জর্মনীদা হন্দক্কী চয়োল অসিদা পাংথোক্কদৌরিবা  সর লোর লক্স ওপন অসিদা শরুক য়াগনি হায়না তৌরম্বা ভারতকী নুপা বেদমিন্তন শান্নরোই লকশ্যা সেন মহাক্কী কোচ দি.কে. সেন কোবিদ-১৯ পোজিতিব ওইবদগী থৌরম অদুদগী লৌথোকখ্রে৷ তোর্নমেন্ত অসিগীদমক ওক্তোবরগী তাং ২৫দা মহাক্কী কোচ, সেন অমসুং ফিজিও সরব্রুকেনদা থুংখ্রে,  মহাক অসি মমাংগী চেমপিয়ন অমনি অমসুং কোবিদ-১৯ তেস্ত তৌন্নবগীদমক মহাক ফ্রেঙ্কফর্ততা চৎনবা খংহনখ্রে৷ রিপোর্তশিং অদু ওক্তোবরগী তাং ২৭তা ফংখি, মদুদা সেন অমসুং মহাক্কী ফিজিওনা কোবিদ নেগেতিব ওইনা ফংখি অদুবু মহাক্কী কোচতি(এসিম্পতোমেতিক) ওইনা পোজিতিব ওইনা লাকখি৷

অদুনা তোর্নমেন্ত অদুদা অয়েৎপা পীদনবা অমসুং অতোপ্পা শান্নরোইশিংবু খুদোংথিহন্দনবা, থৌরম অসিদগী সেনবু লৌথোকখিবনি৷

সেন অমসুং মহাক্কী কোচ ভারততা করম্বা মতমদা হল্লকপা য়াগদগে হায়বদু খঙদোক্ননবগীদমক অতোপ্পা কোবিদ তেস্ত তৌনবা হায়খ্রে৷

তোর্নমেন্ত অসিদা সেননা শরুক য়ারিবা, দেনমার্ক ওপন অমসুং পিতর গ্রেদ একাদেমীদা পাংথোকখিবা নুমিৎ ১৫নিগী ত্রেনিং অদু তোপ্সনা শেল থাদৈ৷

*****