হকশেল অমসুং য়াইফ য়ুম্বালগী কেন্দ্রগী মন্ত্রী দা. হার্শ বর্ধননা দিল্লীগী এল.তি. রাজ্যপাল শ্রী অনিল বাইজাল অমসুং দিল্লীগী সেনিয়র ওফিসিয়েলশিং, মেয়রশিং, মুনিসিপাল কম্মিস্নরশিং অমসুং দিস্ত্রিক মেজিসত্রেতশিং য়াওদুনা দিল্লীগী হকশেলগী মন্ত্রী এস.ঐচ. সতয়েন্দ্র কুমার জেনগা ঙসি ৱরি শানখ্রে৷

মাক্স উপ্পগী কান্নবশিং, ফিজিকেল দিস্তেন্সিং অমসুং খুৎ-শা হাম্বগী কান্নবশিং অদু লাস্ত সিতিজনশিংদা খঙগল্লিবাী দন অন্দোলন অসি হৌদোকপগীদমক প্রধান মন্ত্রী শ্রী নরেন্দ্র মোদীবু থাগৎলদুনা দা. হার্শ বর্ধননা সরকার অসিনা পাইখৎলিবা চেকশিন  থৌরাংশিং অসিনা লৈবাক অসিনা কোবিদ-১৯ মাই পাক্না থেংনবদা অসিদা মতেং পাংলগনি হায়না ফোংদোকখ্রে৷  হিরম অসিগী মতাংদা কোবিদতা শিজিন্ননবা রিপর্পোজিং দ্রগশিং শাবদা সাইন্তিসকী মথৌ অমসুং অসিগুম্বা দ্রগ কেন্দিদেৎশিংগী বাইও-রিপোজিতরী শেম্বগী অকুপ্পা মরোলশিং অদু মহাক্না শন্দোক্না তাকখ্রে৷  মীয়ামশিংগী মরক্তা কোবিদ এপ্রোপিয়েত বিহেবিয়রশিং অদু লৈহন্নবা অমসুং চহী অসিগী লোইশিল্লকপা শরুক্তা লাইনা-লাইচৎ অসি শন্দোকপা থিংনবা ওফিসরশিং অদুদা মহাক্না হায়খ্রে৷ ২০২১গী ময়াই চল্লকপা শরুক ফাওবগী মনুংদা ফ্রন্তলাইন হেল্থকেয়রদা লৈরিবশিং য়াওনা মীওই কোতি ২০-২৫ ভেক্সিন কাপ্নবা সরকার অসিনা হোৎনরিবা অসিসু মহাক্না ফোংদোকখ্রে৷.

দিল্লীগী কোবিদ ত্রাজেক্তরী অসি লৈবাক অসিগী ত্রাজেক্তরীগা চাংদম্নদুনা দা. হার্শ বর্ধননা অসুম্না ফোংদোকখ্রে, “লাইনা অসিদগী ফরকপগী চাং অসি ভারতকী ওইনা ৯২%নি অদুগা দিল্লীগী ওইনা ৮৯%নি৷ লৈবাক অসিনা ১.৪৯% শিবা মতমদা দিল্লীগী ওইনা শিবগী চাং অসি ১.৭১% ওইরি৷”

দিল্লীগী অৱাং, সেন্ত্রেল, অৱাং-নোংপোক, নোংপোক, অৱাং-নোংচুপ অমসুং খা-নোংপোক্কী জিলাশিংদা পোজিতিব ওইবা কেস মশিং হেঙ্গৎলকপা অসিদা হেন্না মীৎয়েং চংনবা দা. হার্শ বর্ধননা ফোংদোকখ্রে৷  হায়রিবা হিরম অসিদা দিল্লীনা লেপ্পা লৈতনা আর.এ.তি. অমসুং আর.তি.-পি.সি.আর. রেসিয়ো চাং ৱাংনা লৈরি-তেস্ত অদুগী ৭৭%দি আর.এ.তি.দা বেস তৌই অদুগা অমরোমদা আর.তি.-পি.সি.আর. অসিদা অপুনবা তেস্তকী ২৩% খক্তমক য়াওদুনা লৈরি হায়না মন্ত্রী অসিনা ফোংদোকখ্রে৷ রিজল্তশিং নেগেতিব ওইরে হায়না লান্না থোক্লকপা অসিনা কোবিদ নারিবা মীওইশিংদা লান্না চৎহনখিবা য়াই, মরম অদুনা আর.এ.তি. নেগেতিব মীওই পুম্নমক মতুং তারকপদা আই.এল.আই./সারি সিম্তোমশিং উৎলকপা তারবদি শুংশোই শোইদনা তেস্ত তৌনবা মহাক্না খঙহনখ্রে৷

নেস্নেল সেন্তর ফোর দিজিস কন্ত্রোল(এন.সি.দি.সি)গী দাইরেক্তর দা. সুর্জিৎ সিংহনা দিল্লীগী তোঙান তোঙানবা জিলাশিংদা কোবিদকী ত্রাজেক্তরী অসিদা শরুক য়ারিবা মীওই পুম্নমক থাগৎপা ফোংদোকখ্রে৷ দিল্লীগী তোঙান তোঙানবা হোস্পিতালশিংদা কোবিদনা মরম ওইদুনা শিবগী মাইক্রো এনালাইসিস অমা মহাক্না পুথোকখ্র৷ লাক্লিবা হরাউ- কুহ্মৈ অমসুং ৱিন্তর সিজন অসিদা স্তেত হেল্থ ওথোরিতীশিং য়াম্না চেকশিন্না লৈনবা মহাক্না খঙহনখ্রে অমসুং কোবিদ পোসেন্তশিংগী ক্লিনিকেল মেনেজমেন্ত হেন্না ফনা পাংথোক্ননবগীদমক মেদিকেল এক্সপর্তশিংগী কম্মিতী অমা শেম্ননবগীদমক মহাক্না হায়জখ্রে৷

হরাউ-কুহ্মৈ সিজন অসি মতম শাংনা লৈবা অমসুং ইন্তর-স্তেত ত্রান্সপোর্ত মথৌ তৌরকপা অসিনা মরম ওইরগা থোকলকপা য়াবশিং অদুগীদমক এক্সপর্তশিংনা দিল্লীগী লৈঙাক শাশন য়াম্না চেকশিন্না লৈহনখ্রে হায়না শ্রী অনিল বাইজালনা ফোংদোকখ্রে৷ কোবিদ অসিদা আই.ই.সি. কেমপেন্দশিং অসিনা মাই পাক্না মীয়ামগী শাজৎ হোংহনবা ঙমগনি হায়না মহাক্কী থাজবা অদু ফোংদোকখ্রে৷ লাইনা শন্দোরকপা অসি কা হেন্না ফনা লাকশিন্দুনা থম্ননবগীদমক স্তেন্দর্দ ওপরেতিং প্রোসিদ্যোরশিংদা অহোংবা লাক্নবা লৈঙাক অসিনা হোৎনরি হায়না মহাক্না ফোংদোকখি৷

ন্যু দিল্লীগী এ.আই.আই.এম.এস. অমসুং অতোপ্পা সেন্ত্রেল হোস্পিতালশিংদা হৌজিক লৈরিবা আই.সি.য়ু. ফমুং মশিং অসি চল্লক্তবা অসিনা মরম ওইদুনা ফমুং মশিং হেঙ্গৎনবা কেন্দ্রদা শ্রী সতয়েন্দ্র জেননা হায়জখ্রে৷

ইফেক্তিব ওইবা কন্ত্রেক ত্রেশিং অসি শোক্না শম্নরুবা মীওই ময়াম অমা ত্রেশিং তৌবা খক্তা নত্তনা অহানবা পুং ৭২ অদুগী মনুংদা এক্সর্সাইস মপুং ফানা তৌদুনা মশা মতোম্তা ত্রেশিং তৌবা য়াই হায়না কেন্দ্রগী হকশেলগী সেক্রেতরী শ্রী রাজেস ভুসননা ফোংদোকখ্রে৷ অরুবা ফিভমদা লৈরিবা পেসেন্তশিং ধৌলা-কোন্দা আই.সি.য়ু. ফমুং ১২৫ লৈরিবা দিফেন্স মেদিকেল হোস্পিতাল ফেসিলিতী অদুদা হোংদোক্নবা দিল্লী লৈঙাক্তা মহাক্না হায়জখ্রে৷  

দিল্লীগী চীফ সেক্রেতরী শ্রী ভিজে কুমারনা মহাক্কী ওফিস্তগী ভর্চুয়েল্লী ওইনা শরুক য়াখ্রে৷ এদিস্নেল সেক্রেতরী(হেল্থ) শ্রীমতি আর্তি অহুজা অমসুং মন্ত্রালয় অসিগী অতোপ্পা সেনিয়র ওফিসিয়েলশিংনা মীফম অসিদা শরুক য়াখি৷

*****