প্রধানমন্ত্রীগী লোইশঙ
প্রধান মন্ত্রীনা ওক্তোবর ৩১দা গুজরাতকী কেৱদিয়াগী এক্তা দিৱস পাল্লন থৌরমদা শরুক য়াগনি
এক্তা ৱাশক শক্কনি অমসুং এক্তা দিৱস পরেদতা শরু য়াগনি
শ্রী নরেন্দ্র মোদীনা ইন্তিগ্রেতেদ ফাউন্দেসন কোর্সকী অনিশুবা ইদিসন “আরম্ভ”দা ইন্দিয়ন সিবিল সর্ভিসেসকী ওফিসর ত্রেনীশিংগা লোয়ননা ৱারী শাগনি
ওক্তোবর ৩০ অমসুং ৩১দা কেৱদিয়াগী ইন্তিগ্রেতেদ দিবেলপমেন্তগী মখাদা লৈবা তোঙান তোঙানবা প্রোজেক্তশিং শঙ্গাগনি
Posted On:
28 OCT 2020 5:48PM by PIB Imphal
ওক্তোবর ৩১, ২০২০দা সদর পতেলগী ১৪৫শুবা মপোক কুমওন অসি নীংশিংবা ওইনা রাস্ত্রিয় এক্তা দিৱস হায়না পাঙথোক্নবা প্রধান মন্ত্রী শ্রী নরেন্দ্র মোদীনা স্তেচু ওফ য়ুনিতীদা লুচিংবা অসিদা ইকাই খুম্নবা উৎনবা গুজরাতকী কেৱদিয়াদা চৎকনি। প্রধান মন্ত্রীনা এক্তা দিৱস পরেদতা শরুক য়াগনি অমসুং রাস্ত্রিয় এক্তাগী ৱাশক লৌগনি।
পরেদ অসিদা গুজরাতকী পুলিস ফোর্সশিং অমসুং সেন্ত্রেল আর্ম ফোর্স, বোর্দর সেক্যুরিতী ফোর্স, ইন্দো-তিবেতেন বোর্দর পুলিস, সেন্ত্রেল ইন্দস্ত্রীএল সেক্যূরিতী ফোর্সশিং অমসুং নেস্নেল সেক্যুরিতী গার্দশিংনা শরুক য়াগনি। সি.আর.পি.এফ.গী নুপী ওফিসরশিংগী রাইফল দ্রিল অমা প্রধান মন্ত্রীনা মীৎয়েং তাগনি। এক্তা দিৱস পাল্লন তৌবগী শরুক ওইনা ত্রাইবেল হেরিতেজকী নাৎকী ওইবা শো অমা কেৱদিয়াদা পাঙথোক্কনি। থৌরম অসিদা ইকাই খুম্নবা উৎতুনা ইন্দিয়ন এয়র ফোর্সনা ফাইল-পাস্ত পাঙথোক্কনি।
মতুংদা প্রধান মন্ত্রীনা আরম্ভ ২০২০ লোইশিনবা ওইনা লাল বহাদুর শাস্ত্রি নেস্নেল একাদেমী ওফ এদমিনিস্ত্রেসন, মুসোরীদা ৯৫শুবা ফাউন্দেসন কোর্স অসিদা হৌজিক-হৌজিক য়াওরিবা তোঙান তোঙানবা সিবিল সর্ভিসশিংগী ওফিসর ত্রেনী ৪২৮গা লোয়ননা ভিদিও কনফরেন্সকী খুত্থাংদা ৱারী শাগনি অমসুং মখোয়দা ৱা ঙাংগনি।
আরম্ভ ২০২০গী থিম অসি “গভর্নান্স ইন ইন্দিয়া @ ১০০” ওইবগা লোয়ননা সবথিম অহুম য়াওরি-
- এক ভারত – শ্রেস্থ ভারত: ভারত্তা কলচরেল দাইবর্সিতী অমসুং সীনর্জী পুরক্নবা ঈথিল পীবা; ইকনোমিক দাইবর্সিতী অমসুং অমত্তা ওইবগী পাঙ্গল পীবা।
- আত্মা নির্ভর ভারত: ইনর্জীদা, হকশেলদা অমসুং খঙহৌদনা থোরকপা থৌদোকশিং লাকশিনবা ঙম্নবা অচৌবা সিস্তেম শেমগৎপদা।
- বভীন ভারত: এজুকেসন, ইন্দস্ত্রী অমসুং এদমিনিস্ত্রেসন্দা রিসর্চ অমসুং ইনোবেসন।
ওক্তোবর ১৪, ২০২০দগী হৌনা কুপ্না খন্ন-নৈনবা পাঙথোকখি মসিদা জাতিগী থাক্কী অমসুং এন্তরজাতিগী থাক্কী এক্সপর্তশিংনা মখোয়গী ৱাখল্লোনশিং অমসুং খঙহৈবশিং ফোঙদোকখি।ওফিসর ত্রেনীশিংগা প্রধান মন্ত্রীগা ৱারী শাবা হৌদ্রিঙৈ মমাংদা ৱর্ল্দ বেঙ্ককী এম.দি. মিস্তর এলেক্স ভান ত্রোৎসেনবর্কনা মখোয়দা ৱা ঙাংগনি। ইকাই খুম্নরবা প্রধান মন্ত্রীদা ওফিসর ত্রেনীশিংনা মখোয়না আরম্ভ ২০২০দগী খঙহৌবা হৈহৌবা অদু পাউদমগনি। প্রোগ্রাম অসিদা এল.ই.এস.এন.এ.এ.গী পব্লিকেসন অমা ওইরিবা – ‘এদমিনিস্ত্রেতর’গী অখন্নবা ভোল্যুম অমা ফোঙগনি।
ওক্তোবর ৩০ অমসুং ৩১দা কেৱদিয়াগী ইন্তিগ্রেতেদ দিবেলপমেন্তগী শরুক অমা ওইনা তোঙান তোঙানবা প্রোজেক্তশিং প্রধান মন্ত্রীনা শঙ্গাগনি।
মসিদা স্তেচ্যু ওফ য়ুনিতীদা এক্তা ক্রুস সর্ভিস লমথবা, মফম অদুদা এক্তা মোল অমসুং চিলদ্রেন ন্যুত্রিসন পার্ক শঙ্গাবা য়াওরি। শ্রী নরেন্দ্র মোদীনা স্তেচ্যু ওফ য়ুনিতীগী ৱেবসাইৎ য়ু.এন.গী ওফিসিএল লোল পুম্নমক্তা ফংহনগনি অমসুং য়ুনিতী গ্লো গার্দেন্দা কেৱদিয়া এপ হৌদোক্কনি।
প্রধান মন্ত্রীনা কেৱদিয়াগী স্তেচ্যু ওফ য়ুনিতীগা আহেমদবাদকী সবর্মতি তুরেলগী তোর্ববানগা শম্ননবা সীপ্লেন সর্ভিসসু হৌদোকখ্রে।
এক্তা ক্রুস সর্ভিস
এক্তা ক্রুস সর্ভিসকী খুত্থাংদা কনাগুম্বা অমনা শ্রেস্থা ভারত ভবনদগী ফেরী বোৎ সর্ভিস তোংদুনা স্তেচ্যু ওফ য়ুনিতী ফাওবা কি.মি. ৬কী অশাংবা চৎতুনা স্তেচ্যু ওফ য়ুনিতী অকোয়বা য়েংবা ফংগনি। মিন ৪০গী খোঙচৎ অসি অমক্তা মীওই ২০০ হি অমা তোংদুনা পুবা য়াগনি। ফেরী সর্ভিসকীদমক্তা অখন্ননা অনৌবা গোরা ব্রিদজ অসি শাখি। স্তেচ্যু ওফ য়ুনিতী য়েংবা লাকপা লমকোয়বশিংদা হি তোংবগী সর্ভিসশিং ফংহন্নবা বোতিং চেনেল শাখি।
এক্তা মোল
মোল অসিদা ভারত পুম্বদগী হেন্দিক্রাফশিং অমসুং নাৎকী ওইবা পোৎলমশিংগী মখল কয়া ফংহন্দুনা য়ুনিতী ইন দাইবর্সিতীগী খুদম ওইরি অমসুং মসিগী পাক চাউবা অসি সক্বের ফীৎ ৩৫০০০গী মথক্নি। মোল অসিদা এম্পোরিয়া ২০ লৈ অমমমনা ভারতকী অখন্নবা রাজ্য অমা শকতাক্লি অমসুং নুমিৎ ১১০ খক্তদা শাখিবনি।
চিলদ্রেন ন্যুত্রিসন পার্ক
মসি মালেমগী ওইনা খ্বাইদগী অহানবা তেক্নোলোজীদা য়ুম্ফম ওইবা অঙাংশিংগী ন্যুত্রিসন পার্কনি অমসুং মসিগী পাক চাউবা অসি সক্বের ফীৎ ৩৫০০০নি। ‘ফালশকা গ্রিহম’, ‘পয়োনগরি’, ‘অনাপুর্না’, ‘পোশন পুরন’, অমসুং ‘স্বস্থা ভারত্তম’ হায়না মিংথোনবা তোঙান তোঙানবা হিরমদা য়ুম্ফম ওইবা স্তেসনশিংদা ন্যুত্রি ত্রেন অমনা চেল্লি। মসিনা মিরর মেজ, ৫দি ভর্চ্যুএল রিএলিতী থিএতর অমসুং ওগমেন্তেদ রিএলিতী গেমশিংগুম্বা তোঙান তোঙানবা এজুতেনমেন্তকী এক্তিবিতীশিংগী খুত্থাংদা মচি ওইবা চীঞ্জাক চান্নবগী এৱের্নেস পীগনি।
আরম্ভ ২০২০
আরম্ভ অসি সিবিল সর্ভেন্ত অমগী কেরিয়রগী অহৌবদগী হৌমা বিভাগশিং অমসুং সর্ভিসশিংদা লৈরিবা খেৎনবগী ৱাখল্লোন অদু মুত্থৎনবা ৱাখল্লোনগা লোয়ননা ওল ইন্দিয়া সর্ভিস, গ্রুপ-এ সেন্ত্রেল সর্ভিস অমসুং ফোরেন সর্ভিসকী প্রোবেস্নর পুম্নমকপু কম্মন ফাউন্দেসন কোর্স (সি.এফ.সি.) অমগীদমক পুনশিন্নবা থৌরাং অমনি। আরম্ভ অসিনা সিবিল সর্ভেন্তশিংবু বিভাগশিং অমসুং ফিল্দশিংদা অওনবা পুরকপা অমসুং লেপ্তনা থবক তৌবা ঙমহন্নবা পান্দম থম্লি।
“আরম্ভ” অসি ২০১৯দা ৯৪শুবা ফাউন্দেসন কোর্সকী শরুক অমা ওইনা হৌখি মসিদা গুজরাতকী কেৱদিয়াগী স্তেচ্যু ওফ য়ুনিতীদা চয়োল অমা শাংবা প্রোগ্রাম অমদা সর্ভিস ২০দগী ওফিসর ত্রেনী (ও.তি.শিং)না শরুক য়াখি। ইকাই খুম্নরবা প্রধান মন্ত্রীদা প্রজেন্তেসন অমা উৎতুনা মহাক্কা ৱারী শারবা মতুং মহাক্না ওফিসর ত্রেনীশিংদা ৱা ঙাংলগা লোইশিনগনি।
চহি অসিদা আরম্ভ ২০২০গী অনিশুবা ইদিসন অসি এল.বি.এস.এন.এ.এ.দা ২০২০গী ওক্তোবর ১৪দগী হৌদুনা ৩১ ফাওবা পাঙথোক্কনি, মসিদা সর্ভিস তরানিপান্দগী ওফিসর ত্রেনী ৪২৮না অমসুং রোয়েল ভুতান সর্ভিসেসকী অহুমনা শরুক য়ারি। অদুম ওইনমক হৌজিক ওইরিবা লাইচৎ অসিগী ফীভম অসিনা মরম ওইরগা চহি অসিগী আরম্ভ ২০২০ অসি ভর্চ্যুএল ওইনা পাঙথোক্লি লোয়ননা ভারত্তা কলচরেল দাইবর্সিতী অমসুং সীনর্জী পুরক্নবা ঈথিল পীবদা; ইকনোমিক দাইবর্সিতী অমসুং অমত্তা ওইবগী পাঙ্গল পীবদা, ইনর্জীদা, হকশেলদা অমসুং খঙহৌদনা থোরকপা থৌদোকশিং লাকশিনবা ঙম্নবা অচৌবা সিস্তেম শেমগৎপদা, এজুকেসন, ইন্দস্ত্রী অমসুং এদমিনিস্ত্রেসন্দা রিসর্চ অমসুং ইনোবেসন্দা মীৎয়েং থম্লি।
***
(Release ID: 1668488)
Visitor Counter : 144
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam