মরু ওইনা লাইনা-লাইচৎ অসিনা ওইহল্লিবা ফিভম অসিদা হেল্থ অমসুং এনভাইরোনমেন্তদা পীরিবা শাফু অদু হন্থনবগীদমক বাইওমেদিকেল ৱেস্তকী মেনেজমেন্তগী লোঙ্গ তর্ম সোলুসনশিংগী তঙাইফদবা অদু হকশেল অমসুং য়াইফ য়ুম্বাল, সাইন্স অমসুং তেক্নোলোজী অমসুং আর্ত সাইন্সেসকী কেন্দ্রগী মন্ত্রী দা. হার্শ বর্ধননা পুথোকখ্রে৷ মহাক্কী মেসেজ অদু মমাংগী ৱেবিনার অমদা পাথোকখ্রে৷

মীয়াম অসি কন্ননবগীদমক এনভাইরোনমেন্ত স্ত্রাতিজী অমা ওইনা ভারত য়াওনা মেম্বর স্তেতশিংবু সপোর্ত তৌনবা য়ুনাইতেদ নেসন্স এনভাইরোনমেন্ত প্রোগ্রাম(য়ু.এন.দি.পি.) অমসুং ইন্দিয়া ৱাতর ফাউন্দেসন(আই.দবল্যু.এফ.)না ওইরে, অসিগুম্বা বাইওমেদিকেল ৱেস্ত অসি অসি মফম চানা মাংহন্ননবগীদমক হান্না লৈরম্লিবা রুলশিং অমসুং চৎনা কাংলোনশিং অদু হেন্না চেকশিন্নবা তঙাই ফদে”৷

“কোবিদ-১৯ অসিগী মনুং অসিদা লিক্ব্যুদ ৱেস্ত মেনেজমেন্তগী তুংগী ফিভম : মতুং তারকপদা করি থোক্লক্কনি?’গী মতাংদা পাংথোকখিবা হাই-লেভেল ৱেবিনার অসি  ভারত সরকারগী দিপার্তমেন্ত ওফ সাইন্স অমসুং তেক্নোলোজী(দি.এস.তি.) অমসুং দল শক্তি মন্ত্রালয়গী দিপার্তমেন্ত ওফ দ্রিঙ্কিং ৱাতর অমসুং সেনিতেসন সপোর্ত তৌদুনা য়ুনাইতেদ নেসন্স এনভাইরোনমেন্ত প্রোগ্রাম(য়ু.এন.ই.পি.) অমসুং ইন্দিয়া ৱাতর ফাউন্দেসননা খুৎশম্নদুনা শিনখিবনি৷ ৱেবিনার অসি লিক্ব্যুদ ৱেস্ত মেনেজমেন্ত অমসুং বাইওমেদিকেল ৱেস্ত তুংদা নিংথীজনা মেনেজ তৌবা অসিদা মীৎয়েং থম্মী৷

সোসিও-এনভাইরোনমেন্তেল ইমপেক্তশিং অসিগা লোইননা কোবিদ-১৯ অসি য়েংলগা ৱেস্ত মেনেজমেন্তগী তোঙান তোঙানবা মরমশিংদা ময়াম পুন্না গ্যান তামিন্নবা অসি মপুং ওইবা ওবজেক্তিব ওই৷ ২০২০গী ঙল্লবা শরুক্তা কোবিদ-১৯ লাইনা-লাইচৎ অসি খঙহৌদনা থোক্লকপা অসিনা মালেম অসিদা লৈরিবা কাংলুপ খুদিংমক্তা হকশেল অমসুং শেল-থুমগী অৱাবা অদু পীরে অমসুং  ৱেস্ত ৱাতর সেক্তর য়াওনা সমাজ অসিগী সেক্তর খুদিংমক্তা শোকহল্লে৷ ৱেস্তশিং অসি চেকশিন্না শিজিন্নদবা অমসুং মাংহন্দবা অসিনা ইশিংদা চংলকপা ঙম্বা, গ্রাউন্দৱাতর অমসুং থক্নবা ইশিং শেংহন্দবা  অসিনা মরম ওইরগা বাইওমেদিকেল ৱেস্তকী কাংলুপ খুদিংমক্কী মনুংদা, মীওইবগী হকচাং অমসুং অকোইবদা লিক্ব্যুদ ৱেস্তনা যাম্না শাথীনা অকাইবা পী৷

ৱেস্ত অসি থেংন্নবগীদমক ইন্সতিত্যুসনশিং খুদম ওইনা ত্রিবান্দ্রমদা লৈরিবা শ্রী চিত্র তিরুনেল ইন্সতিত্যুত ফোর মেদিকেল সাইন্সেস অমসুং তেক্নোলোজীনা হোস্পিতালশিংগীদমক মমাংগী থা ৪-৫ অসিদা শাখিবা ভাইরস ন্যুত্রেলাইজিং ইন্নর লাইনিং য়াওবা গার্বেজ বিনশিংগী ইন্নোভেসনশিং অদু  দি.এস.তি.গী সেক্রেতরী প্রোফেসর অশুতোশ শর্মনা পুথোকখ্রে৷ মখোয় অদু হৌজিক্তি কম্মরসিয়েল ওইনা পুথোক্লে৷

প্রোফেসর শর্মনা সেক্তরশিংগা ইশিংগা লৈনরিবা মরী অদু শন্দোক্না তাকখ্রে৷ “ইশিং ৭৫% দি লৌউ-শিংউবদা শিজিন্নখ্রে অমসুং মরু ওইনা কোবিদ-১৯গী মতম অসিদা ইশিং অমসুং হকশেলগী মরক্তা শম্নহল্লিবা লংদাই অমসু লৈ৷মালেম অসিদগী কোবিদ-১৯ অসি ফখ্রবা মতুং ফাওবদা ইশিংগী খুদোংচাদবদি লেংদনা অদুম লৈরগনি৷ ইশিং শিজিন্নবা অমসুং কা হেন্না শিজিন্নবা অসিদগী ঙাকথোক্ননবগীদমক সাইন্স অমসুং তেক্নোলোজীনা লিমিতিং ফেক্তর ওইদে৷ ইশিং লান্না শিজিন্নবা অসিদগী ঙাকথোক্নবা তঙাই ফদবা মীৎয়েং দরকার ওইরিবা সমাজ অসিদা লৈরিবা শেল-থুমগী ফিভম , মীযামগী শাজৎ অমসুং এৱেয়রনেসকুম্বা ফেক্তর কয়ামরোম লৈ,” হায়না মহাক্না পুথোকখি৷

“পাক চাওরবা স্তেকহোল্দর কন্সল্তেসন অসিগা লোইননা লাক্লিবা ২০২০গী সাইন্স, তেক্নোলোজী অমসুং ইন্নোভেসন পোলিসী অসিনা ইশিংগা মরী লৈনবা তোঙান তোঙানবা ইসুশিং পুথোক্লগনি,” হায়না প্রোফেসর শর্মনা ফোংদোকখ্রে৷

সিৱেজ জেনেরেসন, সিৱেজ ত্রিতমেন্ত তৌবা অমসুং হৌজিক লৈরিবা সিৱেজ ত্রিতমেন্ত ইনফ্রাস্ত্রকচর অসিদা  চৎনবা য়াবা দাতা ৱাৎপা অদু ৱঙাংলোইশিং অদুনা পনখ্রে৷

ৱেবিনারগী থৌরম অদুদা এক্সপর্তশিং খুদম ওইনা ইন্দিয়া ৱাতর ফাউন্দেসনগী প্রসিদেন্ত দা. আর্বিন্দ কুমার, হেদ ওফ কন্ত্রী ওফিস য়ু.এন.ই.পি. ইন্দিয়াগী শ্রী অতুল বগাই, দিপুতী ৱ্ল্দ হেল্দ ওর্গনাইজেসনগী ভারততা মীহুৎ ওইরিবা শ্রমতি পেদেন, য়ু.এন.ই.পি.গী দিজাস্তর রিক্স রিদক্সনগী চীফ দা.মুরালী থুম্মরুকুদী, রিজনেল কোওর্দিনেসন ফোর রিসোর্স ইফিসিয়েন্সী(য়ু.এন.ই.পি.) দা. মুশতাক অহমেদ মেমোন, সেন্ত্রেল  পোলুসন কন্ত্রোল বোর্দকী চিয়রমেন শ্রী শিব দাস মীনা, আই.সি.এম.আর.-এন.আই.আর.ই.ঐচ.(নেস্নেল ইন্সতিত্যুত ফোর রিসর্স ইন এনভাইরেনমেন্ত হেল্থ)গী দাইরেক্তর দা. রাজনারয়ন আর.তিৱারি, (ৱেস্ত তু ৱেল্থ)গী ভাইস প্রসিদেন্ত শ্রী স্বাপান মেহর শরুক য়াখি৷ পোলিসী শেম্লিবাশিং, চৎথরিবাশিং অমসুং তেক্নিংকেল এক্সপর্তশিং, য়ু.এন. অমসুং ইন্তনেস্নেল এজেন্সীশিং, মেনেজমেন্তদা য়াওরিবা পার্তনরশিং শেমগংপদা, বাইওমেদিকেল ৱেস্ত, সিৱেজ, ফাইনান্স অসমুং সর্কুলর ইকোনোমীদা, এন.ই.পি.দি.দগী লাক্লিবা শরুক য়ারিবা মীহুৎশিংগা সিভিল সোসাইতী ওর্গনাইজেসনশিংগা খন্না নৈনবা, ইন্দিয়া ৱাতর ফাউন্দেসন অমসুং অতোপ্পা ওর্গনাইজেসনশিংনা তেক্নিকেল সেসন অদুদা শরুক য়াখি৷

*****