শেল-থুম মন্ত্রালয়

কেন্দ্র সরকারনা রাজ্য ১৬ অমসুং য়ুনিয়ন তেরিতোরী ৩দা জি.এস.তি. কম্পেন্সেসনগীদমক স্পিসিএল বোরোৱিং ৱিন্দোগী মখাদা অনিশুবা তাংকক্কী ওইনা লুপা করোর ৬,০০০ কাইথখ্রে


শেলথুম মন্ত্রালয়না স্পিসিএল ৱিন্দোগী মখাদা রাজ্য/য়ু.তি.শিংদা লুপা করোর ১২,০০০গী লোন পীখ্রে

प्रविष्टि तिथि: 02 NOV 2020 4:08PM by PIB Imphal

শেলথুম মন্ত্রালয়, ভারত সরকারনা মসিগী "জি.এস.তি. সেস কম্পেন্সেসন সেসকী অৱাবা কোক্নবগীদমক স্পিসিএল ৱিন্দো"গী মখাদা অনিশুবা তাংকক্কী ওইনা রাজ্য ১৬ অমসুং য়ুনিয়ন তেরিতোরী ৩দা ঙসি লুপা করোর ৬০০০ কাইথগনি। হায়রিবা শেনফমসি চাদা ৪.৪২গী ৱৈতেদ এভরেজ য়ীল্দদা হেনগৎখিবনি। হায়রিবা শেনফম অসি রাজ্য অমসুং য়ু.তি.শিংগী পুবগী মমলদগী তানা চপ মান্নবা শেন্দোইগী চাংদা রাজ্য/য়ু.তি.শিংদা থাদোক্কনি, মসিনা মখোয়দা কান্নবা ফংজগনি। শেলথুম মন্ত্রালয় অসিনা হৌজিক ফাওবদা স্পিসিএল ৱিন্দোগী মখাদা রাজ্য/য়ু.তি.শিংদা লুপা করোর ১২,০০০ কাইথখ্রে।

রাজ্য ২১ অমসুং য়ুনিয়ন তেরিতোরী ৩না হৌজিক ফাওবদা ওপ্সন ১গী মখাদা স্পিসিএল ৱিন্দো লৌনবা খনখ্রে। ভারত সরকারনা থাংগৎলকপা লোনশিং অসি রাজ্য/য়ু.তি.শিংদা জি.এস.তি. কম্পেন্সেসন সেস থাদোকপগী মহুৎ শিন্দুনা মথং মনাও নাইনা থাদোক্কনি। মখাগী রাজ্য অমসুং য়ুনিয়ন তেরিতোরীশিং অসিদা লোন কাইথখ্রে – অন্ধ্র প্রদেশ, অসম, বিহার, গোৱা, গুজরাত, হরিয়ানা, হিমাচল প্রদেশ, কর্নাতাকা, মধ্য প্রদেশ, মহারাস্ত্রা, মেঘালয়, ওরিশা, তমিল নাদু, ত্রিপুরা, উত্তর প্রদেশ, উত্তরাখন্দ, দিল্লীগী য়ু.তি., জম্মু অমসুং কাশ্মিরগী য়ু.তি. অমসুং পুদুচেরীগী য়ু.তি.নি।

*****


(रिलीज़ आईडी: 1669516) आगंतुक पटल : 292
इस विज्ञप्ति को इन भाषाओं में पढ़ें: English , Urdu , हिन्दी , Marathi , Bengali , Punjabi , Gujarati , Odia , Tamil , Telugu , Kannada , Kannada