আয়ুশ মন্ত্রালয় অমসুং এম./এস. ইনভেস্ত ইন্দিয়ানা আয়ুশ সেক্তরবু প্লান তৌরবা সিস্তেমেতিক ওইনা চাউখৎপা পুরক্নবগীদমক "স্ত্রেতেজিক পোলিসী অমসুং ফেসিলিতেসন ব্যুরো (এস.পি.এফ.বি.)" কৌবা স্ত্রেতেজিক পোলিসী য়ুনিৎ অমা শেম্নবগীদমক অপুনবা খোঙথাং অমা লৌমিন্নগনি। হায়রিবসি আয়ুশ সেক্তরগী স্তেক হোল্দিং গ্রুপশিংগা লোইননা তুংদা মখা তানা চঙশিনবা য়ানবগীদমক মন্ত্রালয় অসিনা লৌখৎলকপা খোঙথাংশিংগী মনুংদা অমনি।

এস.পি.এফ.বি. লিংখৎপগী থবক অসি আয়ুশ সিস্তেম অসি তুংগী শেম শাদুনা লৈহনগদবা মাংজিল থানা য়েংবা খোঙথাং অমনি। হায়রিবা ব্যুরো অসিনা মন্ত্রালয় অসিবু স্ত্রেতেজিক অসুং পোলিসী শেম্বগী খোঙথাংদা মতেং পাংদুনা সেক্তর অসিগী তৌবা ঙম্বদা মপুং ফাহন্নবা হোৎনবদা মতেং পাংগনি অমসুং গ্রোথ অমসুং ইনভেস্তমেন্ত হেনগৎহনগনি। কোবিদ-১৯ লাইচৎনা মালেমগী মীয়ামগী পুন্সিরোলদা অহোংবা অমা পুরক্নবা মুত্থৎপা য়াদ্রবা খোঙ্গুল অমা থম্লকপা মতমদা অসিগুম্বা লাল্লোং অসি আয়ুশ সেক্তরগী স্তেকহোল্দিং গ্রুপশিংদা চাউনা মতেং পাংগনি।

প্রোজেক্ত অসিগী মপাং অমা ওইনা, এম./এস. ইনভেস্ত ইন্দিয়ানা মন্ত্রালয় অসিগা হীরম কয়াদা ব্যুরো অসিগী থবক্কী প্লান য়াৎপদা পুনগনি অমসুং মসিগী অতেনবা অমসুং অশাংবা মতমগী পান্দম লেপকনি। ইনভেস্ত ইন্দিয়ানা য়াম্না ত্রেন তৌরবা অমসুং এক্সপর্ত রিসোর্স কয়া থাদদুনা আয়ুশ মন্ত্রালয়গী প্লান কয়া পায়খৎকনি।

এস.পি.এফ.বি.না পায়খৎপা থৌরাংশিংগী মনুংদাঃ

১. নোলেজ ক্রিএসন অমসুং মেনেজমেন্ত,

২. স্ত্রেতেজিক অমসুং পোলিসী শেম্বদা মতেং পীবা,

৩. স্তেৎ পোলিসী বেঞ্চ মার্কিং: ভারত্তা আয়ুশ সেক্তরগা মরী লৈননা মান্নবা চৎন-পথাপ/কাংলোন শেম্নবা স্তেৎ পোলিসী বেঞ্চ মার্কিং লৌখৎপা,

৪. ইনভেস্তমেন্ত ফেসিলিতেসনঃ ইনভেস্তমেন্ত কেস অমসুং এম.ও.য়ু.শিংগী য়েংশিনবা অমসুং য়ানবা পুরকপা, অমসুং তোঙান-তোঙানবা বিভাগ, ওর্গনাইজেসন অমসুং রাজ্যশিংগা খুৎশম্নবা।

৫. খুদোংচাদবা কোকহনবাঃ ইনভেস্ত ইন্দিয়ানা কম্পেনী অমসুং অতোপ্পা ইন্সতিত্যুসনশিংগা রাজ্য অমসুং অতোপ্পা সব সেক্তরশিংগী খুদোংচাদবা কয়াদা থবক পায়খৎকনি।

ব্যুরো অসিনা পায়খৎপা য়াবা অখন্নবা থবকশিংগী মনুংদা ইন্তর মিনিস্তরিএল গ্রুপশিংগী প্রোজেক্ত য়েংশিনবা, স্কিল দিবেলপমেন্তকী খোঙথাংশিং, ত্রেতেজিক ইন্তেলিজেন্স রিসর্চ য়ুনিৎ লিংখৎপা অমসুং ইন্নোবেসন প্রোগ্রাম লৌখৎপনি।

আয়ুশ মন্ত্রালয়না ব্যুরো অসিদা ইনভেস্তমেন্ত প্রোপোজেলশিংদা, খুদোংচাদবা অমসুং ৱাহংশিংদা, অমসুং পীরিবা থবকশিং অসি পায়খৎনবা ইনভেস্ত ইন্দিয়াদা শেল থাদবদা মতেং পাংগনি। মন্ত্রালয় অসিনা ব্যুরো অসিবু তোঙান-তোঙানবা স্তেকহোল্দরশিং হায়বদি ইন্দস্ত্রী এসোসিএসন, মন্ত্রালয় অসিগী এফিলিএৎ বোদীশিং অমসুং ইন্দস্ত্রীগী মীহুৎশিংগা মরী শেমগৎনবা হোৎনবদা মতেং পাংগনি।

এস.পি.এফ.বি. অসি মতীক চাবা আই.তি.গী শৌঙাক অমা ওইরিবা সেক্তর খুদিংমক্কী  আয়ুশ গ্রিদ লিংখৎপা, আয়ুশ এজুকেসনবু মোদর্ন লাইনশিংদা পুশিনবা, আই.সি.দি. ফ্রেমৱার্ক্তা দাইগ্নোস্তিক্স অমসুং তর্মিনোলোজীগী মালেমগী থাক্তা শেমগৎপা অমসুং আয়ুশ দ্রগ কন্ত্রলোলগী ভর্তিকেল অমা শেমগৎপগুম্বা তোঙান-তোঙানবা খোঙথাংশিংগী মরক্তা খ্বাইদগী নৌবা মন্ত্রালয় অসিনা আয়ুশ সিস্তেম্বু ২১শুবা চহী চাদা হকশেলগী থবকশিংগী ময়োলদা চঙবা ঙম্নবা লৌখৎপা খোঙথাংনি, হায়রিবসিগী মনুংদা কয়া অমনি খুমাং চাউশিনখ্রে অমসুং থবক ওইনা পায়খৎপগী তাংকক্তা লৈখ্রে।

২০১৪দা আয়ুশ সিস্তেম তরেৎকী তোঙানবা মনীং তম্বা মন্ত্রালয় অমা শেমখিবনা হায়রিবা ভারতকী মেদিসিন সিস্তেম অসি খুমাং চাউন্নবগী লম্বেলদা পুরকখ্রে। মসিগী মতুং চহী তরুক অসিনা ভারতকী মীয়ামগী হকশেলদা চাউনা মতেং পাংবগী মশক উবা ফংখ্রে। তোঙান-তোঙানবা নৈনবা কয়াদগী অমসুং রিপোর্তশিংদগী ফংবা আয়ুশ সেক্তরগী হায়রিবা মতম অসিগী মনুংদা ফংবা মশক্না তাক্লে মদুদি মমল হঙবা অমসুং লায়না ফংবা আয়ুশ সিস্তেমগী পাম্বৈ অসি খুন্নাই অসিগী অয়াম্বা শরুক্না হকশেলগী পেন্নিংঙাই ওইবা থাক অমা ফংহনবদা উপাই ওইরি।

******