প্রধানমন্ত্রীগী লোইশঙ
প্রধান মন্ত্রীনা গুজরাতকী কেবাদিয়াদা আরোগ্য ভান, আরোগ্য কুতির, এক্তা মোল অমসুং অঙাংশিংগী ন্যুত্রিসন পার্ক শঙ্গাখ্রে
Posted On:
30 OCT 2020 2:16PM by PIB Imphal
প্রধান মন্ত্রী শ্রী নরেন্দ্র মোদীনা গুজরাতকী কেবাদিয়াগী ইন্তিগ্রেতেদ দিভেলপমেন্ত মখাদা তোঙান-তোঙানবা প্রোজেক্ত কয়া শঙ্গাখ্রে।
শ্রী মোদীনা আরোগ্য ভান অমসুং আরোগ্য কুতির শঙ্গাখিবদা নত্তনা এক্তা মোল অমসুং অঙাংশিংগী ন্যুত্রিসন পার্কসু শঙ্গাখি।
আরোগ্য ভান অমসুং আরোগ্য কুতির
আরোগ্য ভান্দা একর ১৭ পাক-চাউবা মফমদা তোঙান-তোঙানবা পাম্বী মখল ৩৮০গী পাম্বী লাখ ৫ লৈ। আরোগ্য কুতিরদা অয়ুর্বেদ, সিধা, য়োগ অমসুং পঞ্চাকর্মদা য়ুম্ফম ওইবা হেল্থকেয়র পীনবা সান্তিগিরি ৱেলনেশ সেন্তর হায়না মিংথোনবা নাৎকী ওইবা অনা-লায়েংগী খুদোংচাবা লৈরি।
এক্তা মোল
স্ক্বার ফুৎ ৩৫০০০ হেন্না পাক-চাউবা মোল অসিদা অপুনবনা পাঙ্গলনি হায়বসি মশক তাকপা ওইনা ভারতকী মফম খুদিংদগী পুরকপা মখল কয়াগী হেন্দিক্রাফ অমসুং নাৎকী পোত্থোকশিং উৎলি। মোল অসিদা রাজ্য খুদিংবু মহুৎ শিনবা ইম্পোরিয়া ২০ লৈ অমসুং মখোয়শিং অসি শুপ্নগী নুমিৎ ১১০নিদা শাখিবনি।
অঙাংশিংগী ন্যুত্রিসন পার্ক অমসুং মিরর মেজ
মসিনা তেক্নোলোজীনা মপুং ওইনা তেংবাংবা মালেমগী খ্বাইদগী অহানবা অঙাংশিংগী ন্যুত্রিসনগী পার্ক্নি অমসুং স্ক্বার ফুৎ ৩৫০০০ হেন্না পাক-চাউবা মফমদা লৈ। ‘ফলশাকা গ্রিহাম’, ‘পায়োনগরি’, ‘অন্নপুর্না’, ‘পোশন পুরান’, অমসুং ‘স্বস্থ ভারতম’ হায়না তোঙান-তোঙানবা হীরমদা য়ুম্ফম ওইরগা মিংথোনবা স্তেসন কয়া অসি শিনবা থুংনা চেনবা ন্যুত্রি ত্রেন অমসু মফম অসিদা লৈ। মসিনা মিরর মেজ, ৫.দি. ভর্চুএল রীএলিতী থীএতর অমসুং ওগমেন্তেদ রীএলিতী গেমসকুম্বা নুংঙাইবা মওংদা মহৈ-তম্বীবগী থৌওংশিংগী খুত্থাংদা ন্যুত্রিসনগী মতাংদা খঙবা হেনগৎহনগনি।
***
(Release ID: 1668817)
Visitor Counter : 228
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam