ভারত সরকারগী হকশেল অমসুং য়াইফ য়ুম্বাল মন্ত্রালয়না হৌদোরক্লিবা নেস্নেল তেলিমেদিসিন সর্ভিস ইসঞ্জীভানি ঙসিদি কন্সল্তেসন লাখ ৭ মপুং ফাখ্রে৷ খ্বাইদগী ইরোই লোইবা কন্সল্তেসন লাখ অমা অদু  নুমিৎ ১১নিদা য়ৌবা ঙমখি৷ ও.পি.দি. সর্ভিসশিং ভর্চুয়েল্লী ওইনা ফংহন্নবা হোৎনরিবা মসিগী নোদেল দিজিতেল মোদেলিতী অসি য়াম্না থুনা মীৎচৎ তানখ্রে৷ নোংমদা ইসঞ্জীভানিদা কন্সল্তেসন ১০,০০০ কন্সল্ত তৌবগী রেকোর্দ লৈদুনা মসিনা লৈবাক অসিদা খ্বাইদগী চাওবা ও.পি.দি. সর্ভিসশিংদা ওন্থোরক্লি৷

হেল্থ সর্ভিসশিং তৌবা ঙম্নবা ইন্নোভেতিব ইন্তরভেন্সন অমা ওইনা ইসঞ্জীভানিনা অপিকপা সহরশিং অমসুং খুঙ্গংগী মফমশিংদা শাফু পীবা হৌখ্রে৷ তেলিমেদিসিন অসিনা পেসেন্তশিংদা কান্নবা পীবা খক্তা নত্তনা মসিনা তেলিমেদিসিন প্রেক্তিস তৌরিবা দোক্তরশিংগীদমক্তসু কান্নবা পীরি৷ ইসঞ্জীভানি অসিনা অখন্নবা মফম অমদা সর্ভিসশিং পীনবা দোক্তরগী অৱাৎপা অদু লৈহন্দ্রে অমসুং মসিনা জিওগ্রাফিকেল এরিয়া য়াম্না পাক চাওবা রাজ্যশিংদা মখোয়গী হ্যুমেন রিসোর্সশিংগী হেন্না ফনা মেনেজমেন্ত তৌবা ঙমহল্লি৷ ইসঞ্জীভানিগী খুৎথাংদা মেদিকেল কন্সল্তেসন তৌবা পাম্লিবা পেসেন্তশিং অদু ভর্চুয়েল ক্যুদা লৈহল্লি অমসুং মখোয়গী ত্রন য়ৌরকপা মতমদা অতোপ্পা সহর অমদগী ওইরবসু অফংবা দোক্তর অমা হেক্তগা ভর্চুয়েল্লী ওইনা তান্নবা য়াগনি৷ ওনলাইন ও.পি.দি. কন্সল্তেসন খুদিংমক্না হিদাক লাংথকশিং নত্রগা দাইয়েগ্নোস্তিক ইনভেস্তিগেসনশিং তৌবা য়ানবা ইপ্রেস্ক্রিপসন অমা পী৷ কেরলা অমসুং তামিল নাদু রাজ্যশিংদা ইপ্রেসক্রিপসনশিং অসি নিংথীজনা চৎননবা সরকারগী ওদরশিং মাংজৌননা থোকখ্রে৷

মমাংগী মতম খরা অসিদা মধ্য প্রদেশ, গুজরাত অমসুং কর্নতাক রাজ্যশিংদা ইসঞ্জীভানি শিজিন্নবা অসি অসুক্কী মতিক কান্নবা ফংখ্রে৷ তামিল নাদু, উত্তর প্রদেশ. কেরলা অমসুং উত্তরাখন্দ রাজ্যশিংদা ইসঞ্জীভানি শিজিন্নবা অসি হান্নদগী হৌনা অসু্ক্কী মতিক ৱাংখ্রে অমসুং মমাংগী থা খরা অসিদা চাং নাইনা শিজিন্নখ্রে৷ ইসঞ্জীভানি অমসুং ইসঞ্জীভানি ও.পি.দি. প্লেতফোর্মশিংদা খ্বাইদগী ৱাংনা কন্সল্ত তৌবগী রেজিস্তর তৌখ্রবা মকোক থোংবা রাজ্য তরা অদুদি তামিল নাদু, উত্তর প্রদেশ, কেরলা, হিমাচল প্রদেশ, আন্দ্র প্রদেশ, মধ্য প্রদেশ, গুজরাত, উত্তরাখন্দ, কর্নতাকা অমসুং মহারাস্ত্রনি৷ সেন্তর ফোর দিভেলপমেন্ত ওফ এদভান্স কমপ্যুতিং(মোহালি)গা লোইননা ভারত সরকারগী হকশেল অমসুং য়াইফ য়ুম্বাল মন্ত্রাসয়না লেপ্পা লৈতনা কেপাবিলিতীশিং হেঙ্গহল্লি অমসুং রাজ্যগী এদমিনিস্ত্রেসনগা কন্সল্ত তৌবা মতমদা ইসঞ্জীভানিদা অনৌবা ফঙ্কসনশিং হাপচিল্লি৷

ইসঞ্জীভানি অসিনা জেনেরেল ফিজিসিয়নশিং অমসুং মেদিকেল স্পিসিয়েলিস্তশিংগা লোইননা ওনলাইন কন্সল্তেসন মখল অনি সপোর্ত তৌই, মখোয়শিং অদুদি দোক্তর-দগী-দোক্তর(ইসঞ্জীভানি এ.বি.-ঐচ.দবল্যু.সি.) অমসুং পেসেন্ত-দগী দোক্তর (ইসঞ্জীভানি ও.পি.দি.) তেলি কন্সল্তেসন অদুবুনি৷ মমাংগী ভেরিয়েন্ত অদু ২০১৯গী নবেম্বর থাদা হৌদোকখ্রে অমসুং মসি অয়ুশমান ভারত হেল্থ অমসুং ৱেল্নেস সেন্তর(এ.বি.-ঐচ.দবল্যু.সি.) প্রোগ্রামগী য়াম্না মরু ওইবা পিল্লর অমা ওই৷ ইসঞ্জীভানি এ.বি.-ঐচ.দবল্যু.সি. অসি ২০২২গী দিসেম্বর থা ফাওবগী মনুংদা ‘হব অমসুং স্পোক’ মোদেল অমদা হেল্থ অমসুং ৱেল্নেস সেন্তর লাখ ১.৫দা চৎনগদৌরি৷ ‘স্পোক’শিং হায়বদি হেল্থ অমসুং ৱেল্নেস সেন্তর(ঐচ.দবল্যু.সি.)দা তেলি কন্সল্তেসন সর্ভিসশিং ফংহন্নবা মেদিকেল কোলেজ অমসুং দিস্ত্রিক হেস্পিতালশিংদা দেদিকেতেদ ‘হব’শিং শেমগৎনবা রাজ্যশিংনা তঙাই ফদ্রে৷ কোবিদ-১৯ লাইনা-লাইচৎ অসিনা মরম ওইরগা লৈবাক অসিদা ও.পি.দি.শিং হাংখিদবা মতমদা মহানবা লোকদাউনগী মতমদা চহী অসিগী এপ্রীল থাদা পেসেন্ত-দগী দোক্তর তেলি কন্সল্তেসন তৌবা য়ানবা অনিশুবা ভেরিয়েন্ত অমা ওইবা ইসঞ্জীভানি ও.পি.দি. হকশেলগী মন্ত্রীনা হৌদোকখ্রে৷

এম.ভি.

ঐচ.এফ.দবল্যু./ ইসঞ্জীভানি লাখ ৭/ নবেম্বর ৭ ২০২০/২

*****