য়ু.এন.ৱুমেনগা খুৎশম্নরগা মাইগোভনা শিল্লিবা কোবিদ-১৯ শ্রী শক্তি চেলেঞ্জ নুপী তরুক্না শেম্বা স্তার্তঅপশিংনা ঙমখ্রে৷ কোবিদ-১৯ অসি থেংনবদা মতেং পাংবা য়াবা নত্রগা নুপী কয়ামরোমদা শোকহল্লিবা প্রোব্লেমশিং অসি ফহন্নবা ইন্নোভেতিব সোলুসনশিংগা লোইননা স্তার্তঅপশিংদা নুপী য়াওশিন্নবা অমসুং থৌনা হাপ্নবগী পান্দমদা মাইগোভনা য়ু.এন. ৱুমেনগা খুৎশম্নরগা ২০২০গী এপ্রীল থাদা কোবিদ-১৯ শ্রী শক্তি চেলেঞ্জ লোঞ্চ তৌখ্রে৷

মসি নুপী কয়ামরোম্না থেংনরিবা ইসুশিং অসিগী সোলুসনশিং ফংলবা স্তার্তঅপশিং অমসুং নুপীশিংনা হৌদোকপা স্তার্তঅপশিংদগী এপ্লিকেসনশিং কৌদুনা মাইগোভকী ইন্নোভেত ওইবা প্লেতফোর্মদা পাংথোকপা অখন্নবা চেলেঞ্জ অমনি৷

চেলেঞ্জ অসি স্তেজ অনিদা চৎনখ্রে: আইদিয়েসন স্তেজ অমসুং প্রুফ ওফ কন্সেপ্ত(পি.ও.সি.)স্তেজ৷

চেলেঞ্জ অসিদা লৈবাক অসিগী মফম পুম্নমক্তগী এন্ত্রীস ১২৬৫না শরুক য়াদুনা য়াম্না পুক্নিং থৌগৎনিংঙাই ওইরবা রেস্পোন্স ফংবা ঙমখি৷

স্ক্রিনিং নিংথীনা তৌরবা মতুংদা, এন.এ.এস.এস.সি.ও.এম.গী প্রসিদেন্ত দেবজানি গোশ, মাইক্রোসোফত ইন্দিয়াগী নেস্নেল তেক্নোলোজী ওফিসর(সি.তি.ও.) রোহিনি শ্রিবাথসা, এম.দি. অতল ইন্নোভেসন মিসনগী দা.আর. রহমন, য়ু.এন. ৱুমেন ইন্দিয়াগী কন্ত্রী রিপ্রজেন্তেতিব মিশথা সাত্যম অমসুং মাইগোভকী সি.ই.ও. অভিশেক সিংহ য়াওরিবা জুরী অদুদা প্রজেন্তেসনগীদমক স্তার্তঅপ ২৫ অদু খনখিবনি৷

খল্লবা স্তার্তঅপ ২৫ পুম্নমক্না মখোয় মখোয়গী সোলুসনশিং অদু জুরীদা পীশিনখ্রে অমসুং স্তার্তঅপশিং অদুনা সমাজ অসিদা মখোয়গী ৱখল্লোন অদুনা পীরিবা শাফু, অফবা, শিজিন্নবা য়াবা অমসুং ইন্নোভেসন ওইবা য়াবা য়াওরিবা পেরামীতরশিং অদুদা স্তার্তঅপশিং অদুনা পুখৎলক্লিবা সোলুসনশিং অদু য়েংশিনখ্রে অমসুং নিংথীনা য়েংশিল্লবা মতুংদা মথংগী স্তেজকীদমক ফাইনেলিস্ত ১১ থনখ্রে৷ খল্লবা স্তার্তঅপ ১১ পুম্নমক মখাতানা মখোয় মখোয়গী ৱাখল্লোনশিং পুথোরক্নবা মখোয় খুদিংমক্তা আই.এন.আর. ৭৫০০০গী শেনফম মনা ওইনা পীখ্রে৷

ৱাখল্লোনশিং অসি প্রোফ ওফ কন্সেপ্ততা ওন্থোকপা য়ানবা মেন্তরশিপ সেসনশিংসু হৌদোকখ্রে৷ হায়রিবা সেসনশিং অসিদা তোপিক নাইনা ব্যুজিনেস মোদেলিং, ফাইনান্সিয়েল মোদেলিং, লিগেল সর্তিফিকেসনশিং, দিজিতেল মার্কেতিং, প্রদক্ত দিজাইন, পিতচ শেম্বগী আর্ত য়াওরি অমসুং হায়রিবা সেসনশিং অসি এন.এ.এস.এস.সি.ও.এম., ইন্দস্ত্রী এক্সপর্তশিং অমসুং অতল ইনকুবেসন সেন্তরনা সপোর্ত তৌদুনা সেলুলর অমসুং মোলিকুলর বাইওলোজীগী সেন্তরদা পাংথোকখ্রে৷

সোলুসনশিং অসি শেম্নবা স্তার্তঅপ ১১ অসিদা মতম পীরবা মতুংদা, ২০২০গী ওক্তোবরগী তাং ২৭তা জুরীশিংদা অমু্ক হন্না প্রজেন্তেসন পীখ্রে৷ পুথোরক্লিবা সোলুসনশিংগী ক্বালিতী অদু অশুক্কী মতিক ফজৈ অমসুং মখোয়শিং অদু য়েংনবা জুরীশিং য়াম্না অৱাবা ওইখি৷ মুন্না খন্না নৈনরবা মতুংদা, জুরীনা খ্বাইদগী ফজবা এন্ত্রী ৩ ৱিন্নর ওইনা খনখ্রে অমসুং ক্বালিতী য়াম্না লৈবা সোলুসনশিং অসি য়েংলগা অতোপ্পা অহেনবা এন্ত্রী ৩ অমবু ‘প্রোমিজিং সোলুসনশিং’ ওইনা খন্নবা ৱারেপ লৌখ্রে৷  মকোক মথং তাখ্রবা ৱিনর ৩ অদুদা লুপা লাখ ৫গী মনা পীগনি হায়না লাউথোকখিবা অসিগী মথক্তা য়ু.এন. ৱুমেননা এন্ত্রীশিং অদুগী প্রোমিজিং ওইরবা সোলুসনশিংগীদমক খল্লবা স্তের্তঅপ ৩ অদুদা অহেনবা ওইনা লুপা লাখ ২-২গী শেনফম পীবা য়াখ্রে৷

মকোক মথং তাখ্রবা ৱিনরশিং অদু মখাদা পীরি:

১. দা. পি. গয়াত্রী হেলানা বেঙ্গলুরুদা বেস তৌবা রিসাদা লাইফ সাইন্সেস প্রাইভেৎ লিমিতেদকী ফাউন্দর ওই অমসুং মসিনা সিন্থেতিক কেমিকেলশিং শিজিন্নবগী মহুৎতা প্লান্ত এক্সত্রেকশিং শিজিন্নদুনা য়ুম অমসু লৌউ-শিংউবদা বেস তৌবা প্রদক্তশিং দিজাইন তৌই অমসুং শেম্মী৷ গয়াত্রীগী মতুং ইন্না, মতমগী মতুং ইন্না মহিক অমসুং অতোপ্পা বেক্তরিয়া/ভাইরস ময়াম অমা কেমিকেলশিং চংবা ঙম্লক্তে অদুগা অমরোমদা মহৌশাদি হায়রিবা ওর্গনিজমশিং অসি লান্থেংন্নবা মশাগী ওইবা লম্বী মতম পুম্নমক্তা লৈজৈ৷ শ্রী শক্তি চেলেঞ্জ অসিগীদমক  গয়াত্রীনা কোবিদ-১৯ খক্তা নত্তনা অতোপ্পা ইনফেক্সনশিংদসু কান্নবা অল্কোহোল য়াওদবা হেন্দ সেনিতাইজর প্রদক্ত অমা ওইরিবা মহাক্কী ইন্নোভেতিব প্রদক্ত অদু পীশিনখ্রে৷ ৱাখল্লোন অসি ২০১৭দা মহাক্না মহাক্কী চহী অমা শুরবা মচানুপী অদুগা লোইননা সার্স লাইনা-লাইচৎ লাইনা-লাইচৎ অসি থেংনরিঙৈ মতমদা  মঙোন্দা লাকখিবনি৷

২. কেন্সরদগী হিংহৌরবা রোমিতা ঘোশনা শিম্লাদা বেস তৌবা আইহিল হেল্থ তেক্ত প্রাভেৎ লিমিতেদকী ফাউন্দর ওই অমসুং কোবিদ-১৯ অসি থেংনবদা মাং থানা মথৌ তৌরিবা হেল্থকেয়র স্তার্তঅপ অমনি অমসুং স্তার্তঅপ অসিনা হোস্পিতালশিংদা পি.পি.ই. কিৎশিং পীখ্রে৷ পি.পি.ই.শিং অমসুং মাক্সশিং অমুক হন্না সেফ ওইনা শিজিন্নবা য়ান্নবগীদমক মেদ ইন ইন্দিয়াদা শাবা য়ু.ভি. স্তেরিলাইজেসন বোক্স অমসু রোমিতানা শেমখ্রে, মসিনা হোস্পিতালশিংগী অমসুং অতোপ্পা সর্ভিস পীরিবশিংগী মমলশিং অদু হন্থবদা মতেং পাংলগনি৷

৩. দা. অঞ্জানা রামকুমার অমসুং দা. অনুশকা অশোকননা কেরলাদা বেস তৌবা থনমত্রা ইন্নোভেসন্স প্রাইভেৎ লিমিতেদকী প্রদক্ত মেনেজর অমসুং কো-ফাউন্দর ওই৷ মখোয়না লুমানশিং অমসুং দুপতাসশিং অসি ফেস মাক্স ওইনা শেফ ওইনা শিজিন্নবা য়ান্নবা মদুদা চাইবা য়াবা এন্তি মাইক্রোবিয়েল সোলুসন অমগী ইন্নোভেতিব সোলুসন অদু মখোয়না পুথোকখ্রে৷ মসিনা অঙাংশি্ং য়াম্না লাইনা ঙাক শেনবা ঙম্লগনি৷ মখোয়গী ইন্নোভেসন অসি ইচম চম্মী অমসুং য়াম্না লাই অমসুং মসিদা ফি মতৎ অমা হেক্তদা মখোয়গী অখন্নবা ফোর্মুলেসন অদু শিজিন্নদুনা স্প্রে কাপতুনা অমসুং কংহন্দুনা মিনিৎ খরগী মতুংদা এন্তি ভাইরস মাক্স ওইনা ওন্থোকপদা মতেং পাংলগনি৷

‘প্রোমিজিং সোলুসনশিং’ ওইনা খন্দোক্লবা মকোক থংবা স্তার্তঅপ ৩ অদুদি:

১. বসন্থি পলানিভেলনা বেঙ্গলুরুদা বেস তৌবা সেরাজেন বাইও থেরাপেতিক্স প্রাইভেৎ লিমিতেদকী সি.ই.ও. অমসুং কো-ফাউন্দর ওই৷ সাইন্তিস্ত অমসুং রিসর্চর অমা ওইনা, মহাক্না ভাইরস অসিগী সিম্তোম অমসুং ইমপেক্তশিং অদু নৈনখ্রে অমসুং কোবিদতা লঙ্গস অসিনা খ্বাইদগী হেন্না শাথীনা শোকহনবা কয়াৎ ওই হায়বা অদু মহাক্না খংবা ঙমখি অমসুং কোবিদ-১৯ অসিনা মরম ওইরগা রেস্পিরেতরী দিস্ত্রেস অসি লায়েংনবা প্লাসমা সোলুসন অমা মহাক্না শেমখ্রে৷

২. শিবি কাপিলনা বেঙ্গলুরুদা বেস তৌবা এমপেথী দিজাইন লেবশিংগী কোফাউন্দর ওই৷ মসিনা হেল্থকেয়রদা মীৎয়েং থম্লি অমসুং ইনফেক্সন থোকপা য়াবগী চাং য়াম্না ৱাংবা অদুনা মরম ওইরগা হোস্পিতাল চৎপা ঙমদবা মীরোনবী নুপীশিংগীদমক সোলুসনশিং শেম্ননবা লাইনা-লাইচৎ অসিবু খুদোং চাবা অমা ওইনা মহাক্না লৌখ্রে৷  মহাক্না মীরোনবীগী নুংতি নুমিৎ খুদিংগী য়েংশিন্ননবগীদমক শেৎতুনা শিজিন্নবা য়াবা দিভাইস অমা ওইরিবা ক্রিয়া দিজাইন তৌখ্রে৷ লোত হাপ্পা প্রদক্ত অসিনা মমা মপাশিংদা মতম চানা মথৌ তৌবা ঙম্নবা এলর্তশিং অমসুং পাউতাকশিং পী৷

৩. জয়া পরাশর অমসুং অনকিতা পরাশর মমা-মচা অসিনা স্ত্রিম মাইন্দ অমসুং এদ-তেক্ত কম্পেনীগী ফাউন্দর অমসুং কোফাউন্দর ওই৷ কম্পেনী অসিনা সাইন্স, তেক্নোলোজী, ইবা/পাবা, আর্তস য়োকখৎনবা থবক তৌই অমসুং ভারত অসি শিনবা থুংনা স্কুল তম্লিবা অঙাংশিংদা মেথমেতিক্স এদজুকেসন্দা হেন্না থৱাই য়াওনবা হোৎনৈ৷ কোবিদ-১৯গী খুদোংথীবা অসিদগী হোস্পিতালশিং অমসুং হেল্থকেয়র ক্লিনিকশিং অসি ঙাকথোক্তুনা লৈনবা ইন-হাউস দেলিভরী এসিস্তেন্স অমা ওইনা মথৌ তৌরিবা ওতোমেতেদ রোবোত অমা ওইরিবা ‘দোবোত’ অসি মখোয়না দিজাইন তৌখ্রে৷

মাইগোভনা শ্রী শক্তি চেলেঞ্জ অসিগী মাই পাক্লবশিং অদু থাগৎখ্রে অমসুং মখোয়না শেম্লিবা সোলুসনশিং অদু মপুং ফাবা প্রদক্তশিং মপুং ফাবা ওইরক্লগনি হায়না মখোয়না থাজৈ অমসুং কোবিদ-১৯ অসি থেংনবদা হেন্না ফবা সোলুসনশিং পুথোকপদা মতেং পাংবা ঙম্লগনি অমসুং নুপীশিংনা থেংনরিবা চেলেঞ্জশিং অদুদসু মতেং পাংবা ঙম্লগনি৷ শ্রী শক্তি চেলেঞ্জ অসিগী ৱিনরশিং অমসুং শরুক য়ারিবা পুম্নমক অসি ভারততা লৈবা তেলেন্ত পুল অদুগী অশেংবা তেস্তিমোনী অমনি অমসুং মসিগী চেলেঞ্জ অসি ভারততা নুপীগী এন্তরপ্রিনরশিপ য়োকখৎপদা নিংথীজনা মতেং পাংবা ঙম্লগনি৷

*****