(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌখিবা পুং ২৪দা তেস্ত ১০,৭৫,৭৬০ তৌবগা লোয়ননা অপুনবা তেস্ত মশিং করোর ১০.৬৫ লান্থোক্লে
• অপুনবা পোজিতিভিতী রেত অসুম অসুম হন্থরক্লি অমদি ঙসিদি চাদা ৭.৫৪দা লৈরে‍
• হৌখিবা পুং ২৪সিদা ৫৬,৪৮০ ফগৎলক্তুনা ময়ুমদা হলহনখ্রে অদুগা নৌনা নারে খঙলবা মশিংনা ৪৯,৮৮১ ওইরি
• ঙসি এক্তিব কেস ৬,০৩,৬৮৭দা লৈখি
• এম.ই.আই.তি.ৱাই. না আরোগ্যা সেতু এপকা মরী লৈননা সেন্ত্রেল ইনফোর্মেসন কম্মিসননা আর.তি.আই.দা থাখিবা ৱাহংগী থোকখিবা ওর্দরস্তা শেংদোকখ্রে
   

#Unite2FightCorona

#IndiaFightsCorona

ভারত্তা তেস্তিং শরুক কয়া হেনগৎলক্লি, হৌখিবা নুমিৎ ৯সিদা তেস্ত করোর ১ তৌখ্রে

ভারতনা জনুৱারী ২০২০দগী হৌরগা হৌজিক ফাওবদা কোবিদ-১৯ তেস্ত তৌনবগী মচাক মথুমশিং লেপ্পা নাইদনা হেনগৎহন্দুনা তেস্ত মশীং শরুক কয়া হেনগৎলক্লি‍। লৈবাকসিগী তেস্তিং কেপাসিতী শরুক কয়া হেনগৎহনখ্রে‍। হৌজিক্তি নোংমদা তেস্ত লাখ ১৫গী চাংদা তৌবা য়ারে‍। হৌখিবা পুং ২৪দা তেস্ত ১০,৭৫,৭৬০ তৌদুনা অপুনবা তেস্ত মশিং করোর ১০.৬৫ (১০,৬৫,৬৩,৪৪০) লান্থোক্লে‍। হৌখিবা চয়োল তরুকসিদা তেস্ত লাখ ১১গী ময়াদা নুংতিগী তৌরি‍।  অপুনবা পোজিতিভিতী রেত অসুম অসুম হন্থরক্লি অমদি ঙসিদি চাদা ৭.৫৪দা লৈরে‍।  হৌজিক নারিবা মীশিং ঙসি ৬,০৩,৬৮৭ ওইরে‍। মসি লৈবাকসিগী অপুনবা অনাবা মশিংগী চাদা ৭.৫১ খক্তনি‍। নারিবা মীশিং হন্থরকপগী মওং অসিদা ফগৎলকপা মশিং হেনগৎলকপনসু মতেং পাংশিল্লি‍। অপুনবা ফখ্রবা মীশিং লাখ ৭৩ (৭৩,১৫,৯৮৯) লানখ্রে‍। ফখ্রবা মীশিংগা নারিবা মীশিংগা অনিগী মরক্তা লৈবা খেন্নবা লাখ ৬৭ (৬৭,১২,৩০২) লানখ্রে‍। হৌখিবা পুং ২৪সিদা ৫৬,৪৮০ ফগৎলক্তুনা ময়ুমদা হলহনখ্রে অদুগা নৌনা নারে খঙলবা মশিংনা ৪৯,৮৮১ ওইরি‍। নৌনা ফগৎলকখিবা মীশিংগী চাদা ৭৯দি স্তেত/য়ু.তি. ১০দা নৈশিন্দুনা লৈবা থেংনৈ‍। হৌখিবা পুং ২৪সিদা ৫১৭ লৈখিদবগী পাউ লাকই‍। মসিগী মনুংদা চাদা ৮১গী ময়াদি স্তেত/য়ু.তি. তরাদা নৈশিন্দুনা লৈবা থেংনৈ‍।

অকুপ্পা ৱারোলগীদমক:

দা.হর্শ বর্ধন্না তামিল নাদুদা কোবিদ-১৯গী শেম শারিবা অমসুং কোবিদকা চুনবা চৎন-লোনচৎ ঙাক্না চৎনবগী লৌখৎলিবা খোঙথাংশিং য়েংশিনখ্রে

হকশেল অমসুং য়াইফ-য়ুম্বাল মন্ত্রালয়গী কেন্দ্রগী মন্ত্রী দা. হর্শ বর্ধন্না ঙরাং তামিল নাদুগী হেল্থ অমসুং মেদিকেল এজুকেসন মন্ত্রী দা. সি. বিজেয়াবাস্কর অমসুং রাজ্য সরকার অসিগী অতোপ্পা মকোক থোংবা ওফিসিএলশিংগা লোয়ননা কোবিদ-১৯গী শেম শারিবা অমসুং কোবিদকা চুনবা চৎন-লোচৎকী লৌখৎলিবা খোঙথাংশিং য়েংশিন্নবা ঙসি ভিদিও কনফরেন্সকী থোংদা মীফম অমা পাংথোকখ্রে। প্রধান মন্ত্রীনা কোবিদকী মায়োক্তা জন-অন্দোলন অমা হৌনবা অপাম্বা ফোঙদোকখিবা অদু নৌহৌনা নীংশিংদুনা দা. বর্ধন্না হায়খি, “রাজ্য অসিনা প্রজাশিংগী মরক্তা মাস্কশিং/মাইখুমশিং শীজিন্নবা, ফিজিকেল দিস্তেন্সিং থম্বা অমসুং চাং নায়না খুৎশা হাম্বগী তঙাই ফদবা অমসুং কান্নবশিংগী মতাংদা এৱের্নেস পীবা হেনগৎপা মথৌ তাই।”  “লাক্কদৌরিবা হরাও কুম্মৈগী শাংলবা পন্থা অসিনা হৌজিক কোবিদ-১৯গী মায়োক্তা ফগৎলক্লিবা অসিদা চাউনা শীংনরকপা য়াই। লাক্কদৌরিবা থা অহুম অসি ঐখোয় পুম্বনা চেকশিনগদবনি। অচম্বা কোবিদকা চুনবা চৎন-লোনচৎ ঙাক্না চৎপনা কোরোনা শন্দোকপা হন্থহনবদা কান্নগনি। মাস্ক/মাইখুম শীজিন্ননবা, ফিজিকেল দিস্তেন্স থম্নবা অমসুং খুৎশা তোয়না হাম্নবা প্রধান মন্ত্রীগী পাউজেল অসি প্রজা পুম্নমক্তা য়ৌহনগদবনি”, হায়না মহাক্না ফোঙদোকখি। তামিল নাদুগী কোবিদকী পেরামিতরগা লৈবাক অসিগী পেরামিতরগা চাংদম্নরদুনা দা. হর্শ বর্ধন্না হায়খি, “তামিল নাদুগী নাবা ফগৎলকপগী চাং অসি ৯৪.৬% ওইদুনা লৈবাক অসিগী নাবা ফগৎলকপগী চাংদগী হেল্লি। কেস ফেতেলিতী রেৎ অসি ১.৫৪% ওইদুনা লৈবাক্কী লৈরিবা চাংচৎ অসিগা চপ মান্নরি।”

অকুপ্পা ৱারোলগীদমক:

কেন্দ্রগী হকশেলগী সেক্রেতরীনা ৱেস্ত বেঙ্গল, দিল্লী অমসুং কেরেলাদা কোবিদ-১৯গী ফীভম অমসুং পব্লিক হেল্থ রেস্পোন্সকী লৌখৎলিবা খোঙথাংশিং য়েংশিনখ্রে

ৱেস্ত বেঙ্গল, কেরেলা অমসুং দিল্লী রাজ্যশিং/য়ু.তি. অসিদা কোবিদকী ওইরিবা ফীভম অমসুং মখোয়না পব্লিক হেল্থ রেস্পোন্সকী লৌখৎলিবা খোঙথাংশিং ঙসি মীফম অমা পাঙথোক্তুনা কেন্দ্রগী হকশেলগী সেক্রেতরী শ্রী রাজেশ ভুশন্না ভিদিও কনফরেন্সিংগী খুত্থাংদা নিতি আয়োগকী মেম্বর (হকশেল) দা. ভি.কে. পোল অমসুং আই.সি.এম.আর.গী দি.জি. দা. বলরাম ভর্গবা য়াওনা য়েংশিনখ্রে, রাজ্যশিং/য়ু.তি.গী হকশেলগী সেক্রেতরীশিং, এন.ঐচ.এম. এম.দি., দি.জি.ঐচ.এস. অমসুং অতোপ্পা মকোক থোংবা হকশেলগী ওফিসিএলশিংনা ভর্চ্যুএল ওইনা শরুক য়াখি। মীফম অসিদা রাজ্যশিং/য়ু.তি.শিংদা কেসশিং ৱাংখৎলকপগী মতাংদা নুংনাংবা ফোঙদোকখি। রাজ্যশিং/য়ু.তি.শিংদা সোসিএল দিস্তেন্সিং ঙাক্না থম্বা, সেনিতাইজেসন তৌবা, মাস্কশিং উপ্পা অসিগুম্বা চেকশিন থৌরাংগী পাম্বৈশিং অসি লৌখৎনবা খংহনখ্রে।

অকুপ্পা ৱারোলগীদমক:

শ্রী ধর্মেন্দ্র প্রধান্না মাগী মল্তী-পাথৱে ইনর্জী ত্রাঞ্জিসন অসিদা মালেমসিগী থাও অমসুং গ্যাস অমদি অচৌবা ইনর্জী কম্পনীশিং ভারতকা শরুক য়ামিন্ননবা হায়খ্রে

পেত্রোলিয়ম অমসুং নেচরেল গ্যাস অমদি স্তীলগী কেন্দ্র মন্ত্রী শ্রী ধর্মেন্দ্র প্রধান্না মালেমসিগী ইন্দস্ত্রী অমসুং অখং-অহৈশিংদা ভারতকী ইনর্জী পুথোকপগী মখল খুদিংমক হেন্না হেনগৎহন্দুনা ভারতকী অপুনবগী শেল-থুমগী ফীভম অসি মরাং কাইনা লৈহন্নবা তৌবদা শরুক য়ামিন্ননবা হায়খ্রে। হৌখিবা নুমিদাংৱাইরমদা ইন্দিয়া ইনর্জী ফোরমগী সেরাৱীক্কী সেসন লোইশিনবগী থৌরমদা ৱা ঙাংলদুনা মহাক্না ইকাই খুম্নরবা প্রধান মন্ত্রীনা ইন্দিয়া ইনর্জী ফোরম অসি শঙ্গাবিখিবা অসি কোবিদ-১৯গী লায়চৎনা শাথিবা মওংদা শোকহল্লবা মালেমগী ইনর্জী সেক্তর অসিগী ইনর্জী সেক্যুরিতী, আর্কিতেকচর অসি ফগৎহন্নবা অমদি ইনর্জী লেন্দস্কেপ অসি ত্রান্সফোর্ম তৌনবশিং অসিগা শাগোন্নরিবশিং অসিগী মরুওইবশিং অসিদা ভারত সরকারনা খনবিরি হায়না মহাক্না ফোংদোকখি। প্রধান মন্ত্রীগী ৱারেপ লৌবা ঙম্বা অমদি মিৎয়েং শানবা মওংদা লিচিংখাদা কোবিদ থোক্লিবা মতমদা অমদি তুংদা ঐখোয়না ইনর্জী সেক্তরদা ভারতকী শেন্মিৎলোন অসি হেনগৎহন্নবা মরি লৈনবা থবকশিং অমদি মথৌ তাবা থবকশিং পুম্নমক পায়খৎনবা হোৎনরি হায়না মন্ত্রীনা ফোংদোকখি। মালেম অসি হান্না অমুক্তা থোকখিদ্রিবা হকশেলগী অৱাবশিং অমদি কোবিদ লায়চৎ অসিনা মালেমদা শেন্মিৎলোন ফগৎহনবদা অপনবা পীরি হায়না মহাক্না ফোংদোকখি।

অকুপ্পা ৱারোলগীদমক:

এম.ই.আই.তি.ৱাই. না আরোগ্যা সেতু এপকা মরী লৈননা সেন্ত্রেল ইনফোর্মেসন কম্মিসননা আর.তি.আই.দা থাখিবা ৱাহংগী থোকখিবা ওর্দরস্তা শেংদোকখ্রে

সেন্ত্রেল ইনফোর্মেসন কম্মিসননা আরোগ্যা সেতু এপকা মরী লৈননা আর.তি.আই.দা থাখিবা ৱাহংগী থোকখিবা ওর্দরস্তা মেদিয়া রিপোর্তকী পুক্নিং চিংশিনখ্রে। মথক্কী অসিগী মতুং ইন্না আরোগ্যা সেতু এপকা মরী লৈননা চিংনবা অমত্তা লৈতে হায়না শেংদোক্লি অমসুং ইন্দিয়াদা কোবিদ-১৯ লায়চৎ অসিদা মতেং পাংবদা লৌখিবা শক্লোন অসিসু শেংদোকখি। ২০২০গী এপ্রিল ২দা প্রেত রিলিজ অমসুং সোসিএল মেদিয়া পোস্ততা লাওথোকখিবা অমদা, আরোগ্যাসেতু এপ অসি ভারত সরকারনা হৌদোকপনি হায়রিবা অসি পব্লিক প্রাইবেৎ পার্তনরশিপ মোদতা ইন্দিয়াদা লৈরিবা প্রজাশিংগা লোয়ননা কোবিদ-১৯ লান্থেংননবা শেমখিবনি। আরোগ্যাসেতু এপ অসি চাওরাক্না নুমিৎ ২১ চংনা শাগৎখিবনি হায়রিবা অসি লাইচৎ অসিগী অথুবা পাউ খংনবা অমসুং লোকদাউন মনুংদা লৈবা অথিংবা কয়া অমা খংহন্নবা অমনি। মসি ইন্দিয়া খক্তা শাবা কন্তেক্ত ত্রেসিং এপ ওইহন্দুনা হায়রিবা অসি ইন্দিয়াগী ইন্দস্ত্রী, একাদামিয়া অমসুং সরকার অসিনা য়াম্না ফরবা অমসুং শোইদবা এপ অসি অহিং নুংথিল খাইদনা শাগৎলি। ২০২০গী এপ্রিলগী ২দগী আরোগ্যাসেতু এপ অসিনা চাং নাইনা প্রেস রিলিজ অমসুং অপদেৎ কয়া অমা তৌদুনা লাক্লি। এপ অসি শাগৎপদা য়াওরিবা পুম্বা অমসুং মসিগী শিল-লাংলিবা পুম্বগী মমিংশিং অসি মেদিয়া অসিদা পাক শন্না শন্দোক্লি। হান্ননা পনখিবা অদুম্না এপ অসি সরকার অমসুং লনাইগী সেক্তরগা পুম্দুনা শেমগৎপনি। অসিগুম্বা মতম কয়াদা মসিনা ময়েং শেংনা পল্লি মদুদি আরোগ্যাসেতু এপ অসি এন.আই.সি.না ইন্দস্ত্রী অমসুং একাদেমিয়াগী ভোলুন্তিয়রশিংগা লোয়ননা শাগৎলকপনি। আরোগ্যাসেতু এপ অসি য়াম্না শেংবা মওংদা শাগৎপনি অমসুং মসিগী মরীক চুম্বা অমসুং চে-চাংশিং অসি প্রাইবেসি পোলিসি য়াওনা অমসুং আরোগ্যাসেতু দেতা এসেস অমসুং ২০২০গী মেগী ১১দা ইশু তৌখিবা নোলেজ শিয়ারিং প্রোতোকোল অসি আরোগ্যাসেতু পোর্তেল - aarogyasetu.gov.in দা লোয়না থাগৎখি। পোর্তেল অসিদা এপ অসিগী মরীক চুম্বা য়াওরি লোয়ননা মতৌ করম্না এপ অসিবু শিজিন্নগদবা, কোবিদকী অপদেৎ অমসুং করিগীদমক আরোগ্যাসেতু শিজিন্নগদৌরিবনো হায়বা অসি য়াওরি। আরোগ্যাসেতু এপ অসিগী চাং নাইবা অপদেৎশিং অসি সোসিএল মেদিয়া অমসুং সরকারগী পোর্তেলশিংদা পীরি। তি.ভি. শো কয়া অমা অমসুং মেদিয়া কয়াদা এপ অসিগী শেমগৎলকপা অমসুং মসিনা মতৌ করম্না কোবিদ ১৯ থেংনবা অসিগী মরীক চুম্বা য়াওবা পীরি। এপ অসি মীওই করোর ১৬.২৩ হেন্বনা দাউনলোদ তৌখ্রে অমসুং ফ্রন্তলাইন্দা থবক তৌরিবা মীওই কয়াদা কোবিদ-১৯ অসি থেংনবদা মতেং ওইরি। মসিনা কোবিদ পোজিতিব শিজিন্নবশিংদা মিৎ না শিংদুনা লৈহল্লি। মসিগী ব্লুতুথ শিজিন্নবশিং অসি চেকশিন্নবা পাউতাক পীরি। আরোগ্যাসেতু অসি প্রমান লৈরে মদুদি ইন্দিয়ানা কোবিদ-১৯ লান্থেংনবদা য়াম্না কান্নৈ হায়না। হন্দক্তা দবল্যু.ঐচ.ও.না আরোগ্যাসেতুনা ইন্দিয়াদা লাইচৎ অসিদা লৌরিবা থৌদাং অসিদা থাগৎপা ফোংদোরক্লি।

অকুপ্পা ৱারোলগীদমক:

মিনিস্তরশিংগী য়ু.কে.-ইন্দিয়া ইকোনোমিক অমসুং ফাইনান্সিয়েল দাইলোগকী ১০শুবা রাউন্দদা শেল-থুমগী মন্ত্রী শ্রীমতি নির্মলা সিথারমননা ভারতকী দিলিগেসন অদু লমজিংখ্রে

মিনিস্তরশিংগী য়ু.কে.-ইন্দিয়া ইকোনোমিক অমসুং ফাইনান্সিয়েল দাইলোগ(ই.এফ.দি.)কী ১০শুবা রাউন্দদা ফাইনান্স অমসুং কোর্পোরেত এফিয়র্সকী কেন্দ্রগী মন্ত্রী শ্রীমতি নির্মলা সিথারমননা ঙসি মফম অসিদা পাংথোকখিবা ভারতকী দিলিগেসন অদু ভর্চুয়েল্লী ওইনা ভিদিও কনফরেন্সিংগী খুৎথাংদা লমজিংখ্রে৷ ভারত অমসুং য়ুনাইতেদ কিঙ্গদমনা তোঙান তোঙানবা হিরমদা অচেৎপা বাইলেতরেল রিলেসনশিং থমখ্রে৷ ভারত অমসুং য়ু.কে.গী অপুনবা জি.দি.পি. অসি ত্রিলিয়ন $ ৫ হেন্দুনা মালেমগী খ্বাইদগী ইকোনোমিস য়াম্বা তরেৎকী মনুংদা অনি ওইবা অসিনা ভারত-য়ু.কে. ইকোনোমিক্কী মরী অদু য়াম্না মরু ওই৷ লৈবাক অনি অসিদা বাইলেতরেল ইনভেস্তমেন্ত তৌদুনা থবক মিলিয়ন তংখায় অমা হেন্না থবক পীদুনা ২০০৭দা লৈরম্বা ইহান হানবা ই.এফ.দি. অদুদগী ভারত-য়ু.কে. ত্রেদ অসি শরুক অনি হেন্না হেঙ্গৎখ্রে৷

অকুপ্পা ৱারোলগীদমক:

জর্মনীদা পাংথোক্কদৌরিবা সার লোর লক্স ওপন অসিদা বেদমিন্তন শান্নরোই লকশ্যা সেন মহাক্কী কোচ পোজিতিব ওইবদগী লৌথোকখ্রে

জর্মনীদা হন্দক্কী চয়োল অসিদা পাংথোক্কদৌরিবা সর লোর লক্স ওপন অসিদা শরুক য়াগনি হায়না তৌরম্বা ভারতকী নুপা বেদমিন্তন শান্নরোই লকশ্যা সেন মহাক্কী কোচ দি.কে. সেন কোবিদ-১৯ পোজিতিব ওইবদগী থৌরম অদুদগী লৌথোকখ্রে৷ তোর্নমেন্ত অসিগীদমক ওক্তোবরগী তাং ২৫দা মহাক্কী কোচ, সেন অমসুং ফিজিও সরব্রুকেনদা থুংখ্রে, মহাক অসি মমাংগী চেমপিয়ন অমনি অমসুং কোবিদ-১৯ তেস্ত তৌন্নবগীদমক মহাক ফ্রেঙ্কফর্ততা চৎনবা খংহনখ্রে৷ রিপোর্তশিং অদু ওক্তোবরগী তাং ২৭তা ফংখি, মদুদা সেন অমসুং মহাক্কী ফিজিওনা কোবিদ নেগেতিব ওইনা ফংখি অদুবু মহাক্কী কোচতি(এসিম্পতোমেতিক) ওইনা পোজিতিব ওইনা লাকখি৷

অকুপ্পা ৱারোলগীদমক:

মালেমগী অহানবা কোরোনাদা য়ুম্ফম ওইবা সাইন্স তুনগী লাইরিক “বাই বাই কোরোনা” উত্তর প্রদেশকী রাজ্যপাল, মিস অনন্দী বেন্না পুথোকখ্রে

কার্তুনশিং অসি মীওইবশিংগী মশেলদা পাউ ফাওননবগী য়াম্না কান্নবা থৌওং অমনি। মখোয়না ঐখোয়বু নোকহনবতা নত্তনা অরুবা ৱারোল কয়াবু অচম্বা, অকক্নবা অমসুং মনুং হুৎনা খঙহনবসু ঙম্মমি। মীওইবগী ৱাখল অসি পাউ ফাওনবগী অতোপ্পা পাম্বৈশিংগা চাংদম্নবদা মসিগী মওং অসিনা হেন্না লৌশিনবা ঙম্নবা মহৌশানা শেম্বীরক্লবনি। মালেমগী খ্বাইদগী অহানবা ‘বাই বাই কোরোনা’ হায়না মিংথোনবা, লখনৌগী সি.এস.আই.আর.-সেন্ত্রেল দ্রগ রিসর্চ ইন্সতিত্যুৎ (সি.দি.আর.আই.)কী হান্নগী প্রিন্সিপাল সাইন্তিস্ত ওইরম্বা ‘সাইন্তুনিস্ত’ দাঃ প্রদীপ শ্রীবাস্তবনা ইবা লাইরিক অসি ঙসি লখনৌগী রাজ ভবন্দা পাঙথোকপা থৌরম অমদা উত্তর প্রদেশকী রাজ্যপাল মিস অনন্দি বেন্না পুথোকখি। লাইরিক অসি ভারত সরকারগী সাইন্স অমসুং তেক্নোলোজী বিভাগ (দি.এস.তি.)কী মখাদা লৈবা ওতোনোমস এজেন্সী, বিগ্যান পারাশারনা ফোঙবনি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           পঞ্জাব: পঞ্জাবকী দাইবেতিক অমসুং হাইপর্তেন্সন লৈবা পেসেন্তশিংগী মরক্তা ঙকথোক্নবগী পাম্বৈশিং শিজিন্ননবা অমসুং মখোয়গী দাইত অমসুং এক্সরসাইজ রুতিনগী মতমগী মতাংদা মখাতানা এৱেয়রনেস শন্দোক্নবা, পঞ্জাবকী হকশেল অমসুং য়াইফ য়ুম্বালগী মন্ত্রীনা অইগুম্বা পেসেন্ত পুম্নমক্তা চিথি ইখি। মহাক্না হায়খি মদুদি এ.এন.এম. অমসুং আশাশিংগী মতেংগা লোইননা নুমিৎ ১৫নিগী মনুংদা দাইবেতিক অমসুং হাইপর্তেন্সন লৈবা পেসেন্তশিংদা শোইহন্দনা য়ৌহন্নবা দিপার্তমেন্ততসু মহাক্না খঙহনখ্রে।

•          হিমাচল প্রদেশ: হিমাচল প্রদেশকী এজুকেশন মন্ত্রীনা ঙরাং জিয়ো তি.ভি.গী ইলিমেন্তরী, হায়র অমসুং ভোকেশনেল চেনেল অহুম হৌদোকখ্রে। কোবিদ-১৯ লাইচৎ অসি য়েংলগা, রাজ্য সরকারনা ৱাতসএপকী খুত্থাংদা প্রি-নর্সরীদগীনা ১২ স্তেন্দার্দ ফাওবগী ‘হর ঘরপাতসালা’ প্রোগ্রাম হৌদোকখ্রে অমসুং হৌজিক ফাওবা নীংথিনা চলাইরিবা দুরদর্শন শিমলাগী খুত্থাংদা ক্লাস ১০ অমসুং ১২কীদমক্তা গ্যানশালা প্রোগ্রাম হৌদোকখ্রে।

•          অরুনাচল প্রদেশ: রাজ্য অসিদা কোবিদ পেসেন্তশিং ফগৎলকপগী চাং অসি চাদা ৮৫দগী হেল্লি। হৌখিবা পুং ২৪ অসিগী মনুংদা পেসেন্ত ১৮৩ ফগৎখ্রে অমসুং হোসপিতালদগী দিসচার্জ তৌখ্রে। রাজ্য অসিদা অনৌবা পোজিতিব কেস ১০৮ থেংনখি।

•          অসাম: অসামদা হৌখিবা পুং ২৪ অসিদা রাজ্য অসিদা তৌখিবা তেস্ত ২৬১৫০গী মনুংদা কোবিদ-১৯গী কেস ৪৪৮ থেংনখি। কোবিদ-১৯গী অপুনবা মশিং অদু ২০৫২৩৭ য়ৌখ্রে।

•          মঘালয়া: রাজ্য অসিদা ঙসি কোরোনাভাইরসতগী মীওই ১৩৪ ফগৎখ্রে। এক্তিব কেসশিংগী অপুনবা মশিং অদু ১৩৬৪ য়ৌখ্রে, মসিগী মনুংদা ৫৪দি ববি.এস.এফ. অমসুং আর্মদ ফোর্সশিংদগী ওইখি।

•          নাগালেন্দ: নাগালেন্দগী কোবিদ কেস ৮৮২৪গী মনুংদা আর্মদ ফোর্সশিংদগী ৩৮৪৩ ওইখি, ত্রেস তৌখিবা কন্তেক্তশিংদগী ২৯০৬, হল্লকখিবশিংদগী ১৬৪২ অমসুং ফ্রন্তলাইন ৱার্করশিংদগী ৪৩৩ ওইখি।

•          মহারাস্ত্র: মহারাস্ত্র সরকারনা রেলৱে ওথোরিতীশিংদা চিথি অমা ইখ্রবা মতুংদগী, মীচম প্রজাশিংনা নন-পীক আৱরশিংগী মনুংদা মুম্বাই লোকেল ত্রেনশিংদা চৎপগী অয়াবা পীখ্রে। মুম্বাইনা য়ুমশকৈশা নুমিত্তা কোবিদকী অনৌবা কেস ১,৩৫৪ থেংনখি অমসুং সিতী অসিদা লৈরিবা এক্তিব কেসশিংগী মশিং অদু ১৯,৩৫৭ য়ৌখ্রে।

•          গুজরাত: গুজারাত্তা অহানবা কোরোনাভাইরস কেস থেংনখিবা অদুদগী থা তরেত হেল্লবা মতুংদা, রাজ্য অসিগী অপুনবা কেসলোদ অদু য়ুমশকৈশা নুমিত্তা লাখ ১.৭ হেনখ্রে। রাজ্য অসিদা কোবিদ-১৯গী অনৌবা কেস ৯৮০ থেংনখি, মসিনা অপুনবা মশিং অদু ১,৭০,৩৩৪ য়ৌহনখ্রে। ভাইরস অসিদা পেসেন্ত তরুক অমুক লৈখিদ্রে, মসিনা শিখিবশিংগী অপুনবা মশিং অদু ৩,৭২৯ য়ৌহনখ্রে।

•          রাজস্থান: রাজস্থান সরকারনা সি.বি.এস.ই. এফিলিয়েত তৌবা লনাইগী স্কুলশিংদা ক্লাস ৯দগীনা ১২ ফাওবগীদমক্তা তুইশন ফীশিং অদু চাদা ৩০ ককথনবা খঙহল্লকখ্রে , অদুগা স্তেত বোর্দতা এফিলিয়েত তৌবা স্কুলশিংনা চপ মান্নবা ক্লাসশিং অসিগীদমক্তা মখোয়গী ফীশিং অদু চাদা ৪০ ককথগদবনি।  সি.বি.এস.ই. স্কুলশিংনা ক্লাস ৯দগীনা ১২ ফাওবগী স্কুল সীলেবস অদু চাদা ৩০ হন্থখি, মরম অদুনা মখোয়গী তুইশন ফীশিং অদু চাদা ৩০ হন্থগদবনি। মতম অসিমক্তদা রাজস্থান বোর্দনা সীলেবস অদু চাদা ৪০দা হন্থখ্রে, মরম অদুনা মখোয়না ফী অদু চাদা ৪০ হন্থগদবনি, হায়না ওর্দর অদুনা হায়খি।

•          মধ্য প্রদেশ: কোরোনা লাইচৎ অসি য়েংলগা, ইলেক্সন কমিশন্না রাজ্য অসিদা স্তেত লেজিসলেতিব এসেম্বলীগী সীত ২৮গীদমক্তা পাংথোক্লিবা বাই-ইলেক্সনশিংগীদমক্তা পোস্তেল বেলোতকী খুত্থাংদা য়ুমদগী ভোত থাথবগী ফেসিলিতী অসি চহি ৮০ হেল্লবা অহল ওইরবশিং, দিৱ্যাংজন অমসুং কোরোনানা শোকহল্লবা পেসেন্তশিংদা পীখ্রে। য়ুমদগী ভোত থাধবগী ফেসিলিতী অসি নবেম্বরগী ২ ফাওবা ফংখিগনি। এম.পি.দা এক্তিব কোবিদ পেসেন্ত ১০,০৯৪ লৈরি।

•          কেরলা: কেরলাগী কাসরাগোদ জিলাদা তাতা গ্রুপ্না শাবা ফমুং ৫৫১ লৈবা কোবিদ হোসপিতাল অদু মথৌ তৌবা হৌখ্রে। রাজ্য সরকার অসিনা ফেসিলিতী অসিবু মখাতানা দিবেলপ তৌনবা লেপখ্রে অমসুং মথৌ তারিবা হেল্থ কেয়র পার্সোনেলগী মশিং অদু রেক্রুইত তৌরগনি। রাজ্য অসিদা ঙরাং ভাইরস অসিগীদমক্তা তেস্ত তৌবদা মীওই ৮,৭৯০ পোজিতিব ওইখিবগা লোইননা   লৈরিবা এক্তিব কেসশিংগী মশিং অদু ৯৩,২৬৪ য়ৌখ্রে। রাজ্য অসিদা কোবিদনা মরম ওইরগা শিখিবশিংগী মশিং অদু ১৪০০ য়ৌখ্রে।

•          তামিল নাদু: মুখ্য মন্ত্রী, এদাপ্পদি কে. পলানিস্বামিনা ভীদিও কনফরেন্সকী খুত্থাংদা কুম্হৈগী পন্থা অসি য়েংলগা কোবিদ-১৯গী মতাংদা এৱেয়রনেস লৈহন্নবগীদমক্তা ওইবা রাজ্য অসিগী “জন আন্দোলন” কেমপেনগী পন্দুপকী শরুক অমা ওইনা থাদোকখিবা গারি ৩৩ অদুগী মনুংদা তরেত লমথাখ্রে। রাজ্য অসিনা য়ুমশকৈশা নুমিত্তা মদ্রাস হাই কোর্ত্তা খঙহল্লখ্রে মদুদি ইন্ত্র-স্তেত ত্রাভেলরশিংগীদমক্তদি ই-পাস অসি মথৌ তাদে; মসি হিল স্তেশনশিংদা চৎলিবশিং অমসুং রাজ্য অসিদা চংঙক্লিবা ইন্তর্নেস্নেল ত্রাভেলরশিংগীদমক্তাদি তঙাইফদনা চংগনি।

•          কর্নাতকা: প্রাইমরী অমসুং সেএন্দরি এজুকেশন মন্ত্রী, সুরেশ কুমারনা স্কুলশিংদা ওনলাইন ক্লাসশিংগী নোর্মশিং থুগাইবদগী চেকশিন্নবা খঙহনখ্রে। কর্নাতকানা নবেম্বর ১৭তগী  দিগ্রী কোলেজশিং, পি.জি. ইন্সতিত্যুতশিং অমুক হন্না হাংনবা অচেৎপা ৱারেপ লৌখ্রে: হায়র এজুকেশন দিপার্তমেন্তনা রাজ্য অসিদা দিগ্রী কোলেজশিং অমসুং পোস্ত-গ্রেজুৱেত ইন্সতিত্যুশনশিং নবেম্বর ১৭দা অমুক হন্না হাংদোক্নবগীদমক্তা মতম লেপখিবা অদুগী মতুং ইন্না পাংথোক্নবা ৱারেপ লৌখ্রে।

•          অন্ধ্র প্রদেশ: ৱারেপ লৌবগী মতাংদা হন্দোক্নবা, রাজ্য সরকারনা স্তেকোবিদ-১৯গী লৈরিবা ফিভম অসিদা হৌজিক লোকল বোদী ইলেক্সনশিং পাংথোকপদা কান্নগদবা মান্দে হায়না ইলেক্সন কমিশনর (এস.ই.সি.), এন. রামেশ কুমারদা পীশিনখি অদুবু এস.ই.সি.না বাম্না থুনা ইলেক্সনশিং অসি পাংথোক্নবা মহাক্কী অপাম্বা ফোংদোরকখি। অন্ধ্র প্রদেশতা এক্তিব কোবিদ কেসশিং অদু ২৭,০০০গী মখাদা হন্থহনখ্রে; নোংমদা পাংথোকখিবা তেস্ত ৭৭,০২৮কী মনুংদা শগোলশেল নুমিত্তা অনৌবা ইনফেক্সন ২,৯৪৯ থেংনখি; পেসেন্ত ৩,৬০৯ ফগৎখ্রে।

•          তেলঙ্গনা: হৌখিবা পুং ২৪দা অনৌবা কেস ১৫০৪ থেংনখি, ১৪৩৬ ফগৎখি অমসুং ৫ শিখিবগী পাউ লৈখি; কেস ১৫০৪গী মনুংদা জি.ঐচ.এম.সি.দগী কেস ২৮৮ থেংনখি। অপুনবা কেসশিং: ২,৩৫,৬৫৬; এক্তিব কেসশিং: ১৭,৯৭৯; শিখিবশিং: ১৩২৪; দিসচার্জ তৌখিবশিং: ২,১৬,৩৫৩। রসিয়াগী কোবিদ-১৯ ভেক্সিন শ্পুৎনিক V অসি ২০২১ অনিশুবা ক্বার্তর অদুৱাইদা খক্তদমক ভারত্তা শিজিন্নবগীদমক্তা ফংঙবা য়াই। দা. রেদ্দীস লেবোরেতরীজকী সি.ই.ও. ইরেজ ইজরেলিনা হায়খি মদুদি ফেস IIIগী স্তদী অদু ঙল্লবদা মার্চ অরোইবদা লোইবা য়াই অমসুং লোইবদা ২০২১গী এপ্রিল নত্রগা মে নত্রগা হেন্না চংবা য়াই।

ফেক্ত চেক

*****