সোসিয়েল জস্তিস অমসুং ইম্পৱার্মেন্ত মন্ত্রালয়
নোর্থ মুম্বাইদা লৈরিবা দিব্যঞ্জনদা এসিস্তিব এইদশিং অমসুং দিভাইসশিং লেম্না য়েন্থোক্ননবগীদমক শ্রী থাৱর্চান্দ গেহলোতনা ভর্চুয়েল ওইবা প্লেতফোর্মদা এ.দি.আই.পি. কেম্প শঙ্গখ্রে
মথংগী নুমিৎ ৩ অসিদা বেনিফিসরিস ১০৩৫না এিস্তেন্স দিভাইসেস অমসুং এইদ ১৭৪০ ফংলগনি
Posted On:
05 NOV 2020 5:38PM by PIB Imphal
এসিস্তিব এইদশিং অমসুং দিভাইসশিং দিব্যঞ্জনদা লেম্না য়েন্থোক্ননবগীদমক নোর্থ মুম্বাইদা দিব্যঞ্জনগী এ.দি.আই.পি. কেম্প অমা ভর্চুয়েল্লী ওইনা ওনলাই ভিদিও স্ত্রিমিংগী খুৎথাংদা সোসিয়েল জস্তিস অমসুং এমপৱার্মেন্তগী কেন্দ্রগী মন্ত্রী শ্রী থাৱর্চান্দ গেহলোতনা শঙ্গখ্রে৷ নোর্থ মুম্বাই লোক সভা কন্সতিত্যুয়েন্সীগী পার্লিয়ামেন্তগী মীহুৎ শ্রী গোপাল শেত্তীনা থৌরম অসিগী সভাবতি ওইখ্রে৷ কোবিদ-১৯ লাইনা-লাইচৎ অসিদগী ঙাকথোক্নবা চেকশিন থৌরাং পুম্নমক তৌদুনা কেম্প অসি নোর্থ মুম্বাইগী কন্দিভালিদা লৈরিবা পোইন্সর জিমখানাদা হৌদোকখ্রে৷
থৌরম অসিদা ৱা ঙাংলদুনা শ্রী গেহলোতনা ফঙ্কসন অসিদা শরুক য়ারিবা দিব্যঞ্জন পুম্নমক অমসুং পোইন্সর জিমখানাগী ফঙ্কসন অসিদা শরুক য়ারিবা অতোপ্পা মীওই পুম্নমক্তা অমসুং ফঙ্কসন অসিবু ভর্চুয়েল্লী ওইনা অমসুং ওনলাইন ৱেবকাস্তকী খুৎথাংদা শরুক য়ারিবা পুম্নমক্তা মহাক্কী দিৱালী গ্রিতিংশিং তৌখ্রে৷ দিব্যঞ্জনগা মরী লৈননা সরকার অসিগী এচীবমেন্তশিং অদুগী মতাংদা ৱা ঙাংলদুনা, মমাংগী চহী তরুক অসিদা এ.দি.আই.পি. স্কিমগী মখাদা দিপার্তমেন্ত ওফ এমপৱার্মেন্ত ওফ পর্সন্স ৱিথ দিসএবিলিতীস(দি.ই.পি.দবল্যু.দি.)না অসিগুম্বা দিস্ত্রিব্যুসন কেম্প ৯২৬৫ শিনখ্রে অমসুং দিব্যঞ্জন বেনিফিস্যিরী লাখ ১৬.৭০দা কান্নবা পীখ্রে৷ কোবিদ-১৯ লাইনা-লাইচৎ থোক্লকপা অসিনা মরম ওইরগা মন্ত্রালয় অসিনা সোসিয়েল দিস্তেন্সিং অমসুং সেনিতাইজেসন প্রোতোকোশিং ঙাক্তুনা প্রিভেলেন্ত কন্দিসনশিংগী মখাদা দিস্ত্রিব্যুসন কেম্পশিং অসিগীদমক শেমদোক্লবা স্তেন্দর্দ ওপরেতিং প্রোসিদ্যোর(এস.ও.পি.) অমা চৎনখ্রে হাযনা মহাক্না মখাতানা ফোংদোকখি৷ নোর্থ মুম্বাই লোক সভা কন্সতিত্যুয়েন্সীগী পার্লিয়ামেন্তগী মীহুৎ শ্রী গোপাল শেত্তীনা মহাক্কী এম.পি.এল.এ.দি. ফন্দগী খুৎথাংদা মোতোরাইজ ত্রাইসাইকল ৩৩ ফংহনগদৌরিবা অসিদা মহাক্না থাগৎপা ফোংদোকখ্রে৷ হায়রিবা মোতোরাইজ ত্রাইসাইকলশিং অসি নোর্থ মুম্বাইগী খন্দোক্লবা দিব্যঞ্জনশিংগী মরক্তা য়েন্থোক্লগনি৷ অসিগু্ম্বা দিস্ত্রিব্যুসন কেম্প অসি মহাক্কী কন্সতিত্যিুয়েন্সী অসিদা শিনবা মতমদা সোসিয়েল জস্তিস অমসুং এমপৱার্মেন্তগী মন্ত্রালয়দগী সপোর্ত পীরকপা অসিগীদমক শ্রী থাৱরচান্দ গেহলোতপু শ্রী গোপাল শেত্তীনা থাগৎখ্রে অমসুং লৈবাক অসি শিনবা থুংনা উবা ফংদ্রবা মীওইশিংদা পেন্সন পীনবা স্কিম অমা নত্রগা প্রোভিজনশিং শেম্নবা মহাক্না হায়জখ্রে৷
২০২০গী জনুৱারি অমসুং ফেব্রুৱারি থা অসিদা নোর্থ মু্ম্বাইগী মফম ০৬তা অপুনবা বেনিফিস্যিরিস ১০৩৫ খন্দোকখ্রে৷ দহিসাগর, কন্দিভালি(নোংচুপ), কন্দিভালি(নোংপোক), বোরিৱালি(নোংপোক), বোরিৱালি(নোংচুপ) অমসুং নোর্থ মু্ম্বাইদা লৈরিবা পোইন্সর জিমখানাদা কেম্পশিংগী খুৎথাংদা হান্না খন্দোক্লবা বেনিফিস্যিরীশিংগী মরক্তা মথংগী নুমিৎ ৩ অসিদা ফেস নাইবা মওং অমদা লুপা লাখ ৮৭.৯৬কী মমল ওইগদবা অপুনবা এইদ অমসুং এসিস্তিব দিভাই ১৭৪৯ য়েন্থোক্লগনি৷
কেম্প অসি ভারত সরকারগী এ.দি.আই.পি. স্কিমগী মখাদা নোর্থ মুম্বাইগী দিস্ত্রিক এদমিনিস্ত্রেসনগা খুৎশম্নরগা ভারত সরকারগী সোসিয়েল জস্তিস অমসুং এমপৱার্মেন্ত (এম.ও.এস.জে.ই.) মন্ত্রালয়গী দিপার্তমেন্ত ওফ এমপৱার্মেন্ত ওফ পর্সন ৱিথ দিসএবিলিতীস(দি.ই.পি.দবল্যু.দি.)কী মখাদা কানপুরগী আর্তিফিসিয়েল লিম্বস মেনুফেকচরিং কোর্পোরেসন ওফ ইন্দিয়ানা(এ.এল.আই.এম.সি.এ.) শিনখিবনি৷ কেম্প অসি নৌনা এপ্রুব তৌরবা স্তেন্দর্দ ওপরেতিং প্রোসিদ্যোর(এস.ও.পি.)গী মখাদা পাংথোকখ্রে৷
কেম্প অসিদা তোঙান তোঙানবা কেতিগোরীগী এইদ অমসুং এসিস্তিব দিভাইশিং মোতোরাইজ ত্রাইসাইকল ২১ য়াওনা দিব্যঞ্জন ১৫০গী মনুংদা য়েন্থোকখ্রে৷
নোর্থ মুম্বাই লোক সভা কন্সতিত্যুয়েন্সী শ্রী গোপাল শেত্তীগী মেম্বর ওফ পার্লিয়ামেন্তগী এম.পি.এল.এ.দি. ফন্দদগী লুপা ৩৯৬০০০গী শেনফমদা লোইননা নোর্থ মু্ম্বাইগী কেম্প নৌদা মোতোরাইজ ত্রাইসাইকল পুন্না ৩৩ য়েন্থোক্কদৌরি৷ মোতোরাইজ ত্রাইসাইকল অমগী মমল অসি লুপা ৩৭০০০নি৷ ইলিজিবল ওইরবা বেনিফিস্যিরী অদুনা ভারত সরকারগী এ.দি.আই.পি. স্কিমগী মখাদা লুপা ২৫০০০ সবসিদী ওইনা ফংগনি অমসুং এম.পি.এল.এ.দি.গী খুৎথাংদা মোতোরাইজ ত্রাইসাইকল অমদা লুপা ১২০০০গী শেনফম সপোর্ত বেলেন্স ওইনা কাইথখ্রে৷
এইদশিং অমসুং এসিস্তিব দিভাইশিং অসি য়েন্থোকপগী থৌরমদা কোবিদ-19 লাইনা-লাইচৎ অসি শন্দোহন্দনা থম্নবা হেল্থ অমসুং পর্সোনেল সেফতীগী স্ত্রিক কমপ্লাইন্স অমসুং অতোপ্পা তঙাই ফদবা খোংথাংশিং লৌখৎখ্রে৷ বেনিফিস্যিরীশিং অসি পুনবগী থৌরম অসিদা মীপুং খুদিংমক থর্মেল স্ক্রিনিং পাংথোক্নবা, ফেস মাক্সশিং, সেনিতাইজরশিং অমসুং হেন্দ গ্লোবশিং শুংশোই শোইদনা শিজিন্ননবা অমসুং প্রোফেস্নেলশিংনা পি.পি.ই.কিৎশিং শিজিন্ননবা শিন লাংখ্রে৷ য়েন্থোকপগী থৌরম অসিদা অনৌবা এস.ও.পি. অসিগী মতুং ইন্না য়াম্না তোইনা শোকপা পনবা মফমশিং অমসুং থৌরম পাংথোক্কদৌবা মফম অদু সেনিতাইজেসন তৌখ্রে৷ য়েন্থোকপগী থৌরম অদু হেক হৌদ্রিঙৈগী মমাংদা এইদশিং অমসুং এপ্লাইন্সশিং অদু মাংজৌননা সেনিতাইজ তৌবা, ত্রান্সপোর্ত ভেহিকল, ওপন/ক্লোস ওইবা স্তেক্কিং এরিয়াশিং অমসুং এসিস্তিব দিভাইসশিং অমুক হন্না সেনিতাইজ তৌদুনা ইক্যুইপমেন্তশিং মল্তি লেভেল সেনিতাইজেসন তৌখ্রে৷
ফঙ্কসন অদুদা শরুক য়াখিবা বেনিফিস্যিরীশিং অমসুং মখোয়গী এতেন্দেন্সশিং অদুগী মনুংদা সোসিয়েল দিস্তেন্সিং ঙাক্নবা ফমফম শিন লাংখ্রে অমসুং য়াম নকশিন্না থেংনদনা তোঙান তোঙানবা চংফম অমসুং থোকফম থমদুনা তাইম স্লোত অমদা বেনিফিস্যিরী ৪০গী বেতচশিং ওইনা নুমিৎ অদুদা তাইম স্লোত ওইনা চংথোক-চংশিন তৌহনখ্রে৷
নোর্থ মুম্বাইদা ফেস নাইনা য়েন্থোক্কদৌরিবা দিস্ত্রিব্যুসন কেম্পশিং অসিদা য়াওরিবা এইদশিং অমসুং এপ্লাইন্সশিং অদুদি মোতোরাইজ ত্রাইসাইকল ৩৩, হেন্দ প্রোপেল্দ ত্রাইসাইকল ৭৫, হ্বিল চিয়র ১৬৯, সি.পি. চিয়র ১২, ক্রতচেস ১৭৮, ৱাল্কিং স্তিক্স ১১৬, স্মার্ত কেন ১৩৬, মীৎ নিংথীনা উদ্রবশিংগী ফোল্দিং কেন ২৩, স্মার্ত ফোন ১৮, দাইসী প্লেয়র ৫, ব্লেল্লি কিত ০২, রোলেতর ১১, হিয়রিং এইদ ৮২২, এম.এস.আই.ই.দি. কিত ৩০, লেপ্রোসী কিতকীদমক দেলী লিভিং এসিস্তেন্স ৬ অমসুং আর্তিফিসিয়েল লিম্ব অমসুং কেলিপর ১০২নি৷
মহারাস্ত্র লেজিস্লেতিব এসেমব্লীগী এম.এল.সি. অমসুং ওপোজিসন লিদর শ্রী প্রভিন দরেকর, এম.এল.সি. শ্রী ভিজে(ভাই) গির্কর, চর্কোপ এসেমব্লীগী এম.এল.এ. শ্রী য়োগেশ সাগর, কান্দিভালি এসেমব্লীগী এম.এল.এ. শ্রী অতুল ভতকল্কর, দহিসর এসেমব্লীগী শ্রীমতি মনিশা চৌধরী, বোরিবালি এসেমব্লীগী এম.এল.এ. শ্রী সুনিল রেনি অমসুং লোকেল পব্লিক রিপ্রজেন্তেতিবশিং অমসুং ভারত সরকারগী দি.ই.পি.দবল্যু.দি.গী দিপুতী সেক্রেতরী শ্রীমতি বীনা ই. চক্রাবোর্তী, এ.এল.আই.এম.সি.ও.গী জি.এম. লেফত্নেল কর্নেল পি.কে. দ্যুব(রিতাইয়র্দ) অমসুং নোর্থ মুম্বাইগী দিস্ত্রিক এদমিনিস্ত্রেসনশিংদগী সেনিয়র ওফিসিয়েলশিং অমসুং নেস্নেল এৱার্দী দা. য়োগেশ দ্যুবনা ফঙ্কসন অদুদা শরুক য়াখ্রে৷
*****
(Release ID: 1670961)
Visitor Counter : 136