ ফোর হয়র ইজুকেসন (এস ঐচ ই) ফংবা য়ারবা নিউ দিল্লীগী লেদি শ্রী রাম কোলেজ ফোর ৱুমেনগী মহৈরোয় অমা, জি. ঐশ্বর্য়া রেদ্দি লৈখিদবদা সাইন্স অমসুং তেক্নোলোজি দিপার্তমেন্ত থম্মোয় শোক্না অৱাবা ফোঙদোক্লি। মহাক লৈবাক অসিগী খ্বাইদগী ফবা অমসুং তুংগী অশা লৈবা মহৈরোয়শিংগী মনুংদা অমনি। মরম অসিনা, মহাক ইন্সপাইয়র এস.ঐচ.সি স্কোলারসিপ ফংখি। অতোপ্পা চহিশিংগুম, চহি অসিগী অগস্ত থাদা ফংবা য়ারবা মহৈরোয় ৯৭৬২দা স্কোলারসিপকী ফেল্লোসিপ লেত্তরশিং থাখি। মহৈরোয়শিংদা অচম্বা চে-চাং অহুম হায়বদি বেঙ্ক একাউন্তগী অকুপ্পা মরোলশিং, মার্ক সিত অমসুং কোলেজদগী বোনাফাইদ/পর্ফোমেন্স সর্তিফিকেত পীরক্নবা খঙহনখি অমসুং মতুং তারকপদা চহি অমগী অপুনবা স্কোলারসিপ পীথোকখি। লাইবক থিবদি, হায়রিবা চে-চাংশিং অসি ঐশ্বর্য়াদগী ফংখিদে। অথুবা মতমদা হায়রিবা স্কোলারসিপ অদু য়েন্থোকপা য়ানবা খনগৎলবা মহৈরোয়শিংনা মখোয়গী পীশিনফম থোকপা চে-চাংশিং অথুবদা পীশিন্নবা দি.এস.তিনা অপীল তৌরি। মসিগী মরুওইবা ৱাফম অসি অকক্নবা মতমগী মনুংদা লোইশিন্নবদা মতেং পাংনবা ঐখোয়না মরুওইনা ইন্সতিতুসনশিংদা তকশিল্লি।

*****