করিগুম্বা অদোমনা মতম শাংনা তুম্বা ৱাৎপনা মরম ওইরগা থোকহল্লকবা য়াবশিংগী মরমদা হন্দক ফোঙখিবা মশিং য়াম্লবা ‌ই-পাউ কয়া তাখ্রবা ওইরবদি অমসুং নোংমদা পুং ৭তগী ৮ ফাওবা তুমগদবা অসিদা কাইরকপা অসিনা ৱাখল ৱারবদি, ভারতকী য়েলহৌঙৈদী লৈরক্লবা হেল্থকিয়রগী লৌশিং অসিদগী অদোমগী মতেং পাংনবা লম্বী থোরক্লি। আয়ুর্বদনা স্তদী তৌরিবা ‘অনিদ্রা’ কৌবা হিরম অসিনা তুম্বা ৱাৎপা অমসুং মসিগা মরী লৈনবা কন্দিসনশিংগী মতাংদা নৈনরি অমসুং মসিনা কান্নরবা সোলুসন খরা পীরি।

নোর্থ ইস্তর্ন ইন্সতিত্যুত ওফ আয়ুর্বেদ এন্দ হোমিওপেথী, শিল্লোংগী রিসর্চ জর্নেল, আয়ুহোমদা হন্দক্তা ফোঙখিবা কেস স্তদী অমনা অনিদ্রা- মরী লৈনবা সমস্যাশিং কোকহনবদা আয়ুর্বেদনা মাই পাকপা ঙমখিবগী অনৌবা খুদম-চাদম পুথোরকখি। কেস স্তদী অসি জাইপুরগী নেস্নেল ইন্সতিত্যুত ওফ আয়ুর্বেদা (এন.আই.এ.)গী পঞ্চকর্মগী পি.জি. দিপার্তমেন্তগী এসিসিএৎ প্রোফেসর অমসুং হেদ ওইরিবা গোপেশ মঙ্গল অমদি এন.আই.এ.গী পঞ্চকর্মগী পি.জি. দিপার্তেন্তগী পি.ই. স্কোলর ওইরিবা নিধি গুপ্তা অমসুং প্রবেশ স্রিবাস্তবা অনিগা লোয়ননা ইখিবনি।

মেদিকেল সাইন্সনা তুম্বা ৱাৎপা অসি ওবেসিতীদগী হৌরগা ইম্ম্যুনিতী শোনবা অসিগুম্বা মখল কয়াগী হকশেলগী সমস্যা কয়াগা মরী লৈনহল্লি। আয়ুর্বেদনসু নিদ্রা নত্রগা তুম্বা অসি হকশেলদা য়াম্না চাউনা মরু ওই হায়না লৌরি। তশেংবদি মসি ত্রয়োপস্তম্ভ নত্ত্রগা পুন্সিগী য়ুম্বী অহুমগী মরক্তা অমনি হায়না ফোঙদোক্লি।  আয়ুর্বেদনা  নিদ্রা অসি হরাও-তয়াম্বা অমসুং অফবা পুন্সি মহিং অমদা হিংনবা তঙাই ফদবা হিরম অমনি হায়নসু লৌরি। নিদ্রানা ৱাখলবু পোথাহল্লি। অনিদ্রা অসি ক্লিনিকেল ওইনা মালেম পুম্বদা থেংনরিবা তুম্বা য়াদবগী সমস্যা অমা ওইরিবা ইনসোম্নিয়াগা মরী লৈনৈ। ৱর্ল্দ হেন্দ ওর্গনাইজেসন (দবল্যু.ঐচ.ও.)গী মতুং ইন্না হকশেল হায়বা অসি হকচাং, ৱাখল নত্ত্রগা হরাও নুংঙাইবা পুন্সি অমগী ফীভম অদুবুনি অমসুং মসি লাইনা নাদবা অদু খক্তা নত্তে মসিদা তুম্বা হায়বা অসি তঙাই ফদবা মচাক অমা ওইরি। হৌজিক মতম অসিদা করি থোক্কনি তম্বা ঙমদবা পুন্সি মহিং, ৱাখল ৱাবা অমসুং মহৌশাগী ওইবা তম্বা ঙমদবা ফেক্তরশিং অসিনা অয়াম্বা মীওই কয়াগী তুম্বদা অকাইবা থোকহল্লি। নেস্নেল স্লীপ ফাউন্দেসন ওফ অমেরিকাগী মতুং ইন্না মালেমগী মীওই ১/৩দি তুম্বগা মরী লৈনবা অনাবশিং নারি।

খুদোংচাদবা অসি য়েংলগা আয়ুর্বেদকী য়েলহৌঙৈদগী লৈরক্লবা পঞ্চকর্মগী থেরাপী অসিনা অনিদ্রাগী সমস্যাশিং কোকহন্নবা পোতেন্সিএল অদু হেন্না মরু ওইনা লৌশিনবদি য়াদে। অদুবু কেস স্তদী অসিগী ফলশিং অসিনা আয়ুর্বেদকী কান্নবগী খুদম-চাংদম অদু উৎলি।

স্তদী অসিগী রিপোর্তনা হায়রি মদুদি আয়ুর্বেদগী লায়েং অসিনা অনাবা মীওইগী তুম্বগী মওং-মতৌদা চাউনা ফংগৎলকপা ঙমহনখি। স্তদী অসিদা কুপ্না একজামিনেসন তৌবা অমসুং এসেসমেন্ত তৌনবা খনগৎলবা লাইওং পুম্নমক লায়েংবা হৌদ্রিঙৈদা অমসুং লোইরবা মতুংদা তাঙ্কক নাইনা এসেসমেন্ত তৌবা য়াওরি। মসিদা হকাম চনবা, উইবা, হকচাং চোকথবা, তুম্বগী ক্বালিতী অসিনচিংবা য়াওরি অমসুং পেরামিতর পুম্নমক্তা ফগৎলকপশিং অদু য়েংশিনখি।

কেস স্তদী অসিনা শিরোধারাগা অশ্বগন্ধা তেল লোয়ননা শামন চিকিতসানা অনিদ্রা ফহনবদা কান্নরবা থৌদাং অমা লৌরি হায়নসু তাক্লি।

রিফরেন্স: নোর্থ ইস্ত্রন ইন্সিতিত্যুত ওফ আয়ুর্বেদ এন্দ হোমিওপেথী (এন.ই.আই.এ.এচ.) শিল্লোং, মেঘলয় – ৭০৩০১৮না ফোঙবা আয়ুর্বেদ অমসুং হোমিওপেথীগী বাই-এন্যুএল রিসর্চ জর্নেলগী পীয়র রিভ্যু অমা ওইরিবা আয়ুহোম (আই.এস.এস.এন ২৩৪৯-২৪২২) (ভোল্যুম ৬, ইসু ১)

******