নহারোল অমসুং শান্ন-খোৎনবগী মন্ত্রালয়
আর্চরীগী তীমগী মতেং পাংনবা স্তাফ কোরোনাভাইরস পোজিতিব ওইরে, মতম খরা লেপ্লুরবা মতুংদা কেম্প অদু হান্নগী ফীভমদা অমুক হঞ্জিনখ্রে
प्रविष्टि तिथि:
03 NOV 2020 5:01PM by PIB Imphal
পুনেগী আর্মী স্পোর্তস ইন্সতিত্যুৎতা ত্রেনিং তৌরিবা নেস্নেল আর্চরী তীমগী তেংবাংনবা স্তাফ অমা কোরোনাভারস তেস্ত তৌবদা পোজিতিব ওইরে। মতেং পাংনবা স্তাফ মেম্বর অসি ওক্তোবর ৩০দা তেস্ত তৌবদা পোজিতিব ওইখিবনি। মীওই অসি ওক্তোবর ৭তা কেম্প অসিদা য়াওরক্লবা মতুংদা নুমিৎ ৯নি ত্রেনিং অসিগী শরুক অমা ওইরম্লগা নুমিৎ ১৪গী ওইনা ক্বারেন্তিন তৌদুনা লৈখ্রে। ক্বারেন্তিন তৌরিঙৈগী মতমদা স্পোর্তস ওথোরিতী ওফ ইন্দিয়ানা থমখিবা স্তেন্দর্দ ওপরেতিং প্রোসিদ্যুরগী মতুং ইন্না আর.তি.-পি.সি.আর. তেস্ত অনিরক তৌখি। হায়রিবা স্তাফ অসি ত্রেনিং অসিদা কেম্পরশিং ওইনা য়াওদ্রিঙৈদা তেস্ত তৌবদা নেগতিব ওইখি। মতেং পাংনবা স্তাফ অদু এ.এস.আই.গী মপান্দা লৈবা স্পিসিএল কোবিদ কেয়র হোসপিতাল অমদা লায়েং চত্থরি।
ত্রেনিং কেম্প অদু ওক্তোবর ৩১ অমসুং নবেম্বর ১গী ওইনা নুমিৎ নিনি য়ৈথোক্লুরে অমদি কেম্পরশিং পুম্নমক আইসোলেৎ তৌদুনা অমদি মাগী-মাগী কাদা নুমিৎ নিনি লৈবদা অথিংবা থমদুনা চেকশিন-থৌরাং পুম্নমক পায়খৎখ্রে। কোবিদকী চেকশিন-থৌরাংশিং অমদি অইং-অশা অসি য়েংশিন্দুনা নবেম্বর ২দগী কেম্প অসি অমুক হান্নগী ফীভমদা হঞ্জিল্লকখ্রে। সাই অসি প্রোতোকোলগী মতুং ইন্না নেস্নেল কেম্পরশিং খুদিংমক আর.তি.-পি.সি.আর.গী তেস্ত তৌরগনি।
*****
(रिलीज़ आईडी: 1669857)
आगंतुक पटल : 236