নেস্নেল স্পোর্তস য়ুনিভরসিতী, মনিপুর অমসুং ত্রিবন্দ্রমদা লৈরিবা স্পোর্তস ওথোরিতী ওফ ইন্দিয়াগী লক্সমিবাই নেস্নবেল কোলেজ ওফ ফিজিকেল এদজুকেসন(এল.এন.সি.পি.ই.)না পুন্না খুৎশম্নদুনা পাংথোকখিবা “ফিজিকেল এদজুকেসন অমসুং স্পোর্তস: লৈরিবা কাংলুপশিং অসি পুনশিন্ননবা পৱার” হায়নী মমিং থোনবা নুমিৎ নিনিগী ইন্তরনেস্নেল ৱেবিনার অদু হৌদোকপগী থৌরম অদুদা স্পোর্তসকী মন্ত্রী শ্রী কিরেন রিজিজুনা থৌরম মপু ওইনা শরুক য়াখ্রে৷ নেস্নেল স্পোর্তস য়ুনিভর্সিতীগী ভাইস-চ্যান্সেলর আর. সি. মিশ্রা( আই.এ.এস. রিতাইয়র্দ) অমসুং ইন্তরনেস্নেল ফেদেরেসন ওফ ফিজিকেল এদজুকেসন, স্লোভেকিয়াগী ভাইস- প্রসিদেন্ত প্রোফেসর ব্রেনিস্লেব এন্তলানা ৱেবিনারগী থৌরম অদুদা শরুক য়াখি৷ পুং অমা হেন্না শাংবা ৱেবিনার অসিদা সমাজ অসিদা ফিজিকেল এদজুকেসনগী কান্নবা মরু ওইবশিংগী মতাংদা অমসুং লৈবাক অসি খক্তা নত্তনা মালেম অসিদা লৈরিবা কাংলুপ খুদিংমক অমতা ওইনা পুনশিনবদা স্পোর্তসনা মতৌ করম্না মতেং পাংবগে হায়বদুগী মতাংদা ৱাঙাংলোইশিং অদুনা ৱা ঙাংখি৷

“ৱেবিনার অসিগী থীম অসি ফিজিকেল এক্তিবিতী খক্তা নত্তনা সমাজ অসিদা য়াম্না মরু ওইবা য়ার্দস্তিক অমা ওই৷ শান্ন-খোৎনবা অসিদা মাই পাক্লবা মতমদা মফম অমা চাওখৎকনি অমসুং কাংলুপ অমা হেন্না হেন্না চাওখৎপা ঙমগনি৷ ভারততা লৈরিবা নুপীশিংদা থৌনা পীরিবা ৱল্দ চেমপিয়নশিপ মেদল নিপানলক লৌবা ঙমখ্রবী অমসুং মমা অমা ওইরবা মতুংদা মেদল মরিরক লৌখ্রবী এম.সি. মেরী কোমবু খুদম ওইরি৷ মমা ওইরবা মতুংদা নখোয় মাই পাকপা য়াই হায়বা অসি মহাক্না নুপীশিংদা পীবা অচৌবা থৌনা লৌশিং অসিনা ওইরি৷ মালেমগী থাক্তসু মশাগী লৈবাক ব্রজিল খক্তা নত্তনা মালেম পুম্নমক অসিবু থৌনা লৌশিং পিরিবা পেলেগুম্বা শান্নরোই কয়ামরোম লৈ৷ কাংলুপ অমা হেন্না এমপৱার তৌবগী অচৌবা খুদম অমা জেসী ওৱেন্সনা ওই৷ স্পোর্তিং এচিভমেন্তশিং অসিনা স্পোর্তকী ৱাংমদা অতোপ্পা থবক থৌরম কয়ামরোম  উৎলি৷”

ভারতনা স্পোর্তকী পৱার হাউস অমা ওইনবা হোৎনবদা ময়াম পুন্না শরুক য়ামিন্নবগী তঙাই ফদবশিং অমসুং ফিৎ ইন্দিয়া অমসুং খেলো ইন্দিয়াগী  থৌদাং অদুগী মতাংদা শ্রী রিজিজুনা ফোংদোকখ্রে, স্পোর্ত অমসুং ফিজিকেল এদজুকেসন অসি চপ মান্নৈ, খেলো ইন্দিয়ানা নাকল অমদা অমসুং ফিৎ ইন্দিয়ানা নাকল অমদা লৈ হায়না ইহৌ অসিদা পি.এম.না ফোংদোকখ্রে৷   ফিৎ ইন্দিয়াগী খুৎথাংদা মীপুম খুদিংমক ফিৎ ওইনা লৈনবা ঐখোয়না এৱেয়র্নেস পাংথোকপা পাম্মী৷ ফিৎ ইন্দিয়ানা ভারত অসি স্পোর্তকী পৱার হাউস অমা ওইহনবা ঙম্গনি৷ ঐখোয়না মীয়াং পুম্নমক পাক শন্না শরুক য়াবা পাম্মী অমসুং ঐখোয়গী ওবজেক্তিবশিং অসি পুনশুন্নখিবা তারবদি ভারতনা মালেমগী খ্বাইদগী মকোক থংনা লৈবদা কনা অমতনা ভারতপু মাইথীবা পীবা ঙম্লোই৷ ভারতকী মীশিং অসি মালেমগী মশিংদা য়াওহন্দুনা ভারততা লৈরিবা মীওইশিং ফিৎ ওইবা হায়বসি মালেম অসিদা লৈরিবা মীওইশিং ফিৎ ওই হায়বনি৷ খেলো ইন্দিয়া অসিদা লৈবাক অসিগী মফম খুদিংদা লৈরিবা মীওইশিংনা  শান্নবা য়াগনি৷”

“ৱেবিনার অসিগী থীম অসি সরকার অসিনা অনৌবা এদজুকেস্নেল পোলিসী লোঞ্চ তৌরকপা অসিগা মরী লৈনৈ৷ পি.ই. অমসুং স্পোর্তসনা কুরিকুলম অসিগী প্রোমিনেন্ত  ওইবা শরুক অমা  ওইখ্রে৷ স্পোর্তসনা কাংলুপশিংগী সস্তেনেবল গ্রোথ লৈহল্লগনি অমসুং মীয়ামশিংবু লাইনাশিংদগী ঙাকথোক্নবা, হেন্না ফিৎ ওইনা অমসুং হকচাং ফনা লৈনবা  হোৎনবদা স্পোর্তসনা লমজিংলগনি৷ স্পোর্ত অসি সস্তেনেবল দিভেলপমেন্ত ইন্দিকেতর অমা ওই অমসুং শান্তি হেন্না ফংহল্লি৷ স্পোর্তনা তীমৱর্ক, ফিৎনেস অমসুং থকশি-খাশি য়োকখৎলি৷ মালেমগী লিদরশিংনা শান্তি অমসুং অপুনবগী শক্তম অসি শাগৎপদা স্পোর্ত শিজিন্নৈ,” হায়না মিশ্রানা ফোংদোকখ্রে৷

“ভারত সরকার অসিনা অফবা ইন্নিসিয়েতিবশিং খুদম ওইনা জুন থাদগী সাই এল.এন.সি.পি.ই. ওনলাইন ক্লাস পাংথোক্তুনা লাক্লি৷ ইন্নিসিয়েতিব অসি মালেম অসিগী একাদেমিক্স ৬০না সপোর্ত তৌখ্রে৷ নেস্নেল স্পোর্ত য়ুনিভর্সিতীনা ভারতকী মীওই ময়াম অমা হেন্না হেন্না ত্রেন তৌরক্কনি হায়না ঐনা খল্লি৷” হায়না প্রোফেসর ব্রেনিস্লাব এন্তলানা ফোংদোকখ্রে৷

******