তেলি-লোনা ওক্তোবর ৩০, ২০২০দা বেনিফিসিয়রী লাখ ৪দা সসি.এস.সি.(কমন সর্ভিস সেন্তর)গী মখাদা ৱায়েল-পথাপকী ওইবা পাউতাক পীখিবা অসিমক মশক থোকপা মায় পাকপা অমনি হায়বা তাক্লে। থৌরম অসি হৌরবা মতুংদা এপ্রীল ২০২০দা অপুনবা লাখ ১.৯৫দা পাউতাক পীখিবদা শেনবা চহিগী অহানবা থা তরেত্তা লাখ ২.০৫দা পাউতাক পীখি। 

ভারত সরকারগী "দিজিতেল ইন্দিয়া ভিজন"গী থোংদা জস্তিশ বিভাগনা  ‘মীপুম খুদিংমক্কী ওইবা ৱেয়েল-পথাপ’ অসি অশেংবা মওংদা ফংহন্দুনা অমদি মীপুম খুদিংমক্না ৱায়েল-পথাপ ফংহন্নবগীদমক্তা "হৌগৎলক্লিবা" অমসুং "ইরমগী ওইবা" দিজিতেল প্লেৎফোর্মশিং শিজিন্নখি। মসিগী পান্দম অসি য়ৌনবগীদমক্তা ২০১৭দা হৌদোকখিবদগী হৌনা অহানবা তাঙ্কক অসিমক্তদা কেসশিং লোইশিন্ননবগীদমক্তা তেলী-লোগী থৌরম অসি হৌদোকখি। মসিগী থৌরম অসিগী মখাদা লায়রবা, শোত্থরবা, তোল্ল-তারবা অমদি অরাপ্পা মফমশিংদা লৈবা মীওই কাংলুপশিং অমদি খুরুপশিংদা মতম চানা অমদি মমল লৈবা ৱায়েল-পথাপকী পাউতাকশিং ফংহন্নবগীদমক্তা উকীলশিং য়াওশিনহনখ্রে অমদি মসিগীদমক্তা পঞ্চায়েৎকী থাক্তা কমন সর্ভিশ সেন্তরশিং অসি পাক-চাউনা শন্দোকপা নেতৱর্কতা ফংবা ভিদিও কনফরেন্সিং, তেলিফোন/ইন্সতেন্ত কোলিংগী খুদোংচাবশিংগী স্মার্ত তেক্নিক শিজিন্নখ্রে।

ৱায়েল-পথাপকী ওইবা খুদোংচাদবশিং অসি হৌরকপদা মশক খংদোক্নবা, মতেং পাংশিন্নবগী অমদি থিংনবগী খুদোংচাবা অসিগীদমক্তা মরুওইবা মওংদা শেমগৎ-শাগৎপা তেলী-লোগী সর্ভিস, এন.এ.এল.এস.এ. অমসুং সি.এস.সি. ই-গবর্নমেন্তকী থোংদা মমাং থানা থবক তৌরিবা ভোলুন্তিয়রশিংগী কেদর অমগী থোংদগী অরাপ্পা মফমশিংদা লৈবা মীওই কাংবুশিং অমদি কাংলুপশিংদা য়ৌহল্লি। মসিগী য়াম্না খ্বাইদগী মরু ওইবা থাক্তা থবক তৌরিবা লান্মীশিং অসিদা ফিল্দদা থাবক তৌরিঙৈগী মতমদা এপ্লিকান্তশিংগী প্রি-রেজিস্তর তৌনবা অমদি মতম য়াত্তুনা থম্লবা এপোইন্তমেন্তশিং লৌনবা মোবাইল এপ্লিকেসন অমা হেন্না শিজিন্নহল্লি। বেনিফিসিয়রীশিংদা মখা তাবা ৱায়েল-পথাপকী ওইবা পাউতাক পীনবা অমদি ৱা তান্ননবা ফংহন্নবা উকীলশিংগী কত্থোক্নলা পুল অমা ইম্পেনেল তৌখ্রে।  মরাং কাইনা লৈরবা আই.ই.সি.দা মাগী ময়ামগী ওইবা পোর্তেলদা অপলোদ তৌরিবা অসি  https://www.tele-law.in/ দা এক্সেস তৌবা য়াই। রিএল তাইম দেতা অমসুং পীরিবা পাউতাক্কী মওং য়েংলগা তোঙানবা দেশবোর্দ শেমগৎখ্রে। নক্না লাক্কদৌরিবা মতমদা জিলাগী থাক্কী মথং-মথংগী ওইবা ৱারোলগী থাক অসি নিংথিহন্নবগীদমক্তা মসিগী দেতা অসিদা পি.এম.ও. প্রয়াশ পোর্তেলদসু হাপচিল্লগনি।

****