ভারতনা মালেমগী ওইবা লাইচৎ অসিগী মায়োক্তা পুন্না লান্থেংনবা অসিদা চাউনা মাই পাকপা অমা উবা ফংখ্রে। কেস ফেতেলিতী রেৎ (সি.এফ.আর.) অসি ১.৫%দগী তাখি। লেপ্তনা হন্থরকপনা ঙসিদি সি.এফ.আর. অসি ১.৪৯% ওইখি। ভারতকী মিলিয়ন অমদা লৈখিদবগী মশিং অসি মিলিয়ন অমদা লৈখিদবা ৮৮ ওইদুনা য়াম্না তাবা চাংদা লৈখি।

কেন্দ্রনা লুচিংবা তেস্ত ত্রেস ত্রেক ত্রীৎকী লালোং অসিনা মপুং ফানা লাকশিন্নবা লালোং, অকনবা মওংদা তেস্ত তৌবা অমসুং এন্তি কাওগুলেন্তশিং অমসুং নন-ইনবেসিব ওক্সিজেন শীজিন্নবা য়াওনা পুম্নমক শুনা য়াওরবা স্তেন্দর্দ ওফ কিয়র এপ্রোচতা য়ুম্ফম ওইবা স্তেন্দর্দাইজ ক্লিনিকেল মেনেজমেন্ত প্রোতোকলশিংদা মীৎয়েং থমখি। রাজ্য/য়ু.তি. সরকারশিংনা মপুং ফানা ইমপ্লিমেন্ত তৌবা অসিনা ঙন্না খঙদোকপা, খুদক্তা আইসোলেসন তৌবা অমসুং হোস্পিতেলাইজ তৌরকপা কেসশিং মতম চানা ক্লিনিকেল মেনেজমেন্ত পীবা ঙমখি। মসিনা ভারতকী কোবিদতগী লৈখিদবগী মশিং অসি নেম্না থম্বা অমসুং মশিং অসি য়ামহন্দবা ঙমখি।

ভারতনা মালেমদা ফেতেলিতী রেৎ খ্বাইদগী নেম্লি। লৈবাক অসিদা পুং ২৪গী মনুংদা লৈখিদবা ৫৫১ রিপোর্ত তৌখি। নোংমদা লৈখিদবগী মশিং অসি তপ্না-তপ্না অমসুং লেপ্তনা হন্থরক্লি।

কোবিদ মেনেজমেন্ত অমসুং রেস্পোন্স পোলিসী অসিগী শরুক ওইনা এম্স, নই দিল্লীনা শীবগী চাং হন্থহন্নবা আই.সি.য়ু.গী দোক্তরশিংদা ফীভম লুরবা অনাবা মীওইশিংগী ক্লিনিকেল মেনেজমেন্তগী কেপাসিতী বিল্দিং তৌনবা তোপ-তোপ্পা থৌরাং অমা ওইনা ই-আই.সি.য়ু. হৌখ্রে। চয়োল অমদা অনিরক, লৈবাকপোকপা অমসুং ইরাইদা রাজ্যগী হোস্পিতালশিংগী আই.সি.য়ু.শিংদা মথৌ তৌরিবা দোক্তরশিংগীদমক খঙহৈরবা অমসুং লম অসিগী এক্সপর্তশিংনা তেলি/ভিদিও-কন্সল্তেসন সেসনশিং পাঙথোক্লি।  সেসন অসি জুলাই ৮, ২০২০দগী হৌখি।

মরম অসিনা রাজ্য অমসুং য়ু.তি. ২৩না লৈবাক অসিগী লৈরিবা চাংচৎ অসিদগী সি.এফ.আর. নেমখি।

পুন্না লৈখিদবগী ৬৫%দি রাজ্য ৫ খক্তদা রেকোর্দ তৌখি। পুন্না লৈখিদবা অসিগী ৩৬%কী মথক্তা ওইবগা লোয়ননা মহারাস্ত্রনা খ্বাইদগী য়ামখি।

পুন্না লৈখিদবগী ৮৫%দি রাজ্য/য়ু.তি. ১০দগী ওইখি।

রাজ্য/য়ু.তি. ৬না রেজিস্তর তৌখিবা অপুনবা লৈখিদবগী মশিং অসি ১০০দগী তাখি অমরোমদা রাজ্য/য়ু.তি. ৮না লৈখিদবা ১০০০দগী তানা রেজিস্তর তৌখি।

রাজ্য/য়ু.তি. ১৬না লৈখিদবা ১০,০০০দগী তানা রেকোর্দ তৌখি।

হৌখিবা পুং ২৪দা ৫৯,৪৫৪ নৌনা নাবা ফগৎখি অমরোমদা অনৌবা কনফর্ম কেস ৪৮,২৬৮ থেংনখি। মসিগা লোয়ননা নাবা ফগৎলকখিবগী অপুনবা মশিং অসি লাখ ৭৪ (৭,৪৩২,৮২৯) হেনখ্রে। লৈবাক্কী ওইনা নাবা ফগৎলকপগী চাং অসি হৌজিক্কী ওইনা ৯১.৩৪% ওইদুনা লেপ্তনা হেনগৎলকপা অসিদা নোংমদা নাবা ফগৎলকপগী মশিং অসি য়াম্না ৱাংলি হায়বা উবা ফংখি।

ভারতনা এক্তিব কেসশিংদা তপ্না-তপ্না হন্থরকপগী মখা তানা রিপোর্ত তৌরক্লি। হৌজিক্কী ওইনা এক্তিব কেসশিং অসি ৫,৮২,৬৪৯ ওইদুনা লৈবাক অসিগী অপুনবা পোজিতিব কেসশিংগী ৭.১৬% খক্তা ওইরি। থংনা-থংননা নুমিৎ নিনি শুবা ওইনা এক্তিব কেসশিং অসি লাখ ৬কী মখাদা লৈরে।

নৌনা নাবা ফগৎলকপা কেসশিংগী ৭৯%দি রাজ্য/য়ু.তি. ১০দগী ওইখি।

কেস ৮,০০০কী মথক্তা ওইবগা লোয়ননা কর্নাতকা অমসুং মহারাস্ত্রনা নোংমদা খ্বাইদগী য়াম্না নাবা ফগৎলকপা ওইখি, কেস ৭,০০০কী মথক্তা থেংনবগা লোয়ননা কেরেলানা মতুং ইন্নাখি।

লৈবাক অসিদা হৌখিবা পুং ২৪দা অনৌবা কনফর্ম কেস ৪৮,২৬৮ রেজিস্তর তৌখি।

অনৌবা কনফর্ম কেসকী ৭৮%দি রাজ্য অমসুং য়ু.তি. ১০দগী ওইখি। অনৌবা কনফর্ম কেস ৬,০০০-৬,০০০ গী মথক্তা থেংনবগী লোয়ননা কেরেলা অমসুং মহারাস্ত্না খ্বাইদগী য়ামখি কেস ৫,০০০গী মথক্তা থেংনবগা লোয়ননা দিল্লীনা মতুং ইন্নখি।

হৌখিবা পুং ২৪দা কেস ৫৫১ লৈখিদবগী রিপোর্ত তৌরকখি। মসিগী মনুংদা ৮৩%গী ময়াদি রাজ্য/য়ু.তি. তরাদগী ওইখি।

মহারাস্ত্রদগী নৌনা লৈখিদবগী ২৩%গী মথক্তা রিপোর্ত তৌরকখি (লৈখিদবা ১২৭)

****