ভারতনা কোবিদকী মায়োক্তা লান্থেংনবদা মখল কয়াগী অচৌবা মাই পাকপা পুরকপা ঙমখ্রে। হৌখিবা পুং ২৪গী মনুংদা অনৌবা কনফর্ম কেস অসি ৪০,০০০গী মখাদা লৈখ্রে। চয়োল ১৫গী মতুংদা (নুমিৎ ১০৫) নোংমদা থেংনবা অনৌবা কেস অসি ৩৮,৩১০ ওইখ্রে। জুলাই ২২, ২০২০দা অনৌবা কেস অসি ৩৭,৭২৪ ওইখি।

নুমিৎ খুদিংগী কোবিদনা নাবা মীওইশিং মশিং য়াম্না নাবা ফগৎলকপগা লোয়ননা শীবগী চাংদা চাউনা হন্থরকপা অসিনা ভারতকী এক্তিব কেসশিংদা তপ্না-তপ্না হন্থরকপগী মখা তানা রেজিস্তর তোরক্লি।

অতোপ্পা মাই পাকপা অমদা, এক্তিব কেসশিং অসি খঙহন-হন্থরক্তুনা লাখ ৫.৫কী মখাদা লৈখ্রে। লৈবাক অসিগী অপুনবা পোজিতিব কেস অসি ৫,৪১,৪০৫নি অমসুং হৌজিক্তি অপুনবা কেসশিংগী ৬.৫৫% খক্তা ওইরে।

অফবা ফলশিং অসি কেন্দ্রগী পুম্নমক শুনা য়াওরবা লালোং অমসুং লেপ্পা লৈতনা লৈবাক শিনবা থুংনা তেস্ত তৌবা, মপুং ফানা সর্ভিলেন্স চত্থবা অমসুং ত্রেক তৌবা, থুনা হোস্পিতেলাইজ তৌবা অমসুং কেন্দ্র সরকারনা পীবা স্তেন্দর্দ ত্রীৎমেন্ত প্রোতোকল মপুং ফানা ঙাক্না চৎপা অসিগী মখাদা রাজ্য/য়ু.তি. সরকারশিংনা পুনশিন্নদুনা, অকনবা মওংদা অমদি মপুং ফানা ইমপ্লিমেন্ত তৌবা অসিগী মহৈনি। লৈবাক অসিগী শরুক পুম্নমক্তা দোক্তরশিং, পেরামেদিকশিং, ফ্রন্তলাইন ৱার্করশিং অমসুং অতোপ্পা কোবিদ-১৯ ৱারিয়রশিংনা মশাগী ওইজবা থাদোক্তুনা থবক তৌবা অমদি কত্থোকপা অসিনসু মাই পাকপা অসি পুরকপা ঙমখিবনি।

এক্তিব কেসশিংদা হন্থরকপা অসিদা মশিং য়াম্না নাবা ফগৎলকপা অসিনা মতেং পাংলি। পুন্না নাবা ফগৎলকখ্রবা কেসশিং অসি লাখ ৭৬ হেনখ্রে (৭৬,০৩,১২১)।

এক্তিব কেসশিং অমসুং নাবা ফগৎলকখ্রবশিংগী মরক্তা লৈরিবা খেৎনবা অসি ঙসি লাখ ৭০ হেনখ্রে অমসুং ৭০,৬১,৭১৬ শুখ্রে।

হৌখিবা পুং ২৪দা অনাবা মীওই ৫৮,৩২৩ নাবা ফগৎতুনা দিসচার্জ তৌখ্রে। লৈবাক অসিগী নাবা ফগৎলকপগী চাং অসি মখা তানা ৯১.৯৬%তা হেনগৎখ্রে।

নৌনা নাবা ফগৎলকখ্রবা কেসশিংগী ৮০%দি রাজ্য/য়ু.তি. ১০দগী ওইখি।

মহারাস্ত্রনা নোংমদা ১০,০০০গী মথক্তা নাবা ফগৎতুনা মাংজিল থারি অমদি ৮,০০০গী মথক্তা নাবা ফগৎখিবগা লোয়ননা কর্নাতকানা মতুং ইন্নখি।

নৌনা কনফর্ম তৌখিবা কেসশিংগী ৭৪%দি রাজ্য/য়ু.তি. ১০দগী ওইখি।

অনৌবা কেস ৪,০০গী মথক্তা থেংনবগা লোয়ননা কেরেলা, দিল্লী অমসুং মহারাস্ত্রনা মশিং খ্বাইদগী য়াম্বা ওইখি। ৱেস্ত বেঙ্গলনা অনৌবা কেস ৩,০০০গা লোয়ননা মতুং ইন্নখি।

হৌখিবা পুং ২৪দা কেস ৪৯০ শীখিবগী রিপোর্ত তৌরকখি। মসিগী মনুংদা ৮০%গী ময়াদি রাজ্য/য়ু.তি. তরাদগী ওইখি। মহারাস্ত্রনা নোংমদা খ্বাইদগী য়াম্না শীখিবগী রিপোর্ত তৌরকখি (শীখিবা ১০৪)।

ভারতকী কেস ফেতেলিতী রেৎ অসি ১.৪৯%নি।

****