প্ৰধানমন্ত্ৰীৰ কাৰ্যালয়
প্ৰধানমন্ত্ৰী শ্ৰী নৰেন্দ্ৰ মোদীয়ে গুজৰাটৰ কেৱডিয়াত আৰোগ্য বন, আৰোগ্য কুটীৰ, একতা মল আৰু চিলড্ৰেন নিউট্ৰিচন পাৰ্ক মুকলি কৰে
प्रविष्टि तिथि:
30 OCT 2020 2:16PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে গুজৰাটৰ কেৱডিয়াত আৰোগ্য বন, আৰোগ্য কুটীৰ, একতা মল আৰু চিলড্ৰেন নিউট্ৰিচন পাৰ্ক মুকলি কৰে
প্ৰধানমন্ত্ৰী শ্ৰী নৰেন্দ্ৰ মোদীয়ে গুজৰাটৰ কেৱডিয়াত সমন্বিত বিকাশ কাৰ্যক্ৰমৰ জৰিয়তে বিভিন্ন পৰিকল্পনা মুকলি কৰে। শ্ৰী মোদীয়ে আৰোগ্য বন, আৰোগ্য কুটীৰ, একতা মল আৰু শিশু পুষ্টি পাৰ্ক (চিলড্ৰেন নিউট্ৰিচন পাৰ্ক) মুকলি কৰে।
আৰোগ্য বন আৰু আৰোগ্য কুটীৰ
আৰোগ্য বন ১৭ একৰ ক্ষেত্ৰত বিয়পি আছে আৰু ইয়াত ৩৮০বিধ বিভিন্ন প্ৰজাতিৰ ৫ লাখ গছ আছে। আৰোগ্য কুটীৰত এক পৰম্পৰাগত উপচাৰৰ সুবিধা সন্থীগিৰী ৱেলনেছ চেণ্টাৰ আছে য'ত আয়ুৰ্বেদ, সিদ্ধ, যোগ আৰু পঞ্চকৰ্ম আধাৰিত স্বাস্থ্য সুবিধাৱলী উপলব্ধ হ'ব।
একতা মল
একতা মল ৩৫,০০০ বৰ্গফুট ক্ষেত্ৰত বিয়পি আছে আৰু ইয়াত বিভিন্ন প্ৰকাৰৰ হস্তশিল্প আৰু পৰম্পৰাগত বস্তুৰ বিস্তৃত শৃংখলা আছে যি সমগ্ৰ দেশৰ বিভিন্ন ৰাজ্যৰ সৈতে জড়িত আৰু ই বৈচিত্ৰ্যৰ মাজত একতাৰ প্ৰতীক। এই মলত ২০টা এম্পৰিয়া (হাট) আছে যি দেশৰ বিশিষ্ট ৰাজ্যক প্ৰতিনিধিত্ব কৰিছে আৰু ইয়াক মাত্ৰ ১১০ দিনত নিৰ্মাণ কৰা হয়।
শিশুৰ পুষ্টি পাৰ্ক আৰু মিৰৰ মেইজ
ই বিশ্বৰ বৰ্তমানলৈকে সৰ্বপ্ৰথম প্ৰযুক্তি চালিত শিশুৰ পুষ্টি পাৰ্ক (চিলড্ৰেন নিউট্ৰিচন পাৰ্ক) যি ৩৫,০০০ বৰ্গফুট ক্ষেত্ৰত বিয়পি আছে। এই পাৰ্কত এক নিউট্ৰি ট্ৰেইন চলে, যি বিভিন্ন আকৰ্ষণীয় থিমযুক্ত ষ্টেচনৰ ওপৰত আধাৰিত য'ত 'ফাল্সকা গৃহম', 'পায়োনাগাৰী', 'অন্নপূৰ্ণা', 'পোষণ পূৰণ' আৰু 'স্বস্থ ভাৰতম' অন্তৰ্ভুক্ত আছে। এই মিৰৰ মেইজ, ৫ডি ভাৰ্চুৱেল ৰিয়েলিটী থিয়েটাৰ আৰু সংবৰ্ধিত বাস্তৱিক খেলৰ দৰে বিভিন্ন শৈক্ষিক গতিবিধিৰ জৰিয়তে পুষ্টিৰ সজাগতাক অনুপ্ৰাণিত কৰিব।
*******
VRRK/AK
(रिलीज़ आईडी: 1668980)
आगंतुक पटल : 243
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Manipuri
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam